جميع السيارات اذا خلط زيت القير الطريقه تغسل القير وتشيك على الرديتر والمبرد وتبديل الزيت مع الفلتر

[@abu00ali82]

ماشاء الله مايحتاج مبدع الله يحفظ لك راكان تمنيت تكون قريب منا حول الغربيه اقصد في جده انعم واكرم ياهندسه يعلم الله اني احبك في الله 😇😅

[@Aburakan16]

الله يجزاك كل خير انتم اساس الابداع اللهم امين ويحفظك لعين ترجيك ونعم بحالك ونعم فيكم ومنورين ياهل جده واحبك الله الذي احببتني فيه 🌺❤️

[@شيخناالفاضل]

السلام عليكم كيفك ابو راكان كم احتاج علب زيت خلط القير مع الراديتر كامري 2005 توماتيك حالياً انا قمت بتغيير المبرد وكيف الطريقة الصحيحة لتغيير الزيت بالكامل السيارة بمكان اعتقد انه لا يملك معلومة كافية عن التغيير وممشى الخلط حوالي عشرة كيلو

[@Aburakan16]

وعليكم السلام ورحمة الله وبركاته الكرتير ياخذ اربعة لتر اما القير كامل ياخذ تسعة لتر اذا خلط القير بسبب المبرد يسواله تنظيف تغير الزيت اول مره عن طريق فك الكرتير وتقفل الكرتير وتعبي زيت وبعد يوم او يومين تكرر العمليه تفرغ الكرتير وتعبي من جديد كذلك فيه طريقه ثانيه بعد فك الكرتير وتعبيه زيت جديد وتفك ليات المبرد ااراكبه بالرديتر فيه واحد جاي من القير يقون تفريغه زباله الله يكرمك والثانيه تركب فيه مصخه يدفع الزيت للقير كذا يدور كامل ويغسل القير كامل وهي صعبه اشوي

[@تركيالدوسري-ث2ف]

عسى الله يوفقك يبو راكان الشخص الفاهم نفتخر فيه ونحطه على راسنا فوق

[@Aburakan16]

الله يوفقنا وياك الله يعزك ويرفع قدرك انادلي الفخر بكم

[@fantasyfantasy7109]

ماشاء الله عليك يابو راكان والله يكثر من امثالك انا معي كامري 2010 توماتيك وخلط زيت القير بماء اللديتر بسبب المبرد ورحت 3 محلات قالوا لي نغير لك قير مستورد ب 3700 ريال والسيارة ممشاها 300 الف وش الحل يتصلح القير ولا اغيره؟ علماً اني مشيت وهو خالط زيت كم شهر ماكنت ادري سبب الاصوات قير

[@Aburakan16]

الله يجزاك كل خير اللهم امين ومن يقول يارب يسواله تنظيف كامل وان شاء الله انه تضبط الخوف من الماء يعدم افياش الداخليه انت جرب تنظيف وباذن الله تضبط معك وماتحتاج تغير القير وهو من الحلول

[@mm-gy2uz]

كيف اسوي تنظيف القير اش الخطوات ​@@Aburakan16

[@Aburakan16]

@@mm-gy2uz نفس الطريقه بالمقطع تنظيف القير

[@Ha_fahad]

السلام عليكم مساء الخير ابو راكان الله يعطيك العافيه والصحه غيرت زيت القير سيارة كيا 2000 سي سي وحطو 4 علب وبعد 2000 كيلو رحت لورشه اشوف عيار الزيت طلع اسود خفيف وفيه ريحه تشبه الدهن وغير الزيت وحط اربع لتر ونصف يعني طلع الزايد من العيار وقفل . قال هاذي الطريقه الصحيحه . وكلمني بعد 5 الاف كيلو تجي نغيره مره ثانيه عشان ينظف . السؤال هل ستغير لونه علا 2000 وهل كلامه صحيح اغيره ثاني بعد 5000 كيلو . وللعلم بعد التغيره الثانيه صار الموتر شوي ثقيل وانا ماادعس مدري مشكله او لا وجزاك الله خير الجزاء

[@Aburakan16]

وعليكم السلام ورحمة الله وبركاته ويعافيك يارب لن كمية ٤ لتر تعادل اقل من النص لكمية الزيت داخل القير ٤ لتر فقط الموجود داخل الكرتير والقير كامل تعادل ٩ لتر طبيعي تحصل انه متغير لونه بسبب الزيت القديم وكمية الكربون داخل القير

[@swali3799]

السلام عليكم يبو راكان معي يارس ١٥ والقير مايرجع ريوس ، واكتشفت ان زيت القير خلط مع الرديتر ، وغيرت الرديتر وغيرت فلتر القير وغيرت الزيت بزيت وكاله وضبط الامور مبدئيا ولكن يوم جيت اشيك ثاني يوم حصلت القير لسا فيه ماء شوي وش تنصحني علشان انظف القير بدون مايخبط

[@Aburakan16]

وعليكم السلام ورحمة الله وبركاته كرر عملية الغسيل وان شاء الله تضبط معك

[@اتنه-ظ4و]

السلام عليكم ورحمه الله وبركاته لو سمحت انا كان عندي نفس المشكله وغيرنا اللديتر وركبنا لديتر جديد غيرنا زيت الفتيس بعد الغسيل باقي درجه حراره الدربوكس اعلى درجه الغليان ايه المشكله بالضبط

[@Aburakan16]

وعليكم السلام ورحمة الله وبركاته يشيك على او الحساس او البلف احتمال ان البلف قافل ومسبب حراره

[@اتنه-ظ4و]

اول حاجه جزاك الله خير وبارك الله فيك ثانيا معلش ايه الاحساس اللي يشيك

[@Aburakan16]

@@اتنه-ظ4و اللهم امين ومن يقول يارب حساس القير

[@salmalatwi5285]

اخوي خلط معي المبرد اول ما لاحظت الزيت مامشيت غير للورشه غيرة رديتر كامل وسويت غسيل دائرة التبريد اسحب العيار لون الزيت احمر طبيعي وماغيرة الزيت حق القير وبعد ثلاث ايام اشوف القربه فيها زيت هل اغير الزيت واسوي غسيل للقير الموتر f150 12 v6

[@Aburakan16]

صحيح يغسل القير ويبدل زيته والرديتر ينظف

[@salmalatwi5285]

@@Aburakan16 الله يجزاك خير واشكرك على المعلومه

[@Aburakan16]

@@salmalatwi5285 اللهم امين ويجزاك كل خير ❤️🌺

[@منتظرمحمد-ك7ب]

السلام عليكم يا ابو راكان يعطيك العافيه انا عندي فورد نفسه اف 150 2006 كم علبه زيت يستغرق وخلط نفس الحكايه زيت مع الماء على القير خلط يعني ابى اسالك اول ما يخلط اول خرطه خرط الزيت وعبي زيت في نفس اليوم ولا استنى يوم كذا وركبت لزيت تجاري

[@Aburakan16]

@@منتظرمحمد-ك7ب وعليكم السلام ورحمة الله وبركاته الله يعافيك اذا تبي تنظف خذ زيت رخيص كرتونين ٢٤ حبه خله لتنظيف وبعده استخدم زيت الوكاله مع تغير الفلتر سبع علب

[@Aburakan16]

فيه مقطع لبترول تنظيف القير من الماء نفس الطريقه تفك ليات المبرد لي تدفع فيه زيت والي الثاني يجي من القير يفرغ المخلوط

[@عليبنعبدالرحمن-ن9ل]

ليت تفيدني موتري خلط بسبب المبردات كيف اعرف اذا من مبرد المكينه ولا قير ليت تفيدني مع انه القير سليم يعشق وكل شي

[@Aburakan16]

الخلط يايكون من القير لمبرد القير او يكون خلط من المكينه لمبرد المكينه وكلهن مشتركات بالرديتر اذا بالقير تحصل ماء الرديتر لونه وردي او نقول حليب فرولة واذا بالمكينه تحصل لونه حليب او نقوله شاهي حليب كلهن تكون بالرديتر

[@عليبنعبدالرحمن-ن9ل]

@@Aburakan16 للمعلوميه الزيت حقي لونه اسود لانه زيت القير ماشي عليه 360 الف والي بالقربه عندي كاانه كرك فعلا

[@Aburakan16]

@@عليبنعبدالرحمن-ن9ل فيه جانب القير فوق الكرتير مكان العيار مقاس ١٩ فكه واسحب العيار وراح يبين معك كذلك اسحب عيار زيت المكينه كذلك راح يبين معك هل الخلط بالقير او المكينه

[@خالد-ص3ز5ط]

اخوي ابو راكان الله يسعدك عندي مازدا وخلط القير بالمويه وغسلت القير الى الان اربع مرات وللحين فيه مويه وصار فيه تقطيع خفيف وانا امشي وش تنصحني طبعا الزيت حطيت موتر كرافت ulv ك غسيل للقير اكمل المره الخامسه بزيت قير الوكاله افضل ولا اكمل غسيل لين تروح المويه

[@Aburakan16]

ويسعدك يارب غسيل القير من الماء ياخذ وقت مثل ماسويت بالباترول هذا رابطه نيسان باترول 2004 غرقان ودخول الماء لسياره خلط مع جميع الزيوت تنظيف القير من الماء والدفرنسات والدبل kzbin.info/www/bejne/jnnEn4mtgperqtE

[@خالد-ص3ز5ط]

الله يسعدك انا عندي المبرد خارجي ماله شغل بالراديتر وغسلت القير اربع مرات وللحين فيه مويه

[@Aburakan16]

@@خالد-ص3ز5ط ويسعدك يارب حتى اذا كان خارجي عادي كلهن نفس الشي

[@خالد-ص3ز5ط]

الله يبيض وجهك يعني مافي حل غير التغيير والغسيل لين ينظف طيب زيت قير موتر كرفت ulv ينفع كغسيل ولا حق وكالته افضل لان زيت الوكاله غالي شوي العلبه 65 وبتكون تكلفه لو استخدمه غسيل وانا غسلت اربع مرات بنفس الزيت الامريكي بس بعد التشييك اشوف ان مافيه لزوجهً

[@خالد-ص3ز5ط]

لان بصراحه سئلت فيه مهندسين يقولون ينفع وفيه كم واحد يقول ماينفع واحترت بينهم والحين وقفت الموتر ونزلت زيت القير وقلت بخليه يوم كامل لعل وعسى تزين اموره شوي وبعدها ارجع اعبي زيت

[@alobiedbilal]

هلا ابو ركان وين ورشتك انا عندي النترا ٢٠١٠ خلتط موية اللديتر مع القير وغسلتها بقت مشكله في القير لما امشي يرجع في ٣ وتاني مايرجع يكون ثابت لين ابطل السيارة

[@Aburakan16]

هنا فيه تاثير كهرب القير افحص الكهرب او تنظف افياش القير

[@الضوءالدامس]

جزاك الله خير على المقاطع المفيدة جداً س : بالنسبة للي خلط زيت القير مع الماء وله شهور واقف. هل ينفع التنظيف او لازم توظيب؟

[@Aburakan16]

ويجزاك كل خير الحمدلله توفيق من وب العالمين ممكن تضبط هو الموضوع اجتهادات وانا اخوك وتيسرت معنا وفالك التوفيق يارب

[@salmanhassan1912]

ابو راكان عندي دودج رام واتوقع انها عندي خلط نفس الطريقة علما آني توقعتها للمكينه بس علمني اشلون افرق بين ايل الجير والمكينه

[@Aburakan16]

اذا القير تاخذ عينه من زيت القير واذا من المكينه يبين على غطا المكينه او عيار الزيت

[@salmanhassan1912]

@@Aburakan16 فالراديتر فيه اويل مابين معاي في غطاء المكينه

[@Aburakan16]

@@salmanhassan1912 الرديتر مشترك بين المكين وبين القير حصلت الزيت بالرديتر اذا فيه خلط وطلع المكينه سليم افحص القير

[@salmanhassan1912]

@@Aburakan16 طلع عندي خلط ايل الجير علمني شو افضل طريقه وعسى مالمشكله كبيرة

[@Aburakan16]

@@salmanhassan1912 تواصل معي واتس وابشر ارسل لك الطريقه مقاطع فديو 0555156643

[@omar.6446]

الله يكرمك يابو ركان ويعطيك بحلاله ويبعدك عن حرامه طول ما انت تحط مخافه الله أمام عينك تأكد بأن الأمور في مسارها الصحيح الله يجزاك بالخير بكل سلالسه نتعلم منك ونكسب معرفه

[@Aburakan16]

اللهم امين ويجزاك كل خير انتم اكبر دعم وعون لي الله يرحم والديك 🌺❤️

[@tariq77mahmmod31]

ايو ركان سيارتى خلطة ماء بالقير وعزلت مبرد القير عن الرديتر يعنى معاد يمر عن طريق الرديتر صار على طول للمبرد الصغير الخاص بالجير.هل هنالك مخاطره .رد لوسمحت باش مهندس

[@Aburakan16]

لا مافيه مخاطر وربي يبارك لك بحلالك

[@aymanalghamdi226]

وفقك الله ابو راكان. عندي اكسبدشن ٢٠١٥ الجير خالط ماء وزيت. هل تعرف ميكانيكي في الرياض فاهم ؟ اخوك من خارج الرياض وعلى سفر

[@Aburakan16]

الله يوفقنا وياك ويكون في عونك ويسر امرك فيه مركز يمدحه احد الاخوان وانا مدري عنه مركز الشروق لصيانة السيارات وفحص الكمبيوتر على قوقل ماب

[@كوماندوز-ه1غ]

سلام عليكم يا الغالي وين ورشتك الله يسعدك

[@Aburakan16]

وعليكم السلام حائل موجود بالوصف

[@khalidk.k9051]

متميز دايما ابوراكان ماشاءالله عليك.. كفوو بأهل السعودية الله يسعدك ويوفقك يارب

[@Aburakan16]

وجودكم اكبر تميز والحمدلله توفيق وتيسير من رب العالمين كفوك الطيب ويسعدك يارب وين ماوجهت

[@عبدالرحيمالقسامي]

الله يعطيك العافيه يا ابو راكان بالله وين موقعك عندي سيارتي خلطت زيت الجير مع الماء ودي اجيبها عندك

[@Aburakan16]

ويعافيك يارب حائل

[@alobiedbilal]

ويت موقعك

[@ok.hoozi99]

ابو ركان شغلة . ١٠٠% ماشاء الله خبره هدوء اتقان .

[@Aburakan16]

الله يجزاك كل خير الحمدلله توفيق من رب العالمين

[@samo-s7o]

طيب هل فكيت مخ الجير او لا وبايش نغسل الجير

[@Aburakan16]

لا بدون فك المخ غسلته بزيت قير الرخيص

[@السعوديةالعظمى-ذ9ف]

السلام عليكم اسأل الله العظيم الكريم لك البركة ف الصحة والذرية الباره يارب العالمين ابو ركان لك ورشة بالرياض

[@Aburakan16]

وعليكم السلام اللهم امين ولك بالمثل الله يجزاك كل خير بعد حي لا ماعندي شي بالرياض

[@ahmedsaid3431]

هلا ابو ركان وين موقعك بحائل

[@Aburakan16]

هلا فيك الموقع حائل على قوقل ماب ورشة جبل سلمى

[@rabeealjizani4694]

و اذا رجعت نفس المشكلة

[@Aburakan16]

كيف اذا رجعت نفس الطريق مادري وشو موضوعك

[@swaji8638]

عندي مثله خلط وغيرت زيته اربع مرات واخر شي فضى ماعاد يمشي هل انضفه بنزين ولا فيه مشكله

[@Aburakan16]

اذا صار فيه فضاوه فان الماء احرق الشريحه لازم تبدل بالحاله يفك قيمته تقريبا ٨٠٠ ربال شريحه القير

[@swaji8638]

@@Aburakan16 ججزاك الله خير لكن لابرد يمشي من احسن مايكون نص ساعه ثمن يحتمي القير ويفضي القير فيه ماصوره تحت بجنب القير اشوفه له حس وتبخر

[@Aburakan16]

@@swaji8638 اذا احتمى الموتر يفضي هل الموتر مع القومه او الدعسه فيه هزه وتحسه بالدعاسة البانزين خفيفه

[@swaji8638]

@@Aburakan16 لا صافي وقومته قويه لكن عقب نص ساعه او اقل يطلع صوت مثل صوت علبه الدركسون كأنه ما يرفع الزيت رغم اني غيرت الفلتر والزيت ايضا اربع مرات حتى راح لون الفراوله

[@Aburakan16]

@@swaji8638 اتوقع للحين فيه ماء

[@محمدحسن-ل7ي5ت]

تسلم استاذنا الفاضل

[@Aburakan16]

ويسلم الوجه من عذاب النار

[@الدحميالشريف]

انا عندي افالون 2011 خالط مويه وغيرت رديتر بس يعشقق 3 نمر مدري اغسله لن كلهم قالوا توضيب

[@Aburakan16]

سوله غسيل كاتجربه بعض السيارت تسلك مع الغسيل والبعض لا

[@dof2200]

انا عندي متسوبيشي نتيفا غيرت الاديتر وصار الي حق التبريد ينتفخ وينفجر زيت اكثر من مره اغيره

[@Aburakan16]

ممكن فيه انسداد ويحبس الحراره

[@احمدالحداد-خ8ض]

ماشاء الله تبارك الرحمن

[@Aburakan16]

الله يجزاك كل خير

[@ابوحبيب-ر8ع]

ابو راكان ابي اتواصل معك لاهنت

[@Aburakan16]

واتس ٠٥٥٥١٥٦٦٤٣

[@kgp.7724]

السلام عليكم ورحمة الله و بركاته .. تكفون ي شباب انا موتري خلط ماء و زيت .. هل ضروري اغير القير ولا ما يحتاج؟ موتري كابرس ٢٠٠٦

[@Aburakan16]

وعليكم السلام ورحمة الله وبركاته المشكله الاساسيه مبرد القير يبدل و تغسل الرديتر وتنظف القير من الخلط وتعبي زيت جديد وتشوف الامور طيبه كان بها اذا القير يشكل سوله غسيل ثاني وتاكد منه

[@kgp.7724]

@@Aburakan16 ياهلابك .. ا ستاذي انا غيرت المبرد و وحطيت زيت وامور القير زينه بس لقيت ماصوره زيت منكسره واذا كبت الزيت القير مايعشق ، و يوم جيت بغيرها جاء واحد و قال حتى لو غيرتها القير فيك فيك و تركت الموتر صار له شهر الحين وانا رايح جاي تكاسي .. اعتذر كثرة عليك الكلام

[@Aburakan16]

@@kgp.7724 غير صحيح بدل الماصوره وراح تضبط امور الموتر

[@kgp.7724]

@@Aburakan16 بيض الله وجهك ما قصرت 💚

[@Aburakan16]

@@kgp.7724 وجهك ابيض وفالك التوفيق يارب

[@alobiedbilal]

هلا ابور ركان وين موقعك

[@Aburakan16]

هلابك اكثر حائل على قوقل ماب ورشة جبل سلمى

[@xyiyxyjy5864]

نفس المكشله معي من يشتغلها

[@Aburakan16]

مختص قيور فورد

[@يوسفالسعدي-ه3غ]

وينك مختفي عن السناب فاقدينك 🙄

[@Aburakan16]

زعلت على السناب وحذفته 😂😂

[@MrLovesick22]

احسنت

[@Aburakan16]

احسن الله اليك ورحم الله والديك

[@عبوسيفاضل-ق4ذ]

صوت ناصي

[@Aburakan16]

😅😅

[@فيصلالعتيبي-ز9ي7ص]

تمبت السياره مل المبات والعه الله يهديك

[@Aburakan16]

وين المشكله اذا ولعة المبات

[@salem2181]

طحينة ههههههههههههه 😅😅

[@Aburakan16]

😬😬🤣🤣🤣

[@شيخناالفاضل]

السلام عليكم كيفك ابو راكان كم احتاج علب زيت خلط القير مع الراديتر كامري 2005 توماتيك حالياً انا قمت بتغيير المبرد وكيف الطريقة الصحيحة لتغيير الزيت بالكامل السيارة بمكان اعتقد انه لا يملك معلومة كافية عن التغيير وممشى الخلط حوالي عشرة كيلو

[@Aburakan16]

وعليكم السلام ورحمة الله وبركاته الكرتير ياخذ اربعة لتر اما القير كامل ياخذ تسعة لتر اذا خلط القير بسبب المبرد يسواله تنظيف تغير الزيت اول مره عن طريق فك الكرتير وتقفل الكرتير وتعبي زيت وبعد يوم او يومين تكرر العمليه تفرغ الكرتير وتعبي من جديد كذلك فيه طريقه ثانيه بعد فك الكرتير وتعبيه زيت جديد وتفك ليات المبرد ااراكبه بالرديتر فيه واحد جاي من القير يقون تفريغه زباله الله يكرمك والثانيه تركب فيه مصخه يدفع الزيت للقير كذا يدور كامل ويغسل القير كامل وهي صعبه اشوي