Рет қаралды 228
KARBALA AISE ZAMEEN PAR TERE MANZAR DEKHE
Kalaan: Janab Munawwar Nasirabadi
Nauhakhwan: Janab Mojiz Abbas Naqvi sahab
Anjuman: Shamsheer E Haidery, Lucknow
======
Karbala aise zameen par teri manzar dekhe
Khoon ki dhaar se katte huey khanjar dekhe
Karbala aise zameen par teri manzar dekhe
Mere aashko ko hikarat se na dekhe duniya,
Qatre qatre me samoya hua kausar dekhe,
Karbala aise zameen par teri manzar dekhe
Hath par yun dar e khaibar ko liye thay Haider
Jaise chutki me koi le ke Gul e tar dekhe
Karbala aise zameen par teri manzar dekhe
Ba wafa Bhai abhi seena sipar hai rann me
Kisme damm hai jo soo e Jaan e Payambar dekhe
Karbala aise zameen par teri manzar dekhe
Bole Abbas mujhe rann ki ijazat toh mile
Phir zamana meri talwar ke jauhar dekhe
Karbala aise zameen par teri manzar dekhe
Teer gardan par hasiN labb par nazar qaatil par
Koi andaz e jihad e Ali Asghar dekhe
Karbala aise zameen par teri manzar dekhe
Aankh kholi jo zamane ne pasey qatl e Hussain
Khoon e Nahaq ke chalaktey huye saghar dekhe
Karbala aise zameen par teri manzar dekhe
Jo Hussaini hai woh hai apni ravish par qayam,
Inqelabat toh duniya ne barabar dekhe
Karbala aise zameen par teri manzar dekhe
Goonj utha Sher ki awaaz se maidan e furat
Ek hi hamle me bhikhre huye lashkar dekhe
Karbala aise zameen par teri manzar dekhe
Chhip gaya gosha e magrib me yeh kehkar khursheed
Koi balwe me na Zainab ko khule sar dekhe
Karbala aise zameen par teri manzar dekhe
Kya is hi waaste aayi thi Bahen Karbobala,
Bhai ke halq par chalte hue khanjar dekhe
Karbala aise zameen par teri manzar dekhe
Baat toh jab hai ke paigham e ajal se pehle,
Rauza e sibte nabi chashme Munawwar* dekhe.
Karbala aise zameen par teri manzar dekhe
============
Please Comment / Like / Share / Subscribe.
Download a BAYAAZ of all nauhas on this channel from:
archive.org/de...
Please Like / follow my Official Facebook Page: / oldnohay
#OldNohay #NohaWordings #LucknowNauhas #LucknowAnjuman #QadeemiNauha #NauhaLyrics #PuraneNauhe