Kənan Səmədov - Ayrılıq

Müəlif: Ramiz Rövşən
Səs: Kənan Səmədov
Fon musiqisi: Medcezir - Tozludere (Yaman)
Rejissor: ‪@VidadiHuseynov‬
Yenə bu şəhərdə üz-üzə gəldik
Neyləyək, ayrıca şəhərimiz yox.
Bəlkə də, biz xoşbəxt ola bilərdik,
Bəlkə də, xoşbəxtik, xəbərimiz yox.
Aradan nə qədər il keçib görən, -
Tanıya bilmədim, məni bağışla.
Mən elə bilirdim, sənsiz ölərəm,
Mən sənsiz ölmədim, məni bağışla!
"Ölmədim" deyirəm, nə bilim axı, -
Bəlkə də, mən sənsiz ölmüşəm elə,
Qəbirsiz-kəfənsiz ölmüşəm elə.
Bəlkə də, biz onda ayrılmasaydıq,
Nə mən indikiydim, nə sən indiki, -
Ayrıldıq, şeytanı güldürdük onda;
Bu ilin, bu ayın, bu günündəki,
Elə bu küçənin bu tinindəki
məni də, səni də öldürdük onda.
...Sağımız-solumuz adamla dolu,
Qol-qola kişilər, qadınlar keçir.
Özündən xəbərsiz, ömründə min yol
Özünü öldürən adamlar keçir.
Keçir öz qanına qatan adamlar,
Bir də ki, qan hanı?
Qan axı yoxdu.
Hamı günahkardı dünyada, amma
Dünyada heç kəsin günahı yoxdu.
Bizsiz yazılmışdı bu tale, bu baxt,
Sapanddan atılan bir cüt daşıq biz.
Bəlkə bu dünyada on-on beş il yox,
Min il bundan qabaq ayrılmışıq biz.
Halal yolumuzu dəyişib, nəsə
Çaşmışıq, bir özgə yoldan getmişik.
Bəlkə min il qabaq səhv düşüb nəsə,
Minillik bir səhvə qurban getmişik.
Dəyişib yerini bəlkə qış-bahar,
Qarışıb dünyanın şəhəri, kəndi.
Bəlkə öz bətnində ögey analar
Ögey balaları gəzdirir indi.
Ömrüm başdan-başa yalandı bəlkə,
Taleyim başqaymış doğrudan elə.
O yoldan ötən qız, anamdı bəlkə,
Bəlkə də, oğlumdu bu oğlan elə.
Bu yalan ömrümdə
görən sən nəsən?
Bəlkə heç sevgilim deyilsən mənim.
Anamsan, bacımsan, nənəmsən, nəsən?!..
Bircə Allah bilir, nəyimsən mənim.
Bizi kim addadar bu ayrılıqdan,
Çatmaz dadımıza, nə yol, nə körpü.
Ölüsən, dirisən, hər nəsən, dayan!
Dayan, heç olmasa əlindən öpüm...
Deyirsən: "Ölüyəm, ölünü öpmə.."
Əlimin içində, soyuyur əlin.
Deyirsən: "Sən allah, əlimi öpmə,
əlimdən, deyəsən, qan iyi gəlir...

[@NergizHesenli-e4x]

MÖHTƏŞƏM💙

[@QalibeHuseynova]

Möhtəşəmsiz müəllimm

[@melekimanova-fx4lk]

Superr🎉

[@OguzSemedov-xv8os]

Uğurlar

[@richboy_yt]

Möhtəşəm 🎉🎉

[@teymurkazimov1343]

cox gözel

[@lmankazmova3986]

❤❤❤

[@Gunii_M]

Men sensiz ölmedim meni bagısla….🖤

[@huseyn_gozelov]

Kənan bəy adam şerilərinizdə hüzur tapır 💙👍

[@SalamSalam-t4r]

Salam

[@oguzoguzlu]

❤

[@samirxancanova4912]

Elə bilirik ölərik.Amma ölmürük vərdiş edirik yaşamağa😔

[@nurelekberova]

Gözlerim doldu🥺.Çox gözel seslendirirsiz😊

[@zehraisayeva.1908]

- SELAM Hörmetli insan Uğurlar Size .

[@gunayquliyeva1516]

👍👏

[@UlviSemedov-rf8gp]

❤

[@aytajmvm]

möhtəşəm 🥺🥺🥺❤️❤️

[@UmudUmudlu-sj7ri]

Möhtəşəm

[@silentword5393]

😢

[@semayeeli]

Səsin insanın ruhunu oxşayır. 👍😊😍

[@alialiyev276]

Əla!!!👏

[@GunesEmenova]

👍👍👍👍👍👍👍

[@melekimanova-fx4lk]

👏👏👏👏