કેવી સમસ્યામાં સપડાયેલી છે ટાંકણીથી લઈ એરક્રાફ્ટના એન્જિનના પાર્ટ્સ બનાવતી Jamnagar Brass Industry?

બ્રાસ ઈન્ડસ્ટ્રીઝમાં જામનગરનું નામ આખીય દુનિયામાં જાણીતું છે. અહીં ટાકણીની સાઈઝથી લઈને એરક્રાફ્ટમાં ઉપયોગમાં લેવાતા હોય તેવા પણ બ્રાસના પાર્ટ્સ બને છે. આ ઈન્ડસ્ટ્રીની સૌથી મોટી ખાસિયત એ છે કે, તેમાં ઓછા મૂડીરોકાણમાં વધારે લોકોને રોજગાર પુરો પાડી શકાય છે. અહીંના લોકો સાથે અમને વાત કરતા જાણવા મળ્યું કે, બ્રાસ ઈન્ડસ્ટ્રી પર નભનારા લોકોની સંખ્યા ત્રણ લાખથી પણ વધારે થાય છે. જોકે, હાલ આ ઈન્ડસ્ટ્રી ખાસ્સા પડકારોનો સામનો કરી રહી છે. ખાસ કરીને યુક્રેન-રશિયા વૉર પછી સ્ક્રેપની આયાત પ્રભાવિત થઈ છે તેમજ તેના ભાવ પણ વધી ગયા છે. અધૂરામાં પુરું ડોલરનો ભાવ પણ સ્થિર ના રહેતો હોવાથી બ્રાસ ઈન્ડસ્ટ્રી સાથે સંકળાયેલા લોકોને ક્યારેક ખોટનો ધંધો કરવાની પણ નોબત આવે છે. આ અંગે IamGujaratએ જામનગરની મુલાકાત દરમિયાન ઈન્ડસ્ટ્રી સાથે સંકળાયેલા લોકોની વાત સાંભળી તેમની સમસ્યા સમજવા પ્રયાસ કર્યો હતો. રિપોર્ટ: નવરંગ સેન, વિડીયો-એડિટિંગ: વિજય વાઘેલા