КҮМӘН МЕН КҮНӘ авторы: Әбубәкір Қайран 1-БӨЛІМ

Әңгіменің Авторы: Әбубәкір Қайран
Кербез де кеуделілеу жігіт Мәу­леннің соңғы күндер­дегі өзгерісі басқа­ларға бай­қалмаса да, үй ішіндегі­лердің бәріне үрей туғыза бастағандай еді.
Мырзалығы мен жомарттығын маңай­ын­дағы жұртқа қашанда көрсеткісі келіп жүретін мақтаншақтау азамат өзінің әйелінің сұлулығынан бастап, хан сарайындай алты бөлмелі үйі барлығын, қымбат көлік мініп жүргенін, аудан орталығындағы ең жаңа мектептің директоры екендігін санамалай келіп, өзінің қара басын ең бақытты адамдардың қатарына баяғыда қосып қойған.
Бір үйдің жалғыз баласы болған соң, ішкені - алдында, ішпегені - артында, қалай жүрем, қалай тұрам демей, еркін өскен бұла жігіттің балалық шағы да, сту­денттік кезі де алқып-шалқумен өткені рас. Мұны үйлендіре салып әкесі Сейілжан қайт­ыс болып кеткеннен кейін, екі-үш ай бойы еңсесі езіліп, жетімдік, жалғыздық дегеннің не екенін енді-енді сезініп жүр­ген кезінде, анасының қайсарлығы мен намыстылығының арқасында, тез-ақ бойын жинап алған болатын.
Кейде ғана күрсіндіріп қоятын бір уайымы - көрген перзентінің де жалғыздығы, әйелінің бір бала таба салып, құрсағы құрғап, теп-тез тоқырап қалғандығы. «Екеудің бірі кетсе - бірі қалар, жалғыздың өзі кетсе - кімі қалар?» деген мәтел сөзге айналып кеткен өлең жолдарын жиі-жиі есіне алып, мұңдылау ойға батып кететіні де содан.
Атын Мәжит деп өзі қойған ерке баласы он жасқа толған соң мұндай атаулы мезетті ескерусіз қалдыру жөн болмас деп, ағайын-туыс, дос-жарандардың басын қосып, дүрілдетіп той жасағаны таяуда ғана. Міне, сол той өте салысымен-ақ Мәуленнің көңіл күйі сабындай бұзылып, отыз жастан баяғыда асып кетсе де, тал шыбықтай бұ­ра­лып тұратын келіншегі Зылихаға да, ана­сы мен баласына да суық тартып, олар тілдесе қалса, танауының астынан міңгір­леп сөйлейтін мінез шығарған. Мұнысы үйдегілердің бәріне әсер етіп, тіпті, дастархан басындағылар бұрынғыдай ашылып сөйлеуден, жайраңдап күлуден де қалып барады.
Дариға кемпір жасаурай беретін бұ­лыңғыр көздерін жаулығының ұшымен қайта-қайта сүрткіштей түсіп, отыз бес жасқа келсе де, өзіне әлі сәбидей болып көрінетін бұйра бас баласына қарағыштап, телмеңдейді де отырады.

[@GazizaAltynbai-ev2ws]

Құрметті тыңдарман! Менің арнама тіркеліп, пікір қалдырып, ұнаса лүпіл баса отырыңыздар! Алдағы уақытта сіздерге ұнайтын әңгімелер мен ғибратты әңгімелерді менің арнамнан ести аласыздар! Сіздерге рақмет!

[@Gulbanunartaikyzy]

Өте мағыналы әңгіме екен басының өзі қызықты басталган,Аяғына жеткенше тыңдап отыра бергің келеді

[@GazizaAltynbai-ev2ws]

Рахмет!💐💐💐

[@ZHANSAYA.BAUIRJANKYZI]

Қызықты әңгіме екен

[@GazizaAltynbai-ev2ws]

рақмет пікіріңізге

[@Saltanat-wq3cl]

Қызықты әңгіме

[@GazizaAltynbai-ev2ws]

рақмет пікіріңізге

[@user-ck5cr9un6s]

Қызық әңгіме. Қазіргі төсек пен өсекті айтатын каналдар сияқты емес. Ұялмай тыңдайтын әңгіме 😊

[@GazizaAltynbai-ev2ws]

рахмет💐

[@user-me9ji8mw8o]

Ішкеніі артында ішпегені алдында деп айтылады.Дұрыс айт

[@GazizaAltynbai-ev2ws]

Рақмет пікіріңізге. Автордың жазған сөзін өзгерте алмаймын.

[@user-hl7lx6ne2b]

жалғасын күтеміз?

[@GazizaAltynbai-ev2ws]

жалғасын бүгін саламын💐