九廣鐵路華段的故事 | 華段通車一百年後，車站及走線變成點？【4K 中文字幕】

[@user-negum]

目前大部分本线过境货运列车已绕行广石线，待广州东-新塘Ⅴ Ⅵ线通车，Ⅲ Ⅳ线空余出的容量唔知能否支持营运短途列车，并重新启用石牌与天河车站

[@KayWong]

我找石灘站（容易搵的）、石廈站（好難搵）、石瀝坳站時（好難搵），頭上總有條鐵路，原來就係廣石線。

[@laikwaisan2]

細個嘅時候，搭火車沿住九廣鐵路華段到省城，仲見到仙村、茶山、石灘等嘅火車站，而家發展得起來嘅變大站，發展唔到嘅已經拆曬

[@KayWong]

仙村及石灘站仲響度；茶山站我冇去，因為我的時間點定響1911年，當時未有茶山站。下次經過去搵搵！

[@Danzhuyoutube]

@@laikwaisan2 茶山站 冇咗好耐。 佢現在好似叫東莞站。 但現在常平站以前叫東莞站。附近仲有个東莞東站但應該關閉了。 仲有以前石龍站 ，佢兩邊都有大牌，一邊寫石碣，一邊寫石龍，驚唔識路嘅人攪錯。

[@chanrocky8372]

細個時深圳去廣州 到石龍, 大人就會話過左一半了~ 懷念當年兩旁青綠風光

[@KayWong]

以前我係去常平當一半。可能我年紀細過你，我細個時已經冇乜「青綠」

[@chanrocky8372]

@@KayWong 記憶中1990 之前都沿途青綠 雖然火車慢，睇風景都好舒服 之後幾年内劇變~火車直通常平，常平要買麗城~

[@adriel.city.explorer]

拜讀咗Kay哥嘅文章，非常詳細，佩服您搵出歷史細節的心機，略表支持一下 有幾個問題，希望可以指點，謝謝： 1. 如您在文中所說，內地很多歷史資料都在政治紛爭中遺失，好奇你點樣搵資料呢？國內有什麼圖書館/博物館可以搵到網站上嘅文獻？ 2. 關於大沙頭站，其實係咪歷史上從無叫過『廣九站』的，只係變成景點後加既名呢？ 3. 以前直通車經過仙村，覺得個名幾特別、難忘，記得月台上有個以前鐵路白底黑字的牌，有寫住兩個方向下個站係咩嗰種。但而家站房外面係唔係無寫『仙村站』？相信我地都唔可能入月台參觀啦，如果外面都無寫字，想打卡都打唔到...

[@KayWong]

多謝有睇埋文章！因為好多人只睇影片，冇睇文章，有時候會問一啲文章入面有講嘅嘢……你的三條問題，逐條解答： 1) 其實「華段」並不是一個獨立課題 - 我做研究及資料搜集時，並不是獨立做「華段」，以前亦不是獨立做「英段」或「和合石線」、「沙頭角線」、「大埔至粉嶺」等等，而是從整個近代香港及近廣東歷史去研究及搜集資料，然後包裝做不同主題，例如東江水與華段，其實是同一個地方的人文歷史；九廣鐵路與英軍軍路又會有關段，因此，我曾經在某幾篇文章提過，大部分內容都係一環扣一環，因為有 A，所以 B 搵上門，然後延伸出 C……好似煮餸，有蛋及叉燒，就能夠煮叉燒炒蛋、叉燒煎蛋、早餐（叉燒意+煎雙蛋）… 如果你明白上面的情況，就可以理解，我嘅資料來源不限於「做鐵路研究就搵鐵路資料」，記得「大埔行路返粉嶺」提過二戰時鐵路變難民營，資料是從某慈善團體的年報偶然發現，而實際上我係寫緊另一篇文。 假如只談「華段」一文裏的資料源，我文中都有講，是來自《The Engineer》（一本工程師先會睇嘅期刊）、《 The Far Eastern Review》、《The Canton-Kowloon Railway : Chinese Section》，另外仲有《Kowloon-Canton Railway (British Section) Progress Plans & Sections》等等，部分不是公開文件，因為我係做研究，所以會申請到一啲大學及檔案館的戶口，亦有些是英國鐵路部提供的，所以資料源方面比只在圖書館及網上搵會多得多。 博物館方面，最豐富當然是廣州鐵路博物館，不過，又係「一環扣一環」，關於走線方案的資料，係響中山市博物館及檔案館找到，當時我係做緊香港銀礦洞的研究，偶然搵到華段資料，先記低，總會有用得着時候。另外還有歷年的縣誌、地圖等等。 2) 從廣州鐵路博物館藏品見到，Canton Station 官方譯「大沙頭」，後來改名廣州東站（不是依家的廣州東站）今天鐵路公園的「廣九站」我相信是為景點而改的名字。 3) 果個「前後兩個站」嘅牌冇咗，站房上仍有「仙村站」，應該是80年代重建時豎立的。仙村站位置在南行右方，即表示站房不是第一代，按建築風格，是80年代，當時這種建築有一個名稱，可是，我未能確認，所以文中冇提及，費事錯咗畀人笑（有興趣可到 Bilibili 那邊的留言有提及，此外，你話果種站牌，有內地朋友分享咗照片）。 依家仙村站入唔到，只能從側面勉強睇到月台。

[@adriel.city.explorer]

@@KayWong 嘩，多謝你好詳細回覆！ 1) 係咪業餘人士應該無辦法接觸到你講的 The Engineer, Far Eastern Review, KCR Chinese Section 等等資料呢？ 竟然喺條線完全無關係嘅中山市會有資料 😂 2) 我去到都覺得嗰d“廣九站”擺設望落好新，同埋格式字體同歷史站牌好唔同，所以睇黎真係純粹打卡用 3) 好，我去 bilibili 睇下

[@KayWong]

The Far Eastern Review 某啲期數係公開的，你可上網搵，唔難，但唔齊的。其他幾份文件就不是公開的。 中山除了博物館，仲有檔案館 - 有啲縣市會有檔案館，例如我做新寧錯路，有啲資料來自台山和江門等檔案館。

[@jiaq6880]

收藏咗以前80-00年代廣州市，深圳市D地圖同埋旅行手冊，入面有寫以前廣深慢車站站停嘅停站表，全程大概5個幾鐘頭廣州東到深圳，我媽以前成日從李朗搭火車到深圳，不過李朗站依家已經弃置，站跡幾乎搵唔到，記得在下李朗村附近，布澜路鐵路橋下

[@jiaq6880]

1948年仲出埋過事，火車在李朗站-布吉站之間出軌，個段路到依家都係彎道

[@KayWong]

我影片及文章有拍李朗站㗎，你繼續睇啦。 李朗站仲有站房，但有機會將來拆，因為附近都係地盤，依家發展中。

[@KayWong]

李朗站改咗走線，但唔太清楚確實原因。

[@chiiikitau4515]

100年前的珠三角城际，设站也非常密

[@KayWong]

對，華段和英段的設站考慮是不同的，整條九廣鐵路在經濟、軍事等的戰略考慮和價值，我會在下集分析。

[@dingaauwong7940]

影片做得好好.部分车站读:大沙『投』，车『悲』，石lek6『叻6』滘，横lek6『叻6』

[@KayWong]

讀音都算難搞，冇人知當年點讀（因為冇影片、聲音紀錄）

[@siuchiulai8853]

增城出世嘅我細個經常係石灘站去坐火車去深圳再過關返香港,外面風景變化唔算好大,我仲好記得坐站站停嘅車要坐兩三個鐘先到深圳

[@KayWong]

咁你细個時嘅石灘站係咪我影片中同一個？定係上一代車站？我片中嘅應該係 80 年代建築。 至於「站站停」，我幾年前貪得意，春運時坐過 3045，廣州至深圳坐足 4 個鐘~~

[@adriel.city.explorer]

好多謝您拍攝咁多個站！ 我有機會都想行一次全段九廣鐵路各站，但想問下係咪有些站所在的村落必須揸車先去到？多謝解答

[@KayWong]

我係分開好多次（2018 年至 2024 年，封關三年唔計）分開唔同時間去不同站，唔係順住落咁去。假如你識路（有曬所有站位置……高德及百度唔會有的），我諗點快都要 2 日，大部分時間花響揸車（我都有踩單車的，你可睇埋我踩單車遊東莞嘅片及文~~）基本上除咗廣州附近幾個站外，其他站特別係石龍之前果幾個，一定要揸車或滴滴去，冇巴士或地鐵去到㗎。

[@TheCarloOfThomas]

30:00 MLR

[@KayWong]

呢段影片上星期拍，應該依家仲響度。

[@fatfat_yuethei]

19:32 令人懷念既常平站

[@KayWong]

哈哈，看來有弦外之音啦

[@chihowong8222]

土塘站係廣深鐵路中其中的細站，站已經取消了大約三十多年。好細個時記憶基本冇見過成型嘅站樓，現在已經不全在了。細個返祖家土塘嘅記憶中未拆嘅月台位置大約在片中19：33分鐘時影到土塘站牌的右方已經變左鋪了路軌的位置。但好肯定那兩層樓的建築係後期才建成的，所以派出所是土塘站樓不準確。

[@KayWong]

非也，土塘站就是派出所。我第一次是從火車上看到（影片有定格），然後另一日去找，就找到那站房，就是派出所。如果從派出所側面，能勉強看到土塘站的站名，就是影片定格的那幕。

[@chihowong8222]

​@@KayWongno no no, 不對呀，相信我吧。土塘是我祖家，土塘整個村族姓黃氏，我從少到大回鄉次數真係數都數唔哂。問了家人去確定，這兩層的建築一定不是土塘站站樓。想想土塘站取消了近40年，一個40年前細站的站樓設計怎會咁新穎仲要兩層呢？大約月台位置是我所說的。以前的站樓已不存在，而外觀是平房單層的，就好像你說的李朗站差不多。土塘外來人口和原村人比例大約100：1 。不熟悉土塘便很難搵到本村的人，其他都是外來人口，連派出所嘅人都冇本村人，他們大多不知道以前土塘站的位置吖。

[@KayWong]

我是實地去看過呀。假如你看過我文章（不是影片）我在文章裏寫過，華段所有車站都在南行方向左邊，而今天的站房（包括仙村、石瀝坳、石灘等等）都在右側，因為它們是八十年代新建的車站，如果你是在之前回鄉，站房的確不是我影片和文章呈現的。 而四十年前的細站蓋兩層，土塘並非唯一，例如石灘、南崗、天堂圍等都是，八十年代雙軌化時新建的站房雖然不是一模一樣，但都貫徹同一種建築風格。 的確，有些車站很難找，但不致於只有本地人才知道，因為火車站一定在火車軌旁邊的。撇除了走線改變（土塘的一條沒大改線），沿火車軌走一定會有火車站。

[@Danzhuyoutube]

@@chihowong8222 土塘站 連好多塘廈人都已經唔記得，我係塘廈嘅時候，在大潤發位置坐白牌去土塘站交收，司機都唔明要話比佢知間酒店附近先至記得。（可能司機係外地人）😂

[@nbaactionhk]

19:18 做乜唔深入探下環境?

[@KayWong]

依家冇嘢探㗎啦

[@Lsw7oz]

没有了，完全没有了，真不如香港的发利大厦，建兴大厦，这两个大厦秒杀全国99.95%的地方

[@kinlamng4245]

下元站是1975年增设的车站，连接黄埔新港货运支线。

[@KayWong]

對，我文章入面都有講~~~ 有幾個讀者問笋崗站，聯繫到六十年代「三趟快車」的故事。

[@嘉得朱-h9i]

小時侯暑假都會回鄉(仙村)一次,由0500-1700時才到步,依家揸車兩小時便到😄

[@KayWong]

哈哈，根據 KZbin及 b 站的留言，原來好多人鄉下係仙村。

[@金明-x6x3x]

真估唔到以前咁多火車站！

[@KayWong]

之後仲新增多幾個站，包括 吉山、 沙村、白石、红灘，也有我最後特别介绍的深圳墟。

[@freewillhongkong]

甘都搵到,勁

[@KayWong]

都係靠各大博物館、文獻、舊報紙及舊地圖，然後加實地考察。

[@Danzhuyoutube]

深圳，布吉，平湖，樟木頭，常平，石龍站都仲係原來位置😅 而家都有和諧號行呢D站，不過就要係羅湖坐了。

[@KayWong]

感覺完全不同啦！幾年前我專登去坐「民工車次」，仲可以勉強搵番少少舊鐵路的感覺！

[@Danzhuyoutube]

@KayWong 多謝分享！ 民工車次 我13年前只坐過1次，已經坐到腰痛🤣 而家去越南打工，反而特登去坐舊火車，嗰腰痛感覺又返黎🤣🤣😂

[@KayWong]

越南、泰國仲有舊火車，而且乜國家製造都有啲

[@kinonlai6399]

kzbin.info/www/bejne/j4XVdI1rgMapb6ssi=BS_F09Mq_CvFPzcY 1982年無線新聞透視講述深圳發展，在該段鏡頭時間1：26至2：04見到當時的平交道，如無記錯應該是今羅湖區解放路，現時變咗鐵路橋，有錯請指正。

[@KayWong]

好難認……要搵地道深圳人先認得出（我問下深圳朋友先）不過，假如第一個鏡頭拍羅湖橋，第二個鏡頭（平交道）好大機會響附近拍，咁唔駛行咁遠……此外，當時深圳主要都係得廣深線及清水河線，但清水河應該唔會有綠皮行，因此，估計係廣深線機會好大。

[@KayWong]

你好，問過深圳朋友，估計係建設路與和平路交界~~~

[@MyRichard1967]

76年坐火车从深圳回去要九小時

[@KayWong]

我第第一次坐去廣州是約 87、88 年，好像約四小時。

[@evansiu628]

正佳廣場 天環廣場 就蓋在老九廣鐵路路廊上

[@chikinli1944]

後來我們改用直通巴士往廣州！

[@KayWong]

依家有西九，我諗鐵路會變番主力

[@bhaiho890]

现在仲有澳车北上中国大陆广西

[@KayWong]

廣東與廣西省界有告示牌，提醒港澳單牌車不能過省界。

[@TheSimonchiu0327]

羅湖至上水中間係虎地坳站, 而家有個平交道係到

[@KayWong]

幾年前平交道已經拆咗。

[@realhongkonger]

虎地坳站,？？？搭咗咁多年火車去羅湖都唔知有呢個站？我鄉下個火車站石灘站，石廈站離我鄉下最近以前係細到亞媽都唔認得嘅站（有個平交道，無記錯有粿大樹）

[@KayWong]

答案在《幾十年後大埔墟站至粉嶺站，仲有乜嘢搵得到？》一文裏。 至於石灘、石廈站，根據當年的文獻（我網站有詳細資料），兩個站都係屬「細站」，站房係簡單一間屋仔，月台可能只係一堆砌高嘅泥，而且好大機會響八十年代雙軌化時撤站了（呢個我未查到幾時撤站，只係估計）

[@ricowlwong]

小時候的記憶，石龍舊站往深圳方向是否還有一個茶山站？

[@KayWong]

對，石龍站與南社站之間有茶山站，但並非 1911 年華段通車的車站，大約在 1920 年前後新增的（確實年份不詳，如果你知道請補充）。由於我文章和影片定位 1911 年華段通車時的「第一代車站」，所以茶山站不在此列。

[@ricowlwong]

@@KayWong 維基上說，茶山站1911年落成啟用，我不知道是否屬實。 另外，茶山站保存情況尚可，月台、月台上的站牌及站房仍很穩固，坐城際列車會經過及看到，小時候回石龍，一到茶山就知要過橋，一過橋就知就到石龍，滿滿的回憶。

[@KayWong]

維基不是事實，原因： (1) 1911 年的站表和票價表裏沒有茶山站，你可到我網站看到票價表（原物在廣州鐵路博物館），票價表在港鐵/九鐵官網（關於九鐵歷史部分）； (2) 我參考 1916 年出版的《廣九鐵路旅行指南》，未有茶山站；而 1922 年新增版已有這站。因此我上面留言說「大約在 1920 年前後新增的」。 (3) 不過，1927 年東莞縣誌，又沒有記錄茶山站，因此，有可能是22年後撤站，至近代又新增。 一般人做研究，一定不會信維基，因為維基隨時及任何人可修改，如你喜歡，可以將茶山站的設站年份改為 2024 年。

[@ricowlwong]

@@KayWong竟然是這樣，謝謝指正

[@KayWong]

如果你對這些車站的歷史有興趣，可到我的 b 站，那邊很多內地朋友的留言，也有幾張他們以前拍的車站舊照，例如我找不到的石鼓站。

[@yinglee4321]

好多年前過石龍大橋要閂車窗, 原因係 "嚴防特務破壞勞動人民成果"

[@KayWong]

以前鐵路橋會有解放軍守的，現在也有，例如大瑤山隧道，依家仍有小軍區，有解放軍守住，我踩單車經過幾次，可以近觀隧道，但不能影相。

[@AlexanderShiu]

我想問下Kay哥，你的舊航空圖是從哪裏得來的😂

[@KayWong]

主要從兩個來源：（1）香港政府，不過需要申請戶口，不是開放給公眾的；（2）從英國一個機構購買的，我們小組組員把若干年分的航空圖（低清版）放在他在的網站：www.hkmaps.hk，高清版當然不會放啦。

[@AlexanderShiu]

@@KayWong 👌thanks

[@AlexanderShiu]

@@KayWong usgs 有嗎

[@KayWong]

冇，USGS只有少量廣州城區，出咗城區就冇；深圳仲少，因為接近香港，拍香港時旁邊影到深圳。

[@realhongkonger]

石瀝（拗）站？？？？細個返鄉下都冇聽過

[@KayWong]

我文章引用了通車時的票價表、站表及文獻，真係有呢個站㗎，不過有機會到你細個時，（我估）約80年代雙軌化取消了。

[@st191rr]

平湖開通咗地鐵後,平湖站功能性越來越少,我估可能會取消

[@KayWong]

未必，搭城際去深圳快過地鐵站站停好多㗎

[@st191rr]

@@KayWong 我經常返平湖做嘢未有地鐵時搭城際平均三班先有一班停平湖,之後我計過時間差不多,地鐵反而隨時隨搭

[@塘木]

那地鐵站好改名了。平湖鎮中心實際上在雙擁街站（工程名平湖中心站），現在地鐵的平湖站就是因為火車站的緣故才叫平湖站

[@KayWong]

有些人的想法是，使用同一名字，能夠把地方的歷史和故事傳承下去。

[@gl413]

大沙头开出第一个站是梅花村站但位于共和村边。

[@KayWong]

是哪一年的事？

[@gl413]

@@KayWong 伏罗西洛夫访问广州那一年。

[@purewang]

​实际上1930年代陈济棠时期就有，叫东山站或者东山乘降所，供梅花村的官员们使用。​@@KayWong

[@purewang]

我已在b站回复了旧照上去。

[@KayWong]

睇到啦！

[@Sllala672]

24:36

[@KayWong]

有乜發現？

[@Sllala672]

@@KayWong 新舊車交匯（替）

[@patrickleung6566]

常平果到問媽咪都得嘅，呀媽係東莞人返鄉下

[@KayWong]

哈哈，可能你媽媽唔知以前常平有乜嘢玩？

[@HD多媒体动画作者日常]

今年暑假我會去香港玩

[@KayWong]

歡迎！我就去內地玩！

[@HD多媒体动画作者日常]

@@KayWong 我今日去左香港

[@oshawott126]

唔明常平嗰part

[@KayWong]

因為你太年青啦！十幾年前，常平係好多香港人、內地人「唔去會週身痕」嘅地方，帶動常平成為中國南部最閃亮的明珠，後來……變成依家咁……你問下爸爸或叔叔啦

[@shuichan9593]

讀車披

[@KayWong]

我之前現場拍時讀咗「車波」，所以果段後製配音，但有人讀「悲」、又有讀「比」。香港新界有「陂頭水閘 」，當地人音「悲」。所以都唔知點讀。

[@梅菲斯托-e3e]

還我九廣直通車

[@KayWong]

去西九搭啦~