Рет қаралды 2,495
كباب طاوة عراقي ١٠٠٪
سامعة من امي الله يرحمها ويرحم موتاكم يارب
انه الناس من يخبزون يبقون قطعة عجين(شُنگة) ويثرمون لحم وبصل وباقي مواد كباب العروك ويعجنوهم سوة ويقلوهم فقررت اني اسوي عجينة خليت كوب مي وكوب ونص طحين اسمر بالتدريج ونص ملعقة صغيرة خميرة ونص ملعقة صغيرة سكر وتركتهم يتخمرون حتى افرم باقي المواد وعلما يجيبولي اللحم المفروم
البصل من فرمته خدرته بشوية ملح وملعقة خل اي نوع خل تحبون ومن ضفته على عجينة الكباب تخلصت من السوائل وفرمت طمامة كبيرة وكرفس كمية مرتبة احب نكهة الكرفس اطيب بالكباب وممكن المعدنوس وبعدين عجنتهم بالتدريج ضفت على ثلاثة ارباع كيلو لحم مدهن الملح الكافي وبابريكا وزنجبيل وبهارات كباب طاوة ورشة ورق غار اني طاحنته وفلفل اسود واول شي ضفت البصل وبعدها الطماطة وراها الكرفس وعجنت لابست المواد ببعضها بعدين ضفت بالاول نص العجينة وبس شفتها تحتاج بعد عجينة تربط كل المكونات سوة وكأنما جتي بالمضبوط وبة المكونات بديت اقرصهم واشكلهم وبعدين قليتهم والنتيجة طلعت من الذ واطيب انواع كباب الطاوة العراقي