Рет қаралды 197
Күршім ауданына 95 жыл. Аймақтың оңтүстік-шығысында орналасқан аудан 1927 жылы 17 қаңтарда құрылған. Осы уақыт аралығында елдімекеннің жеткен жетістіктері қандай? Күршім, Марқа аймағының топонимиялық жүйесі қашан пайда болды?
«Алтайдың күнгейінен құбыла жаққа құлай аққан, құлай ағып Ертіс түскен, күр-күр еткен Күршім бар». Жүсіпбек жырлаған Күршімнің тарихы тереңде. Күршім, Марқа аймағының топонимиялық жүйесі кез-келген басқа өлкелер топонимиясы сияқты көне, кірме және қазақ тілі негізінде қалыптасқан атаулар қабатынан тұратын күрделі жүйе. Күршім атауының төркіні туралы ғалымдар түрлі көзқарасты ұстанады. Дегенмен, Күршім - өзен атауы.
Ауданның жер көлемі 23 мың шаршы километрден астам. Катонқарағай, Көкпекті, Зайсан аудандарынан бөлек, Қытай Халық Республикасымен шектеседі. Күршімде барлығы 12 ауылдық округ бар. Елді мекендер саны - 44. Жалпы халық саны 22 400.
Ғасырға жуық уақытта аудан бірнеше өзгерісті бастан кешті. Қазірде Күршім аймақтағы экономикасы дамыған аудандар қатарында.