Jer 柳應廷《砂之器》Official Music Video

[@JEREMYxLAU]

「我愛你，謝謝。」

[@adelinetang2323]

love you!!!!!!!!!!

[@newlife8404]

多謝你們創作了這首歌

[@iluvxd9696]

thanks for this great present 🎁 💙 you deserve the best

[@angelngan103]

很好聽，多謝你，💙💙💙

[@chengangela3668]

💙💙💙💙💙多謝你不斷有驚喜

[@あきキキキ]

真係睇到喊。我同MV男主角一樣，都係喺單親家庭長大，媽咪都有食煙。細個嘅時候，我真係好唔鍾意好唔鍾意好唔鍾意佢食煙，軟硬兼施，已經嘈左千千萬萬次。之後有一日我同mv劇情一樣，收埋咗媽咪包煙。佢返到嚟發現唔見咗就知係我收埋嘅，果次係我記憶入邊最深刻佢鬧得我最癲嘅一次。發晒脾氣好似毒癮發作咁完全控制唔到自己。宜家大個咗我都冇理佢食唔食煙，都知道佢一個人湊住我，經濟上情緒上現實上壓力都好大好大。睇到呢個MV聽到呢隻歌，完全係身同感受。真係好多謝柳柳，好鍾意你啲歌，會繼續支持你❤️ Edit:咁多like真係嚇親我😂亦好多謝大家嘅攬攬❤️我好愛我媽咪，我亦都知道佢好愛我。但係因為單親家庭引伸嘅好多不可抗力事情令我心理上有好多問題。我一直都唔想承認，但係憎恨怨恨係絕對有嘅。好多時候好理性咁清楚知道冇辦法，媽咪都唔想，但係情感上亦會覺得好痛苦。而家我只係中學生，有好多結喺呢個階段真係剪不斷，理還亂。我未夠成熟亦都未有能力處理同媽咪嘅關係。希望時間會令到一切都變得簡單，亦希望未來會有寬恕，坦誠面對嘅嗰一日到來。 唔知會唔會有同路人睇到我呢段說話，有嘅話想同你講返聲，一直以來辛苦你啦，我愛你。

[@iluvxd9696]

攬攬🫂

[@lochristopher5103]

take care ar

[@cancan160]

其實媽媽好愛你

[@littlevisual]

辛苦了。保重。

[@nikitasiu8863]

加油呀～

[@kkbox-6789]

好好聽的！2024年了 ～～還有人在聽嗎？🙋🙋🙋

[@BLBLBLLL99]

⬇️覺得柳應廷啲戲認真唔錯的請like

[@Nic-wp5fv]

由男排到狂人，再睇埋今次mv，柳真係可以喺「歌手」身份之外去做一個「演員」，好勁。

[@jas7181]

掟嘢嗰下 好有戲

[@katring2315]

內心戲做得唔錯👍🏼適合拍文藝片🎬

[@NING0621]

強烈要求 俾個演戲機會俾柳柳💙

[@joesphinelam4610]

佢係mv入邊做角色好有味道

[@裴君-r3z]

最後婦人患上阿兹海默症，回到兒子童年時候，瞬間幾十年恩怨彷彿都一併忘去；她仍停留在兒子出生，擁抱襁褓，一切都是純粹的愛的時候。 於是他心有強烈的酸意，糅合悔恨與油然的痛楚，開口講：「對唔住」 愛由此永久。

[@yiumanchoi2661]

依首勁過父母恩一千倍！

[@manlai2958]

謝謝，我最後忍吾住都喊埋

[@ie2580]

@@manlai2958 我都係

[@bieberalways6497]

😭😭😭😭😭

[@mingb886]

你既剖析留言有好大舊洋蔥、加重咗呢首歌帶嚟既後遺症：就係令人個心會乸住咁痛🥲

[@cindyyip7991]

2024年仍會回味的歌☺️

[@nchan800]

循例問多次: 呢度有幾多人係因為柳應廷而聽返本土新歌？

[@kimberleylang9197]

Me

[@dawnchowable]

我

[@integrationhacker8767]

🙌🏼

[@hoatruchung8290]

Me

[@DorothyKolin]

me4

[@plus8031]

真正嘅「金獎」，唔係用大路歌曲去保住播放率或者人氣 而係用音樂去令自己同聽眾嘅生命有反思與得著

[@chungmarvis6212]

多謝你會堅持推介令人有反思嘅音樂

[@stefan.y4369]

期待你的樂評

[@betsitso97]

Can’t agree more

[@petervv120]

我都喜歡你有堅持嘅樂評

[@lauuu496]

Agree

[@Josephinehkyu]

《砂之器》和《坐看雲起時》係個人私心至愛。

[@arisuc2465]

我是一位媽媽，雖然我沒有食煙酗酒的陋習，但最近由於小朋友教育上的問題，令自己的情緒受到很大困擾。看著這個MV中，那母親發狂般打罵著兒子時，她那面目猙獰的樣子，我恍惚看到了自己…… 要是我繼續每天打罵兒子的話，我和他之間只會越走越遠，裂縫只會越來越深，這個MV令我反思，亦令我更喜歡這首歌。 謝謝Jer、音樂製作團隊創作了這麼一首好歌，感謝MV拍攝團隊讓這首歌賦予生命似的。我不是音樂人，甚麼高超的音樂技巧我不認識，亦不在乎，只要是有感染力、能夠感動人心的就是一首好歌。

[@mamasuju172]

加油媽媽💪

[@lauuu496]

冇人一出世就識做媽媽，你會反思怎樣可以與孩子的關係變得更好，證明你很愛他!! 加油，繼續努力學習做一個好媽媽💪🏼

[@Mannaquail]

唔只你一個，好多家長都係咁 不如試下交比補習社教個仔做功課溫書啦，減少磨擦機會，改善親子關係

[@波波椰子脆]

而家点呀？有冇改善呀？

[@suzuki4902]

我都係一位媽媽，同妳一樣睇到打罵後嘅關係會變得好難返轉頭，就會時刻提醒自己放鬆D，唔好俾壓力大家。一齊加油🤜🤛

[@cloud_drop_wave]

「天下沒有不愛孩子的父母」，你怎會有這種錯覺？ 自我幼時，那女人已經把家當成酒吧，天天都喝到爛醉，不時發酒瘋大叫大罵。若是有哪一刻靜下來，那肯定是在抽煙。 那女人就是這樣，也只會這樣。 是的，我已經不會叫她媽，反正她也聽不到。 // 可是我聽得很清楚。 所以回家後，我都會趕緊戴上耳機。嗯，那時候還是MP3播放器，耳機線有點長，老是會打結。每次拿出來，我都得花上些時間解結。 也許是我太心急了。 我怕，很怕聽到那女人怪物般的吼叫聲，很怕聽著鄰居罵不停的咀咒聲，很怕聽到我自己因恐懼而瘋狂加速的心跳聲。 我真的很怕。 只有聽到音樂，我才能安靜下來。 那女人不會知道，因為她，我回家的路，是多麼的難捱。 我會遇到，鄙視我是膽小鬼的同學，嫌棄我勸不好她的管理員，討厭跟我同住的她的鄰居。 他們也許唾棄的是她，但感受到這種壓惡的，是我。 // 回家不易，回到家更難。 煙霧瀰漫，嗆得要命，更別提那女人的吼叫聲震耳欲聾，吵得我心慌。 回到家，想回房，也要像街外般，低著頭，輕著腳，如小偷，見不得光，抬不起頭。 有時候我真的很想問，我做錯了甚麼嗎？ 沒人能解答我。 若是回到家，沒煙沒酒沒她，桌上只剩已切好的橙，那我會開心上一整天。 是的，那女人只會買橙。 桌上的橙，在她醉生夢死時，是個擺設；在她回到人間時，是個食物。 這樣的小確幸，我很是珍惜。 所以也就習慣了，與橙共處時，不停東張西望，生怕幸福消失得太快，不知她何時會出現。 最好別。 // 有一天，我大概是鬼迷心竅了。 放學回家，餓了就去廚房找東西吃。一進去，忽而看到那包煙。 我知道是包煙，因為那女人永遠不離手。恐怕自己認錯，我還打開嗅了下。嗯，確是那包煙，那味道我永遠都忘不了，因為臭得要命。 不知為何她放了在這，亦不知為何我會想把它收起來。 沒想太多，我就隨手把煙收在糖後面，去看電視了。 不久，那女人回家了。一進門，就直入廚房，我不以為意。豈料，過了一會，傳來翻天覆地的聲音，我才意識到，她在找東西。 而我，應該知道，她在找甚麼。 「砰砰嘭嘭、砰砰嘭嘭」，她快把廚房掀翻了，而我的恐懼，也快把我的靈魂吞噬了。 突然，她從廚房衝出來，把在客廳看電視的我，一下子抽起來。她將我摔到牆前，迫問我那包煙在哪，我說不知道，「啪！」重重的巴掌就甩過來。有第一巴，就有第二巴，她邊打邊怒吼，她在說甚麼其實我聽不清楚，我只知道她得不到答案。 許是巴掌不夠痛，她就拿起衣架打我，毫不留情。無論我哭得多慘，她還是一直打。打著打著，她還捏起了我的嘴，捏得好緊好緊。我不知道她為甚麼這樣做，我只覺得我快死了。 不知打了多久，終於停了，她也不知道跑去哪了。 我在客廳哭不停，愈想愈委屈。我想，是發洩吧。她不是想找那包煙，她只是討厭我，她想我死。 「天下沒有不愛孩子的父母」，信我，這真是個錯覺。 我不想跟想殺我的人住在一起，所以我離家出走。 // 後來，當然是被找回來了。 聽說那女人叫上了所有親朋好友去找我，還報了警。你說，小時候的我還能躲到哪兒去呢？ 那次之後，一切都變了。 如果要數最大的變化是甚麼，大概是⋯⋯ 煙，我也愛上了。 不過我不想被那女人知道，免得她沾沾自喜，覺得這好東西是她教我的。可惜後來還是被撞破了，那一刻她還想把我的煙收起來，真是個瘋子。總想把好東西藏起來，不讓別人也享受到，這女人到底有多自私。 我長大了，當然不會讓她如願。煙，想抽就抽，哪怕被她收起來，我也能再去買。錢就是萬能，而我終於有錢了。 小時候老打結的耳機，早已變成無線全罩式耳機。日夜顛倒的生活，耳機就是我最好的朋友，陪我回家，陪我玩樂器，陪我隔絕世界紛擾。 特別是遇上那女人時。 // 那晚，在海灘跟朋友玩仙女棒。 朋友笑說，作為大男人的我，怎麼玩得這麼得心應手。 因為我早就玩過了，在小時候。 在我還會叫那女人做媽的時候。 腦裡閃過很多畫面，媽媽說，別怕困難，要記得媽媽是我的仙女棒，總可帶我走出黑暗；外婆說，媽媽生我的時候很辛苦，我要長進；鄰居說，最近在菜市場遇上那女人，她好像迷路了；管理員說，昨午在天台上看到那女人，失神地走來走去，嚇死他了；今早，那女人沒跟我說早安，她在專心熨衣服，那件好像是我小時候的衣服⋯⋯ 不祥的預感驅使我立刻回家，沒戴耳機。 // 天已亮，廳裡沒有她，桌上除了橙，還有一箱舊物。裡面空蕩蕩的，除了有張⋯⋯超聲波。 水滾了，我隨聲走去廚房。那女人滿臉笑意，小心翼翼地將一個又一個的奶瓶放進沸水裡消毒。 淚不知為何就湧上來了。 我知道她為甚麼這樣做，可我不想相信。 我不相信天下沒有不愛孩子的父母，也不相信天下沒有不愛父母的孩子，可我相信母子連心。我明明在她背後，她明明看不到我。可我一淚眼矇矓，她的笑容就消失了。 她雙唇緊閉，眼中開始閃出淚光。 我的淚也就忍不住，落下了。 對不起。 對不起。 媽媽。 ＝＝＝＝＝＝＝＝＝＝ P.S. 知道砂之器這MV，承狂人日記的MV而來。可是覺得撇除狂人宿命，單是母子相處這部分，都已經很引人反思了。所以暫時只用文字寫下這部分，紀念這MV給我的感動。父母與孩子，都絕對需要不斷的學習跟練習，願我們終能學會。

[@amywong4558]

我可唔可以share

[@jknim8219]

高質，push

[@Charlene_llooooo]

寫得好好；；

[@heatherlee8880]

呢個comment有洋蔥😭父母子女之間好多時只係唔識溝通大家嘅愛...

[@ennisyip4362]

ig係咩？

[@himhim9615]

Jer's voice is full of power. Jer's character is full of humour and kindness. Jer's performance is full of enjoyment and love Love and support Jer and Mirror Forever 🥰👏 Jer has good chemistry with MC and both of them sang excellently 👏 Excellent

[@MrHin357]

唔好忘記有王雙駿 小克 呢兩個功臣

[@JEREMYxLAU]

❕

[@8KMT]

我是因為小克先聽

[@ivanmak7]

個MV好多細節位，對比，同埋映襯都做得好細緻 00:00 - 01:26 上世情人嘅錐心之痛，轉世過後就還番喺下世嘅媽媽身上。呢兩幕嘅對比仲有 殮房 vs 產房, 死亡 vs 誕生, 悲傷 vs 喜悅, 心痛 vs 身痛。 01:36 枱面個橙就係媽媽摵定畀呀仔，雖然 01:55 個橙似係呀仔第二朝嘅早餐... 可以想像個呀仔匿喺房聽住歌唔出嚟，呀媽夜晚就特登留半個橙畀個仔，但係第二朝可能又醉咗冇起身煮早餐⋯ 02:02 呀仔唔想呀媽食煙就收埋咗包煙，去到呀仔大個咗呀媽就鬧個仔食煙。兩個都係喺心底為對方好唔想對方食煙，但係兩個都唔識表達。 03:08 承接上一幕呀媽煙癮起失控，然後呀仔執嘢離家出走。係背景見到有地球儀，電子琴，CD機，可以見到呢個媽媽雖然食煙飲酒同埋情緒失控，但係至少未壞到完全唔理個仔，起碼見到佢算係有培養呀仔嘅音樂興趣。所以有 04:04 呀 Jer 大個咗彈結他嗰一幕呼應 03:19 - 03:28 呀仔離家出走之後呀媽喺咁打電話問親戚朋友，同時好嬲自己但係又頂唔到煙癮繼續食煙。而呢一幕之後呀媽就冇再食過煙，反而喺下一幕鬧大個咗嘅Jer食煙，可以想像經歷過呢次離家出走之後呀媽係戒咗煙。 03:40 細個離家出走嗰幕背景嘅飛鏢板，呀仔大個咗仲keep住 03:42 - 03:48 呀仔大個咗就掉番轉係呀媽想阻止佢食煙，呀仔就再一次因為兩母子阻止對方食煙離家出走。 03:55 - 04:00 雖然兩母子日常關係唔好，但係呀媽仍然會煮三餸一湯，呀仔仍然會食住家飯。 04:02 - 04:20 由呀媽唔認得路返屋企，去到呀Jer返屋企發現呀媽燙緊件小朋友 T-shirt 同校服，兩個角色都已經換咗三套衫，暗示呀仔發現呀媽有老人癡呆嘅時候已經係開始嚴重。同時04:14可以見到細個嗰陣個電子琴，仍然keep咗喺房。 04:26 - 04:32 細個兩母子去撐艇仔玩煙花，到大個仔之後仍然好掛住呢段美好嘅回憶。 04:37 - 05:23 呀媽仲有keep住啲BB用品同埋張超聲波相，呢一幕再一次展示個呀媽其實一直都好愛個仔，只不過一直都唔識表達。而講對唔住嘅畫面嘅時候首歌已經完咗，好似暗示緊母親去到呢個時候，已經唔會明白點解你會講對唔住，甚至可能未必認得你⋯

[@ashleydls]

我睇到你個留言，都堅係眼濕濕，錯過好多細節，你好勁

[@makmak6531]

i' 、

[@moonc5428]

感謝巴打咁細緻嘅分析，摩擦力好犀利 ！越睇越感動

[@_jerb.ulb._]

2024年翻嚟再聽同睇翻個MV仍然會令到我落淚 重生三部曲絕對值得更多！柳應廷絕對值得更多！ 呢首就咁聽錄音版已經會心up up，聽live簡直係淚崩 希望2024年牙柳可以繼續做多啲好歌💙🫶🏻

[@annaau1005]

佩服花姐及團隊既大胆；情願花心血為jer選些另類歌曲風格，也不會因為拿到金獎而做些好commercial 既k歌

[@kelvintang5991]

係Jer自己嘅堅持嚟嘅！😏

[@meicyng5335]

聽訪問係金jer堅持，花姐唔係想做呢啲😂

[@annaau1005]

@@kelvintang5991 堅持都要花姐yes

[@annaau1005]

@@meicyng5335 堅持也要花姐yes

[@tendylok]

應該係花姐嘅放手同自由度 同Jer自己嘅品味同堅持 仲有努力

[@karenlui0214]

王雙駿寫啲歌真係好正，非主流，但完全有個人風格，一聽就知係佢啲野，但又幫到歌手發揮到佢特色，啲詞又係正，非主流地咁露骨但簡單，意境好靚唔會尷尬，仲要成個流程咁去，加埋個mv無刻意sell呀Jer, 但到最後jer未喊個下我已經喊左，成件事拍得勁靚，幾個shot就交代左媽媽後尾發生咩事，然後我看到香港樂壇有希望了，全部都係我偶像🥲

[@hoyikmanannie]

@@blaybloodyblock4358 大家唔洗gum落去下面條link 😑

[@ashleydls]

@@hoyikmanannie 我會篤,係廣告會舉報

[@yinyuequshi]

耐唔耐又來聽呢首歌，每次聽到歌詞 “望母親突然白了首” 都好感動

[@studioanura2953]

聽頭幾句已經想喊，忍唔住想分享一下自己嘅故事： 我自己都曾經好似男主角咁，對住一個有酒癮嘅老豆，生意失敗又欠債。屋企關係由幼稚園開始已經好差，鬧交打交都周不時發生。每日最期待返學，因為唔駛對住屋企，曾經好多次都想離家出走。好多時都偷偷地倒晒屋企啲酒，但老豆點都會繼續買。好想同佢好好溝通，唔但佢根本無乜一刻係清醒。試過好多方式，硬攻軟攻都失敗，總之就晚晚都要忍受老豆發酒瘋，頂唔順就鬧交然後打過收場。 長大有一日，我同阿媽一齊住，終於同老豆分開住，好似終於獲得人生第一次寧靜，嗰時冷戰成年都無見過佢一面。 然後有一日突然聽到佢入醫院，得知佢得到末期癌症，最後接返佢屋企照顧。當下第一眼見到佢喺病床，所有對佢以前嘅怨恨突然忘記咗咁。短短幾個月時間，終於感受到佢清醒嘅一面係點樣。嗰段時光係人生最感受到一個完整嘅家係點。 最後佢走咗，有部分無知嘅親戚仲怪緊我同阿媽害死咗我老豆。不過點講都無用，MV句「對唔住」好似同自己講咁，都放下對佢以前嘅恨，放生咗自己。我希望我同老豆呢個課題，都告一段落，下世唔需要再受。 好多謝Jer同製作團隊整咗一個咁嘅故事，真係非常貼地，我諗好多人都面對緊同一個問題，大家要互相扶持大家。

[@iluvxd9696]

🫂💙

[@superssgrace]

加油. 你辛苦了🫂

[@slee792]

🫂❤

[@kmsc7993]

Hug 🫂 ❤️

[@tammychai]

hug 💙

[@kylec3487]

我好細個已經只有呀媽。 佢生於一個好內斂家庭，加上佢要為兩把口奔馳，放係我身上嘅時間心力，實在有限。 到我升上中學，佢已經無力管教我。 我地嘅關係亦都愈來愈差，係好多觀念上面都有衝突。 到最近做左爸爸，有機會睇返細個啲相，就好似歌詞話齋：「望母親突然白了首」。 過去發生過嘅種種，係哩一刻，好似都變得唔再重要。 重要嘅係，我仲有時間可以同佢修補關係。 👍 Good song

[@karwailaw8529]

❤️

[@人-j3n]

💗

[@hillygoody]

不瘋魔 不成活 應該好多樓上嘅人都講過，MV入面個媽媽係舞台劇演員黃呈欣(btw佢英文名係Birdy)，希望大家都可以支持吓佢嘅舞台演出。喺香港，做藝術好難。喺「疫情」下嘅香港，劇場工作更難，想繼續睇到本土嘅演出，真係要盡一點力去守住佢哋嘅生存空間 btw好欣賞牙柳變咗金Jer後，冇為咗迎合市場而做commercial歌，反而係做自己想俾觀眾認識嘅音樂，音樂、歌詞、編曲、MV個story-telling、演員嘅演出、歌名，都睇到誠意十足，好期待重生系列下一首，更期待Jer有日會出概念大碟，用心做音樂，一定有人會睇到、會欣賞、會支持，牙柳and team加油！

[@mirandasammy6807]

同意媽媽呢個角色演得非常出色好感人.

[@jasma1494]

佢真係演繹得好出色

[@doristsang8245]

真 respect！🤧🤧 佢令到成套mv好真實

[@ashleydls]

尋晚睇jerdan live,原來導演冇畀對白，於是大欣爆肚，喪鬧jer，食煙係咪溝女，懶型，令佢諗起細jer因包煙而被打，瞬間入戲

[@pollywong2368]

睇Mv唔難發現，母子打從心底好愛對方， 母親會留啲橙畀細jer食， 大jer 仲會番屋企食住家飯， 只係佢地都缺乏溝通，Jer由細到大都用聽歌黎麻醉自己，隔絕所有唔想聽嘅野。 情人有得揀，朋友有得揀， 唯獨親人冇得揀，一切都注定左 「逃不掉命運便承受」， 聽呢首歌好似上咗一課。 另外，柳除咗唱歌好聽，更像在說故事， 雖然Mv冇對白，但柳都演得好好，眼神好到位， 特別喜歡喺食緊煙「啤」母親嗰一下眼神， 同boss嗰個搞笑角色截然不同，發覺你演戲方面都好有潛力。 期待睇到你更多面向♥️💪🏻加油

[@estherso8075]

請問MV 第一個鏡頭係一位老人望住一個故人， 老人係阿Jer? 故人係佢媽媽？

[@echonic4404]

@@estherso8075 老人係jer(狂人)嘅前世 瞓喺度嘅人佢死咗嘅老婆 前世情侶今生母子 首歌係講狂人今世成為咗前世情人轉世個仔 再續前世恩怨情仇 想帶出宿命論 講好多無因無故嘅情仇都係前世注定嘅 要化解呢啲恩怨需要嘅係寬恕 所以最後呀jer講咗對唔住(冇聲) 喺呢個位都俾觀眾一個聯想空間 佢可能講咗出口 亦可能冇講到 有冇化解前世今生嘅恩怨成為咗一個迷

[@wisafung448]

MV仲有個好有趣嘅小細節 1:43 見到細柳房到有個飛鏢靶，果個靶去到柳大個之後仲掛係房到 MV內容冇提過父親嘅出現，所以可以合理推斷個靶係媽媽買比柳 而佢一keep就keep咗咁多年🥺 MV真係拍得好出色，每次睇都有新嘅細節可以發現到

[@aria4960]

@@estherso8075 今次個MV係 狂人日記 嘅阿Jer(第二世）, 估計第三個MV就係講個黑人model (第三世）。Btw,第一世係個老人家

[@ashleydls]

@@echonic4404 你講解得好好呀,但其實細心睇,佢口型係講咗兩次對唔住,重想講第3句,但吞咗

[@esthercheung2254]

「子宮」「臍帶」「羊水」，放入廣東歌入面，小克厲害👍。另外，呢D只會在母體出現的名詞，由一位男歌手口中演繹出黎，一D兀突都無，Jer既感情細膩，觸動到作為母親的我😭，多謝團隊製作出一首有生命既歌。❤️

[@haowangivanho6892]

Tiger ：因為有荷爾蒙失調，唱得好高音，所以唔突兀🤣。

[@shirleycheng5316]

「子宮、臍帶⋯」這些詞語可以放入廣東歌歌詞中又不兀突，真係好勁👍香港樂壇不會死🤟🏻

[@yanchung4325]

應該都係香港第一人咁做🤔好勁

[@ashleydls]

其實囹圄都少聽

[@frankytang4196]

漆黑中只有愛可衝破漏光的缺口, 呢句係咪講緊bb出世

[@ashleydls]

聽完坐看雲起事返咗嚟

[@LittleStardust]

3:50 mix左twinkle twinkle little star個旋律入去 呢首法國民謠原曲叫Ah! vous dirai-je, Maman 係"媽媽請聽我說"嘅意思🤯🤯🤯

[@cc6736]

勁

[@vivianflyflyify]

聽到!!

[@mavislau3035]

狂人班底真心癲🤯🤯🤯

[@mooncheeseeee157]

4:33 如果仔細啲聽嘅話 BGM都有～～

[@chung34]

高手

[@catherineng5562]

砂之器真心係神編曲😱，仔細聽了便會發現Carl叔叔將物語系列三部曲同埋狂人日記嘅原素都注入呢首歌裏面，例如水滴聲💧（水刑物語-當時曾經Jer提議編曲加水嘅聲音？但俾Carl叔叔ban咗），依家加水滴聲應該係想營造穿羊水滴到地上嘅情景🩸。仲有將迴光物語開段電子琴伴奏編排在砂之器裏（MV時間大概1:41)。至於風靈物語，應該是被加入最多元素嘅一首，有風鈴聲、編曲常出現嘅一段鋼琴伴奏，風吹🌬特效聲等等。其他Carl叔叔神編曲嘅例子小克在近兩個ig post也有提及，例如一開始人聲「狂」、搖籃曲twinkle twinkle little star、music break加入齊瓦哥醫生嘅Lara’s theme。 意想不到嘅係，原來聽廣東歌可以咁，好似解剖一件藝術作品，又認識到New Age佛理嘢，所以話，香港樂壇又點會死呢。😊

[@lasola3419]

最初聽teaser 時, 奇怪點解background mixing 有幾粒音係經典西片Doctor Zhivago的配樂 ( 純音樂 lara's theme/ 歌曲Somewhere my love , 同曲 ). 直至睇哂成首歌mv 同歌詞. 除左電影感外, 估Carl 叔叔係特登混音加 somewhere my love 呢幾個音 , somewhere 前世今世 my love 愛的人, 加多一個層次, 純個人推想.

[@catherineng5562]

@@lasola3419 尋晚特登搵Somewhere my love 嚟聽，歌詞好感人，意境同砂之器都好match。

[@busdreamer]

其實好多歌都有好特別嘅地方只係大家之前一直冇關注廣東歌😢

[@polyulokyu]

OH YES, 唔怪得咁熟, 原來係 Lara's theme ... 好勁呀 ...

[@KennethLaiPurple]

想請問大家喺邊個位會聽到Lara's theme? 我想聽真啲，thanks :)

[@karmalau4174]

我係70後，本身對mirror無咩認識，睇左大叔的愛感覺不錯，慢慢開始多了解mirror其他成員，一聽到Jer的歌簡直返唔到轉頭，之後揾返哂佢唱嘅歌來聽，佢嘅歌不論曲同詞都好高質，呀Jer把聲好靚，近年樂壇比較少見的靚聲，唱live也很正！希望Jer的公司能夠好好栽培他，唔好浪費左佢。Jer！加油💪🏻💪🏻💪🏻香港樂壇需要你！支持你！🥰🥰🥰

[@ericxgbxeric]

介紹你試聽吓： 林家謙把聲好特別，聽佢歌好舒服 吳林鋒+Jer 首《樂壇已死》都好好 Serrini 寫歌好有文采，自稱 ’騎呢小清新‘，用文青風格唱尹光嗰類詞，搞笑輕鬆 我有 20 年冇認真聽廣東歌…全部因差唔多，但因為佢哋，我呢大半年都冇再聽廣東歌以外嘅歌。

[@ashleydls]

你個名證明你都係啱聽jer嘅歌，佢d歌好藝術，失業聽都好勵志，佢會去盡，好有生命力嘅聲。佢d歌可以聽完再聽，好多解讀。曲都似組曲，聽完砂之器，我有聽返風靈物語，有水聲，會聯想水刑物語，歌詞狂又會諗起狂人日記，迴光又會諗起迴光物語，所有嘢都係因果、輪迴。本身物語系列都順序聽，我有sd畀我媽聽。我都聽厭k歌

[@Chiskey]

ME TOO

[@Chiskey]

本身成個歌list都係歐美韓國歌，依家全部mirror

[@koko-ml4wy]

正想留言講，然後就見到你既留言，完全係我既心聲！

[@LFWong-zw7uy]

前世「狂」造的孽，下世用「愛」來還 但下世因「愛」而生「恨」，但最後都是而「愛」「原諒」來解對方的「恨」和「孽」

[@natalieongnielove9961]

有冇人同我一樣🙋🏻‍♀️ 睇完呢個mv 更加想「風靈物語」有翻個MV🥲 👇🏻

[@lau.lau.fun.1120]

風靈物語都好正😭😭無mv令到好多人都唔識首歌😭可惜

[@mavislau3035]

風靈物語係物語系列裏面我最鍾意嘅一首歌😿

[@ltsPure]

支持拍返風靈個MV, 有MV令物語更加完整

[@enihpesojtreb4062]

如果風靈物語有mv就好😭😭😭

[@gigicici2001]

風靈物語，真心現時最愛

[@sorasora377]

最後一句…說聲「對不起」 讓 愛永久 無論過多少年 都覺得好揪心🥲

[@hiukixd]

關於血親關係的傷害，有人話父母帶俾孩子既傷害，係一個輪迴，受傷既孩子，不自覺地會將同樣既傷害帶俾其他人。 最近係到思考，點樣可以脫離呢種輪迴，停止傷害自己、停止將傷疤擴展到他人身上。 《砂之器》--生命、關係、情，種種就如同砂石堆砌成既器皿，隨時間、記憶、生命既淡去而漸吹漸散，形體、記憶抹走，種下既果、情、業卻繼續流傳，必須有一念覺悟，才可在傷害輪迴轉生前扭轉。 呢首歌帶俾人一個覺悟，但此時此刻，個人而言，仍是未有力氣去扭轉，因兒時的痛篩著篩著，浮現在眼前，篩不去，仍是痛得講不出聲。故事中孩子說的一句對不起，不知失智的母親能否理解，更多的意義是孩子選擇了寬恕 希望有日都可以學會寬恕、放下，但如果在母親失智前，孩子亦能聽到一句對不起，多好 謝謝柳應廷、小克、王雙駿、MV的創作團隊，多謝你地既果，成為因，結出更多好既果。

[@josel2404]

簡直覺得佢哋掀起咗一場音樂革命，重點唔係人氣、傳唱度，係歌曲背後嘅思想同意義

[@emilylam27]

其實我一年前睇咗之後我唔敢再睇多一次，直到而家。呢個MV好似大過穿梭時空去到我當初生BB出嚟，承諾呢一世都好好愛護佢。又見到好似一面鏡咁反映我同上一代屋企人嘅關係，當時真係有離家出走，當時真係有鬧到天崩地裂用衫架打，時光倒流響我面前再出現，睇到嗰度啊，好似用針拮我個心咁真係喊咗出嚟！就係睇到呢度令到我反思，以前所受嘅傷痛，我唔會對我個小朋友咁樣，都要好好咁愛佢！承諾一定好好愛護佢！我諗各位媽媽都有好深嘅感受，各位仔仔女女都知道，其實媽媽係好愛你地知嗎？每一次睇到好感動。多謝你Jer 用一個咁細緻嘅MV訴說我哋嘅心聲

[@aniDacat]

我都係媽媽，呢個 MV 真係睇一次喊一次...好有深度嘅一首歌...

[@phonics7305]

頭先睇番全民造星，阿Jer 比人話樣麻麻， 表情管理差。 再睇番佢 叱吒樂壇 live狂人日記既得獎表演, 真係即時喊出黎😭😭😭😭，(邊個會估到佢可以有Eason Chan 級既表演)。👍👍👍👍👍替他高興。 佢既面部表情，肢體語言都話比大家聽，佢真係瘋狂地熱愛唱歌👍 Jer 係一個真誠既人，有血有肉，不造作，樣子平凡，但卻是最上盛的演藝人才，潛能無限。👍👍👍

[@manadd96]

只有應廷可以壞過應廷 只有應廷可以超越應廷 #柳應廷世一

[@dionlois]

本來想喊，睇到壞過應廷笑左。

[@Tssh705]

夾埋個mv睇真係會諗起自已屋企人 或者係好多人既寫照 真係好唔鍾意屋企人 過去既事好難當粉筆字咁抹走 真係好似整定咁 「根本那 宿命定律 刪不走」 有時好想一走了之 但又成日心軟 尚未綻放出 自由 聽左首歌有少少釋懷 柳應廷真係一位可以打動人心既歌手 多謝你🥺

[@ASHEIDEE]

加油

[@tanginvalidity5118]

一路聽一路睇一路喊，記得6歲父母離婚前媽媽成日喺屋企飲醉酒，拎住菜刀「降」住佢自己，我地幾姊妹都好驚，然後佢就同左第二個男人走左去，細個對媽媽嘅記憶就只係咁….之後跟爸爸生活 人大左，生左小朋友後，同媽媽之間嘅關係都釋懷，變返好似朋友咁，儘管如此，我都冇叫過佢做「媽」，可能30年都習冇媽媽嘅日子，同佢相處個種感覺真係好複雜…

[@chanyu4779]

個人係最鐘意Jer哩隻歌既concept. 雖然個人經歷同哩首歌性別對調左 我同爸爸關係都唔好 ，有三四年時間我地同一屋簷下但係一句說話都冇講過 有次我朋友同我玩下做左個占卜，問左條關於屋企人既問題，（朋友係唔知道我屋企既情況），占卜得出既訊息係：即使你今世有幾憎佢都好，你地兩個上一世已經係親人，當時我一聽到就喊到收唔到聲，先發現原來我係好緊張爸爸. 慶幸上年開始同佢關係close番d 聽到阿Jer哩首歌，好似撻著左我個制咁 又喊到收唔到聲，諗番起自己哩個小故事 好老土但係都要講 珍惜屋企人. 多謝你呀柳應廷！

[@yanki01011991]

加油！

[@piggyrj123]

再老土啲：珍惜眼前人，不要讓自己後悔

[@wlieong1273]

「砂之器」一開頭嘅風鈴聲真係畫龍點睛，因為佢彷彿在呼應著「風靈物語」 「風靈物語」係描述人死後變成靈魂的死後世界，而「砂之器」係描述靈魂轉生後的世界，放埋一齊啱啱好就係描述緊一個人死後到投胎嘅經歷 (ps.希望我冇講錯;P) 同埋循例都要講一句：阿Jer真係好Mm7!!!

[@szeluiho7183]

咁會唔會同狂人日記有關？

[@Martin_Wong]

我覺得狂人日記係過度，人死後嘅回顧

[@vincentchui5282]

狂人應該系一種頻死體驗，因為當中有寫’魂魄歸返他正身’，之後主角反思引致想法既’重生’ 砂之器就系輪迴，肉體上既’重生’

[@siustepcat]

不斷聽到風靈三粒音

[@ashleydls]

有關,我成日聽完砂之器,就會聽返風靈物語

[@QueeN_zR]

MV拍出輪迴感 作詞人小克曾在訪問裡, 講起作這首家, 大家應該知道小克是New Age人吧~ 所以都會偏向呢類主題的歌 因為小克曾經睇過一本書: , 裡面有一個故事很感動, 所以小克腦裡一直想把它變成歌詞.. 首歌講"靈魂在人間, 再輪迴轉世, 以另一種關係, 形式"再遇見, 裡面的因因果果, 主題是愛" ......... 因為受了書裡面一個靈魂回來幾星期就走, 為了讓前世的人放下, 而作了這首感動的歌

[@howinnie9696]

睇完"阿媽有咗第二個"之後就諗起呢首歌，回來不斷聽，隔了些時間再聽，回想套戲，有好多感觸，我相信每個子女都有對父母覺得做得不夠好的時候，父母也一次又一次原諒自己，父母已不在，但真的很想再次跟他們說對不起，我愛你🙏 Jer 感謝你和團隊為我哋創作咁多令人反思，觸動心弦的歌曲，柳柳，等你和隊友回歸舞台為我哋唱Live 💪

[@alvinwong1786]

物語三部曲由生講到死 重生三部曲再由死講返生 唔喺得D情歌 情情愛愛咁悶 Jer確實利害 可以用歌講人生 往往呢D歌先最有味道 期待下首好歌

[@TheWilsonwu1000]

其實周國賢同小克既時空三部曲都好正

[@TheWilsonwu1000]

其實周國賢同小克既時空三部曲都好正

[@daisyukdaydream]

第一秒白頭佬就是「狂人日記」個麵店老闆老咗，本來想自殺，但死前元神出竅望見前世來生，於是決定念生再重新造人，但狂人同老婆關係一直唔好到老，希望老伴來世仍能做自己親人修補前生關係，狂人所以就投胎做咗呀Jer，即是黃色花，即是砂之器的小孩，即是呀Jer。 所以合理返第一集和二集的劇情。 老闆下世=Jer=老闆老婆死後投胎媽媽的兒子 來生，狂人修補前生的關係，只有寬恕❤

[@KarthusHK]

重生系列第三生,是不是要狂人體驗十月懷胎?

[@ashleydls]

@@KarthusHK 第3集係我愛你，謝謝，11月出喎

[@wgertrude]

我係慣性離家出走，次次同亞媽嘈就走咗去，而家經濟負擔得起就立即搬出去。以前一齊住就只會聽到佢講要我做咩、我有咩做錯、同亞哥有幾叻…… 而家分開咗反而隔日打黎問我有無湯飲，幾時返黎煮飯俾我，甚至拎生果出黎我屋企，真心我有咩生果買唔到，但佢就會一個老人家拎住四隻橙坐兩個鐘頭車黎搵我食飯……

[@sing0608]

至親關係只有一次 做人唔好比機會自己後悔,有機會補救 就去啦,有心從來唔怕遲

[@Sheep_-hk5yt]

嗰四隻橙，買係好方便。但亦因哩四個橙，可以有個籍口見吓妳，擔心妳過得好唔好。

[@chanman1238]

抓緊眼前擁有

[@MrJethroip]

已經六十幾歲啦，但這首歌聽一次喊一次！

[@namaichuwei6894]

一生多舛　轉世善後　 卷縮棲身　囹圄靜候 漆黑中　只有愛可衝破漏光的缺口 小克請受小弟一拜。🙇

[@rachelchui5443]

聽其他歌，有時會不知不覺被旋律帶走咗，忽略歌詞或者mv嘅故事🙈 但Jer嘅歌就好似一本發聲故事書咁，喺旋律嘅襯托下，一幕幕嘅故事情節經歌詞道出，再配合mv畫面，對聽眾講出一個完整故事，好難會忽略其中一part，甚至覺得曲、詞、mv畫面、Jer獨特嘅聲線少咗任何一樣個故事都唔會完整，如故事般嘅歌亦係Jer嘅歌最吸引我嘅地方!!!!!!!! 感謝呢個咁高質嘅製作團隊，由物語系列到重生系列，每一個故事都好獨特、好有魅力，期待重生系列最後一個故事!

[@ashleydls]

4個字，恰到好處。同意你，配合最難。佢d歌好似邪教/毒品，令人上癮，返工都自己心裡面哼，但明明佢d歌都難唱，應該難入腦至係

[@rachelchui5443]

@@ashleydls 我都覺得佢嘅歌好入腦，明明聽第一次無太大感覺，之後某時某刻個腦就會無啦啦哼首歌，之後我就會上癮地無限loop歌😂

[@ashleydls]

@@rachelchui5443 返工都顱內loop

[@diehardanimefann]

這首歌完全觸動了我的心靈，第一次聽我覺得好聽但沒什麼反應。第二次聽我開始回憶起我跟我媽的回憶。第三次聽我已經在哭。我生長在單親家庭裡面，我們經常有爭執和打鬧，但核心裡面我們是愛著彼此的。 雖然我不懂怎樣表達，我還是send了個信息給我媽說，「我愛你，雖然我一直不懂得怎樣表達。」我媽為了養育我們已經身體變得很衰弱和差，我回憶起之前她能夠周圍去吃，然後現在連硬的食物都吃不了。我真的不孝，我在她艱難的時期沒有陪伴她。但聽完這首歌後我記得我和我媽的種種回憶，雖然我一直對我媽都有厭惡和不安（因為種種情況），但我心底裡我依然希望我媽可以繼續活下去。真的是太感觸了，謝謝這首歌的存在

[@tiramisuf7532]

耐唔耐又來聽呢首歌，每次聽到歌詞 “望母親突然白了首” 都好感動😭

[@bunniesandcats4345]

聽著這首歌，眼淚不斷在流。我和媽媽這輩子，是沒法諒解的關係，即使她已八十七歲，剛在鬼門關溜了一轉，大家的共業，可能又等到下世扭轉宿命。雖然重男輕女觀念不由爸媽發明，但大半生帶著「生女無用」的罪名，受到的傷害侮辱輕蔑...已無法挽回，如鐵鍊一樣繫緊雙手雙腳，影響整個人生的性格自尊自我價值甚至性取向。深刻的歌詞，來自靈魂的歌聲，美麗的旋律，或許聽著歌把所有眼淚都流出來，盼望下世和爸媽可以相親相愛。感激小克，感謝JER，謝謝雙駿。

[@Sab1010]

加油，抱抱🥺🙌🏻

[@irischiu7954]

明白，衷心祝福您明天會更好。

[@荷蘭蕃茄]

我就選擇今世原諒我媽，因為我想清空所有恩怨，冇拖冇欠，希望下世唔好再相遇，

[@cindyw578]

加油啊，作為媽媽嘅我，聽到首歌，見到大家嘅留言，會天天反省同我個女之間嘅關係，希望以後大家都會好愛大家 我唔想有一天我個女同我講下一世唔想再見到我💔

[@ronchu7315]

加油，活出你自己的人生，不被過去拖累

[@kaylee4224]

唔好再話佢係乜乜乜既翻版！ 佢係柳應廷！❤️❤️❤️ 利申：已由陳奕迅fans過左檔去柳柳粉

[@bauhinia2001]

母愛，甚麼是母愛？ 您離開了差不多一年半了，我大部份時間都活得很好，想念您就像呼吸一樣平常，在思念中出現然後消失。 有時會想起您臨走時，那對冷而朝濕的手。 有時會想起您走後那幾天，我頹廢得只吃冷凍餃子，雪櫃空無一物。一隻飛蛾突然出現，我追着他，他飛到廚房猛地撞牆。我知道是那個總是打爆雪櫃，擔心我們沒東西吃的您回來了。 後來再感受不到您，我知道您一定去了更好的地方了。 對不起。 謝謝這首歌，淚崩了。

[@vincechu1213]

jer 不用大路情歌取悅受眾，以更深層次的曲詞和意境去表達各種千世萬代的因果輪迴的愛，柳柳深情的露魂演繹，也有無數有慧質、懂得欣賞的聽眾，加油jer ,你值得擁有更多💙💙💙 2023~2~21 仍然深深被打動

[@lamyan5544]

阿Jer真係痴線架。係佢D歌裏面會睇到佢有幾鐘意音樂。好正。呢個年代。堅持做自己的事唔容易

[@iamkaiyiu]

聽到一半先驚覺自己眼濕濕… 單親真係好大感觸… 細個因為啊媽食煙我都係試過mv個𡃁仔咁，童年簡直一模一樣。 到大個，啊媽反而戒咗，我自己反而食煙。幸好我係女，同啊媽冇好似mv咁，反而變咗好朋友咁肯溝通。算係比較好彩(？) 但係好記得有次啊媽講：見到你食煙，其實內心好唔知點，因為我之前係你細個嗰陣都係咁，我冇資格講啲乜… 再望望啊媽，真係老咗好多…身體又差…真係愛要及時。 最後，支持廣東歌！

[@sayfanny]

香港樂壇真空左成10幾廿年，花姐，就係因為妳，喚醒左一班苦苦等候既歌迷，令我地再次緊張每個星期，甚至係每日既龍虎榜。 感謝Mirror每一位成員，樂壇沉寂既時候，不斷去裝備好自己，為自己既理想去努力，係你地身上讓我再次感受到上上一代香港人既核心價值：不屈不撓，永不放棄，謙虛包容，互相專重。 希望你地繼續為香港，為廣東歌，發光發亮！ 個MV好感動， 媽媽好靚，好用心，希望片中小朋友無受到工傷。

[@szekat5111]

多謝花姐，多謝Mirror，多謝幫過佢哋嘅音樂人及MV台前幕後！香港歌手不會死💙

[@everestllf0401]

這個MV 跟這份歌詞真實的可怕，MV前半段完全是自己兒時寫照，歌詞也過份赤祼。昨天聽完、看完，一整天情緒都沉了下去。 6歲時媽媽跟爸爸離婚，後來跟著媽媽生活我才知道她食煙，很不喜歡她與繼父的生活習慣與模式，跟我認知中的媽媽很不同，MV 中藏香煙被打的情節我也試過經歷。 跟著媽媽生活那6年至12歲，因為被虐打，她甚至揚言要斬死我，再去跳樓，我才受不了回去跟父親求助，然後至今19年都再沒有見過媽媽。 那6年，我經歷了很多根本那年歲消化不來的事，吃了很多情緒無法釋放，連心理醫生也幫不了我。 近年才有機會接觸身心靈，不論上靈氣或靈性成長的課時、上催眠堂進行催眠練習、甚至看阿卡西，才知我跟媽媽數輩子都有過情侶關係，全都無法圓滿。 當日前讀完小克在FB 講這份詞的靈感來源的帖文，這些年的點點滴滴又再傾巢而出。 理智上明白這些恩怨情愁，然而情緒還是不同步，幸好上年平安夜開始機緣再接受醫院心理治療，這次有了成熟度再去面對這一切，願意慢慢看見當中的愛，我也希望這輩子能放下我倆間的學習，不想再無限輪迴。 零極限那四句要說不難，但要真心原諒寬恕自己跟媽媽，還未算是件易事。

[@JEREMYxLAU]

加油💪🏻 生命要讓我們學習的東西太多 共勉之。

[@everestllf0401]

@@JEREMYxLAU 感謝你們的創作與努力，給我個出口🌹一齊加油💪

[@rexrexrex4400]

唔知可以講乜，只可以講加油！加油！加油！

[@ashleydls]

多謝你分享，我係因為我媽落仔，所以做咗未婚媽媽生咗個仔，因為我爸大我媽32年，17歲爸已經過身，我好想要兄弟姊妹，當然我媽都過更年期啦。咁開心嘅係，原來有兄弟姊妹嘅感覺係咁，但因為個仔之前寄養，唔開心嘅係我同我媽關係唔好，我仔同我關係都一般，我都有見過cp嘅，其實我乜都講出嚟嘅人，但我媽唔係，佢堅持覺得上1代嘅嘢唔使同我交代。其實我中學都好多同學仔好關心我，但人大咗，各有各工作，移民嘅移民，我慣咗用工作逃避現實，但又失業喎。搵到工又就嚟完job喇。一齊加油

[@Josephinehkyu]

每個人來到世上都有各自要完成的功課。 加油💪🏻

[@Lottie100]

Mirror 或 阿Jer 如果純粹為討好一般人，谷起人氣，無須唱好似砂之器咁沉重、亦唔大路嘅歌，但我諗阿 Jer 係一個對自己有要求嘅歌手，唔係但求做一個好 popular 嘅 idol，所以先會接受呢個 challenge，呢首歌好 serious，但亦因為呢首歌，阿 Jer 令我相信佢不僅係一個 idol，亦係一個 very respectable 嘅 serious musician。姜濤唱 孤獨病亦一樣，好成熟，好 serious，超出咗一般 boy band 歌曲純討好、扮可愛嘅層次。

[@dreamerng9307]

佢同姜都係好好的idol，好有想法。演繹有深度，他們的作品是藝術。很開心香港樂壇有佢地

[@apriljimjim7010]

@@dreamerng9307 Jer,Ian同姜濤都係對音樂極高要求同有自己慨諗法~ 佢地每次出新歌~我都好期待~

[@mwroleplay7950]

kzbin.info/www/bejne/a3ebZ4BqiNStmtU&lc=UgzPbSoZHlr9Q79AfDx4AaABAg 柳應廷

[@politicsandgames3511]

非中國籍的内地當紅的華人明星名單 kzbin.info/www/bejne/jXnXaKZ5ab6IqM0

[@chansteven4516]

當初好彩有花姐捉返阿jer入mirror 先有咁多好歌聽！

[@wilsonnb7414]

呢首歌 個MV 曲詞唱 所有 跟本係個藝術品...

[@vshker4165]

呢首是我的年度之歌

[@pollywong2368]

我想講，除左歌高質， 大部分comment都好高質！ 有個人經歷、個人分析、個人感受， 可以畀我邊loop歌邊睇別人的故事， 感受更深， 呢個就係一個好嘅作品衍生出黎嘅野。

[@hudsonchan305]

喜歡Jer的都係高質 雖然外表唔係最好 （當然越嚟越可愛） 但歌曲深度 唱功 題材 等等 Jer一定係超班

[@apriljimjim7010]

有d個人經歷仲好感人~~唔知Jer會唔會睇返KZbin comment呢?

[@catherineng5562]

@@apriljimjim7010 佢會睇㗎，有時仲會回覆人添

[@ashleydls]

@@apriljimjim7010 佢有睇有覆，連歌詞分析佢都留言，你睇真d吖

[@ashleydls]

啱呀，每人心裡面都有座斷背山，一樣家家都有個砂之器。咁先係藝術，人人都有唔同解讀，冇分對錯

[@lsctracy]

聽完Jer所有歌後，成為柳柳粉了

[@lunauna4185]

重生系列圓滿結束。即使無法超脫輪迴，人類仍能夠在愛中找到意義。 （因為MV尚未出，所以先在這裡留個言。Viewership計的。)

[@everydaydream8398]

好有共鳴⋯ 相信好多人的父/母親在童年和成長階段都傷害得我地好深，其實明白父母心底裏係愛我地，只係上一輩通常無讀咁多書，好多野佢地唔明、唔識表達關懷、唔識處理同子女的關係⋯結果就傷害左我地，其實都真係宿命，因為通常係一代傳一代⋯因為上一代童年都有同樣的經歷，所以到佢地做人父母都只係識用返同樣的態度對待下一代⋯打破宿命的方法只有「原諒」⋯做要做到真係唔易⋯

[@runnergormassageservice9415]

外婆半年前發現末期癌症，這幾天病情惡化，每次看著她在病床上痛苦的呻吟時，都會不期然想起砂之器的旋律和歌詞。昨晚她終於走了，今天我loop了這首歌一整天。 婆婆，多謝你，我們那日見。 感謝阿jer用聲音療癒了我們的心，活在當下，珍惜眼前人，共勉之。

[@cracklover3133]

RUNNER R 保重巴打

[@runnergormassageservice9415]

@@cracklover3133 多謝 有心 慢慢適應中

[@laulwyjo2777]

母子或多或少是種共生關係，互相依賴，彼此都很重視對方，對對方又有各自的期望，導致彼此愛恨交纏，非常可悲。 我認為要解開這種關係的死結莫過於雙方都要一齊追求心靈成長，學會互相尊重和接納，不要控制對方，或者漠視對方的付出。 母子關係實在是很多人的人生功課，卻常被忽略。老實說，好的關係是透過不斷反思、學習和經營才能建立的，希望自己都可以有多d時間同媽媽相處，可以解開我地之間的心結。

[@1314crystalwish]

呢首歌太入心 同父母之間矛盾嘅成長創痛可能有好多人都有 無論係父母對細路定細路對父母都有太多虧欠嘅對唔住 聽到一半差啲要停完全喊到收唔到聲 Jer好嘢!!

[@iwantaubree]

佢唱到第三句，加埋個畫面我已經頂唔順😭😭

[@hsjasmap]

用衫架打個下真係😢

[@1314crystalwish]

@@hsjasmap 好幾段戲. 衫架. 離家出走媽咪打電話. 海邊滴滴金. 洗奶樽 (基本上講哂haha) 但真係好動容. 睇好多次幾乎次次都喊.

[@hoilunggg]

雞皮起入心 本身聽既時候重覺得係一首唔係特別難既歌 點知發現其實好難唱！！！ 牙Jer既歌聲就係一把說故事既歌聲 就可以將聽眾帶入故事當中 手把手帶我地進入呢個世界 《砂之器》 重生系列第二部曲 期待第三部曲來臨。

[@Sleepyape72424]

我覺得呢首仲難唱過狂人🤔

[@CmonInn]

我第一次聽已經覺得好難唱🤯🤯🤯

[@ashleydls]

@@Sleepyape72424 係，好多情緒跟住劇情起承轉合，似音樂劇d歌。我覺得好似講緊香港同我地嘅關係咁

[@stitchwithpeggy]

勁難唱！d歌詞都勁難記

[@catcat7771]

要感動人真係要有一把咁有感情嘅聲音先得

[@HKMC619]

雖然香港樂壇係再盛放，唔再情歌處處，好多有意思嘅作品 但要講到撼動人心，非「砂之器」莫屬

[@akcornpowder4868]

1:27 When his mother is drinking alone. Obviously she’s a single mom struggling in life on how will she manage to raise her son. She becomes alcoholic and smoker as an escape from the pressure of life. It became her way of escaping her miserable fate. What she didn’t know was how badly it would have a detrimental effect on her son. Jer grew up like this set up between his mother. We can see him always listening to music. Music became his refuge. At first when he was younger he tried to hide the cigarette for his mother to stop smoking. When he grew up he also smoked he became rebellious something his mother didn't want. 4:02 his mother walks as if lost not knowing where to go. She went up to rooftop, ironing Jer’s old clothes. And his mother’s memories are the times they were together when he was young. so my theory is that his mother has alzheimer. when Jer first saw her ironing old clothes. he didn't bother to pay attention. He realise something strange about her mom, especially when he sees it sterilising the milk bottles. let’s go back to the 1st scene. it’s old man looking at his dead mother. his eyes doesn’t have any regrets. because in the scene where his mom sterilising old milk bottles he realise everything, The fate of their lives. He forgive his mother. He forgive himself. He took care of his mother. He was born again. The birth of a baby is a new life. New life you still need to live. Parenting is a very happy feeling. Equivalent to this is responsibility. Parents are human too. They have feelings too. They can be happy and sad too. There are problems but choose to keep it to themselves for the peace of the family and children. But there are times when they also become weak, they cannot cope with the challenges of life and do things to forget the challenges of life in this world. But that doesn’t mean they are bad. Now go hug your family, your parents or anyone who raise you. Send them a message. Life is short. Time flies so fast. Let us live every day with more love prevailing. Because we don’t know what will happen tomorrow. Just my interpretation about the MV. Jer’s vocal really amazing. 💙

[@akcornpowder4868]

Came back here to say thank you to all the 👍 I’m a simple international fan of Mirror and I wrote this interpretation base on the MV alone. Finally someone sent me what’s the song about so I finally understood it. 💙

[@jenniferblong]

@@akcornpowder4868 Thanks! I came back again today to read your interpretation. Cheers!

[@akcornpowder4868]

@@jenniferblong aww thank you so much. 😍 Knowing that you came back to read it again makes me so soft. Music is really amazing kind of language. 💙

[@kching605]

朋友同我講Jer嘅作品唔係咁啱口味，但我個人反而好鍾意Jer嘅歌曲風格，非一般商業情歌K歌 歌詞、故事以及MV令我忍唔住一聽再聽，想細味當中的歌詞及留意MV每一個畫面 非大路情歌但我相信治癒好多人嘅心靈 Mirror 12個我都有留意，本身係神徒但無可否認近期4個作品係Jer《砂之器》最扣人心弦 Jer值得更多人留意及欣賞 加油💪🏻💪🏻💪🏻

[@apriljimjim7010]

我都係神徒, 但我一樣好鐘意聽Jer唱歌, 佢慨歌唔會一聽就愛上, 要聽多幾次呀~同埋Jer歌路好闊~我好期待佢之後慨作品~同埋我好鐘意聽佢唱其他歌手慨歌~~

[@meimeiwong9363]

我一路都係Jer粉，「砂之器」一出聽咗好多好多次，次次都聽到眼濕濕（唔係誇張）。 有幾次自己都頂唔順，要聽返「不可愛教主」，好讓我平衡返。 Mirror真係治療咗我地各方面心靈💗

[@meimeiwong9363]

教主又真係好出色🤤💓我都大愛教主啦

[@kching605]

@@meimeiwong9363 唔誇張，JER嘅作品特別係重生系列真係好正，發人深省！好期待第三部曲😍😍😍

[@catcat7771]

教主係一個我認為現時黎講最出色嘅跳唱歌手，我係柳炒都好欣賞，柳就係說故事歌手，兩個人都好有自己風格。

[@karcyc]

一年了 謝謝你陪我走過小產的日子 誰躲在命運 大門後 子宮裡 窺望日月 怎麼走 唯求一生一世 短促的廝守 Woo 逃不掉命運 便承受 願能 攜 著 手 如臍帶 總飾演 因果的樞紐 很怕 再分手 在羊水中 顫抖 再聽仍然有眼淚 就算有rainbow baby 我都不會忘記你 生命連結的感覺

[@miuyungpang]

堅強😞

[@tonyyip9918]

Hug

[@sakuraikazu9065]

就係呢首歌，徹底入坑了！十幾年來好耐未有一首廣東歌、一位歌手咁令我感動了，謝謝Jer、小克老師、Carl叔叔成就經典。

[@janneldyer3420]

第一次睇MV睇到喊 太寫實 雖然我哋未必同mv 中 咁 但係成長的過程中一定有磨擦 反叛的時候 。人大左回望過去再看下 父母已經變老了 就應更學懂互相相愛

[@christinechan5507]

我都係第一次睇MV睇到喊，我仲以為得自己係咁

[@sharonyung7261]

真心係憑實力有1M, 砂之器值得擁有更多

[@apriljimjim7010]

呢句真~狂人Jer又冇劇集谷人氣~全憑自己唱歌實力同口碑吸引歌迷去聽~真心勁~~

[@ashleydls]

@@apriljimjim7010 有口碑都宣傳下好。其實神奇之路都好正，但畀香港01話view數少，不過篇嘢戥佢唔抵卦

[@politicsandgames3511]

非中國籍的内地當紅的華人明星名單 kzbin.info/www/bejne/jXnXaKZ5ab6IqM0

[@ericleung6253]

CLS 頭幾秒intro承接狂人日記ge咆哮 然後果十幾秒background music好似狂人日記嘅bridge 但係成首歌同狂人日記嘅風格好唔同，呢首激昂得嚟帶點悲傷和懺悔…… mv故事拍好得有意義同戲劇性 Jer so mm7! 期待重生系列最終曲！

[@hannahhsu5449]

欣賞阿Jer之餘，黃呈欣喺呢個MV真係好出色….為呢首歌，呢個故事加入咗好大嘅張力，由生BB一開始就係帶我入戲！阿Jer嘅演出超自然！Mirror 真係各有特色，好叻仔！😍😍🤙🏻🤙🏻 Edit: 不停loop嘅時候真係好想話，Mirror真係好好…12個人，無論團歌定單飛嘅歌，內容都非常貼地，亦非常廣泛，照顧到唔同人嘅需要⋯⋯愛情，同性或異性，兄弟情，熱血，網絡欺凌，抑鬱症，甚至而家嘅單親家庭….歌曲原素之多領到聽歌嘅人嘅心靈總會搵倒共鳴⋯⋯完全明白今時今日嘅社會唔係只係得情情塌塌！好多謝所有幫Mirror做音樂嘅團隊你哋嘅用心！多謝！繼續加油！香港樂壇，有你哋，冇可能死！🥰🥰🤙🏻🤙🏻

[@tweety0224]

黃GAP欣黎架？！😮

[@missfonny2ng507]

大欣真係好好戲

[@michaelshum5634]

入面果個真係 大欣黎傢 😱😱

[@kongnuichunds]

黃呈欣mm7💓

[@edwinshiu1118]

@@tweety0224 係😂行山畏高嗰個黃gap欣

[@Lau_YM]

聽完坐看雲起時返嚟睇，喊到失控⋯⋯

[@waman2433]

常言女兒是爸爸的前世情人，在這裏，兒子也是媽媽的前世情人呢。 因為捨不得你，所以跟你走進輪回，怕來生找不到你，就從出生前已經緊貼著你，在羊水裡靜靜陪著你，期待與你正式重遇。 這一生我們不再是情人，但血脈相連永不再分。

[@emmywong6954]

再聽都依然覺得呢首係成個系列嘅經典!

[@see3Dsee]

媽媽，我知道你一直希望我成為一名事業有成、聰慧優雅的女子，我由細到大都盡力去做，但係奈何我真係一個普通人。我明白當年我未婚懷孕令你大受打擊，本來已經很一般的關係變得更差，之後發生好多事我都擺低姿態對你說對不起，但係你企硬嘅態度反而越嚟越強烈！近年更加發動冷戰拒絕見面… 媽媽，我唔知你會唔會睇到呢個MV, 我唔知你聽完首歌會唔記番起生我之後個一刻嘅喜悅，我只想同你講“媽媽我好掛住你，我們可以再見面嗎？”

[@see3Dsee]

仲有媽媽如果你真係有睇到記得揾我，我小朋友都話掛住你呀！

[@s023348]

祝福你一家

[@chanman1238]

希望你媽媽會睇到呢個MV

[@hahafannyghost]

祝福你 希望可在今生和媽媽關係圓滿

[@sddlee4893]

去搵佢親口講啦 有啲嘢唔做就會後悔一世💪💪💪

[@oise1184]

兒時，討厭你抽煙。 大時，不想我吸煙， 但抽的是一段回憶，一份愛。

[@TheLeepauly]

每日都要聽 阿Jer 唱嘅歌，很好聽💙

[@evachan4401]

睇左訪問過黎，覺得其實花姐唔駛咁擔心丫。Mirror係偶像團，而佢哋嘅團歌已經好有偶像風格。所以，如果佢哋獨立出歌，其實保持佢哋獨特個性仲好，咁樣每一個條路先可以行得更長遠。 相信好多鐘意啊Jer嘅，本身就鐘意佢嘅音樂品味。所以唔一定要走好K歌嘅路線啊。

[@rainrain3849]

花姐係監察出身, 著重商業計算。Jer 歌曲的題材夠寬闊提升mirror 歌曲類型, 其他鏡仔都有選特別題材，反而幫到鏡仔樹立形象唔似傳統男團只唱情歌.

[@wgertrude]

甚至呢個獨特性係佢地最厲害的地方

[@irenewong1116]

要讚嘅都比人讚哂～ 越來越覺得阿Jer係Mirror中係個特別嘅存在，佢雖然唔係特別耀眼，但佢個種不溫不火，攞個心出來嘅態度，係要慢慢感受先知佢嘅深情～

[@greenteadog7065]

柳柳係好可愛同埋好嘈㗎😂 💙

[@iluvxd9696]

every star shines in their own way~~~~~✨✨

[@ameliemonmartre5630]

Jer唔單止唱歌有感染力🥲佢一喊我就搞唔掂跟住一齊喊😭😭笑又會一齊笑😂學你話齋feel到佢嘅真誠💙

[@ashleydls]

你令我諗起太陽同風鬥快令人除衫個故事，係太陽嘅溫柔令人除咗，風暴烈咁吹，只係令人更加掹緊件褸。其實佢地12個都有自己嘅charm，都急速成長，獨當1面。我都要講返，我係中意rock，中意狂人日記，所以聽完狂人再聽呢隻，就好似遇到風雨再見到太陽，失而復得更難能可貴。

[@SammySiuyee]

一生多舛　轉世善後 卷縮棲身　囹圄靜候 漆黑中只有愛可衝破　漏光的缺口 呢一段我每次聽到都忍唔到眼泛淚光... 砂之器我心目中應該係 Jer 最 underrated 嘅作品

[@nhc3923]

多謝有份參與呢首歌既全部人 MV固然拍得非常完美 但對我黎講 見到大家留言分亨各自既故事 先係最令我催淚既原因 多謝你地 呢首歌的確會好多人反思同媽媽既關係 我都係其中一個 有好多年我地既關係都非常差 甚至去到決裂 聽左呢首歌好多次 每次都令我反省左好多野 人越大 代表你地之間既時間 變得越黎越少 我唔希望以後會後悔無珍惜同媽媽相處的時間 母親節就黎到 今年 我想我可以第一次同我媽媽講 "我愛你, 謝謝"

[@csy6301]

已經係藝術品嘅級數👍

[@myikazuki7016]

各位要孝順媽媽就襯而家開始好孝順, 多啲錫下佢買野哄下佢 唔好真係等佢老左白哂頭髮先黎去做孝順仔/女, 有好多時候到想去補救已經太遲 我阿媽上個月尾胰臟癌過左身, 最後一日入院係佢生日, 連生日蛋糕都食唔到就送院, 最後出唔返黎 好後悔之前日子冇多啲陪住佢渡過, 最後一段日子先想走黎做孝順仔已經太遲 買野比佢食...食完又嘔返出黎, 最後一日見佢就連對答都做唔到 好想再聽佢叫我多一次我個名, 佢叫我把聲只能夠係我記憶去回想, 好後悔冇錄音去比而家聽返 下星期就係阿媽嘅喪禮, 其實一直唔敢去承認佢真係離開左 有時做人就係咁後知後覺, 原來平時唔肯去同阿媽主動相處多啲, 到最後想再去相處已經冇時間, 而家先知自己原來都幾愛佢 呢20年來冇鍚過佢塊面同額頭, 同佢講聲" I love u媽咪", 去到最後一日先黎做呢啲野, 但阿媽已經再回應唔到 希望佢下世唔會再遇到我呢種人, 希望佢下世唔洗再受呢種痛苦, 個醫生話好少人會前後得到4次癌症, 佢係比一般人承受更多更多痛苦, 我朋友話佢因為放唔低我所以先忍受左咁耐, 希望佢下世開開心心做人, 我今世對佢唔住已經還唔到, 下世再還

[@mwroleplay7950]

kzbin.info/www/bejne/a3ebZ4BqiNStmtU&lc=UgzPbSoZHlr9Q79AfDx4AaABAg 柳應廷

[@mwroleplay7950]

kzbin.info/www/bejne/Y5O0oGSCqKp8lcU

[@longyumama6504]

保重

[@tinalee394]

保重

[@sukidomyuen2793]

痴線架!聽一半要停一停先 因為真係喊到收唔到聲 要平復到心情先有勇氣聽埋落去! 曾經可時都成日好嬲點解屋企人唔戎煙,怕對身體唔好:( 但大左就覺得佢開心就好啦,要戎真係唔易,食少左已經好叻. 與其罵,不如講多啲我愛你. 罵人既野好易講,但我愛你真係唔易.

[@iluvxd9696]

聽第一次起雞皮 聽第二次內心顫抖 聽第三四五次思緒愈黎愈複雜 期待連同MV畫面一齊欣賞呢首痴線歌❤️‍🩹

[@sharonlism0203]

贊同

[@DorothyKolin]

係呀，第一次聽成個人feel到寒意兼起雞皮

[@luoyiu5536]

一路聽一路流涙

[@linsharon1390]

雖然要講的都已經被講得差不多了，不過還是想說，這首歌真的是近期無論曲、詞、編、監、唱皆屬上乘的作品。小克簡練地刻劃出前世情侶今生母子的糾葛，意境簡單但優美。Carl叔叔層次豐富的編曲更是每次聽都會起雞皮疙瘩，bridge一段加入齊瓦哥醫生簡直就是點睛之筆。阿Jer的演唱一如既往地感情飽滿，而且隨著表演經驗累積，技巧也越發成熟。最難得的是MV還拍得這麼好看，女主角黃呈欣跟小朋友Jer熊倬樂的演出非常精彩，打小孩一幕看幾次都還是這麼震撼。感謝團隊的努力，製作了這麼棒的作品，非常非常欣賞阿Jer對音樂的熱誠，繼續加油，帶給大家傑出的作品。期待第三部曲。 P.S. 個人覺得這首歌值得有一個orchestra ver.，希望有朝一日可以跟管絃樂團做一次live，拜託考慮看看😣😣🙏🙏🙏

[@sandykuromi]

JER 真係好痴線 ，狂人之後又黎砂之器 ，真心好正 但愛真係可以【寬恕】一切？或者係唔夠愛，有D野真係寬恕唔到，可能可以放下 扮唔介意 想用俏郎君幾句回應父母同子女既關係 人世裡有一些價值 是比愛恨大 要補這個深溝 憑著愛不足夠 但首歌真心正

[@sinlong0119]

憑著 "愛" 不足夠 所以 "對不起，請原諒我" 然後選擇 "寛恕" 今世未能原諒 約定來世一同修煉學習 直到一天 "我愛你，謝謝"

[@momokoharuma2618]

柳應廷王雙駿小克完全將廣東歌level up去一個藝術品嘅層次。

[@famitse3675]

這兩三星期才知jer是誰，兩星期前才看全民I。少啲情情搭搭情歌，呢類歌可嗒性極強。一星期前開始探索Jer嘅歌， 終於有港語歌啱聽。

[@hazel96]

阿柳把聲唔係賣technique,而係佢個種令人有共鳴共感🥺🥺 睇埋mv真係喊出黎

[@kachunng9768]

本身把聲超有感染力

[@catcat7771]

柳應廷一向係我心目中一個實力派歌手，睇到佢不斷追求自己鍾愛嘅音樂風格，柳嘅風格有好多變化，三首物語系列歌曲，到重生系列嘅首部曲～狂人日記，簡直係一種震撼嘅驚喜，第二部曲～砂之器，好像在說故事，但聲音嘅震動令人感動，感受一種藏在心底已久嘅感情，因為歌曲而爆發嘅情緒，有點顫抖嘅聲音好像在哭泣，係過往嘅憎恨，換來現在嘅懊悔，說一聲「對不起」希望愛會永久，可以重生？但重生過後，由頭再黎過，係咪真係會珍惜？現在衹可以活在當下，為現在而努力、掙扎，期待嘅係下一年嘅春夏秋冬，或是下一世？

[@johancoffeetech5470]

第一次聽，平時主要睇AL跳舞😅， 但睇到女主角生BB已經開始喊，因為想起自己生阿囡時痛到死、生唔出，叫醫生殺死自己(認真)的情景…..音樂有感染力，她演得很好🙏🏻 這首歌是用來喊的… 我又喊了

[@jerryyan4514]

一年後聽完自毀的程序返過黎聽 另一個意境

[@裴君-r3z]

首聽〈砂之器〉有感 「如果我上世之狂，今世都要萎棄在子宮之中，我們是否就能廝守？」 一股怪誕、扭曲的深情，自腹中而起，蘊藏着前世的深情與痛傷。我想那是「悔」、「恨」，卻是「愛」。他沉沒在黑暗之中，而冥冥知道，前方光明的漏口要把他篩走。非他的肉體，非他之血，無他之狂，卻是他的悔恨。「斷續的廝守」，是他的哀呼，亦算夙願，只是那掌心形成的，是否唯獨將寬恕停留，他無從得知。 〈砂之器〉片刻的點滴落完後，他將遺忘。然而宿命中的因果、命運刻的題辭，已然從腹中與他糾纏，似臍帶、是前世、看清了，是「狂」。 所以〈狂人日記〉後，人想將宿命的地獄篩走，卻糅合糾纏合形而生。因而是〈砂之器〉。 〈砂之器〉本來，就是一個不留，盡數漏走。

[@chungmarvis6212]

係唔係小克轉載過嘅解讀！除咗mv以外，歌詞本身都有咀嚼嘅味道