Рет қаралды 30,333
БІЗДІҢ KZbin АРНАҒА ТІРКЕЛІҢІЗ: / @informburo31kanal
---------------------------------------------
Астанада азаматтық некедегі әйелін азаптап ажал құштырды деп айыпталған Қуандық Бишімбаевқа қатысты сот жалғасып жатыр. Кезек сотталушыға да келіп жеткен. Бүгін экс-министр қорғаушылардың сұрағына жауап берді. Ол марқұм Салтанат Нүкеновамен қалай танысқанынан бастап, араларындағы қарым-қатынастың бұзылу себебіне тоқталды. Айтуынша, тұрмыстық түсініспеушіліктің түбі қызғаныш емес, «ұят». Сондай-ақ, Қуандық Бишімбаев іске қатысты тың деректермен бөлісе отырып, марқұм Нүкеноваға бірнеше рет қол көтергенін растады. Бірақ, сонда да өзіне тағылған айыптың бірін де мойындамайтынын айтты.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Әйелін айлар бойы азаптап, асқан жауыздықпен жазым қылды деп айыпталған экс-министр Қуандық Бишімбаевтың сотын онлайн 60 мыңға жуық адам тыңдады. Бұл дерек істің қаншалықты өзекті екенін көрсетсе керек. Әрі, бүгін сотталушыға сөз кезегі ұсынылды. Бишімбаев ә дегеннен-ақ марқұм келіншегінің туыстарынан кешірім сұрап, жақындарына азап көрсетпегенін, айуандықпен ажал құштырмағанын айтты. Тіпті ол Нүкеновамен таныстықтары да, тіл табысулары да басқаша болды деп отыр. Әрі марқұм әйелін психикалық ахуалы тұрақсыз, жиі ішетін, жанжал құмар адам ретінде суреттеді. Тіпті, шаңырақ көтере сала, келіншегі бір танысының ашынасы болғанын ашық айтыпты. Ақыры, қайғылы жайтпен аяқталған оқиғаның негізі осы деді Бишімбаев.
ҚУАНДЫҚ БИШІМБАЕВ, Сотталушы:
- Мен Салтанатты қаралағым келгеннен айтып отырған жоқпын. Тек қарым-қатынасымыздың неден бұзылғанына тоқталмақпын. Ол бұрынғы көңіл қосқан адамының суреті кабинетімде тұрғанын, соны көрген сайын өзін жайсыз сезінетінін айтты. Бәрі осыдан кейін ушыға бастады. Мен қызғанған жоқпын. Сіздер, бәріне қызғаныш себеп болды деп отырсыздар. Мен ұялдым.
Бірақ жәбірленуші тарап мұндай деректердің іске қатысы жоқ деді. Сол үшін соттан іс материалдарына қосуға ұсынылған суреттер мен Бишімбаев пікірін елемеуді сұрады. Ал, мемлекеттік айыптаушы болған жайттың барлығын күлімсірей тұрып баяндаған сотталушыға шүйлікті.
Ал, Бишімбаев күле сөйлеуін Нүкеновамен танысып, отау құрған шақтарының әдемі естелік екенімен түсіндірді. Сондай-ақ, ол екі бап бойынша тағылған айыпты мойындамады. Сондықтан, әр эпизод бойынша жауап беруге әзірмін деп отыр. Мәселен, «порнографилық видео түсіруге мәжбүрледің бе» деген сұраққа, «жоқ, біз ерлі-зайыптымыз, видео менің телефонымда болған, қаласа өшіріп тастар еді» деп жауап берді. Жалпы, Бишімбаев психикасы тұрақсыз Нүкенова кез келген дүниеге қызғанышы оянып, бейнеқоңырау шалып, қоңыраулар, тіпті аударымдар тарихын тексеретін деді. Ал, Бишімбаевтың өзін кінәлі сезінбеуі Нүкенованың анасына ауыр тиіп, көзіне жас алды.
Сондай-ақ, сотталушы Нүкеновамен отасқан бір жыл ішінде марқұмға екі рет қол жұмсағанын мойындады. Оның бірі 20 қазан күні, келесісі 9 наурыз деп отыр. Ал, өткен жылы 9 қараша күні яғни, қайғылы оқиғаның қалай болғаны, өрбігені 3 сәуірде айтылады.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық