خطوات تركيب منظم ومقوي الاشتعال من إم إس دي للسيارات

منظم ومقوي الاشتعال من إم إس دي
MSD= Multiple Spark Discharge
هذا الصندوق مسؤول عن تقوية الشرارة و تنظيم الانفجارات فالسلندرات و هو يوفر شرارة مضاعفة لحرق خليط البترول و الهوا بالكامل فكل السلندرات.
لهذا النظام خصائص ومعينة ويؤثر على الشرارة والفولتية المنتجة كالتالي
طاقة الشرارة (Spark Energy):
و هي الطاقة الموجودة داخل الفراغ فالبلكات (البواجي) والمطلوبة لبدء الاحتراق داخل السلندر و هي بعد الكمية اللي تكون مخزنه فالكاباستر و اللي توصل للكويل لكل احتراق. اجهزة الام اس دي باختلاف انواعها تنتج ما بين 180 ملي جول الى 700 ملي جول فالانواع الكبيرة و الغير لسيارات الشوارع.
الجهد الناتج الاولي (Primary Voltage Output):
كمية الجهد الكهربائي الناتجة من الجهاز و اللي توصل من الام اس دي الى الكويل. و نفس الشي, تختلفة من جهاز الى اخر , من 430 فولت الى 630 فولت.
الجهد الناتج الثانوي (Secondary Voltage Output):
وهنا يكمن الفرق الاساسي بين انظمة الاشتعال العادية و انظمه الريس بما فيها الام اس دي.
الجهد الناتج الثانوي عبارة عن كمية الجهد المنتوجة عن الام اس دي عقب ما يطلع من الكويل, و هي كمية هائلة من الجهد من 36000 فولت الى 60000 فولت فالاجهزة المتطورة
الفرق بين الام اس دي و بين نظام الاشتعال العادي للوكالة , ان الام اس دي الجهد الناتج عنه ثابت فكل درجات الار بي ام المنخفضة والمرتفعة , على عكس نظام الاشتعال الخاص بالوكالة حيث ينتج جهد منخفض في البداية , و ينقص كلما ارتفع الار بي ام. كما ان نظام الاشتعال الخاص بالوكالة لن يتمكن من حرق كافة الوقود في حالة تزويد المحرك
ملاحظة مهمة جدا: نظام الام اس دي يعتبر نظام خطر للغاية, و فيه بعض الناس يقولك ابغى يشوفه شغال ولا لأ الجهاز, ف يبطل واير الكويل و يقربه من حديدة او مفك او معدن و يشوف الشرارة, طبعا هذا استختار لان الجهد و التيار المار يكون عالي جدا, ويقدر انه يشويك بالكامل, هالتيار بامكانه انه يوقف قلبك على طوول مما يسبب الوفاة فاللحظة نفسها. لا تفتح الجهاز او الوايرات و البطارية متصلة بالسيارة , ولا تشتغل عليه عليه الا بقب فترة من انتهاء التشغيل لانه كاباستر و يخزن كهربا حتى بدون مرور التيار.
تم نقل النص وتعديله وترجمته بتصرف

[@666ame8]

يعطيك العافيه يالغالي على الشرح من زمان كنت ادور احد عربي يشرح طريقة تركيب الmsd وباذن الله اني بركبه على مكينة zx280

[@Mohsteps]

بتفرق وياك بشكل واضح باذن الله

[@666ame8]

@@Mohsteps اخوي ركبته والموتر عليه كام يشتغل من اول دقت سلف بس على يوم بدت تطلع الوايرات وكنت اصلحه وحاط ايدي عليه واقول لخويي دق سلف كهربني خله ايدي تشنج لمدة دقيقه صعقته قويه جذاً😂

[@Mohsteps]

@@666ame8 الله ستر عليك يا اخوي الشرارة مب عادية فيه شواب يخبرونا انه شباب توفو من نفس هذه الاصابات اول ما طاح ام اس دي ومان اول

[@user-jp7jb1qp8v]

هل يركب على ددسن مكينه بخاخ ؟

[@user-zl7us8yw9l]

اشكرك 🫶🏻

[@Mohsteps]

ان شاء الله تعم الفايدة للجميع

[@pathpoth001]

مساء الخير محمد، ياليت تعطيني نصيحة بموديل ونوع البواجي واسلاكها المناسبة لجهاز MSD، سيارتي زي سيارتك والديلكو عادي ومركب كمان بيترونكس

[@Mohsteps]

مرحبا يا طارق اتمنى ان اكون قد اجبت على كل استفساراتك في الانستقرام

[@pathpoth001]

@@Mohsteps بيض الله وجهك ماقصرت

[@user-bz3ys2sy8i]

يعطيك العافيه ابي ازود عزم مكينه كيف ايش افضل تعديل عليها

[@user-zn6zx5jk5k]

السلام عليكم وين الجراج يلي يركب ال ام اس دي

[@oiiif]

اتمنى تتواصل معي عندي مشكله بسيطه

[@user-tp8jh8ph7b]

الحين ذا يركب لاي سياره كربريتر انا موتري هايلوكس يبانيه 2000 وكربريتر يركب ذا ابي ارمي مثل الخلق

[@r613111]

تقدر تسوي كتوف صحيح؟

[@Mohsteps]

نعم صحيح

[@r613111]

@@Mohsteps لازم تسوي فيديو كيف تضبط الكتوف والنقعات

[@-garagehome4444]

شنو فرق معاك بعد تركيب msd

[@Mohsteps]

صرفية اقل سيارة أتشط تشغيل اسرع حتى لو تركت السيارة واقفة شهر استجابة اسرع للدعسة

[@user-zn6zx5jk5k]

العنوان اذا ممكن

[@user-bz3ys2sy8i]

طيب كي ازود العزم المكينه ايش تعديل عليه تقدر تقول

[@Mohsteps]

تبديل كامات الهيد و وتبديل الكاربريتر

[@user-ml5ys7wh7w]

يركب على محرك ٤٥٠٠ باترول

[@Mohsteps]

نعم يركب

[@user-ml5ys7wh7w]

@@Mohsteps يعطيك العافيه

[@user-ml5ys7wh7w]

@@Mohsteps انا موتري ٤٥٠٠ بخاخات تنصح اركب msd او كمبيوتر bee R

[@mikebenz2448]

هل يركب على البترول ٩٧ لكن انجتر وليس كاربريتر. ؟

[@user-cu1de9rd2q]

ماينفع لان الانجكتر عندك ياخذ اوامره من الكمبيوتر الكاربريتر مايجي له كمبيوتر اساس عمله ميكانيكي بدون كمبيوتر

[@ggh9631]

لقدر اركبه على ابيكا 2007

[@Mohsteps]

لا اظن ذلك

[@user-ml5ys7wh7w]

@@Mohsteps يركب على باترول ٤٥٠٠ بخاخ

[@user-bz3ys2sy8i]

ا

[@ibaderksa4508]

كم سعره وهل متوفر في محلات التعديل ولا اطلبه من برى

[@Mohsteps]

سعره بحدود ١٢٥٠ ريال وفي الامارات متوفر في محلات التعديل بكل ملحقاته

[@binXflan]

شو اسم الكراج

[@Mohsteps]

روح على كراج السهم فس العين او كراج زعيم العين

[@binXflan]

@@Mohsteps شو القطع اللي تحتايها غير الmsd 6al عشان يركب كامل واذا ممكن المكان اللي اخذت منه الاغراض وشكرا

[@Mohsteps]

@@binXflan بتحتاج ام اس دي وويرات الكويل وومكن تبدل الكويل أيضا وتاخذه ام اس دي وفيه قطعة حتى تنظم قراءة الار بي ام لانه احتمال ما يشتغل بعد ما تشغل ام اس دي .. الاغراض اخذتها من توب سبيد بيرفورمانس .. اذا محتاج تفاصيل اكثر او صور لارقام القطع راسلني في الخاص على حسابي الانتسغرام