Рет қаралды 166,500
إشترك في قناة الساطي الرسمية
للحصول على أحدث إصداراته الفنية
@Sl.020 ا
لـ التصميم رابط الواتس مباشر ⤵️
api.whatsapp.com/send?phone=9...
تصميم
الساطي - القناة الرسميه
لمتابعة الساطي عبر سناب شات
/ 9vnvuhou
#الساطي
شيلة حاكم الشعل
كلمات مطرب بن دحيم
أداء : جفران بن هضبان
تصميم @Sl.020
ولع الروسي الشباب لين الذخاير
تلتهب فالسما ويغير الرمي لونه
'
حاكم الشعل عنده للمحاكم دباير
حامد سعود بن سمار ماتجهلونه ..
علم اللي يحسب ان الحوافر حفاير
البكار معزوله والخيول معنونه
لو يغش العرب في لون بيض السراير
لا بدا الفعل بكره لابته ينشدونه
قيل وين انت ناير قال من شرق ناير
قيل وش هججك من غرب قال المعونه
اضرب الارض ياللي عام الاول تخاير
العرب ماتطق الارض غير مغبونه
والغبا للضبا والنار فوق المناير
والجراهيد من دك الخيول معجونه
'
يوم تشخص عيون محكمين البصاير
العتيبي من الطنخه ( تقادح عيونه ) !
'
مايحسب الصفوف ولا يحسب الخساير
وان تحامو عليه الناس مايقدرونه ..!
'
قدم الشعل يامفني عيال العشاير
في جنبها عيالٍ تعطي المجد شونه
خل سلطان يستاثم بسود الضماير .
ويتعزوا سعود ويثني العزم دونه .
'
فرد حمزه ليا جيناه ماهوب ثاير
يترك الفرد ويحاول يسدد ديونه '
'
من طمع رقم سمارات هل العباير
ماتجي بالمداهن والسلم والمرونه
'
يوم تعرض على راسه تدور الدواير
كل مرعاً جريدتها تقول محسونه .
'
تاخذ اللون من شعلة لهيب السعاير
وتعرا كنها بنت الشيوخ المصونه .
'
هيبة الحاكمه لمزهبين الذخاير
كم حريبٍ يظن ولا توفق ضنونه .
'
ترهج البيد وتنوش الثفان المراير
لاندبها شجاعٍ ماتقارع ( سنونه )
كنه يسوق في صاهد منيف العماير
سعرها زاد عن سعر العقار وزبونه
ان دفع كنها يمه تزف البشاير
وان كسر جضت تقول ان فيها ليونه
'
جول ريمّ يروعها الضلال المغاير
ماتبا ضلها وشلون تمشي بدونه
'
هيه ياللي على راسك تجر الجراير
راية العز خفاقه ماهيب مخبونه
الكواليس معروفه خلاف الستاير
بس الاقدام بعض الناس مايعرفونه
ياعتيبه موردت العزا والعزايز
انتم اللي ليا نادا المعادي تجونه
تجبرون الكسير وتكسرون الجباير
وان طلع صفوة عيال الرجال تحدونه
في سروج الخيول وفي ظهور الحراير
كل مجداً طموح لغيركم تملكونه
ابشرو بالاويل يانظاف السراير
فالثمانين ولنخبه وفاللي تبونه
حامد سعود دمه لجل الامجاد فاير
لاتوعد يجي مافالمواعيد بونه