خطوات لازم تعملوها في الشتا❗ علشان الفسيخ ينجح ❗فسيخ الشتا الزبده

[@hanaaelazoumy-874]

فيديو جديد نزل على القناه معلومات مهمه جدا عن الفسيخ هتسمعوها لأول مرة kzbin.info/www/bejne/r2ivn4t4pK9qitU

[@am_Heba]

اللهم صل وسلم على نبينا محمد وعلى آله وصحبه أجمعين وسلم تسليما كثيرا بهآ الف الف عافيه جميل

[@hanaaelazoumy-874]

السلام عليكم ورحمة الله وبركاته ضروري نختار نوع سمك يكون سمك مزارع لان اي نوع سمك تاني ماينفعش للفسيخ وطبعا نسأل كمان السماك علي نوع السمك حد هيقولي أنتي بتصعبيها علينا هقولكم الاسعار عاليه جدآ وحرام نجيب الحاجه ومش تنجح معانا تاني حاجه السمك لازم يكون طازه ماينفعش يكون عليه تلج نسبة الملح ماتقلش عن ١٥٠جرام طب لو عايزين عادب شويه يبقي ١٠٠ جرام مش أقل من كده نسبة الملح أقل مده للفسيخ ١٠ايام مش اقل من كده علشان يكون صحي أنا قولت كل المعلومات إللي اعرفها عن الفسيخ يارب أكون أفدتكم ضروري نختار نوع السمك علشان ينجح معانا الفسيخ سامحوني علشان بكرر الكلام بس حقيقي الحاجه غاليه جدا اي اساله أنا تحت امركم دمتم في امان الله ❤ بعد اذن حضراتكم ياريت نعمل لايك وشير لدعم الفيديو

[@AlyaaSaeed-k1z]

واللي بيقول سبع ايام غلط

[@hanaaelazoumy-874]

أنا ماعنديش فكره حقيقي غير في الطريقه إللي بعمل بيها من سنين

[@Fatma-bb3kn]

موضوع متلج دة كل بتوع السمك طالما مش مدن ساحلية السمك اكيد بيجيبوه متلج حتى عشان النقل لو قلنا انه طازة لليوم مية ف المية ف النقل لازم معاه تلج فاازي بقى ولو ملقتش البوري العريض ينفع التاني ولا لا

[@hanaaelazoumy-874]

@@Fatma-bb3kn بصي حبيبتي أنا عشان أنا بقدم معلومه يبقي لازم اقدمها صح دي حاجه إنما لو مش لاقيه بوري طازه يبقي اهم حاجه مايدخلش التجميد يتجمد وبعد كده نعمله كده مش هينفع إنما بتوع السمك بيبقي حاطين تلج عليه من فوق بس ده عادي والسمك التاني عادي في الفسيخ بس هو مش احسن حاجه يارب اكون قدرت أفيدك

[@monamohamed310]

تسلم ايدك بجد حلو قوى وطريقتك سهلة وأسلوبك بسيط ربنا يكرمك ويزيدك من فضله

[@monymohamed1804]

تسلمي ياست الستات وربنا يباركلك يا رب وفديو الفسيخ ده ممتع جدا وحاعمله بكرة إنشاء الله

[@hanaaelazoumy-874]

حبيبتي تسلميلي ويسلملي كلامك الجميل ده ربنا يجعله في ميزان حسناتك اللهم امين جربيه حبببتي إن شاء هيعجبك ♥️

[@MoniaAlamoodi]

ايش نوع السمك لو سمحتي وممكن ابدل سمك نوعه ثاني

[@hanaaelazoumy-874]

سمك بوري او طوبار وممكن سمك بلطي بس مش هيكون نفس الطعم تحياتي

[@sandrarime8065]

اتمتعت وانا نشوف الفيديو ❤ حبيت نذوق الفسيخ المصري❤❤

[@hanaaelazoumy-874]

شكرا جدآ هو الفسيخ طعمه حلو جدا

[@emadhamdy805]

لوسمحتي هو بيبقي ليه ريحه انا نفسي اعمله بس من غير ما يكون ليه ريحه​@@hanaaelazoumy-874

[@gehanabodonia229]

بسم الله ما شاء الله شكله روعه تسلم ايدك

[@hanaaelazoumy-874]

حبببتي تسلميلي انتظري فسيخ العيد أن شاءالله هينزل قريب إن شاء الله

[@safaamorgan6669]

ماشاء الله عليكي ربنا يحفظك ويبارك فيكي أنتي والأسرة الكريمة شكله حلو وجميل أن شاء الله سوف اعمله بكره

[@hanaaelazoumy-874]

حبببتي تسلميلي يا رب أنا نزلت فيديو للفسيخ النهارده شوفيه بردو أن شاءالله يعجبك ♥️

[@rajethodeallah125]

ازي حضىرتك يارب تردى عليا انا خايفة اسيبه ينشف بره لحسن يجى عليه هاموش او حشرة يتفع احطله مناديل واسيبه ليلة التنشيف على بوزو دى ف التلاجة مش بره.؟

[@Hayamazzam]

بسم الله ماشاء الله عليكي تسلم ايدك ❤❤❤❤🎉

[@يومياتامحسنالاسيوطي]

ماشاءالله تبارك الرحمن تسلم إيدك ي حبيبتي بالهنا والشفا روعه ربنا يحسن ما بين ايديكي يا ست الكل طريقه جميله جدا وسهله وبسيطه هجربها قناتك جميله تستحق المشاهده وتستاهل المليون ربنا يوفقك يا قلبي 👍👌👌

[@tharwatgarawan9539]

ماشاء الله تبارك الله فعلا أختى الفاضلة سلامى لحضرتك ولزوجكى الكريم كفر الشيخ ماأجملها ونبروه بلد الفسيخ بحق أحلى وأجمل فسيخ شابووووه ليكى ولزوجكى المحترم

[@hanaaelazoumy-874]

حبيبتي تسلميلي ويسلملي زوقك وكلامك الجميل ربنا يجعله في ميزان حسناتك اللهم امين تحياتي لحضرتك وكل عام وانتم بخير ♥️

[@منبيتامهدى]

بسم الله ماشاء الله ربنا يعطيكي العافيه تسلم ايدك حاجه تحفه👍👍

[@hanaaelazoumy-874]

حبيبتي تسلميلي ♥️

[@مدامفريده]

تسلم ايدك حضرتك ذوق جدا واسلوبك رائع تسلمى يارب

[@hanaaelazoumy-874]

حبيبتي تسلميلي يا رب ويسلملي زوقك ♥️

[@ريماسأحمد-ض5ض]

ما شاء الله أحسن فيديو ف طريقه الفسيخ ربنا يبارك لك يارب ويوفقك ❤

[@hanaaelazoumy-874]

حبيبتي تسلميلي ويسلملي زوقك جزاكم الله خيرا ♥️

[@gehanshawky455]

هو طريقة عمل الفسيخ للنوع التانى غير البورى نفس الخطوات

[@منبيتامهدى]

تم بالتوفيق والنجاح الدائم اختى الكريمة تسلم ايدك 👍🌹🌹

[@hanaaelazoumy-874]

حبيبتي تسلميلي ♥️

[@gehanshawky455]

ينفع يتم حفظه فى اكياس فقط

[@سايڤيرات]

انتى شاطره ماشاء الله ♥

[@hanaaelazoumy-874]

حبيبتي تسلميلي ♥️

[@rofaidahassan6912]

بس لو حبه اعمل كميه كبيره جدا شغل مافيش طريقه غير الاكياس والاسترتش يعني المحلات مش بتعمل كده اكيد ممكن تساعديني ❤

[@hanaaelazoumy-874]

جردل كبير بلاستيك أو برميل بالاستيك هتمعلي زي ما عملنا كده بالظبط آخر حاجه رشي ملح علي آخر طبقه وحطي عليها كيس افردي الكيس كويس علشان الهوا وحطي علي الكيس طبقه ملح على مساحه الكيس كله كده تضمني أن مافيش هوا بس طبعا مش هيتقلب الكميات الكبيرة مش بتحتاج تتقلب اتواصلي معايا واتس لو محتاجه حاجه وأنا أساعدك

[@reemmoh2929]

لوسمحتى ضرورى تردى عليه الله يبركلك انا عملته على طريقتك دى بس الكيس قفلته عليه وكان فى هوا لما طلعته انهارده لقيت الكيس الاول فى هو كده ممكن يكون غلط لو اكلنا كده بايظ او ارميه

[@hanaaelazoumy-874]

لأ ياحبيبتي ماتقلقيش خالص هو حلو وزي الفل تخافي من الفسيخ لو حضرتك سبتيه يوم أو يومين من غير تمليح تاكلوه بألف هنا على قلبكم وبردو نسيت اقولك مقدار الملح نفسه ده مصدر امان للفسيخ آه هو بيطلع حادق شويه بس أنا شرحت في اخر فيديوهات نزلتها للفسيخ إزاي نقدر نتخلص من الملوحه الزيادة ياريت حضرتك تعملي شير للفيديوهات الفسيخ عشان الكل يستفيد

[@reemmoh2929]

انا لفتو فى اكياس بس وحطيته فى علبه بلستك هو كده صحى الله يباركلك في ثحتك تردى عليا

[@hanaaelazoumy-874]

اهم حاجه لفتيه كويس في اكياس كتيره

[@nouraljbori6442]

ف الصيف وين احط الفسيخ ينفع بالبكونه !؟ او لازم غرفة باردة متهوية ياريت تردي علية

[@hanaaelazoumy-874]

أيوه حبيبتي في غرفه بارده متهويه وأنا أن شاءالله هعمل فيديو للفسيخ في الصيف

[@nouraljbori6442]

@@hanaaelazoumy-874 اليوم جابولي فسيخ من مصر ريحته اكرمك الله كانه كلب ميت وطعمه كانه جيفة ماقدرت ابلعه ؟؟ هل هذا طبيعي او الي جابوه الي خربان !؟ انا اريد اسويه بنفسي بس اخاف يطلع نفس الي عندي ويكون هو هذا الطبيعي

[@lailaragab2767]

ماشاء الله تسلم الأيادي حبيبتى

[@hanaaelazoumy-874]

حبيبتي تسلميلي ♥️

[@amanywael2254]

لو السمك بعد ماخلتته حسه أنه زفر مع انى اتبعت الخطوات جيدا اعمل ايه حطيت عليه زيت وليمون وشطه

[@hanaaelazoumy-874]

من نوع السمك نفسه الحقيقه هو مش بييبقي زفر خالص كنت مطلعه اوردرات للعيد ولسه الناس مكلماني النهارده أنه مالوش ريحه نهاءي

[@hodamohamed9592]

والله انتى ذوق وبتهتمى بالتعليقات لما الفسيخ بيطلع ناشف ومجلد بيبقى العيب من نوع السمك لان انا بعمله مره يطلع ذى الزبده وجميل ومره مجلد وبنفس الطريقه يبقى نوع السمك صح ارجو الافاده

[@hanaaelazoumy-874]

حبيبتي تسلميلي على زوقك ايوه نوع السمك بيفرق جدا في الفسيخ

[@mostafaabdo-oz3xh]

انا عمله من يوم الخميس افتح امتي علاه

[@hanaaelazoumy-874]

اسبوعين إن شاء الله كل عام وانتم بخير ♥️

[@nahedalayatt7697]

تسلم ايدك ياحبيبة قلبي شكله ونضافته تشهي ممكن اعرف سعر الكيلو كام وفي حد بيوصل القاهرة وجازاكي الله بالخير

[@hanaaelazoumy-874]

حبيبتي بعتذر لسه شايفه التعليق تسلميلي حبيبتي هو حاليا ما فيش توصيل القاهره إللي عاوز أوردر بيجي ياخده من كفر الشيخ بس يعني كذا حد بيجمعو مع بعض علشان بس المشوار بعيد حبيبتي نورتيني

[@ToTa-zq5ln]

انا بعمله وبلفه فى كيسين او تلاته وبحطه فى بطرمان واقفل عليه بس لما بيعدى اسبوع عليه بلاقيه نزل ميه كتير

[@hanaaelazoumy-874]

اولا الاكياس قليله خالص ولازم تقفيله كويس هو بينزل مايه بس مش كتير

[@سايڤيرات]

بصي ياقلبي انا لو عايزه اشتري بورى الفسيخ اقول للسماك ايه ممكن توضحيلى ازاى اطلب منه نوع البورى للفسيخ

[@loloali3158]

ماشاء الله تسلم ايدك نفسي اتجرء واعمله ❤

[@hanaaelazoumy-874]

تسلميلي حبيبتي بصي جربي في سمكه واحده بس ومشي على نفس الخطوات صدقيني أن شاءالله مش هتبطلي تعمليه

[@loloali3158]

@@hanaaelazoumy-874 حاضر ان شاءالله ♥️

[@ronaessa1275]

تسلم ايدك طريقة سهله ومبسطه

[@hanaaelazoumy-874]

حبيبتي تسلميلي

[@deku_midorya1293]

تسلم ايدك وبالف صحه وعافيه

[@hanaaelazoumy-874]

تسلميلي حبيبتي ♥️

[@mennamohamed3981]

طب لو كيله ال ربع احط فد اي ملح لو سمحتي ردي عشان جبته

[@hanaaelazoumy-874]

حطي اربع معالق

[@EmanMohamed-u3u]

ينفع أفرز الفسيخ

[@hanaaelazoumy-874]

أيوه ينفع

[@hhkk789]

لو فى شهر مارس كام يوم افتح عليها

[@hanaaelazoumy-874]

بعتذر عن تأخير الرد اسبوعين

[@MahmoudKhaled-yf1vt]

لو سمحتوا بالله عليكم حد يرد عليا انا عملت فسيخ يوم الجمعه المفروض يتاكل امتى هم اربعه بس

[@ahmedhamouda3928]

اقل حاجه عشر ايام انا هناء صاحبه القناه بس للاسف القناه ضاعت دعواتكم ترجع تاني

[@MahmoudKhaled-yf1vt]

يا رب ترجع تاني وربنا يصلح حالك

[@ahmedhamouda3928]

@@MahmoudKhaled-yf1vt يارب

[@هديراحمد-خ1ط]

سلام عليكم هولوفتحت علي الفسيخ ولقيته لسه عاوز شويه كمان وقفلت عليه تاني عادي

[@hanaaelazoumy-874]

هو المفروض ماتفتحيش عليه بس طالما فتحتي خلاص عادي أن شاءالله مش هيحصل حاجه

[@hanaaelazoumy-874]

عليكم السلام ورحمه الله وبركاته

[@سايڤيرات]

ممكن حضرتك يافندم نحط شطه وكركم

[@hanaaelazoumy-874]

أنا حاطه شطه بس كركم بالاش بيمررالفسيخ

[@Ayamohamedmahmowd]

تسلم ايدك هو عملته دلوقتي وسبته مقفةل لخد العيد كده كتير عليه

[@hanaaelazoumy-874]

لأ حبيبتي كتير جدآ ممكن حضرتك تعمليه دلوقتي وبعد ما يستوي تفتحي عليه تحطيه في اكياس وتحتفظي بيه في الفريزر عند الاستخدام تطلعيه قبلها بكام ساعه يفك وبالف هنا على قلبكم

[@Ayamohamedmahmowd]

@@hanaaelazoumy-874 شكرا على ردك يا حببتي

[@hanaaelazoumy-874]

@@Ayamohamedmahmowd حبيبتي تسلميلي كل عام وانتم بخير ♥️

[@GhadaAli-d8g]

لو سمحتي انا جايبه سمكه طوبار ينفع تتخلل ولو وينفع تتخلل حتى لو قاعدت ف التلاجه يومين بس هي جايه صابحه

[@ahmedhamouda3928]

ايوه ينفع تتملح انا هناء برد عليكي من حساب تاني لان القناه بتاعتي للأسف ضاعت دعواتكم اعرف ارجعها

[@mahasfamily2046]

لو سمحت بدي اشألك اليوم جاب زوجي سمكة فسيخ من حدا هون بلبنان كنت بدي دوقو . بس السمكة لا كانت عاملة زيت واللحم فيا مخشب . هل هيك لازم يكون الفسيخ؟؟

[@hanaaelazoumy-874]

الفسيخ بيكون لحمه طري لين إنما ناشف ومخشب كده فيه مشكله وكمان طعمه مش هيكون زي طعم الفسيخ الطري

[@ادمعرابي-ع4و]

لو السمك بلدي والسمكه2كيلو اعمل ايه

[@hanaaelazoumy-874]

الحقيقة أنا ماجربتش البلدي ممكن حضرتك تجربي في كميه صغيره وتشوفي النتيجة

[@rubyruby4732]

ربنا يحسن ما بين ايديكي حبيبتي

[@hanaaelazoumy-874]

شكرا جدآ لذوق حضرتك

[@nadiasaber4101]

حضرتك انا عملت الفسيخ وطلع روعه وخرجته وخليته وحطيته مخلى فى الفريزر يجرى حاجه

[@hanaaelazoumy-874]

حبببتي أنا سعيده جدا أن الفسيخ طلع حلو معاكي بألف هنا على قلبك هو كان الأفضل تحتفظي بيه في الفريزر سليم زي ما هو بس بردو عادي طالما خليتيه هيبيقي زي الفل كل عام وانتم بخير ♥️

[@محمدالعربي-ع5ي3و]

لو سمحتي لو هحطه فعلبة بلاستيك فتقفيلة المطبخ افتح العلبة واقلب الكيس اللي فيه الفسيخ ولا اقلب العلبة نفسها ❤

[@hanaaelazoumy-874]

لأ قلبي الكيس نفسه

[@Mona-er4tp]

لو سمحت جيبه 3كيلو سمك الكيلو طالع 3 قطع احط اد ايه ملح برجاء الرد

[@hanaaelazoumy-874]

لو مش عايزاه حادق شويه حطي ٣٠٠جرام ملح وأنا معايره الملح بالكوبايه في آخر فيديو نزلته ادخلي شوفيه نورتيني حبيبتي

[@الشموعالسوداء-ث1د]

من فضل حضرتك انا مخلله سمكه وزنها حوالي ٣٥٠جرام من يومين ممكن اعرف افتح عليها بعد كام يوم

[@hanaaelazoumy-874]

أقل حاجه عشر ايام والافضل اسبوعين

[@marianhalim7023]

طيب وفى الصيف والحر نملحه ازاى

[@hanaaelazoumy-874]

إن شاء الله في الصيف هعمل فيديو لانه له تكنيك مختلف عن ده

[@taliaali9243]

تسلم ايدك انا عملته امبارح بطريقتك بس وزن الاربعه كيلو اسيبه قد ايه ف الشتاء

[@hanaaelazoumy-874]

تسلميلي حبيبتي أقل حاجه ١٠ أيام حطيه في المطبخ وقلبيه كل يوم وأن شاء الله هيطلع حلو

[@taliaali9243]

@@hanaaelazoumy-874 تمام ي قلبي شكرا لذوقك عشان رديتى

[@hobaselaboda6986]

ممكن سؤال من فضلك انا خللت السمك يوم الاحد ٣١ يلحق يكون استوي تاني يوم العيد مع العلم الكيلو ٣ سمكات

[@hanaaelazoumy-874]

أيوه حبيبتي هيكون عدي عليه عشر ايام ممكن تاكلوه عادي اهم حاجه تكوني مظبطه الملح بألف هنا على قلبكم كل عام وانتم بخير ♥️

[@hobaselaboda6986]

طيب ممكن تقوليلي لو عايزه احفظه لشم النسيم افتح عليه امتي واحفظه ازاي

[@aishaabdelmoneim982]

لو سمحتي عايزه الفسيخ ملحه مظبوط يعني مش حادق ولا دلع احط أد أيه ملح بالظبط

[@hanaaelazoumy-874]

١٠٠جرام ملح خشن بحري

[@WafaaAziz-z3r]

تسلم..ايدك..ربنا..يبركلك

[@hanaaelazoumy-874]

حبيبتي تسلميلي

[@emanel-tawil1601]

طيب ممكن فسيخ الصيف

[@saramohamed7141]

طب انا ازاي هقلبه كل يوم يعنى كده هفتحه كل يوم مش هيبوظ و لازم ارجع احطه تاني في اكياس

[@hanaaelazoumy-874]

حبببتي لفه الفسيخ نفسها مش هتفتحي عليه نهائي

[@الحمدلله-ذ7ك5ج]

ما شاء الله تسلم ايدك ممكن اعرف كيلو سمك البوري بكام عندكم

[@hanaaelazoumy-874]

حبيبتي تسلميلي يبدأ من ١٥٠وكل ماتكبري الحجم السعر بيزيد حضرتك منين وبكام عندكم

[@الحمدلله-ذ7ك5ج]

@@hanaaelazoumy-874 شكرا ي قمر

[@احمداحمد-ج5د9ل]

عاوزه اسالك لو سمحتي انا خللت كيلو ٤ سمكات بقاله عشر ايام افتح عليه كمان اد ايه وعاوزه اعرف حاجه تانيه دلوقتي انا هفتح عليه في العيد هيكون فاضل ٣ ايام ع العيد عادي احط ف التلاجه ولا لازم في الفريرز ع يوم العيد

[@malekosama5251]

لو سمحت انا عايزه اعمل 2 كيلو سمك بس عايزاه يكون عادب ياخذ كم يوم في الشتاء وياخذ قد ايه ملح

[@hanaaelazoumy-874]

أسبوعين في مكان دافئ وتقلبيه كل يوم على جنب اربع معالق كبار ملح خشن للكل كيلو اهم حاجه اختيار السمك يكون بيتعمل فسيخ نورتنيتي حبيبتي ♥️

[@basmaelhoseny1770]

طيب حضرتك حططتيه فأكياس وبعدين أسترتش كل يوم هفتح الاكياس دي وأقلبه وارجع أحط فأكياس أخرى؟

[@hanaaelazoumy-874]

لأ حبيبتي مش هتفتحي الاكياس هتقلبيه وهو زي ما هو في كيسه كل يوم على ناحيه شكل يآرب اكون قدرت اوصلك المعلومه

[@ميمحمد-ظ8ث]

السلام عليكم مكان حضرتك فين في كفر الشيخ ؟❤

[@doaaabbas948]

السلام عليكم حبيبتي لو سمحتي انهارده احنا 4/14 يعني يعتبر الجو معتدل في اسكندريه افتح علي الفسيخ امتي

[@hanaaelazoumy-874]

عليكم السلام ورحمه الله وبركاته أقل مده للفسيخ عشر ايام مش قبل كده علشان بس نضمن أن البكتريا الضاره كلها مش موجوده هو الافضل ١٥يوم بس فيه ناس بتبقي مستعجله على فتحه كل عام وانتم بخير ♥️

[@gedogoher4936]

حضرتك اسناذه فى عمل الفسيخ،،، عجبنى صبرك وانت بتنضفيه،،، بس عاوز اعرف بورى المزارع ولا بورى البحر،، ابهما افضل لعمل الفسيخ،، وهل لك منتجات اخرى زى السردين،،، او انواع الطعام الاخرى

[@hanaaelazoumy-874]

شكرا جدآ لذوق حضرتك أنا بعمل كل أنواع المخبوزات والفسيخ والسردين يوري المزارع هو اللي بيتعمل فسيخ لأن لازم تكون مايته عزبه بوري البحر مايه مالحه لو حبيتي تعمليه هيطلع ناشف مع حضرتك اي سؤال أنا مع حضرتك تحياتي ♥️

[@mahaalaa1143]

حضرتك حطه ملح واي تاني عليه

[@hanaaelazoumy-874]

شطه

[@hagar-qn4vp]

طب ممكن تردي عليه عشان عايزة اعمله فيه ناااس بتنفخه قبل ما تحط الملح بتخليه ينزل الدم اللي فيه دا عادي

[@hanaaelazoumy-874]

أنا طريقتي مش بنفخه ابدا يتنفخ يعني بالبلدي كده اسيبه يعفن وأنا استحاله اعمل كده أنا بعمله بطريقه صحيه وامنه وأنا نزلت فيديو بعد ده فيه معلومات مهمه جدا عن الفسيخ الصحي وازاي يكون خالي من بكتيريا التسمم ادخلي شوفيه وبعد كده حضرتك قرري تعملي بالطريقه إللي تريحك كل عام وانتم بخير ♥️

[@hagar-qn4vp]

شكرا لحضرتك جدا هعمله زي حضرتك ما قولتي

[@SamarSamar-pk2jh]

لو سمحتى اتا عملت الفسيخ النهاردة بنفس خطواتك مع اختلاف ملح ناعم مش خشن دة هيأثر ف حاجه ولا عادى

[@hanaaelazoumy-874]

هو الافضل ملح خشن بس أن شاءالله عادي الملح الناعم هيحدقه شويه

[@SamarSamar-pk2jh]

@@hanaaelazoumy-874 انا صفيته ٨ساعات كفايه ؟ وافتح عليه بعد كام يوم

[@hanaaelazoumy-874]

اسبوعين إن شاء الله بألف هنا على قلبكم

[@jamal.tangir177]

تيسلام الأيادي حظ موفق أحلا ليك بيتوفق 🎉🎉🎉

[@hanaaelazoumy-874]

شكرا جدآ لذوق حضرتك

[@livethelife7439]

لو سمحتي ازاي اعيار الملح الخشن ٢٠٠جىام

[@hanaaelazoumy-874]

مج شاي ممسوح وانتظري فسيخ العيد أن شاءالله هينزل قريب

[@mayarmadian6544]

حطيتي ايه مع الملح ؟

[@hanaaelazoumy-874]

شطه

[@emansoliman9976]

ازاي يطلع لحمه احمر كده بعد ما يتفسخ

[@hanaaelazoumy-874]

لازم نختار سمك طازه وما نسيبهوش وقت طويل قبل التمليح

[@yoya8954]

تسلم ايدك يا قمر طيب انا لو عاوزه اطلب منك اوردر اطلبه ازاي

[@hanaaelazoumy-874]

حاليا مافيش اوردرات بعد العيد أن شاءالله اتواصلي واتس مع الرقم اللي فوق

[@امهالله-خ1ث]

تسلم ايدك ياحبيبتي للأسف انا خللته قبل مااشوف الفيديو انا حشيت الخياشيم بس محطتش ملح ع جسم السمك كده ممكن يبوظ ولا ايه انا مملحاه من ٣ ايام

[@امهالله-خ1ث]

ينفع افتح عليه واحط ملح تاني ولا خلاص

[@امهالله-خ1ث]

ياريت حضرتك تردي عليا اللي عجبني ف القناه ان حضرتك بتردي على كل التعليقات ربنا يباركلك انا شفت القناه بالصدفه اول مره اشوف القناه واشتركت

[@امهالله-خ1ث]

الطبيعي ريحته بتطلع بعد كام يوم لاني بشم الكيس حاسه فيه ريحه ده طبيعي ولا كده باظ

[@hanaaelazoumy-874]

حبببتي بعتذر جدا أنا أول ما بشوف التعليق برد على طول أهم حاجة تكوني حاطه كل كميه الملح المظبوطه وانتي بتقلبيه الملح هيتوزع علي كل السمك

[@hanaaelazoumy-874]

لأ خلاص أهم حاجة كمية الملح تكون مظبوطه ماتقلللقيش الملح هيتوزع علي السمك مع تقليب الكيس كل يوم

[@اسرارالمطبخمعحبيبه]

انا عملت فسيخ يوم 10/3 انبارح افتح عليه بعد كام يوم في الجو دا لو سمحتي السمك ٣ف الكيلو

[@hanaaelazoumy-874]

هو المفروض اسبوعين بس لو عايزه تفتحي عليه بدري يبقي عشر ايام

[@rokuoali5159]

السلام عليكم ورحمه الله وبركاته ممكن اعرف مده تخليل انا ملحته يوم ١٢/١٨ افتح على امته

[@hanaaelazoumy-874]

اولا الجو دلوقتي برد جدآ حاولي تلفيه في اي بطانيه قديمه عندك وحطيه في مكان دافئ جنب دفايه تكيف أضيق الأمور جنب البوتجاز في المطبخ ثانيا اقل مده عشر ايام لحد ١٥يوم اهم حاجه تقلبي كل يوم على ناحيه شكل أي سؤال أنا تحت امرك

[@mohaahmed9260]

تسلم ايدك يا حبيبتي انا هجربه بس بعد ما افتح عليه احفظ الباقي ازاي في الثلاجة ولا الفريزر

[@hanaaelazoumy-874]

تسلمي حبيبتي طب الحفظ سليم زي ما هو في الفريزر وحاولي يكون في مكان دافئ علشان الجو برد أوي دلوقتي وياريت تعملي على اد الأكل لأن السمك غالي أوي دلوقتي نورتيني أي اسئله أنا تحت أمرك

[@الحمدلله-س1ع5ر]

لو جبت كيلو ٦ سمكات وملحته يقعد كام يوم

[@hanaaelazoumy-874]

بعتذر جدا لسه شايفه التعليق أي حجم سمك لازم اسبوعين كاملين

[@samahahmed-k1b]

يعنى الكيلو اد ايه ملح لو اربع سمكات كبار ياخدو اد ايه ملح

[@hanaaelazoumy-874]

أقل حاجه ١٥٠جرام وانتظري فسيخ العيد أن شاءالله هينزل قريب

[@الاءعسكر-ن5ف]

هو ليه مينفعش ملح ناعم

[@Samo-xd7tn]

عشان بينشف وبيكون مجلد.

[@hobaselaboda6986]

ينفع اشيل السمك ف التلاجه لتاني يون وبعد كده اعمله ؟ارجو الرد

[@hanaaelazoumy-874]

ينفع في التلاجه بس مش التجميد ولما تتطلعيه من التلاجه تمشي على نفس الخطوات

[@امحسامالنشار]

مشاء الله اللهم بارك بالهنا والشفا

[@dinaali577]

لو سمحتى حضرتك ايه اللي مع الملح

[@hanaaelazoumy-874]

شطه

[@خديجةمحمد-و9ث]

لو سمحتي هو ماينفعش بالبوري الصغير عندي بوري صغير يعني الكيلو حوالي ٥ او ٦ سمكات بس مبطرخ وحلو

[@hanaaelazoumy-874]

هينفع ياحبيبتي وهيبقي زي الفل بس اهم حاجه يكون طازه وقللي نسبة الملح شويه عن إللي أنا ذكرتها في الفيديو

[@MohAmedhany18009]

طب لو سمحتي انا خللت سمك كان في الفريزر عملت له مساج وتركته ينشف وعملت كل الخطوات معني كده انه ارميه او هيبقي وحش ولا اعمل ايه

[@MohAmedhany18009]

وانا نقعته حاجه بسيطه في ميه فترة ولايته مرن هل كده باظ ولا حاجه

[@hanaaelazoumy-874]

طالما حضرتك فعلاً ملحتيه سيبيه بقا وشوفي النتيجه في الاخر هو للاسف السمك المجمد مش بيتعمل فسيخ عن تجارب كتير بس جربي سيبيه بقا خلاص مش هتعرفي تغيري فيه اي حاجه

[@MohAmedhany18009]

@@hanaaelazoumy-874 شكرا لك اختي وانا ونصيبي فيه

[@hanaaelazoumy-874]

@MohAmedhany18009 الشكر لله إن شاء الله خير

[@يومياتسماح-د2ب]

عندى ماشاء الله 7سمكات بورت وزن سته كيلو ونص احط اد ايه ملح انا عندى ملح خشن الكيس ابو 2ج احط اد ايه

[@hanaaelazoumy-874]

بصي الكيلو من ٢٠٠جرام ل١٥٠ جرام لو مش عندك ميزان يبقي كل كيلو خمس معالق كبار ملح خشن

[@يومياتسماح-د2ب]

@@hanaaelazoumy-874 تسلميلي يارب العالمين ❤️❤️❤️❤️❤️

[@يومياتسماح-د2ب]

بس لل 200جرام اد مج الشاى صح

[@emanelshamy573]

١٤ يوم مش كتير كده هيبقي حادق صح ولا لأ

[@hanaaelazoumy-874]

أيوه فعلاً هو بعد المده دي بيكون حادق وأنا موضحه في الفيديو عايزه بقي تقللي المده براحتك وشرحت كمان في الفيديو اللي قبل ده إزاي نتعامل مع الفسيخ لو حادق كل عام وانتم بخير ♥️

[@اللهاكبروالحمدلله-ك7ي]

لو سمحتي هوا ممكن يحصل ايه لو فتحت بطنه وغسلته ونشفته وعملته فسيخ ايه الفايده من البطن بتاعه في التخليل

[@hanaaelazoumy-874]

مش هينفع خالص فسيخ هيبقي شبه السردين ومافيهوش طعم فسيخ

[@adelameen3231]

وهو الزيت اللى بتقولى عليه احطه وقت التخليل وللا وقت الاكل

[@hanaaelazoumy-874]

لأ التمليح مش بيتحط عليه ملح عند الأكل بس

[@معتزطارقالبلتاجى]

انا حطيتو بعد ما اتملح في الفريزر بحالو غيرت الاكياس بس كده في مشكله

[@hanaaelazoumy-874]

لو قصدك بعد ما بقي فسيخ عادي يتحفظ في الفريزر

[@احمدشعبان-ج9ر]

لو انا عملته دلوقتي عملت 2 كيلو احط لهم ملح قد ايه

[@hanaaelazoumy-874]

من ٢٠٠جرام ل١٥٠جرام او كل كيلو خمس معالق كبار ملح خشن

[@rooony746]

حبيبتي معلش بس سوال انا جايبة السمك من اسبوع وملحته بنفس طريقتك لس حاساه ناشف زى ماهو مش طرى هل انتفاخ الفسيخ دليل على نجاحه لانى عملته قبل كده وكان توحفة بس المرة دى حاساه لسه ناشف مع ان هو بقاله اسبوع وكمان نفتح عليه بعد قد أي لو السمكة وزنها نصف كيلو تقريبا

[@hanaaelazoumy-874]

لأ بالعكس انتفاخ السمك ده حاجه مش حلوه خالص بس اصبري عليه كمان أسبوع وقلبيه كل يوم

[@rooony746]

@@hanaaelazoumy-874 معلش ياحبيتى لو أنا عملت امبارح أربعة تانيين الأربع سمكات وزنهم كيلو وربع يلحقوا العيد ولا كده هفتح عليهم بدرى أنا بقول أن وزنهم تقريبا صغير شويه .الواحده كده 300جرام مش هتحتاج اسبوعين زى السمك الكبير شويه .معلش أنا عشمانة فيكى لانك بتردى ربنا يجازيكى خير ياقلب اختك

[@samehsherif233]

ممكن تلحقى جدا لأن وزن السمك صغير هياخد اسبوع معاكى

[@hanaaelazoumy-874]

أيوه حبيبتي تلحقي جدا وهيبقي زي الزبده والجو كمان دلوقتي حلو خالص هيخلي السمك يستوي بسرعه كل سنه وانتم طيبين حبيبتي تاكلوه بألف هنا وابقي طمنيني بردو أن شاءالله لما تفتحي عليه ♥️

[@rooony746]

@@hanaaelazoumy-874وانتى بالف خير وكل حبايبك يامحترمة ويسعدك يارب وان شاء الله هبلغك النتيجة لما افتح عليه تحسى كده مع كل مرة بتعملى الفسيخ بيبقى ليه رهبة كده 😂😂😂حتى لو عملاه قبل كده ربنا يحسن مابين ايدينا

[@hanansams7a250]

هو بعد مايتخلل اشيله فى الفريزر عادى ولا يبوظ

[@hanaaelazoumy-874]

أيوه حبيبتي عادي

[@ibrahimmahmoud3302]

نقلبة علي جنبة ازى واحنا مش بنفتح علية ولا بنقلب الكيس اللى ملفوف من برة

[@hanaaelazoumy-874]

نقلب الكيس نفسه

[@emanmohamed3668]

لو سمحت انا عملت فسيخ وحطيت ع السمكة معلقة ونص كبيرة ملح خشن بحري وعوزاه مظبوط كدا المقدار مظبوط ولا هيبقي حادق وعملاه بقاله 5ايام افتح عليه امتي

[@AmanyKasem-fw9kc]

مش المفروض نحط شويه زيت قبل ما نقفل الكيس

[@hanaaelazoumy-874]

لأ السمك ده سمين جدآ ومش محتاج زيت هو نفسه هينزل زيت كتير جدآ أثناء التمليح وانتظري فيديو فسيخ العيد بكره إن شاء فيه تفاصيل كتير

[@bahiraelhakeem93]

حطيتي ايه مع الملح من فضلك 😊

[@hanaaelazoumy-874]

شطه

[@السيدحمدي-ب2ظ]

طيب ملح وايه

[@hanaaelazoumy-874]

وشطه

[@apoahmad1257]

ممكن اعرف كيلواالسمك البورى. بحوالى كام. سعره دلوقتى

[@hanaaelazoumy-874]

مش كله ياحبيبتي على حسب الحجم الكويس بيبدا من ١٥٠

[@apoahmad1257]

@@hanaaelazoumy-874 انامشتركة انهاردة. واحترمتك جدا. عشان بتردى على كل التعليقات.وانامشوفتش حد بيعمل كده ع اليوتيوب. عشان كده اشتركت عنك. بالتوفيق ياحبيبتى 👼🏻🙋🏻‍♀️

[@hanaaelazoumy-874]

@@apoahmad1257 حبيبتي تسلميلي واشتراك حضرتك شرف ليا كل عام وانتم بخير ♥️

[@apoahmad1257]

@@hanaaelazoumy-874الشرف ليا انا 🤍🥰وحضرتك بخير وصحة وسعادة يارب

[@faridaashraf9432]

عملته ودا اليوم السادس ولسه طبعا مفتحتش عليه بس مطلعش ريحه خالص هو لو مطلعش ريحه كده وقعد اسبوع كمان من غير ريحه يبقى باظ ؟

[@hanaaelazoumy-874]

لأ كده معمول صح اهم حاجه قلبيه كل يوم وخليه في المطبخ وبألف هنا علي قلبك لما تفتحي عليه أبقي عرفيني وابقي نزلي صوره على الجروب عندي

[@soherrateb7273]

انا عملته وخامس يوم طلع ريحة وحشة يبقي باظ

[@soherrateb7273]

بيعمل ريحة بعد خمسة ايام

[@hanaaelazoumy-874]

@@soherrateb7273 عادي خالص مش تقلقي أهم حاجة تكوني قافله عليه كويس

[@wafaafathy5035]

تسلم ايديكي انا عملته لكن كمية الشطة جت كتير شويه هل فيه مشكلة كده؟؟؟و هل ممكن افتح عليه بعد شهر

[@hanaaelazoumy-874]

الشطه عادي خالص بس كتير أوي شهر اسبوعين وافتحي عليه ولو عايزه تحتفظي بيه مده اطول طلعيه من المايه بتاعته ولفيه كويس ودخليه الفريزر يقعد معاكي مده طويله

[@nogaelmasry2506]

لية بتحطى زيت بعد ما تخلصى فين المكان ف كفر الشيخ

[@hanaaelazoumy-874]

أنا مش بحط زيت خالص ده لو في مشكله في الفسيخ لو ركزتي في الفيديو هتلاقيني قايله

[@grantest.]

طب انا عملتو من ٢٠ يوم وعملتلو مساچ ولفيتو كويس بس حطيتو ف البلكونه ع السيراميك بس مش دايب ولونه حلو وردى بس اللحم مش دايب بس مستوى ايه السبب

[@hanaaelazoumy-874]

ليه تحطيه في البرد بره ونوع السمك نفسه بيفرق كمان إن شاء الله المره اللي جايه يكون احسن

[@hadeer1308]

انا عملت الفسيخ زي طريقتك بالظبط وحطيتو في المروحه 4 ساعات و مسكتو بعدها علشان اعملو ماساچ الضهر كان ناشف جداا وحسيت ان جلدو هيتشق .. كده هيطلع وحش و هيأثر علي اللحم من جوا ولا لا ❤

[@hanaaelazoumy-874]

لأ أن شاءالله هيطلع حلو أهم حاجة تكوني جايببه بوري للفسيخ وقلبيه كل يوم بألف هنا على قلبكم

[@hadeer1308]

@@hanaaelazoumy-874 ايوه بوري .. الله يهنيكي يارب وتسلم ايدك ❤️