خالد ال بريك & صنهات بن حشر - ‎على بعض الغياب العذر منكم يـ اقرب الغالين 2024 حصرياً

كلمات الشاعر ::
صنهات بن حشر
اداء المنشد ::
خالد ال بريك
تصميم ::
لطام الدوسري
…
طلب التصميم اتواصل وتساب مباشر👇🏻:
‏iwtsp.com/966533088591
-
سنابي حياكم الله .
‏ / g-rii2
. . . . .
الكلمات::
‎على بعض الغياب العذر منكم يـ اقرب الغالين
‎مع اني معرف اوضاع الغياب ولا اعرف اسبابه
‎عن اللي يعترض لي في طريقي مامعي تامين
‎موكلها على اللي عن عباده ماقفل باااااابه "
‎اجي واروح في دارً مناظرها تسر العين "
‎ مناظرها تسر العين .. لو ماهيب خلّابه "
‎على ضغط السنين وحملها الجاير صبرت سنين
‎طموحي كل يوم يزيدني لو زادت اتعابه "
‎عسى ربي يصبرني على الايام لين تزيين "
‎وعسى عزمي على مر الزمن ماتبرد اعصابه
‎لو يطول انشغالي ماحسدت العالم الفاضين
‎مايحسدهم سوا اللي مامعه عقل يتلهابه "
‎رهين الضيقه اللي مايغامر بين حين وحين
‎تغداه الظروف .. القاسيه ولا تعشابه "
‎ليا مات الشغف كنك فقدت عيونك الثنتين
‎تضيع ابسط حقوقك في الحياه وتوخذ نهابه
‎تحرر من قيودك لين تاصل للحيا والدين "
‎لاوصلت للحيا والدين كلً يحسب حسابه
‎انا ضد القرار اللي يقول العب على الحبلين
‎لو ان الوقت يلعب لعبته والناس لعابه.
‎لاياخذك الحنين من الحياه وتتبع المقفين
‎ياكم من واحدً راحت حياته يتبع احبابه "
‎بعد ماطول الموضوع لازم نكسر الروتين "
‎بحول الله نجيب المستحيل اللي محد جابه
‎ياحي الوافي اللي مايجنب سكة الوافين "
‎على شان المراجل والمكارم يشعب ركابه
‎تبجح ياحمود وعدني واحد من الاثنين "
‎حزامك فالقسا ولا الخوي اللي تعزوابه
‎خلف خّلف عيال ماتخاف من الزمان الشين
‎ماتحسب للزمان الشين مهما دار دولابه "
‎مامات اللي معقب له عيالً فاللزوم تبين
‎رجالً كل واحدً في المواقف يفتل اشنابه
‎اشوفك يانقاء واشوف ضاوي فالطريق يمين
‎طريق الغانمين اللي مشيتوه ومشينابه
‎يعيشون الخوان وصفهم ماينقسم صفين
‎ترا الطيب يموت .. ولايخلي سلم شيّابه '
‎حداهم لـ انتهض مافكر الدنيا تروح منين "
‎حرارً كل واحد يخطف الصيده بمخلابه "
‎ثقالً ماتهاب وفالمواقف والطلب عجلين
‎هذولا هم رجال المعرفه والسيف ونصابه
‎فداهم راعي اصبر لين اشوف وخلها بعدين
‎قليل العرف في وقت اللزوم يموت في ثيابه
‎لو يلين الجبل ضلع العصيمي مستحيل يلين
‎ضلوعه عزمها اقوا من جبال القاع وهضابه
‎اشوف ان العصيمي فارق بفعله عن الباقين
‎قلط بسمه على راس الفخر واحتل مرقابه
‎حصون ديارنا مركي عتيبه خل سور الصين
‎هم الركن الذري كان الزمن كشر عن انيابه "
‎مقاديم السرب يوم العزاوي والنهار الشين
‎اسودً تنطح وجيه الخصوم تقول في غابه
‎جموع الاد عاصم لاتناخو والتقى الجمعين
‎لهم وقعً على نحور الخصوم يبين مضرابه
‎هنا التاريخ والمجد القوي والسلم والتمكين
‎هنا الاسم المشرف والفخر والساس واللابه
‎هذولا هم مقابيس الوغا والسيف ابو حدين
‎وحد السيف تبقى هيبته لو كان فـ جرابه "
. . . . .
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : لطام الدوسري
______________________
للتواصل والاستفسارات :
الحسابات الرسمية لـ قناة لطام الدوسري .
‏SNAPCHAT : g-rii2
‏Whatsapp : ‭[phone]
-
#خالد_ال_بريك

[@g-rii2]

سنابي حياكم الله . ‏www.snapchat.com/add/g-rii2

[@Al_marrii]

مصمم رقم واحد في الخليج ❤️‍🩹❤️‍🩹.

[@g-rii2]

تسلم يالشيخ 🙏🏻🤍🤍.

[@Al_marrii]

@@g-rii2من قال يسلم 🤍🤍.

[@zeyadotb-zb1mb]

ابداععععع افضل مصمم

[@g-rii2]

🙏🏻🤍.

[@Sattamm12]

ي سلام ي لطام 👍🏻👍🏻

[@g-rii2]

🙏🏻🤍🤍.

[@صديقسليمان-ت1د]

ديم مبدع ياالروقي