Jer 柳應廷《風靈物語》

《風靈物語》
曲:王雙駿
詞:小克
編:王雙駿
監:王雙駿
空
千絲 百結 十念 突然 掏空
千章 百節 十字 沒能力 素描這 幻相
時間 空間 已空
風
思想 意志 慾望 默言 吹送
聲音 色彩 結構 下意識 依循 靈風
飄渺 聚散 半空
然後 淚光 一滅
我靈魂 忽爾 醒覺出 笑容
恍似 穿過 一個夢
夢破醒 也是夢
然後 夜空 熄滅
看繁星 一點 一點 殞落簷篷
細聽 風鈴內
響徹 記憶 未朦
空
千絲 百結 十念 換回 時空
千章 百節 十字 用餘力 記錄那
深淵內 我心被 抱擁
隨風
思想 意志 慾望 殘留 心痛
聲音 色彩 結構 下意識 追尋 時鐘
捲進 下個夢
然後 淚光 一滅
我靈魂 忽爾 醒覺出 笑容
恍似 穿過 一個夢
夢破醒 也是夢
然後 夜空 熄滅
看繁星 一點 一點 變幻無窮
像愛 但也 像痛
掠過 茫茫 宇宙
置身 虛空 總撲 一空
生生 世世 終於那 海闊 天空
天崩 地裂 漆黑內 默禱 觀照 仰首 迴光
未竟 之志 陪我 告終
如被 大海 淹滅
我靈魂 忽爾 掙扎出 笑容
一個 穿過 一個夢
夢破醒 也都是 場夢
然後 望穿 生滅
每陣風 給我 溫暖 還是凍
讓知覺 似痛 也沒痛
細聽 風鈴內
失散 轉生 重逢

[@nchan800]

物語3首意境最高就係風靈，好可惜無MV，希望將來柳柳再紅d可以補拍返。外國有d歌手MV都係遲好多先出，一樣好多人睇。

[@joynessmusic1160]

多謝花姐帶返Jer去復活區，多謝花姐三顧草蘆邀請jer入mirror, 我受形柳

[@suzanneko8579]

極希望Viu TV可以為阿Jer補拍返這首高質素的"風靈物語"歌曲的MV, 以致整個"物語系列"和"重新系列"才完整! !

[@MTunG57]

24年仲聽更風靈揮手區…

[@cc6736]

其實物語系列，我最鍾意呢首

[@RateArt334]

Me too

[@Leonaristo]

對上一次香港歌手有膽量、有能力演繹到呢份黑色、玄妙、哲學性同富深度的歌，應該係廿幾年前的關淑怡。當時關淑怡出道已經五年多，但Jer只係兩年幾三年已經玩到呢種層次，真係好感動！

[@nchan800]

造星參賽者當中，柳應廷或者被視為比較缺乏自信，表現唔太突出嘅一位。不過今年一連三首個人作品完全顛覆左一般人對柳應廷的定義。佢清楚自己適合乜嘢班底，利用僅僅三首歌就確立出鮮明嘅音樂定位，而且喺主流樂壇中膽敢第一年就推出每一首都唔係大路K歌，仲要一首偏鋒過一首，帶聽眾一步一步進入柳應廷獨有嘅世界觀，可以話係藝高人膽大，有概念之餘亦有執行力，令人不禁期待柳應廷喺接住落黎嘅音樂事業仲會為樂壇帶黎咩嘢新衝擊。最後都係嗰句，#預祝柳應廷勇奪叱咤樂壇生力軍金獎！

[@KylieKiu]

樂壇在我心目中失色十年之後，終於有出色作品，聽完大結局「人類群星閃耀時」，再返聽三步曲，風靈物語係音律與歌詞最夾嘅一首，丟下物一二步曲的奮進激昂嘅音律，改為幻變無常的，加上Jer演繹出色，曲編詞唱互相輝映。 Jer演繹時一字一字咬字特別清晰，感覺似黃耀明，但他聲線清脆而靈動，和音樂配合，將人嘅情感拖進深淵、死後重生再輪迴…這首歌唯獨沒有MV，似是件未裱畫框嘅藝術品，非常可惜。

[@ansonyee]

如果話水刑物語係一首令人一聽就記得嘅作品 迴光物語係一首畀到人安慰嘅作品 呢首風靈物語就好似一杯好酒，要慢慢品嘗先聽得出味道。

[@PP-ek9cx]

呢首歌嘅曲詞編監超哂班！ 而阿 Jer 的演繹我都覺得好出色， 有人話佢嘅唱法唔夠層次和起伏， 我反而覺得恰到好處， 從初段嘅虛無縹緲，到中段既膨拜， 最後好似有所領悟... 爆發點會令我聽到肉緊心疼， 間奏令人不其然心跳加速， 不得不說編曲真係好出彩，為歌曲加分太多！ 感謝歌手和音樂人帶來的好音樂！

[@plus8031]

Jer 真係要多謝 Carl 叔叔同小克做左三首絲絲緊扣嘅作品俾佢 呢三首歌完全為 Jer 奠定樂壇中一個位置 今次呢首仲要編曲上加左上兩首歌嘅 signature 響入面 令到唔只歌詞同題材上成為三步曲，連音樂上都係，好有心思

[@ashleydls]

環環相扣同絲絲入扣係兩樣嘢，環環相扣啫樣樣嘢都互相有關係，絲絲入扣係描寫好深刻。你應該話3隻歌係環環相扣，講死亡經歷，寫得絲絲入扣咁

[@Kemmt]

香港樂壇終於可以唱得出70 80年代嗰種好有穿透力嘅曲風，而且呀jer把聲又畀到另一種嘅感覺，不得了

[@cy1886]

多謝花姐，viutv送左Mirror比香港人，尤其啊jer，佢唱既歌真係好動人，好有感情。

[@Fannie_Fan]

因為跟朋友去睇Jer 第一個個人演唱會 現場唱得真係好正 愛上柳應廷❤

[@nathantang5465]

物語系列我最愛風靈物語，好似有一種張力喺裏邊 無mv但特別有畫面。 "天空” “大海” 令我想到 人很渺小卻感受好大... 每次聽都會有一種悲傷

[@貓精靈-k1j]

呢首歌有一種好出世嘅感覺，好好聽，Jer唱得好輕好有感情，真係好出色嘅作品，Jer好有实力。

[@chung---]

呢首詞簡直就係藝術品，小克👏👏

[@nicolewong5432]

2023年再返嚟聽番，仍感到感動

[@elonsay]

好鍾意小克故事性嘅歌詞，非常之有畫面，媲美對上寫畀周爸嘅星塵三部曲，一樣都探討生死、宇宙、時空，超有深度！ 當然唔少得carl叔嘅編曲，將成個意境用音樂帶出 好期待柳應廷未來可以上到一線，你嘅實力絕對得！

[@HarukaHKgirls]

我本身係完全唔聽廣東話歌既人，可以話有超過十年無聽過亦完全提唔起興趣，最近身邊朋友開始留意MIRROR再不斷向我推介，我試聽幾首無意中再聽依隻歌，完全對香港樂壇大改觀，原來香港都會咁有實力既歌手，咁有感染力既填詞作曲！請加油，希望更多人知道香港樂壇仲有得救

[@yeemeimok255]

呢首歌要用靚聲啲嘅音源，戴個好耳機認真聽 用youtube聽嘥咗首歌 呢首歌絕對係藝術品 聽咗一晚 成個人沉咗落去 對上一次令我有咁深沉感覺嘅歌已經係18年前張國榮 黃耀明嘅 這麼近 那麼遠 咁年輕嘅你有咁嘅音樂涵養實在唔簡單 多謝你呀Jer 柳應廷

[@hchcey]

多謝tips，剛剛開speaker聽還在捻點解水準變很差，原來是我打開的方式不正確😂

[@TSSbaula]

多謝你既advice 好似變左另一首歌咁 差好遠！

[@aijunrenee]

第一個“空”字是輕的，但跟著正首歌會越聼越沉重。有點人生經歷的話，歌詞，曲，編，都會帶你回眸過去。高高低低，事情都好像一霎那的風而飄逝。說是物語系列的尾聲，卻會讓人去思考人生如夢嗎，如果就這樣結束願意嗎？Jer的演繹很震撼，以爲到頂，卻高処未算高。閉著眼去聼會隨旋律而飄蕩，會令心跳加速。大器之作，王雙駿和小克真是勞苦功高的魔法大師。謝謝您們為Jer以後的道路定了一個高的準則。 期待Jer 現場的表演，記得要練好D氣，呢首歌唱完應該會快斷氣。加油！

[@MissAmberY]

藝術感與歌曲質素兼備嘅上乘之作。 作為"物語系列"最終幕，對比前作絕有過之而無不及，carl叔叔嘅曲+編仲巧妙加入幾段水刑同迴光嘅音樂元素，detail位值得細味。 由12點叱咤樂壇首播到宜家，一直以唔同角度理解歌詞。之前睇過小克ig嘅解說，已經抱住"應該唔會明但嘗試感受"嘅心情😂不過其實份詞不如想像中艱深，仲充滿想像空間。個人浮現畫面係，主角彌留之際，靈魂逐漸飄離嗰段時間，看破生死超脫輪迴嘅意象。 特別喜歡小克以“茫茫宇宙”貫穿成個系列，而三首歌中嘅宇宙又像徵著唔同事物…但係咪真係唔同呢？似是而非，似夢非夢，夢破醒也是夢，一下只又回歸到最終章嘅意念 。期待係之後嘅訪問聽到咁多位製作人嘅解說 ! 作為柳應廷嘅樂迷真係特別喜歡呢首作品，除咗佢又再次畀驚喜我，喺風靈物語我聽到一個演繹更加成熟，對自己更加有自信嘅柳應廷，作為新人第一年出三首歌嘅風格題材都比較劍走偏鋒，可能有人會質疑/擔心傳唱度不足，但真心好欣賞佢放膽嘗試，搵出自己嘅風格，更用實力話畀大家聽，佢絕對擔當得起。 其實香港真係有好多有心嘅音樂人，繼續為樂壇努力希望大家除咗舊歌，聽下新生代歌手，聽多啲唔同嘅曲風，多謝支持🙏 另外，柳應廷星期六有(如無意外)恆常嘅yt music live。 聽完呢首歌，對佢把聲有興趣嘅，星期六歡迎你🙆‍♀ 柳應廷yt channel: kzbin.info/door/DK693OJxw3SlWx0tsdEO2w

[@bunbungoogoo]

Jer把聲真係有穿透力，三首歌都唔係大路歌，但三首都好耐聽，期待你橫掃今年新人獎

[@WKF3323]

放手俾多D資源佢，好有可能 幾年後成為 香港獨當一面歌星， 希望呢一代歌手令香港歌曲 再次打入其他亞洲市場！

[@evatsui9770]

由造星已經覺得阿Jer把聲一鳴驚人，完全係入左行既人黎，等左好耐到而家終於見到你走到一條屬於自己style既路，好特別。現今樂壇無乜人係唱到哩種 style，我唔會覺得你遲左，因為靚聲係絕對值得被啄磨，再打造成獨一無二既聲線。努力呀，阿柳！！

[@himkie]

琴日見過你真人，出世到而家三十年未試過同中意既偶像影過張合照。你係第一個 真心覺得你唱得好好聽，記住攞左新人金未完架。 同mirror 一齊努力，打底個班老屎忽証明香港重有年輕偶像

[@youokliu7574]

詞和曲都不得了，完全係一套電影。jer有這樣的三首歌，真是幸福

[@hin0213]

柳應廷你太屈機😭😭😭行一條其他人未必敢行的路，成個系列三首歌，每首歌都討論死亡，仲要唔同階段的死亡😱😱 好中意小克的詞carl 叔叔的曲，期待呢首歌的訪問！！ 已經到大結局了，好唔捨得 期待柳出年的solo 歌💕 “每陣風　給我　溫暖　還是凍 讓知覺　似痛　也沒痛 細聽　風鈴內 失散　轉生　重逢”

[@jyky1314]

王雙駿 + 小克 科幻系列 再加少少70 80 年代的元素 首歌絕對係一流 阿Jer亦唱得好好 好穩 真心正

[@yanpurple3846]

高質演唱，3首當中最中意尼首，好有70至80年代既電視劇主題曲既曲風，又感覺係郭富城既《驚變》加李克勤既《大會堂演奏廳》

[@KFunCouple]

Jer，不出5年你會係天王級!! 我深信，你自己都要信！加油啊

[@yinslau]

Jer唱出 自我靈魂爭扎過程 嘅空虛感 越聽越感觸 忍唔住眼濕濕

[@janicecheung836]

柳應延真係寶藏男孩嚟㗎😭💙 大家都知道呢個年代嘅歌越容易上口就越容易傳到街知巷聞 但柳應廷從來都冇特別追求 但求做自己鍾意嘅音樂，吸引到鍾意同樣類型嘅知音人 但我想同你講你嘅伯樂一定會越來越多，一定會有越來越多嘅人㗎唔想你嘅音樂㗎加油啊唔好放棄啊柳應廷😭💙💙💙 我已經儲定錢等睇你個人Mini concert 㗎啦💙💙💙

[@lokchingsun8588]

本身唔係柳柳粉，但呢一年聽到佢三首物語系列嘅歌，真係好mm7！！三首都講死亡，環環相扣，好有意境，好有意思，期待下年嘅作品！

[@cty431]

嚟到物語系列嘅最後一部曲 依然要多謝carl叔叔同小克 好欣賞今次嘅曲同詞 尤其係music break用返迴光bridge 同埋outro用返水刑intro 真真正正令人感覺到呢三首歌係有關連 而呢份詞 每個人都可以get到唔同嘅意思 「失散 轉生 重逢」 物語系列完滿結束 象徵住柳應廷嘅星途正式開始 期待你下年嘅作品 繼續努力！

[@chuchuchu3536]

Anybody still watching this? Please make it to 1M 💙💙💙💙💙

[@gigilambo]

分享第一次聽既感受︰其實聽到第一粒字--「空」已經覺得好有feel，也令我很surprised，想不到是這種曲風 (有人說有黃耀明歌曲的影子。我本身喜歡明哥也喜歡迷幻音樂，啱晒！)。三部曲來到最終章，製作團隊一定壓力山大(Edan語)，想不到他們竟然再次超越歌迷期望！首歌好令人沉醉。希望更多人能聽到這首歌，更多人認識柳應廷~

[@cholecheng3725]

希望係今年柳誕前可以推到風靈MV上到1M，請大家幫幫忙🙏

[@KervanJenny]

第三胎《風靈物語》好mm7 聽到好感動 第一次已經感受到果種感覺 一級一級的層次 昇華到另一個層次 聽到喊曬 一定要連住三個物語系列聽 多謝小克的靚詞 同Carl叔叔的靚曲 多謝製作左三首今正既音樂比我地聽 每一句歌詞都好到位 好入心 「漆黑內 默禱 觀照 仰首 迴光」 「我靈魂 忽爾 掙扎出 笑容」 「每陣風 給我 溫暖 還是凍」 「讓知覺 似痛 也沒痛」 多謝柳應廷帶左三個物語系列比大家聽 柳柳粉好鍾意 風靈物語真係正到痴線 世界第一 辛苦你一直以來為我地做左今多 好期待Live呀 大家一定要大大力支持 停唔到loop 廣東歌未死 靠大家啦 我受形柳 柳應廷世界第一 香港男歌手- 他是柳應廷

[@chingching1411]

呢首神曲真係可以無限loop...一首比一首好,不過我3首都咁鍾意!!期待柳應廷拎新人獎呀!!

[@zedlo3411]

我已經都好多年冇係香港生活，好耐冇聽新既廣東歌，最近禁下禁下KZbin聽左您前兩首物語！真係好好聽！好高質！ 聽埋呢首真係不得了！會加落我個spotify! 您把聲塑造力好強！如果您出碟，我會買！加油努力！希望您會得到更多人欣賞！

[@sisilam8223]

風靈無MV係遺憾，帶著遺憾聽風靈更有感觸💙love this song 💙

[@missbarbarachanchan9545]

很令人驚艷嘅一首歌, 旋律可聽性之高絕不下於當年較hit嘅迴光物語, 好襟聽! Jer Jer我會支持你~~~

[@jzgtwo5584]

三首物語，最鍾意《風靈物語》。可能因為冇 MV，view 數最少。我係上一代人，年輕時聽收音機，聽唱片，都冇畫面。當然，我都希望可以補拍MV，將《風靈物語》嘅意景表達出來，帶俾我哋唔同層次嘅享受。💖💖

[@Happy_HLF-xq5xx]

其實無MV 亦有好處，因為呢首歌嘅詞+曲製造出來嘅意境好好，無任何畫面去影響對呢首歌嘅感受。🥰 #上一代人揮手區

[@kittysiu1238]

呢首歌真係超正,唱出左畫面,無限loop

[@circlecircle7088]

以現時嘅Jer及團隊為風靈造一個MV,一定好好睇💙！

[@1314crystalwish]

我相信應該係Carl叔叔做完前面兩隻之後，Carl叔叔欣賞Jer先親自寫左呢首歌 驟聽落去有啲Juno嘅Style，有啲似生死疲勞嘅Feel，然後發現嗰首都係Carl叔叔監製 呢個方向好突出到Jer嘅聲線優點，加油呀

[@LC-hp5vd]

真係好好聽呀！得張相都好想聽😢😢

[@kuoyx5760]

無意間注意到三部曲的每首歌歌詞都有意義所以開始考古小克+Carl的文，大半夜追回來看風靈物語，突然明白為何這首的評價如此高了，意境真的高

[@lemonho_]

Carl神曲神編 小克神詞 柳神唱 呢首正到要拜🙇🏼‍♂️太正了

[@Chingcl]

為物語三部曲最後劃上一個完美句號。 到最後過渡用返迴光物語😭將成首歌再昇華 多謝你啊柳應廷😭

[@Mimilhc]

物語系列最鍾意呢首❤️人死後嘅世界究竟係點？我一直都好想探討…但聽完呢首歌同歌詞回味深入解讀：黑暗中尋找一片光明，人放下執著談何容易，但我們可以活在當下，記住當下嘅感覺已經可以令今生無悔💪💪💪💪💪希望繼續有好作品好系列😆😆😆😆😆Like爆啊Jer啲歌👍👍👍👍👍

[@ytl7934]

依首咁有畫面感都冇mv天理何在

[@youokliu7574]

很久沒聽過歌手唱這類形嘅歌，咁有畫面。

[@hhllee307]

水刑物語、迴光物語、風靈物語，三首歌都以元素為題，唱出由絕望中尋找希望嘅內心感受，好難得可以喺情歌、失戀歌、罐頭歌氾濫嘅香港樂壇聽到呢三首歌，不但只歌手唱功紮實，感情細膩，製作人都花咗好多心機先有呢三首佳作！ 唱完水💧、光🔅、風🎐，製作人可唔可以繼續度埋火🔥、雪❄️、木🌳、雷電⚡️呢幾種元素？ 已經好耐無令人驚豔嘅歌值得一聽再聽，柳應廷而且有三首咁多！衷心希望喺年尾嘅叱咤同港台頒獎禮可以見證到呢位新人同幕後團隊得到嘉許，同埋以後喺香港樂壇繼續大放異彩😊👏🏼！

[@JessiIsHere]

有故事的

[@masaki9292]

物語系列作品中，最愛《風靈物品》，意境淒美

[@ecsylph5639]

曲固然非常出色，但編曲更奪目，王雙駿嘅慢歌編曲一直給我精緻的感覺，風靈更甚! 初段後加入像風鈴嘅琴聲，彷如招人進入那個深淵，中間bridge嘅感覺迷幻、凄美纏綿，有醉生夢死嘅感覺，後段再穿插迴光、水刑同系列編曲，讓人在三部曲嘅故事中不斷輪迴，最後我嘅靈魂也要苦苦掙扎才能走出風靈物語嘅深淵.....

[@cc6736]

既然靈魂已經陷入了風靈物語嘅深淵，就放下無謂掙扎。🤣

[@funglee3649]

Jer唱嘅歌可以loop一日都唔厭，呢種感覺已經唔知幾耐未試過（真係好耐好耐）

[@tikyinng8086]

Jer 真係冇令人失望 一年內出到三首歌仲要每首歌都咁有質素😭💙🤍

[@jophie_universe]

阿Jer唱歌好好聽又可愛 希望香港更多人認識柳應廷！

[@vvc3184]

估唔到Jer 最後一首物語系列，咁有New Age feel，雖然同一系列，但3首都有不同驚喜，Jer嘅想法同Carl叔叔、小克產生到化學作用，以一個非創作新人來說，咁快建立到自己獨有風格真係唔易，加油！很期待你未來發展。特別想講，Jer唱現場真係好有感染力，之前聽水刑尖沙咀busking時就很感動。Jer係Mirror中係一個好特別嘅存在，好有自己嘅特色，多謝花姐發掘到佢。

[@seikomui1165]

一

[@seikomui1165]

· 、一''.:

[@lwychimchim2295]

一首難唱過一首，阿Jer真係唱得好好！希望有更多人欣賞依個咁有實力同潛質既歌手😍

[@Nicole-dd3nw]

呢首歌一定要有一個足夠大嘅舞台先可以表演到個種大氣嘅感覺，唔知點解無論聽幾多次，腦海入面都會有一千場唔同嘅演唱會畫面，好想睇柳應廷嘅表演

[@blueneighbourhood6665]

首歌好powerful 一開始覺得迴光好難唱 點知風靈仲難唱 雖然未必完全明哂 但係我好中意呢一type既詞 聽到中後段有迴光同水刑既hint個下好驚喜 驚喜過後係感動 成件事好圓滿 一個結局既感覺 柳應廷你真係好叻 我已經好耐冇試過聽歌聽到想喊 好多謝你當初冇放棄 期待你將來出更多好聽既歌比我地聽 期待年尾頒獎禮見到你攞獎 You deserve it💙

[@stardream12410]

三部曲最鍾意呢首

[@hchan753]

好好聽， Jer唱得超好， 第一次聽呢首歌， 個Melody已經好鍾意， 難怪佢攞到叱吒新力軍金獎。佢隻新歌狂人日記我都覺好正。加油👍👍👍 利申 ： 我係🍑粉

[@kwanmoon1117]

雖然我唔識音樂，但呢首聽ge 時候我真係feel 到種空靈感，而3 首物語雖然俾人唔同感覺，但又有關連，真心中意Jer 呢個系列，好正，欣賞👍

[@julieyiu]

曲詞編監全部都勁高質，而且一首比一首難唱，Jer既聲音可以將人帶入另一個世界，實在太有感染力👍🏻

[@ccyyyhaha237]

最後了 物語系列陪伴我哋過咗呢一年 好似經歷生死咁 喺呢幾首歌入面都見到好大嘅進步 不論係咬字唱功技巧等等相信都落咗唔少苦工 無論之後會唔會喺台上面見到你拎獎都好 你都要記住物語系列曾經帶比唔少人希望 影響咗唔少人 如果真係冇新人獎都好 你永遠都係我哋柳柳粉至高無上男歌手(≧▽≦) 加油！！！（要聽日背完書先得閒咀嚼歌詞cryy Btw茫茫宇宙貫穿水刑迴光風靈🌌

[@ross01192003]

小妹因為呢首歌成為左柳柳粉 好希望阿Jer 之後可以補拍番MV 無論編曲、詞同個演繹都好到位 估唔到追左10幾年外國歌手，而家會追番香港歌手 加油呀 Jer~

[@lamyuenbing4493]

Jer唱歌總能帶人進入另一境界，演釋很好，有獨特風格! 有潛質!

[@klam1839]

柳應廷《風靈物語》已經加為我每日PLAYLIST,好夢幻!

[@ecsylph5639]

物語三部曲中，對風靈份歌詞最有感覺，極為喜愛! 或許我未必完全了解小克老師寫這份詞的一切，但對我來說不是最重要，它引領我深思，想像，相信每個人自有一番領悟體會。每次唱至[ 未竟之志，陪我告終 ]，總是心有戚戚然，究竟自己有沒有後悔過去呢.......

[@zzm217]

咁高質既歌既然冇乜人知😨😨

[@seikomui1165]

我聽到風鈴聲、風雪聲……意境神秘！

[@tylee5217]

喺Mirror入面，真係最鍾意係你同Ian！ 真係唱得好好聽，好有feel，歌詞又有深度，希望下年你可以出多啲歌，支持你呀Jer❤️

[@zoeso5489]

一個新人竟然可以有一首咁高質嘅作品 感謝創作班底小克同carl叔叔將牙柳嘅idea用三部曲展現出來 歌詞編曲上用了很多心思 期待1/1頒奬禮見證柳攞獎💙🙆🏻‍♂️

[@jenn1725]

呢首絕對係物語系列裏面最高汁嘅歌，沒有之一，真係好mm7,好多謝牙柳嘅每一首歌，你嘅歌每一次都帶比我好大嘅力量，真係好多謝你💙

[@lht.sandytree]

呢首超高質 🥲

[@SSS-lr8th]

聽咗大概50次之後覺得呢首歌幾有黃耀明之前啲歌嘅味道 個編曲有這麼遠那麼近嘅華麗同迷幻加上夜有所夢嘅詭譎 然後詞營造出一個延伸現實世界中神話嘅幻想空間、用意象產生有詩意嘅氣氛仲蘊含深意嘅反問 （個人覺得有絕色同汕尾以南嘅味道）

[@JasonCSWong]

呢首歌嘅空間感好廣闊 聽到歌者好似想與成個世界對峙嘅震撼感😖 呢種曲風好難唱 而你感情拿𢲡得啱啱好 無多無少 真係好好 希望以後有更多呢類作品

[@ltsPure]

新人期已經定好音樂character, 製作了三首藝術和音樂感質素都上素的作品, 三首歌歌詞和歌曲的主題環環相扣, 實在係好難得

[@TheTonyfan3245]

Jer 完勝其餘隊員，實在太好聽

[@hckwan825]

詞美曲簡，歌由温婉到高亢有感染力，心目中2020年度最佳

[@seikomui1165]

·一.靘

[@peggyto6679]

愈聽愈有味道的一首歌!!大讚!!聽左幾次試下大膽理解下歌詞 第一段: 1個人企在庭園發呆 第二段開始: 微風吹過, 合上眼聽見風鈴的聲音, 想到了自身的經歷, 回想過去經歷過了變幻無窮漆黑迥光哭過痛過...讓知覺似痛 也沒痛 最後一段: 風鈴聲再響, 回到現在只有孤獨一人聽住風聲,當初的執著就好似一場夢一般流走

[@可愛水獺]

Jerjerjer💙💙💙💙💙 E首歌真係超適合夜晚聽🤗🙈

[@安靜恩]

3首物語裏最鍾意E首 真係要多謝花姐將jer復回番 如果唔係都聽唔倒甘高質歌曲🎶

[@tracychung7118]

跪拜王雙駿老師的曲跟編曲 小克的 "未竟 之志 陪我 告終" 一句哭了 已經不關JER 柳應廷是不是MIRROR 成員, 單純呢首歌已經值新人獎

[@zoozoozoo2406]

我都係呢句最有感受

[@cc6736]

晚上放工，沿途行回家，望住夜空聽住呢首歌，真係好正。已經去咗另一個境界。

[@milknmilkma]

JER你真係一次比一次有驚喜 喜歡你既聲音 喜歡你唱歌既風格 喜歡你表達歌曲既方式 你既努力 相信唔止柳柳炒 亦都會有愈來愈多既其他人都睇到會聽到 加油加油加油呀!!!!!! 已經瘋狂LOOOOOOOOOOOOP左好多次好次❤️❤️❤️❤️❤️❤️❤️❤️❤️

[@cc6736]

每次係公司播呀Jer d live或Mv，D客人都會主動問我個歌手係邊個，都說把聲好好聽。到後期，D人開始認得呀Jer把聲，説他技巧進步左好多，愈來愈好聽。 見到呀Jer得到人認同，真係好開心💙💙❤️❤️

[@withyoufly292]

我都成日係fd面前播 jer d歌🤣🤣

[@cc6736]

@@withyoufly292 我係公司基本上有超過一半時間是播住呀jerD歌，D客都知我好鍾意佢🤣

[@PP-ek9cx]

C C 你做邊行架？點解可以返工播歌咁爽？😆

[@waitsui8979]

咁睇D客都應該相當有要求同品味😎

[@cc6736]

@@PP-ek9cx 一個人的工作😍

[@eliz3536]

唔係柳柳粉， 每一首歌都睇到你嘅唱功、咬字不比他人差，真心覺得你唱功絕對係團入面最好、最出色, 拎今年新人獎應該唔難，繼續努力💪加油

[@uaena8815]

相信你好快係柳柳粉

[@10delpiero2008]

Carl叔叔親自操刀作曲，柳應廷佢真係好錫你

[@fsl6199]

Jer 你真係好叻仔，身為柳炒真係好感動好proud, 老實講你一直以黎都好有自己嘅一套style諗法目標，把靚聲都比其他人特別好易就認得出，係好有個人特色嘅一個人，所以我一直都覺得你比其他人突出吸引到我嘅注意，仲有一樣野不得不欣賞嘅就係你對於自己夢想同諗法嘅嗰份堅持同掙扎，真係好上進好charm，因為我自己覺得搵到夢想已經係一件好難嘅事。你作為一個新人都冇選擇隨波逐流而係勇敢選擇行返自己嘅風格表達自己嘅諗法，今年嘅三首solo無論曲風意思乜都好特別，作為一個新人出道嘅作品都好大挑戰，但係又真係好襯好啱你，都係嗰句特別又偏門得黎嘅同時亦都好突出到你嘅個人特色，柳炒們都好鍾意好十卜，希望你之後會更加大膽表達自己嘅想法，做你自己，經歷今年之後你絕對可以知道自己係真係得嘅同埋係會有人buy你嗰套嘅，有機會真係好想你更加可以試下一手包辦作曲作詞，完全show到自己嘅成套idea同個人表達方式，加油啊柳應廷，永遠支持你💪💪💪

[@Avaaavvv]

高汁高汁好好聽 好有神秘感既歌 係三首歌入面令我心跳最快既歌 (我聽到好歌會心跳加速) 好啱阿jer把聲同氣質 好好聽 如果有mv就好啦 好想聽live~~~~~~~~ 亦都係一個好好表演台風既機會 聽完想畫畫 諗起神話故事同埋穿越唔同時空既劇

[@hinzlam2938]

一首歌可以唱到三個層次真係好難，但Jer唱得到👍🏻水準絕對係比一般新人之上，希望你今年可以拎到最佳新人金獎👏🏻 我相信Jer繼續仲可以挑戰更高難度既歌，期待更多監製發掘到Jer既潛能。加油！💪🏻

[@makmona3375]

香港好耐未有一首這種感覺的歌。

[@May-tm8ub]

好好聽～一啲都唔似新人～將歌詞與自己歌聲溶和～好柳應廷😎出咗3首歌，3首歌比其他人唱都達唔到同樣嘅效果～好有畫面，感情澎湃，閉上雙眼聽，完全跌入咗Jer歌聲製作出黎嘅黑洞裏面～真係走唔返出嚟～👍👍👍

[@Hyperanim404]

love this song so much

[@dsweghi]

這三首「物語」系列真的很入耳，完全是我愛的style。因為在內地，每次新歌都不會很及時上架，沒上架之前只能在KZbin聽，會有點不方便，但真的忍不住瘋狂loop。Jer真的是這几年唱歌最有魅力的新人，加油啊💕💕