خطوات ونصائح مجانية لتوفير استهلاك الكهرباء في المكيفات وسحب ٢ أمبير فقط في الساعة

No video

خطوات ونصائح مجانية لتوفير استهلاك الكهرباء في المكيفات وسحب ٢ أمبير فقط في الساعة

Рет қаралды 31,301

Күн бұрын

اهم خطوات لتوفير الكهربا مع تشغيل المكيفات في فصل الصيف
اولا كده لازم نعرف ان كفاءة اي جهاز وخلوه من الاعطال، اهم سبب لتقليل استهلاك الطاقة
يعني لما اي جهاز يكون مفيش فيه اعطال
وشغال كويس، هيستهلك اقل طاقة ممكنة، اللي ممكن تكون اقل من المكتوبة على بطاقه الطاقه بتاعته.
اول خطوه هي اننا نخلي الوحده الخارجيه اقل عرضه لاشعه الشمس والحراره
يعني نحطها في بلكونه ليها سقف وقدامها براح علشان تطرد الهوا الساخن اللي بيطلع منها بشكل كامل وما يردش لها ثاني، وكمان ما يكونش في شمس ضاربه عليها بشكل مباشر والمواسير بتاعتها تكون معزوله بالكامل
ثاني حاجه ضمان نظافه الكويل بتاع الوحده الداخليه وسربنتينه الوحده الخارجيه، وده ممكن يتم عن طريق تنظيفها بالبلور او بالغسيل او بالاتنين مع بعض
وعموما لازم تكون متاكد من كفاءه المكيف وانه ما فيش فيه اي تسريب لغاز الفريون او خفس في اي مكان في مواسير التوصيل
تالت نقطة، توفير تيار كهربائي مناسب للمكيف لان لو ما وصلتش له القدره الكهربيه الكافيه لتشغيله بكفاءه هيشتغل فترات اطول ومش هيقدر يحقق النتيجه المطلوبه منه وبالتالي هيسحب كهرباء اكثر ده غير انك مش هتاخد منه فايده كافيه
ثاني خطوة بعد ما اتأكدنا ان المكيف هيشتغل بكفاءه، هي تهيئة الغرفة بحيث انها تكون مناسبه له
اول نقطة فيها اننا نتاكد ان الاوضه متقفله كويس وما فيش فراغات كبيره حوالين الابواب والشبابيك، ولو افترضنا لقينا فراغات ممكن نقفلها باي قطع ابلكاش او باي مشمع سميك ودبابيس او مسامير
ثاني نقطة تختار مكان مناسب لوضع المكيف بحيث انه ما يرميش الهواء قريب من باب الغرفة لانك لما بتفتح الباب وكانت البروده الاكبر وراه في الاوضه هتفقد مجهود كبير من اللي عمله التكيف
تالت نقطة يفضل انه يتحط بقدر الامكان في منتصف الجدار الاقصر لو الاوضه مستطيله
رابعة نقطة بخصوص وضع المكيف داخل الغرفه انه ما يكونش محطوط على جدار بتضرب فيه الشمس
ثالث خطوة بقى وهي طريقه التعامل مع المكيف داخل الغرفه
انك متقللش درجه الحراره كثير عن الدرجه اللي كانت موجوده في الغرفة قبل وقت التشغيل
يعني ما تبقاش درجه الحراره بره 40 وجوه ٣٨ وانت تظبط التكييف على 20
ممكن تخليها 25 26 علشان ما تبعدش قوي عن الدرجه اللي موجوده خارج الغرفه في بقية الشقة ده حتى علشان صحتك لما تخرج وترجع تدخل تاني متاخدش صدمة من البرد
اما لو درجه الحراره بره ٣٠ عادي ممكن تظبطه على 23 24 لكن برده حاول ما تنزلش درجه الحراره بقدر الامكان لدرجه اقل من اللي انت محتاجها لان درجه واحده فرق بتخليه يستهلك طاقه اكبر ويشتغل فتره اطول لو كان مكيف عادي ويشتغل بقدره وسرعة اعلى لو كان مكيف انفرتر
قلنا في بداية الفيديو انك تقفل الابواب والشبابيك كويس، والفراغات اللي موجوده بينهم ما تكونش كبيره.
لكن دلوقتي هنقول انك ما تفتحهمش كل شويه الا لضروره ويكون فتح سريع وقفل سريع، وباضيئ درجه، يعني يا دوب تفتح الباب فتحه صغيره كده تعديك وترجعك علشان الغرفه ما تفقدش جزء كبير من الهوا البارد اللي جواها
اما لو عندك طفل في الاوضه وعايز يخرج وهيرجع تاني بعد شويه يبقى تخلي التكييف على اعلى درجه ممكنه، سواء كانت 28 او 30 وتخلي ريشه الهوا ترفع لفوق خالص بحيث انها ما ترميش هوا لتحت علشان لما الطفل يرجع ما ياخدش دور برد
ولما الطفل يستقر في الغرفة ممكن ترجع ثاني تنزل درجه الحراره على الدرجه اللي انت عايزها، افضل من انك تطفيه وترجع تشغله من جديد
في بقى عندنا في كل المكيفات وضع اقتصادي ووضع دراي وفي وضع للنوم في ريموت التكييف
جربهم اللي تلاقي نفسك مرتاح عليه شغله لان الاوضاع دي كلها بتوفر في الكهرباء اكثر من وضع التبريد العادي لكن مش هتدي لك نفس الكفاءه لان وضع التبريد العادي تقدر تظبطه على درجه الحراره اللي انت عايزها وتقدر تظبط المروحه والهوا بتاع التكييف زي ما انت عايز.
بالنسبة بقى لتشغيل المروحه السقف مع المكيف انا عملت تجربه وشغلتها مره معاه وحسبت الكهرباء والاستهلاك وكمان قريت درجه الحراره والتكييف بيحقق كام ومره ثانيه عملت نفس الاجراءات دي مع طفي المروحه
والنتيجه كانت بدون المروحه افضل من مع تشغيلها لكن في خطا صغير في التجربه خلاني افكر من جديد اني اعيد الفيديو او اضيف تجربه ثالثه علشان اتاكد من النتيجه
بس مبدئيا انت مش محتاج تشغل حاجه مع المكيف في الغرفه لحد ما اعمل التجربه من اول وجديد او اتممها واتاكد منها
لو الغرفه كبيره على المكيف وبياخد مثلا ساعه ونص او ساعتين علشان يحقق درجه الحراره اللي انت طالبها منه
يبقى الافضل انك تخليه ينزل تدريجي يعني لو انت عايز درجه حراره 24 ممكن تظبطه الاول على 26 ل ٢٨ ولما يفصل مره ويرجع يشتغل تاني تقوم مخليها 25 ل ٢٧ وهكذا يعني تنزل خطوه بخطوه علشان تخليه يرتاح اكتر وقت ممكن وما يفضلش شغال متواصل
وممكن تتبع نفس الاسلوب مع التكييف الانفرتر علشان ما يشتغلش بكامل قدرته فتره طويله وينزل من سرعه الكومبريسور في اقرب وقت
بعد كده هنتكلم عن الاحمال الحراريه في الغرفه.
بقدر الامكان حاول تخرج اي جهاز بيطلع حراره في الاوضه زي الثلاجة والديب فريزر وفرن الكهربا والقلاية الهوائية وبلاش تشتغل بالمكواه والتكييف شغال، لكن طبعا لو التلاجة ما لهاش مكان خارج الغرفه مش هي اللي هتاثر قوي
اما لو هتخرج من الاوضه وهتسيبها فاضيه لكن هترجع لها خلال نص ساعه او ساعه ممكن ترفع درجه حراره المكيف لاعلى درجه، ٢٨ مثلا بس ما تطفيهوش علشان يفضل محافظ على درجه قريبه من اللي انت محتاجها وتقفل الباب وتخرج ووقت ما ترجع تبقى تظبطه على الدرجه اللي انت بتشتغل بيها
واخيرا لازم تتابع استهلاك الكهرباء عندك قبل وبعد تشغيل المكيف خاصه للفترات الطويله علشان تقدر تعرف انت بتستهلك قد ايه وتجرب طرق واوضاع كثيره ومختلفه وتختار الافضل ليك وللمكيف ولفاتوره الكهرباء، لو عندك بقى اي سؤال اكتبولي في التعليقات وشكرا لمتابعتكم لايك بقى الفيديو والسلام عليكم ورحمه الله وبركاته

Пікірлер: 51

@abdelrahmanlotfy6065 2 ай бұрын

معلومات قيمة من شخص محترم وفاهم، جزاك الله خيراً

@HanyMoh2017yt 2 ай бұрын

تسلم يا غالي

@didosaher7250 Ай бұрын

مساء الخير حضرتك. أنا بشغل التكييف 1.5 ميديا ميشن علي درجة 27 مع وضعية الاقتصادي هل ده كويس بيديني برودة كويسة بشغله تقريبا من 12 مساء ل 9 صباحا هل ده كويس للجهاز ككفاءة ويستهلك كهرباء قليلة

@HanyMoh2017yt Ай бұрын

اكيد الوضع الاقتصادي بيكون الافضل في استهلاك الكهربا وطالما البرودة كويسة مفيش مشكلة

@user-qr1cg9gd6v Ай бұрын

تمام التمام ياريت الناس تفهم

@ISLAMSMSM2001 2 күн бұрын

لو سمحت بيسحب كهربا كم تقريبا بالشهر

@user-zk2fk6ve4o 4 күн бұрын

لو سمحت ياهندسه انا عندي الباب ديما بيتفتح عندي كتير او والعيال بينسو الباب ده غلط ع التكييف

@mahmoudkharbotly9112 11 ай бұрын

شرح وافى شكرا لك

@entertainmentandinterest113 17 күн бұрын

أحسنت يا باشمهندس

@HanyMoh2017yt 16 күн бұрын

تسلم يا غالي

@tareqabushaweesh7275 2 ай бұрын

انا عندي السكن في دور أخير مساحة الغرفة طول الغرفة ٣.٧٥ وعرضها ٣.٧٥ هل يكفي مكيف ١ طن درجة الحرارة القصوى ٣٩ درجة

@HanyMoh2017yt 2 ай бұрын

طيب انا هكلمك عن تجربة عملية مع اتنين تكييف تورنيدو ركبتهم في الصالة عندي بنفس مواصفاتك الغرفة عندك الاول كان انفرتر، وكان بيشتغل فترة طويلة عن تكييف تاني شارب في غرفة اصغر ومعزولة، وكان اقل درجة حرارة قدر يوصل لها كانت تقريب ٢٥ درجة نقلت التكييف ده لغرفة تانية وجبت تكييف تورنيدو بس مش إنفرتر، بيشتغل تقريبا بنفس الكفاءة بس مبيعرفش يوصل ل٢٥ درجة، ممكن ٢٦ او ٢٧ يشتغل ويفصل، انما ٢٥ مستحيل يفصل. معنى عندك الوضع يكون افضل، لان الصالة مفيش فيها عفش زي الأوضة. ولما تلاقي حرارة الغرفة ٣٩ كده، يكفي تظبط التكييف على ٢٧ درجة أما لو طموحك تشغل التكييف على ٢٣ و ٢٤ درجة في جو الصيف الحار، يبقى لازم تعزل السقف على الاقل، او تركب تكييف اكبر ٢.٢٥ حصان مثلا

@abdulhamedsayah5091 Ай бұрын

1 طن مكيف يكفي غرفة مساحة 12 متر مربع،

@user-no8oc2vs4n Ай бұрын

عندي مكيف هايسنس جديد عندما تكون الكهرباء ضعيفة تفصل الوحدة الخارجية والداخلية شغالة ..هل هذا راجع للكهرباء الضعيفة او المكيف فيه خلل..لاني قمت بارجاع مكيف قبله للبائع ولما اشتريت هيسنس وجدت نفس المشكل يعني تفصل الوحدة الخارجية .من فضلك اخي وجزاك الله خيرا ..اخوك من الجزائر

@HanyMoh2017yt Ай бұрын

غالبا المكيفات العادية تفصل مع انخفاض الجهد عن ١٨٠ فولت اما الانفرتر يمكنه العمل تحت فولت ١٥٠ ولكن بكفاءة اقل

@yasserchazzali8831 Ай бұрын

انا كنت اراقب العداد وجربت اوضاع لتقليل الاستهلاك وضع الايكو ممتار فالمكيف لي عندي تستطيع تشغيل وضع يخلي الجهاز يشتغل بنصف الطاقة والاستهلاك نزل كثيييير

@mohamedjamal2302 Ай бұрын

اي هو وضع الايكو ده الي هو النقطه بتاعت الرتوبه دي

@HanyMoh2017yt Ай бұрын

وضع الايكو ممتاز في الاجواء شديدة الحرارة اما الأجواء المتوسطة هيزود الرطوبة وريحة الكمكمة

@mohamedjamal2302 Ай бұрын

@@HanyMoh2017yt هل وضع الرتوبه افضل

@yasserchazzali8831 Ай бұрын

@@HanyMoh2017yt لا فالبداية اشغل وضع التبريد ولما الغرفة تبرد اشغل الوضع الاقتصادي تبقى الغرفة باردة حتى الصبح

@HimaMetal 11 ай бұрын

عندى تكييف شغال 24 ساعة ومظبوط على 28 درجة .وبدفع زيادة 1500ج فاتورة الكهرباء ..ما الحل ..للعلم كنت معارض لفكرة التكييف ولاكن اخواتى هما الجابوا التكييف

@HanyMoh2017yt 11 ай бұрын

مقولتش اي معلومة مساحة الغرفة كام متر مربع قدرة التكييف كام حصان عزل السقف ولا دور مش اخير قوة برودة التكييف الهوا بتاعه احكام قفل الغرفة واي ملاحظات تانية

@HimaMetal 11 ай бұрын

وجودة غلط من الاساس متركب فى صالة وابواب الغرف مفتوحة ولاكن النوافز مغلقة غير انة بجوار شباك الصالة وانا فى اخر دور ..التكييف الصحراوى هو الحل ولاكن عندما تصل درجة الحرارة فوق 30 يمكن استخدام تكييف الفيريون @@HanyMoh2017yt

@HudaAhmed-us4nt 2 ай бұрын

لوسمحت غرفه صغيره جدا ع شكل مكعب فيها مكيف ٢.٢٥ كده استهلاك الكهرباء هيبقي كتير المكيف مش انفرتر

@HanyMoh2017yt 2 ай бұрын

المكيف هيوصل بسرعة للدرجة المطلوبة وهيفصل اكتر ما يشتغل وبالتالي الاستهلاك هيبقى معتدل بس التجربة خير وسيلة

@mahmedmahmoud7224 15 күн бұрын

عندي تكيف شارب وتكيف Grffet انهي احسن ومبيسحبش كهربا

@HanyMoh2017yt 15 күн бұрын

معرفش التاني ده بس التجربة خير وسيلة للحكم خد قراية عداد الكهربا يوم في ساعة محددة وشغل مرة التكييف الاولاني ١٠ ساعات على درجة حرارة ثابتة، ممكن ٢٦ او ٢٥ وتاني يوم اعمل نفس التجربة بس مع التكييف الاخر وشوف مين فيهم سحب قراية اكبر قراية كيلو وات مش فلوس

@AbuAlaa-tx3zb 3 ай бұрын

سؤال هل عندما الغرفة تاخذ البرودة بتاع الغرفة ويفصل المكيف هل يكون في استهلاك كهربا

@HanyMoh2017yt 3 ай бұрын

لا طبعا مفيش غير استهلاك ضعيف جدا للوحدة الداخلية، اقل من استهلاك مروحة

@user-fh8pq1mf4g 13 күн бұрын

عندى كارير شباكع

@user-od6tm3fq1y Ай бұрын

رجاءا رد على تعليقي انا اشتريت مكيف نوع بيسان وكان يصرف بالساعه اقل من كيلو كهربا على درجة ٢٥ وبعد فترة صار يصرف بالساعه كيلو ونص كهربا على نفس الدرجه شو السبب أرجو الرد

@HanyMoh2017yt Ай бұрын

ممكن محتاج نضاف خفيفة وكمان الجو حرارته زادت

@2-yu6yx Ай бұрын

ولو تم وضع مكيف الاسبلت على وضع المروحه فكم أمبير حتكون صرفيته ؟

@HanyMoh2017yt Ай бұрын

معرفش بالظبط لكن قليل جدا ممكن ٥٠ او ٧٠ وات

@ranoud135 Ай бұрын

عندي تكييف الصاله كبيره ومفتوحه علي المطبخ. لسه جديد شغلته. امبارح تمان ساعات علي درجه حراره 24 , ده غلط ولا صح

@HanyMoh2017yt Ай бұрын

حسب مساجة المكان، وكمان قدرة التكييف

@-mo7amed- 2 ай бұрын

حضرتك الغرفة بتاعتنا اكبر بكتير من قدرة تشغيل المكيف وكمان اخر دور بيوصلها شمس ولكن اضطريت اجيبه الشهرين دول عشان حاليا في 3ث ، المهم انه مش بيوصل لدرجة التبريد نهائي ، لو شغلته معظم اليوم على اقل قدرة تشغيل ممكنة هيستهلك كهربا كتير؟ والاهم هل هياثر بالسلب على المكيف نفسه ولا عادي المكيف انفرتر 1.5، مفيش تسريب ولاعزل ابعاد الغرفة ممكن 3.5*6 ، زي مقلت هيفضل شهرين على الحال ده --- شكرا

@HanyMoh2017yt 2 ай бұрын

المساحة قريبة لضعف المساحة المطلوبة للتكييف لو شغال متواصل اكيد هيقل عمره، يعني مثلا، بدل ما يعيش مثلا ١٠ سنين هيعيش ٥ بس وكمان استهلاك الكهربا هيبقى اضعاف لازم تعزل السقف حتى، او على الاقل تشغله اوقات وتفصله اوقات

@knooz2918 2 ай бұрын

جبت تكييف وكنت اخر دور. فضل سخن وهتكره باقي الشقه. الحل. بتجيب حد يغسلك سطح شقتك يرش ميه وتجيب ٧شكاير اسمنت ابيض و٤بودره بلاط وتقلبهم. سوا. وتحطهم ع السطح بالمساحه. طبقه ولا طبقتين هيهون شويه.

@salahhussein43 Ай бұрын

بعملوا دراي ومش بيفصل

@HanyMoh2017yt Ай бұрын

الدراي بيشتغل يجمع تلج، ويفصل يسيح التلج وهكذا

@12345650536 2 ай бұрын

هل صحيح المكيف يستهلك كثير من الكهرباء اول تشغيله؟ وكيف نحسب الفاتورة ماذا يستهلك المكيف؟

@HanyMoh2017yt 2 ай бұрын

مش اول التشغيل هو الازمة لكن ميزة الانفرتر انه مبيسمحش برجوع الحرارة وبيشتغل بطاقة بسيطة للمحافظة اما حساب الاستهلاك فإن شاء الله هعمل فيديو توضيحي قريب