🕉 അമ്മേ നാരായണ 🕉 ഭക്തജനങ്ങളെ, അതിപുരാതന കാലത്ത് ആരാധിച്ചുവന്നതും പിൽക്കാലത്ത് നാമാവശേഷവുമായ ചാണോക്കുണ്ട് വഞ്ഞിയിൽ ശ്രീ കൂർമ്പ-മാണിക്യഭഗവതി കാവിലെ ബാലാലയ പ്രതിഷ്ഠയും കളിയാട്ട മഹോത്സവവും തന്ത്രി ശ്രീ പന്നിയോട്ടില്ലത്ത് മാധവൻ നമ്പൂതിരിപ്പാടിന്റെ മുഖ്യകാർമ്മികത്വത്തിൽ 2019 മെയ് 10, 11, 12 വെള്ളി ശനി ഞായർ (കൊല്ലവർഷം 1194 മേടം 26, 27, 28) തീയതികളിൽ നടത്തുവാൻ തീരുമാനിച്ച വിവരം ഏവരെയും ഭക്ത്യാദരപൂർവ്വം അറിയിക്കുന്നു. ശ്രീ കൂർമ്പ ഭഗവതിയും ശ്രീ മാണിക്യഭഗവതിയും ശ്രീ പുതിയഭഗവതിയും ശ്രീ അഗ്നിഘണ്ടാകർണ്ണനും ശ്രീ വസൂരിമാലയും ശ്രീ ദണ്ടൻ ദൈവവും കുടികൊള്ളുന്ന ഈ പുണ്യഭൂമിയിൽ അനുഗ്രഹം നേടുവാൻ എല്ലാ ഭക്തജനങ്ങളെയും സാദരം ക്ഷണിക്കുന്നതോടൊപ്പം എല്ലാവിധ സഹായ സഹകരണങ്ങളും ഉണ്ടാവണമെന്ന് വിനീതമായി അഭ്യർത്ഥിക്കുന്നു.