Рет қаралды 7,469
Lakkofsa Galmee 61
As wr wb. Akkam jirtan qopheessitoota qophii dhaddacha Jaalalaa, iyyannoon kiyya akka asii gadii kana. Aniifi haati manaa tiyya akkuma namni wal jaalatee wal fuudhutti wal jaalannee wal fuune. Eega wal fuunee baatii 2 wajji jiraannee booda rakkoon hin beekmne jidduu teenyatti argamte. Jaartiin tiyya tan akka lubbuu kootitti jaalladhu tun, amala natti jijjiirrattee nama an hin beeyne natti taate. Guyyuu waanuma xiqqoo irratti wal dhabaa oolla. Wal dhabbiin keenya kun daangaa dabree jiruu nutti busheeysinaan, isiin manguddotti iyyattee nama kanarraa na hiikaa jettee gaafatte, manguddoonnis rakkoo nu lameen jidduu jiru qorachuuf yaalii godhanis, wanti walitti bu’iinsa keenyaaf sababaa tahe qabatamaan ni dhabame. Manguddoonni maali rakkoon kee jedhanii wayta gaafatan, ani rakkoo takkallee hin qabu, isuma wajji jiraachhuu hin fedhu. Ammuma irraa na hiikaa jettee iyyatte. Achi booda manguddoonni dubbii teenya laalanii murtii kennuuf baallama nuuf qabanii adda yaane. Guyyaa 2 booda achi buuteen isii ni dhabame. Eega mana kiyyarraa deemtee baatii 1 oliif dhabamtee booda natti bilbiltee, ani amma booda si wajji jiraachuu hin fedhu na hiiki naan jette. An ammoo dubbiin tun humnaa ol natti taate. An haalaanin isii jaaladha. Kanaaf isiin na hiiki naan jennaan, lakki an si hiikuu hin fedhu jedhee dide. Achi booda isiin ammas dhokattee dhabamtee jirti.
Akka namonin tokko tokko naaf himanitti, intalti tun yoo deemtee hamtuu dalade, siitu itti gaafatama naan jedhan. Osoo ati firraa hiiktee intalti tun nama birootti heerumti. Hamtuu hin dalaydu. Kanaafuu ofirraa hiikuu qabda naan jedhan. An gama kiyyaa dhimmi kanarraa hedduu yaaddawee dhiphadhee jira. Intala tana haalana jaaladha. Isii dhabuu hin fedhu. Isiin garuu qubumaahuu nanqabdu. Na wajjiinis jiraaachuu hin feetu. Mee furmaanni kiyya maali. Haala kamiin nagaya buusnee jiruu teenya fooyyeeffachuu dandeenya? Murtii abbaa murtii obsaan eeggadha.
Copyright Notice:
Reuploading any of our videos or content to another KZbin channel or platform without our explicit consent is a violation of our copyright. We do not tolerate such actions.
We actively monitor for unauthorised use of our content. If we discover that our content has been reuploaded without permission, we reserve the right to take appropriate legal action, including reporting the infringement to KZbin and requesting the removal of the unauthorised content.