Рет қаралды 1,211
14-Сұрақ: Пайғамбарың кім?
Жауабы: Ол - Абдуллаұлы Мухаммад, ұлты - араб, руы - Қурайш. Ол ﷺ алпыс үш жыл өмір сүрді. Пайғамбарлықтан алдын қырық жыл, ал пайғамбар болған соң жиырма үш жыл. Қырық жасында Хира үңгірінде оған "Аләқ" сүресінің алғашқы аяттары түсуімен пайғамбар болды, кейін көп кешікпей "Муддәссир" сүресі түсуімен елші болды.
Алла Тағала оны және бүкіл пайғамбарларды Алаға серік қосудан сақтандырып және Оны жалғыздау үшін жіберді. Алла Тағала сөзінде: {Расында әр үмметке: «Аллаға ғана құлшылық қылыңдар және тағуттан аулақ болыңдар» дейтін елші жібердік} (Нахл, 36).
Осылай ол он үш жыл бойы Макка қаласында адамдарды таухидке шақырған. Сонда жүргенде аспанға көтерілді. Оған бес уақыт намаз парыз етілді. Кейін Мәдина қаласына қоныс аударуға бұйырылды.
Пайғамбарымыз ﷺ Мәдина қаласында орнығып болған соң, оған Исламның басқа да заңдары бұйырылды: ораза, зекет, қажылық, азан және т.б. Осыларды орындап ол он жыл өмір сүрді де, кейін ол ﷺ қайтыс болды. Оның дәлелі: {Расында, сен де өлесің, олар да өледі} (Зумәр, 30). Алайда, оның діні қалды! Бұл дінде қандай жақсылық болса, соның барлығына бағыттаған, ал қандай жамандық болса, солардың барлығынан сақтандырған. Ең ұлы жақсылық таухид болса, ал ең ұлы жамандық Аллаға серік қосу болып табылады.
Алла оны бүкіл жындар мен адамдарға жіберіп, оған бағынуды парыз қылды. Алла Тағала сөзінде: {Әй, адамдар! Расында, мен барлықтарың үшін Алланың елшісімін!” - деп айт} (Ағраф, 158).
Алла онымен дінін толықтырды. Алла Тағала сөзінде {Бүгін діндеріңді толықтырдым, нығметімді тәмәмдадым және сендерге Ислам дінімен разы болдым} (Мәида, 3).
15-Сұрақ: "Мухаммад расулюлла" шарттары қандай?
Жауабы: "Мухаммад расулюлла" ның төрт шарты бар, олар:
1 - Айтқанына сену.
2 - Бұйрықтарына бой ұсыну.
3 - Тыйғанынан тыйылу.
4 - Аллаға, пайғамбарымыз ﷺ көрсеткен жолмен ғана құлшылық қылу. Тағы басқа шарттар да айтылған.