Рет қаралды 83,572
Ah...
/ superahmada
/ ahmada137
ولو ليك فى الكورة تعالى هنا
/ @ركنيةمنمكانخطير
سوبرمان فى قلعة العزلة بتاعته، وبيكلم صورة ابوه اللى فيها معلومات عن تاريخ كوكب كريبتون، وصورة ابوه بيقوله بعد انفجار كوكب كريبتون انت اخر ابناء كريبتون
وبعد وقت فى زي نيزك او شئ غريب بيسقط فى متروبليس، سوبرمان بيطير علشان يحاول يمسكه بكل قوته، وبيقدر يمسكه قبل ما يقتل حد، لما بيلاقى انه زي سفينة صغيرة، واللى بداخلها طفل صغير،
سوبرمان بياخد الطفل لمؤسسة التعامل مع البشر الخارقين، وهما عايزين يعرفوا هو منين، سوبرمان بيقول انه حتى الان ميعرفش، لما بيشوفوه بيرقع دولاب كبير جداً بكل سهولة، وبعدين بيقول كلام غريب سوبرمان بيقول ان دي لغة كربتونية، هو بيقول انه جعان،
سوبرمان بيقعد يتكلم مع الطفل علشان يعرف اسمه ايه، لكن الطفل مش بيكون عارف، ومش عارف هو منين، لكن هو مش هنا، وفى الليل لما الطفل بينام، الدكاترة بيقول انهم اخدو عينات من الطفل وهيحاولوا يشوفوا ازاي بتتأثر لما يعرضوها لكربتونايت، وبعدها هيتأكدوا انه من كريبتون وكل ده هيحصل بكره بالكتير، سوبرمان بيروح للطفل ويقوله لو مش عارف تنام، انا هابقى هنا لحد ما تنام، وهارجع قبل ما تصحى، انا باوعدك، وبعد ما الطفل بينام سوبرمان بيطير
سوبرمان بيروح يتكلم مع زوجته، لويس لاين، ويقولها على اللى بيحصل، لويس بتقوله هما لسه هيعملوا تحليلات علشان يتأكدوا، لكن انت عارف مش كده؟" سوبرمان بيقول "انا قادر اشعر" ولويس بتجهز للمقال اللى هيتنشر بكره، طفل كربتونى فى متروبليس،
فى الصبح سوبرمان بياخد لعبة ويذهب للطفل، لما بيقرب من المنزل بينظر بنظره الخارق مش بيلاقى الطفل فى المبنى، وبيتعصب وهو بيطير للمقر الرئيسى للتعامل مع البشر الخارقين،
سوبرمان بكل الغضب اللى فى الدنيا، بيكسر اقوى باب مدرع فى المؤسسة، ويدخل يمسك فى ستيل قائد المؤسسة، هو فين، ستيل بيقوله هما قالوا انهم قالولك، هما اتأكدوا انه من كريبتون وقرروا ينقلوه لمكان امن اكتر،
وفى مكان تانى عدو سوبرمان الاول ليكس لوثر العبقرى المجنون بيقرأ اخبار ظهور طفل من كريبتون، وبيقول "الفرص بتأتى لوحدها"
وفى مكان تانى، عدد كبيرة من الجنود والعربيات بيحاولوا ينقلوا الطفل، لما فجأة فى شجرة كبيرة بتقفل الطريق، وفى قنابل دخان بتغطى المكان، وفجأة الطفل بيختفى،
وعند جوناثان ومارثا كينت، اباء سوبرمان الارضيين، بيدخل عليهم سوبرمان، وهو بيقول "طفل صغير سقط من السماء، انتوا اخدتوه وربتوه وهو صغير، ممكن تقولولى ازاي اكرر ده؟" وهو شايل الطفل الكريبتونى فى ايده
اهلا بكم فى سوبر ايه الفديويهات اللى بنحكى فيها قصص مسمعتهاش قبل كده من الصفحات والإصدارات المختلفة فى الكوميكس، القصة دي قصة قديمة لسوبرمان ملهاش اي علاقة باللى بيحصل دلوقتى ولا فى عالم الكوميكس ولا فى الافلام ولا فى اي حاجة،
متنساش تعمل لايك اشترك قى القناة شير الفيديو فى كل مكان
انا احمد ايه ويلا بينا