جلبانة بالدجاج رائعة و سريعة و اقتصادية هشام للطبخ

[@hicham_cook]

السلام عليكم مساء الخير ممكن اضافة بطاطا مقلية جانبية معها

[@Nor-dz1]

يعطيك الصحة وربي يحفظك

[@mimolinda8325]

ممممممم يشهي يعطيك الصحه

[@malakmerad2199]

Ya3tik saha chef jate fi waktha dok ndirha nchlah🙏🙏👏👏

[@naimabelaidi9706]

يعطيك ألف الصحة شاف

[@liliaboutih1647]

شاف هشام يعطيك الصحة ممكن تقولي الماركة تع المواس تعك، أخي راه يدير سطاج و حب مواس ماركة مليحة

[@Ramzi_12-v9w]

انا راني درتها في مطعم تاعي الناس كامل عجبتهم وقالولي هايلة راهم يوكلو ويعاودووو بارك الله فيك اخي هشام الفضل أولاً لله عز وجل ثم لك

[@abikohl4003]

ههههههههه كيما يقول منانوك المشكل مشكل معدة. خويا سلام عليكم ورحمة اعطيني خبز و معاه كشما بيضة فهمت

[@mohamedislam7596]

😊شكون جاء في رمضان 2024 يشوف وصفه يضرب جااام شكرا جزيلا شاف هشام 😊

[@IsraàIsraá-t2e]

انا راني في رمضان ودرت هذه الوصفة كي ندوقها ردلك الخبر مازال مأذن ابمغرب ❤❤❤❤❤

[@mohamedislam7596]

@@IsraàIsraá-t2e ماك انا طيبتها بارح ومزالت ليوم بنينه صحا فطور كم

[@IsraàIsraá-t2e]

@@mohamedislam7596 صح فطورك انت تاني 💋😍😍😍

[@bensebaasofia7781]

درت الطاكوس و درت البيتزا درت الحساء و درت الكسكس و الفطيرة و كل حاجة نتاعك نجربها ناجحة يعطيك الصحة و ربي ينجحك و يقويك يا رب

[@sarahsaritta1422]

ما حبيتش نعلق حتى نجربوا و الله لبنات واحد البنة الله يبارك زدت معاه بطاطا مقلية يعطيك الصحة هشام ربي يهنيك في حياتك

[@dakiab789]

ŁØVĚLÝ ĞÎŘŁ j ‘ai hésité de le faire mais maintenant je vais l’essayer merci

[@sarahsaritta1422]

Pas de quoi ma belle

[@samrsamr5130]

جربتيه ف لكوكوت ولا ف طاجين الفخار

[@wialbeh6518]

يا خويا ربي يحفضك و الله غير سلكتني راني عايش وحدي فل الغربة نطيب غير الوصفات ديالك ربي ينجحك انشاء الله⁦🇩🇿⁩⁦🇹🇷⁩💜

[@boumedienehanadie1466]

ربي يقدرك ان شاء الله

[@ahlemhaloma4793]

و ينجحولك وصفاتو ؟؟

[@mielfleur9676]

تقلي جاج بصل زرودية ثوم حبة طوماطيش ملعقة طماطم ملح فلفل اسود راس حانوت عكري جلبانة ماء ساخن مغرف فرينة في نصف كاس ماء و عكري و نصفيه و يطيك صحة هشام

[@takwaannabi7174]

شكرا

[@vivelalgerie275]

البارح درت بيتزا صلصة حمراء و ليوم درت بيتزا صلصة بيضاء جاوني روعة و منزيدش نستغنى عنهم و لا نستغنى على وصفاتك يا شاف هشام.روح راك رابح و عليك دعوة الخير

[@amounaimi7341]

درتها اليوم للفطور واش نقولك خرجت رووووعة بنينة تسخف يعطيك الصحة

[@juliahope4974]

جيت نقولك يعطيك الصحة درتها ل بابا ليوم كلا و فرح بيها تهبل و في نفس الوقت درتها ساعة قبل الافطار و وجدتلي بسرعااا وصفة ساهلة بسيطة و بنينة و خااااصة ادا كان تقديم حلو يعطيك الصحة

[@amelmima7977]

أنا نزيدلها بطاطا مقلية ونجمرها مليح تجي روعة شكرا ليك ياأخي الشاطر 😀 روعة مزيد من النجاح

[@pepohobi9132]

جربتها هاذا رمضان روعةةة انا منحبش الجلبانة في صوص وكليتها راك فور شاف كمل كيما راك

[@الشافالواعر]

✋✋بنات جمجمو جمجمو🤣🤣 باش يطلع تعليقي ربي يفرحكم ويشوفو تعليق👀👀👀 حنونات رواحو ضربو طليلة عندي والا عجبتكم خدمتي دعموووني يا لحبيبات وشكر🙏🙏

[@DinaDina-rs7pk]

حبيت نقولك ملاحظة فقط انا كي نحب نخثر مرقة ديالي نهز منها قيس فنجان ونفتح فيه ملعقة كبيرة فرينة باش ماتروحش بنة يعني تقدر تتستغنى على اضافة الماء والتوابل 😊

[@جوريوردالجنة]

والله مام أنا

[@nooooor9110]

من احسن إضافة نشاء وليس فرينة ☺️

[@omanes5153]

درك نروح نديرها لعشا والله كنت حايرة 🏃🏃🏃🏃شكرا اخي هشام

[@MimiMimi-rw7mr]

والله حتى انا درتها 😄 للعشاء وراهي طيب انا درتها بلحم الجدي 🍖🍖والقرنون

[@aminelemareyol5005]

نتي تحصيلها 😁😁 اللحم جدي نورمالمو يجي مع لخرشف 😁

[@abdelghanilemdani3791]

اليوم درتها للفطور سبقتك وبنفس الطريقة انا انثقلها بنص حبة طماطم مسكرفجة تغلي شوية ونطفي عليها و مع لفريت مقطعة مكعبات تجي توووب

[@bjlnoun2904]

يعطيك الصحة جربت الكثير من وصفاتك روعة من فضلك درلنا وصفة la puré بصلصة الجاج او اللحم. شكرا ومزيد من النجاح

[@fifoumalik4323]

اليوم زوجي جاب جلبانة طازجة قلت كون غير شاف هشام يديرنا وصفة. عل طريقته. شكرا.

[@wissambai6822]

والله أغلبية وصفاتك ماشاء الله وناجحين بارك الله فيك وربي يرزقك وش تتمني ونتمني انشاء الله نشوفوك عن قريب في سميرة tv لأنك راك تمدلنا بنيتك وحنا شعب بسيط ونحبوا البساطة

[@mamtamaya9482]

درتها اليوم دوق روعة و أول مرة اطبخ شكرا شكرا

[@djellouloualid3538]

يعطيك الصحه شاف اليوم جربتها جات روووعة حتى زوجي عجباتو قالي هايلة يعطيك الصحه ربي يحقق امانيك

[@Elmobil8]

بصل ثوم جاج جزر طوماطيش جلبانة فلفل اسود راس حانوت فلفل احمر نقلي جاج مع زيت وزبدة وبصل جزر طماطم وثوم وجلبانة ونمرق مغرف فرينة مع ماء وعكري

[@nanadada6617]

3:54 راني نطيب فيها يا ربي تخرجلي مليحة عبالك انا نشوف الشاف هشام يلوح ليزيپيس يدو خفيفة ربي يبارك راني خففت يدي حتانا ومنعرف بانتلي كثرت ومنعرف ربي يجيبها كيما بغا لخاطر 😊😊

[@mohamdhidra9013]

السلام عليكم شاف جواز فى وقتو فى عذا البرد ومفيد كذلك شكرا لك شاف

[@fatihanacer5801]

🤗🤗🤗و الله مفاجأة سارة،هذا وين حليت اليوتوب ،و لقيت وصفة جديدة،وحدة صباح و الثانية لعشية ،شحال مليح 😁😁😁

[@djihadjojo1016]

أول تعلييييييييييييق اول مرة ... بارك الله فيك اخي ديرلنا فيديو على التوابل كل تابل وين يجي

[@nawelmina6277]

شو في اختي نقولك واش نعرف القرفة والفلفل الاسود في المرقة البيضاء والكمون في اللوبيا الزنجبيل دايما في الدجاج راس الحانوت في العدس والشربة والاعشاب العطرية دايما في صلصات البيتزا والدجاج والكركم في الارز والكاري وين كان الدجاج

[@lakilaki7935]

شكرا اختي عاى المعلومات يعطيك الصحة

[@hananefaracha6404]

@@nawelmina6277 الكاري هو توابل الدجاج ولا وشنو

[@djihadjojo1016]

@@nawelmina6277 شكراااا حبيبتي

[@منوعاتفتاةجزائريةمنوعاتفتاةجزا]

hanane faracha وي تابل دجاج هندي

[@youssefyouss6120]

درت المادلان خرج ماشاء الله من الخفى تاعو متقدرش تحكمو بيدك جزاك الله كل خير

[@aminakh5602]

نجيب قدره ندير قطعه زبده وشويه زيت وندير الجاج يتقلا مليح نزيدلو بصل مقطع صغير نزيد نقطع جزر قطع صغار ونقليهم معا الجاج والبصل وتوم نقطع طماطم ونزيلدها ملح فلفل اسود وراس حانوت ومغرفه طماطم مصبره يتقلاو مليح نضيف جلبانه ونزيدلهم ماء السخون ونخليوها تطيب وشهيه طيبه

[@سيليناسلونة]

يعطيك الصحة شاف تشهي راني جربت البسبوسة جات روووووووعة شكرااا بزاف شاف 👍👍👍

[@sarasisi3332]

سيلينا سلونة تعيشي ختي حطيتيلها نواد كوكو ولا لالا أنا معنديش باه نعوضهم

[@أحسنماجربتمناطباق]

جاتني روعة هشام قالي راجلي واش درتي فيها سوغتو اللمسة الاخير نتاع الفربنة روعة طجين نتاعي كما طجين نتاعك mirci 🌹

[@آلاءالرحمان-ل1ع]

درتها دركه للغذاء بنة تهبل معه كفته وعصير ليمون روعه زوجي كلهم كل ربي يحفظك شاف على وصفات

[@kadikadi8372]

السلام عليكم في هذه الأثناء راني ناكل مع بناتي في الماقارون بالجبن ألي دارو الشيف هشام البارح حقيقة قمة جربوه ماتندموش صح عشايا

[@نورنورهان-ز8ش]

بصحتكم انا درت روز شاف

[@hicham_cook]

بصحتكم

[@saliamri5984]

بصحتكم بالهنا على قلوبكم

[@lalabello8683]

هاتي صحن كل و فرڨ ولا كول ودرڨ

[@kadikadi8372]

@@lalabello8683 ندوق ختي العزيزة ماشي خسارة فيك

[@oumrami1226]

يعطيك الصحة شاف ربي يوفقك ومزيد من التألق درت اليوم تليتلي ابيض وجاني هايل بالاضافة الي المرة 1000للبيتزا ودايما تجي toop.شكرا شاف.😊😊😊😊

[@امعبدالجليل-س7ف]

يعطيك الصحة شاف هشام وصفات ناجحة 100% وراني جربت البسبوسة روعة جزاك الله

[@energystar940]

بارك الله فيك....من فضلك اكثرلنا من الوصفات السريعة و المغذية مثل هذه الوصفة....مزيد من النجاح

[@omyoucefkarim6]

حبيت نشكرك خويا هشام بزاف درت البسبوسة خرجت روعة نتمنالك المزيد من النجاح والتفوق ان شاء الله

[@hicham_cook]

om youcef karim الحمد لله ربي يزيدنا من فضله

[@امعمرمريم]

انا تاني جات روعة البسبوسة

[@baki.b6993]

انا تان درت البسبوسة و خرجت خفيفة و بنة لا تقاوم شكرا

[@dodanim2711]

يعطيك الصحة شاف هشام.نصيحة فقط،متخبطش القدرة تاع الفخار بالمغرفة باش ما تشققش.

[@جزاءريهوأفتخر-غ5ب]

يعطيك صحا جربتها دروك خرجتلي فور بزاف

[@aminakaced3286]

راني طيبتو.. و يا ليتني ما طيبتو.... جا بزاف بزاف بنين ماتحبيش كامل تحبسي. .. برافو شيف 👍👍👍 يعطيك الصحةو متدابيك كترلنا من هاد الطيابات تاع كل يوم

[@samirasamra8940]

عيشك ختي درتيه ف ككوط، ولا كيما هو

[@aminakaced3286]

@@samirasamra8940 درت كيما هو و مازدتش برك الفرينة لبات المرقة جا بزاف بنين

[@samirasamra8940]

شكراااا حبيبة

[@mochamicha7652]

اين هي لمستك الاخيره والتي تزيد للفيديو رونقا 👌👌👌 ولا راك صايم .يعطيك الصحة خونا بالفعل سهلة وما تاخذش بزاف الوقت

[@loliboukhalfa4775]

شكراا شاف عالوصفة ديرلنا حميصة دوبل زيت أنا عن نفسي جامي كليتها بصح الزوج هبلني عليها إن شاء الله إدا قدرت ديرهالنا وألف شكر مسبقا

[@hayateyounsi1047]

شكرا شكرا كل وصافتك اللي جربتهم رائعين ومضمونين الله يلحقك للمرتبة اللي راك متمنيها من فضلك شاف وصفة شطيطحة اللحم على طريقة المطاعم جربت شحال من وصفة ما صدقتليش موفق ان شاء الله

[@bencheikhsaliha5820]

شكرا على الوصفه ...و الله راني انجرب في وصفات توعك كلهم نجحولي...من فضلك دبرنا كرنتيتا تاع برا ماشي هاديك تاع الي ديرتها بنت تاع. جاج...و شكرا مسبقا...

[@palestinian5716]

كل عام والأمة العربيه بالف خير انا اختكم من فلسطين اهلا ومرحبا بكم جميعا 💜 وصفاتي سهلة بسيطة لكل منزل كل الشكر والحب لكم تسلم الأيادي 👍 ثبتي تعليقي شكرا ع مجهودك

[@salemfarnana3492]

يا شاف قلنا على لبيري وشطيطح لحم وبوزلف والقرات ودولمة اذا حبيت

[@bahou1753]

طليت على قلبي. انا خدامة و نحصل من داك واش نطيب. يعطيك الصحة

[@alihenni626]

يعطيك الصخة طيبتها خرجتلي بزاف بنينة

[@englishmeriem1747]

يعطيك الصحة درتها جات بنييينة عسل قالي زوجي كيما اللي يديروها ف المطاعم👏👏👏👏👏 bravooo

[@الدينالنصيحة-ر4ف]

صحيت خونا هشام ذاك نهار صحبي دارنا زيتون تاعك وخرج روعة راني مزالت داس فالفريجيدار ههه

[@zarazara3868]

جربتها بنينة تسخف جربوها لبنات متندموش بنة وحدها

[@aminetitola2189]

الله يبارك من طريقة التقطاع باين محترف....يالبنات كحلو كحلو

[@هبةالرحمان-ظ6ح]

شكرا شاف انا نزيدلها لقرنون نحبها بزاف جلبانة وقرنون ونقليلها شوية بطاطة مدورة بصحتكم

[@yousraghouli3408]

الله يعطيك او يمنيك دوك كنت ندير فلان ليدرتو جاني روعة شكرا لك وعلى البساطة تاعك

[@ChahinezAliane-t9l]

جربتها جات هايلة يعطيك الصحة شاف

[@faroukfarouk8699]

ملقت منعلق يا اخي راك فور ويعطيك الصحة علي الوصفات الناجحة ولتمدهم منقلبك بوركت اخي راني جربت قرتا الدجاج جات روعة روعة

[@mimimiri5069]

البارح درت الطبق هذا ذوق ولاااااا ارووع الله يعطيك الصحة

[@chafika-kamar]

التوقيت مناسب جدا بالنسبة للعاملات أما احنا الماكثات في البيت المهم نشوفو فيديو جديد. شكرا وليدو.

[@rachdaaoufi687]

راني جربتوا جاء رووووعة يعطيك الصحة

[@oumhadjer6331]

السلام عليكم شاف هشام يطيك الصحة درنا من فضلك تبيخة تع الخضر موسمية اما بالنسبة لي وقت فيديو في الصباح خير وهذا يعود ليك أنا مهم نستفيد من وصفاتك ربي يحفظك

[@aminesabah5666]

معندي منقول يعجز اللسان على التعبير 🤗🤗🤗🤗🤗

[@tasnimema6257]

Amine Sabah شفتي ؟ ماشاء الله

[@mamatmouad9267]

درتها لفطور ههههه👏👏👌👌 شكرا على الفكرة

[@chaalmouhamadomarfarouk9192]

ماشاءالله عليك ايه انا زدت معه بطاطا مقلية بزاف جاب بنين الله يحفظك شاف

[@elissamansori6401]

جربتها اليوم جتلي روعه

[@loula3128]

درتها جاتني بنية وتوجد بالخف ماتشدش اليد ،👍

[@hajiroujiji902]

يعطيك الصحا شاف علا المجهودات تاعك حبيت نطلب منك حاجة اذا متحشمنيش توريلنا كيفاش نغسلو الجاجة كاملة و نقيوها ملداخل و نقطعوها يعيشك شاف و ربي يفرحك 👏👏👏

[@hicham_cook]

فالحقيقة كاينزالبعض يتحسس

[@yaya9917]

Hajirou jiji ههههه متعرفيش تنقي الدجاج وتقطعيه

[@hajiroujiji902]

@@hicham_cook مفهمتكش شاف ؟؟؟

[@hajiroujiji902]

@@yaya9917 وريلنا يا الشاطرة

[@yaya9917]

Hajirou jiji لوكان خروف وي اما دجاجة يضحك علينا الشاف هشام ...ماتزعفيش برك

[@aminacherifi9984]

شکرا شاف ليوم درت بدزا تاع زمان الوصفة تاعك هايلة راجلي ميحبهاش اليوم کلا البلا کامل هو والخدام شکرا

[@lobnahichane1959]

يعطيك الصحة الشاف هشام ربي يحفظك طيبتها اليوم جات روعة بنينة مشاء الله مع البرد اليوم فرحت العائلة كامل زت بطاطا مقلية .كائنة حاجة جلبانة جاتني ناقصة طياب😂😂😂 ماعرف لاه مهم جات مليحة بالتوفيق شاف

[@جزائرية-ك1ز]

كون نزيدلها القرناع يا ولدي كما نقولو انتما القرنون و يكون pané يجي ماشاء الله

[@rimlifedz8245]

حبيت ديرلنا وصفة الدوبارة تاع الشاوية انا قبايلية وكليتها خطرة في باتنة يممممم جامي ننساها

[@رائحةعطرة-ص8غ]

مثلا في مكان للفرينة للعقدة، نقدرو نديرو معاها حبة جزر وكي طيب نرحوها ونرموهالها، المرقة تثقال وتشد روحها.....

[@العرافةاليتيمةزيتونة]

انا الماكلة الي يديرها الشاف هشام نعرف بلي راح تكون رائعة.

[@bassmett-ammell2682]

يعطيك الصحة وبارك الله فيك ..عجبوني كل وصفاتك وعجبني أيضا انه الفيديوهات مختصرة و واضحة...واصل عملك حنا كل يوم نستناو فيك وش تدير بفارغ الصبر.....يعطيك العافية💚💚💚💚

[@ferielsmara3503]

ه

[@ferielsmara3503]

ههههههه

[@ferielsmara3503]

هخهههههه

[@ferielsmara3503]

هه

[@rabochra255]

الله يعطيك الصحة كل وصفاتك روعة ومقادير قليلة اقتصادية ودير اكلات فلقمة والله لحربتهم ونجحولي شكرا

[@affaeradem1768]

سلام اخي ممكن وصفة التبيخة بما اننا فى موسم الفول والقرنون و الجلبانة

[@nadiasellam1319]

ربي يسترك .

[@daliadalia3981]

ربي يبارك شاف راك في القمة والله جربت اغلب وصفاتك وكلها ناجحة ❤️ مزيد من التالق والنجاح الدائم في المقدمة والصدارة والى العالمية بإذن الله

[@aminamina5385]

دجاج بصل جزر ثوم حبة طماطم ملعقة طماطم مصبرة فلفل اسود راس الحانوت فلفل أحمر جلبانة ملح ونمرقو فالاخير نص كأس ماء مغرف فرينة فلفل احمر نصفيها فوق القدر دقيقة ونطفو عليها

[@omwissam8588]

الله يفرحك عوايدي نقعد نزيدلها ف طماطم حتا تقراص شكرا

[@lotfi3851]

وصفاتك رائعة وطريقتك في التقديم البسيطة أروع بالتوفيق والنجاح الدائم وربي يوفقك في إعلاء القناة

[@mujib9621]

شكرا على الوصفة تعلمنا منك شحال من وصفة براك الله فيك اخي ممتاز واصل 👍👍👍👍

[@anfel4874]

يعطيك الصحة جربتها بالتفصيل جاني يهبل ربي يحفظك

[@kewgardens5358]

حتى انا درت جلبانةبالدجاج ليوم . الجاية نجرب طريقتك

[@إستريلاكريستينا]

تبارك الله 😍هذيك الطنجرة تاع الفخار باغية نشريها وخايفة منها🤔

[@nanadada6617]

3:54شريناها مرة تفلڨت علينا 😅

[@deejasaada1054]

أفضل شاف يعطيك الصحة تعلمت منك بزاااااف ❤

[@haydimess7437]

سلام شاف....و كل من يراك....راني نعاود في فيديوهاتك لي فاتتني لأنني استقبلت ضياف و خرجت و سافرت....طليت على قلبي....جابلي زوجي 30 كيلو جلبانة...ههههه علابالي تشبعوا عليا ضحك...مع الأسف زوجي يشري كلش بزيادة...بزياااااادة شوية....إذا لازمني انقيها و نبدا نطيب منها.....و يا ربي...كون معانا...هههه...الجلبانة ديالك راهي تشهي و لازم نجربها قريييبا....و كالعادة نحييك على وصفاتك الهااااايلة...

[@marwabouguerrra7628]

راح ندير التلتلي تاعك مع الكوكا انشاء الله يصلحولي وربي يعطيك متتمني

[@nabilameddahi6295]

يعطيك الصحة خويا هشام ، راني نخمم واش نطيب الغدوا إنشاء الله ومع هذا الفيديو عطيتني الحل 😊😊😊

[@badrabisou4233]

يشهي شكرا كنت حايرة واش ندير العشا رايحة نديرو

[@amichamichette981]

يعطيك الصحة خويا هشام البساطة ديالك هي سر نجاحك ربي يحفظك ان شاء الله 👋👋😊😊☕

[@امراةبامتياز]

درتها و خرجت بنينة مرسي شاف جواز خفيف و بنين

[@akroumkarim7150]

Zialwan

[@akroumkarim7150]

Miss

[@badisbadiss6180]

والله هكذا نطيبها طلعتلي المورال ويعطيك الصحة مزيد من النجاح والتالق

[@hasbiyallah5233]

راك هايل هشام ربي يعاونك .دعواتك لي بالزوج الصالح عاجلا

[@bibibiti1098]

جميل بارك الله فيك و جعله في ميزان حسناتك 🌻 شكراً لك شيف

[@hennibenhenni626]

يعطيك الصحة .ممكن وصفة نع الحريرة مرمز.و بصطيلة.ريي يحفظك

[@صيادالبحري]

طيبك فن خون هشام الله يبارك ومشاء الله لكن نقصاتو حاجة لحار درنا اكلات بلحار ربي حفضك درت لكراب والله جاو فور فور وفن

[@meriemmimi5509]

درت ليسوفلي خرجولي توووووب منيش نتبع القنوات لخرييين ديتلنا عقولنا بالطياب ههه ميرسي بزااف

[@soumasou5993]

يعطيك الصحة على كل الوصفات البارح جربت غرتا شفلور خرجلي روعة انشاءالله في ميزان الحسنات 👍👏👏

[@sinurita8626]

واش نقول واش نخلي طبخة لديرها تنسي فلقبلها 😵😋😋

[@SarahM12_03.-]

جلبانة مرقة حمراء هشام للطبخ : نص صدر دجاج حبة بصل كبيرة حبة طماطم كبيرة 400 غ جلبانة نص م ك طماطم قوطي 3 زرودية ملح فلفل كحل راس الحانوت فلفل أحمر اربع فصوص ثوم نقطع الدجاج قطع صغيرة في طاجين نحط زيت زبدة دجاج نحطو يتقلى مليح نزيد لبصل مقطع رقيييق نزيد الزرودية مقطعة مربعات والثوم ونحط الطماطم مربعات منزوعة الزريعة ونزيد التوابل والطاطم المصبرة نقلي شوي ونزيد الجليانة من بعد نمرق بماء سخون ونغلق عليها ونخليها طيب بعد ما طيب نص كأس ماء مع م ك فرينة وفلفل أحمر ونخلط مليح ونحطو فوق المرق بواسطة صفاية ونبقى نخلط دقيقة ونطفي عليها ونزينو بالمعدنوس

[@الغاليةامي-ز1ن]

انا راجلي يحبها وانا متصلحليش .....نشاء الله نجربها شكرا بكل بساطة

[@moudamoudi3302]

والله راني نجرب فلمطلوع محشي يا رب يصلحلي بارك اول مرة نديرو