Рет қаралды 15
Қарағандыдағы Абай гимназиясында @abai.104_krg өткен республикалық шешендік сайысқа арқау болатын мазмұн алдын-ала берілгенімен негізгі тақырыптар сайыс үстінде жеребе арқылы таңдалды. Жұп та, реттік сан да сол сәтте белгілі болды.
Негізінде әр сайыста тақырып арқылы талқыға түсетін мәселе мен мазмұн жаңарып отырады. Сұрақтар да оңай емес. Ойлана отырып ой ұшқырлығы мен тапқырлықты паш етуге құрылады. Кейде сөз ұстағандардың өзін тығырыққа тірейтін сауалдар да жоқ емес. Осы арқылы шын шешен мен талантты тапқырды тауып, жаңа көшбасшыларды қалыптастыру көзделген. Оқушылардың дені ұшқалақтық жасап тақырыптан ауытқып жатса, кейбірі ойын жеткізе алмай қиналды. Сөздік қорыңыз бай, біліміңіз мен білгеніңіз көп болса да асықпай, мәнерлеп және белгіленген уақытқа сыйғыза отырып жігерлі түрде жеткізу шеберлігі болмаса ол да қиын. Сөйлеушінің деңгейін түрлі бағыттан әділ түрде шынайы саралап, дәл бағасын бере отырып, нақты, нанымды ұсыныс, пікір айта алатын сарапшы табу да оңай емес. Осы жолғы сайыста жекелеген жағдайда қазының өзі тақырып пен айтушының дітін жете түсіне алмай жаңылыған кезі болды. Ал тәжірибелі де білікті маман, профессор Береке Дәулетханқызының пайымды пікірі қатысушыларға 100 сабаққа татитын жүйелі дәріс болды. Оқушылар сөйлеу шеберлігін шыңдап қана қоймай, мол тәжірибе жинап байып қайтты…
“Ділмар - дәріс”.
#сөз #аталысөз #шешендіксөз #шешендіксөздер #шешендікөнер #шешендіксайыс #ділмар #ділмарүйірмесі #ділмарбайқауы #шешендіксөзөнеріпәні #ділмаршешендікөнерүйірмесі #ділмаршешендікөнербайқауы #шешендіксөзөнері #ділмарклубы #ішіалтынсыртыкүміссөзжақсысы #шешендікбайқау