Рет қаралды 274
內文:
三人逃走赤水溪,五娘失落繡弓鞋,益春回頭甲哥講,趕緊凊船渡過溪。
大公何在……?
大公蹛佇船肚底,這早有人叫過溪,一男二女行相綴,今日船租起加倍。
加倍多少?
一倍兩倍價
較多我嘛予你
陳三落船講船租,大公拍條落溪埔,雙人弓鞋著照顧,毋通弓鞋沐到塗。
三人座船暗歡喜,大公跟前來問伊。
到底拰三人要佗去,因何面色那會這呢青。
陳三被問著青驚,五娘靜靜無做聲,益春進前說乎聽,這位是我的阿姐,這位是我的阿兄,阮去朝州磨寶鏡,順紲赤水探親情,狂-piang-piang、狂-iah-iah,透暝朝州來到遮。
老漢知影陳三一坑掘兩隻,朝州掠過泉州城。
老烏龜、老短命,疑阮東、疑阮西,疑阮討客兄,阮厝門風真四正,你那加講就賣了你的性命。
陳三被押在公堂,想到娘囝心頭酸,崖州充軍路途遠,想我生命無久長,老爺你啊聽我講幾句乎你會知影,廣南恩婿是我的親兄,陳朝令是我的親叔爺,我排來第三囝,有的叫我伯欽陳三舍,有的稱呼我第三的少爺。
你啊毋免現空乎我驚,你阿兄做乞丐,你阿叔蹛佇乞丐營,枉你出世學磨鏡,工夫頇顢賺無食,是你親手摃破人寶鏡,做人奴才甲人掃廳,敢三更半暝偷人小姐,做人查埔囝,有時快樂,有時疼,這擺充軍講你著行。