Рет қаралды 68,557
ഇരവിപുരം വാഴക്കൂട്ടത്തില് ചിറവിള പുത്തന് വീട്ടില് റഹീമിന്റെ മകള് റംസി ആണ് ജീവന് ഒടുക്കിത്.
സംഭവുമായി ബന്ധപ്പെട്ട് കാമുകന് ഹാരിസിനെ കഴിഞ്ഞ ദിവസം പൊലീസ് അറസ്റ്റ് ചെയ്തിരുന്നു.
വര്ഷങ്ങളായി പ്രണയത്തിലായിരുന്ന ഇരുവരും തമ്മിലുള്ള വിവാഹത്തില് നിന്ന് യുവാവ് പിന്മാറിയതിനെ തുടര്ന്നാണ് യുവതി ആത്മഹത്യ ചെയ്തത്. കൊല്ലം പള്ളിമുക്കിലുള്ള ഒരു കമ്പ്യൂട്ടര് സെന്ററില് പഠിക്കാന് പോയ സമയത്താണ് റംസി ഹാരിസുമായി പരിചയപ്പെടുന്നതും പിന്നീട് പ്രണയത്തിലാകുന്നതും. ഇരുവരും തമ്മിലുണ്ടായിരുന്ന ബന്ധം വീട്ടുകാര്ക്കും അറിയാമായിരുന്നു.ഹാരീസിനു ജോലി ലഭിക്കുന്ന മുറയ്ക്കു വിവാഹം നടത്താമെന്ന ധാരണയിലായിരുന്നു ഇരുകുടുംബവും.
ഇത് പ്രകാരം ഒന്നര വര്ഷം മുന്പ് മുന് ധാരണപ്രകാരം വളയിടല് ചടങ്ങ് ഇരുകുടുംബത്തിന്റെയും സമ്മതത്തോടെ നടത്തുകയും ചെയ്തു. ഒന്നര വര്ഷത്തിനു മുമ്പ് റംസി ഹാരിസില് നിന്നും ഗര്ഭം ധരിച്ചിരുന്നു. എന്നാല്, വ്യാജ വിവാഹ സര്ട്ടിഫിക്കറ്റ് ചമച്ച് ഹാരിസും കുടുംബവും ചേര്ന്ന് റംസിയെ ഗര്ഭഛിദ്രത്തിന് വിധേയയാക്കുകയാണുണ്ടായത്. എറണാകുളത്തെ ഒരു സ്വകാര്യ ആശുപത്രിയില് എത്തിച്ചായിരുന്നു റംസിയെ ഗര്ഭഛിദ്രം നടത്തിയത്. ഹാരിസിന്റെ പിതാവ് അബ്ദുള് ഹക്കിം, മാതാവ് ആരിഫ, സഹോദരന് അന്സാര് മുഹമ്മദ്, ഇയാളുടെ ഭാര്യയും സീരിയല് താരവുമായ ലക്ഷ്മി പ്രമോദ് എന്നിവരുടെ നിര്ബന്ധത്താലാണ് റംസി ഗര്ഭഛിദ്രത്തിന് വിധേയയാകുന്നത്. മരണത്തിനു ദിവസങ്ങള്ക്കു മുമ്പാണ് റംസിയുടെ മുറിയില് നിന്നും വ്യാജ വിവാഹ സര്ട്ടിഫിക്കറ്റ് കണ്ടെത്തുന്നത്. ഇതേക്കുറിച്ച് അന്വേഷിച്ചപ്പോഴാണ് ഹാരിസും കുടുംബവും നിര്മിച്ച വ്യാജ സര്ട്ടിഫിക്കറ്റാണിതെന്ന് മനസിലാകുന്നത്.
ഈ കാലയളവില് ഹാരീസിന്റെ ബിസിനസ് ആവശ്യത്തിനു പലപ്പോഴായി ആഭരണവും പണവും നല്കി റംസിയുടെ വീട്ടുകാര് സഹായിക്കുകയും ചെയ്തിരുന്നു. മൂന്നു മാസങ്ങള്ക്ക് മുമ്പ് ഹാരിസ് പള്ളിമുക്കില് ഒരു കാര് വര്ക് ഷോപ്പ് തുടങ്ങിയിരുന്നു. ഇതിനുശേഷമാണ് മറ്റൊരു പെണ്കുട്ടിയുമായി അടുപ്പത്തിലാകുന്നത്. ഈ വിവരം റംസി അറിഞ്ഞു. ഇതോടെയാണ് വിവാഹത്തില് നിന്നും താന് പിന്മാറുകയാണെന്ന് ഹാരിസ് പറയുന്നത്. റംസി ഇത് എതിര്ത്തപ്പോള്, തനിക്കുള്ള സാമ്പത്തിക ബാധ്യത തീര്ക്കണമെങ്കില് ഇപ്പോള് താനുമായി ബന്ധമുള്ള പെണ്കുട്ടിയെ വിവാഹം കഴിക്കണമെന്നും ആ വിവാഹത്തിലൂടെ കിട്ടുന്ന സ്ത്രീധനത്തില് നിന്നും കടബാധ്യതകളെല്ലാം തീര്ത്ത ശേഷം എന്തെങ്കിലും കാരണം ഉണ്ടാക്കി ആ പെണ്കുട്ടിയെ ഒഴിവാക്കിയിട്ട് റംസിയെ വിവാഹം കഴിക്കാമെന്നും ഹാരിസ് വാഗ്ദാനം നല്കി. എന്നാല് റംസി ഇതിനു സമ്മതിച്ചില്ല. ഹാരീസിനു മറ്റൊരു വിവാഹാലോചന വതോടെ മകളെ ഒഴിവാക്കുകയായിരുന്നെന്നാണു റംസിയുടെ മാതാപിതാക്കളുടെ ആരോപണം.
ഹാരീസിനെ അല്ലാതെ മറ്റൊരാളെ വിവാഹം കഴിക്കില്ലെന്ന നിലപാടിയിലായിരുന്നു റംസി. ശാരിരകമായും സാമ്പത്തികമായും ചൂഷണം ചെയ്യുകയും ഒടുവില് കൈയൊഴിയുകയും ചെയ്തപ്പോഴാണ് സഹിക്കാനാകാതെ റംസി ആത്മഹത്യ ചെയ്തത് . ഈ മാസം മൂന്നാം തീയതി ഉച്ചയോടെയാണ് കിടപ്പു മുറിയില് റംസി തൂങ്ങിമരിക്കുന്നത്. തന്നെ വിവാഹം കഴിക്കണമെന്നും ചതിക്കരുതെന്നുമാണ് അവസാനവും റംസി അപേക്ഷിക്കുന്നത്.