كفتة بالبصلة وشوربة البطاطا مع سلطة الكينوا | ليبيا

مقادير الكفتة :-
استعملت كيلو لحم مفروم مع قطعة من لية الخروف او الشواكل يعني زائد ربع كيلو
ربطة بصل اخضر صغيرة
راسين بصل حويل (يابس) كبار
ربطة معدنوس صغيرة او نص لو كبيرة (نستعمل الاوراق بس)
سن ثوم او اثنين صغار
البهارات (الدباير):-
نصف ملعقة ملح
ملعقة طماطم معجون (ممكن اكثر او أقل حسب نوعيته وبعض الناس تفضل من غيره )
نصف ملعقة بزار ليبي (كركم مع اضافات)
ملعقة الا ربع فلفل احمر او حسب الرغبة
(المهم كمية البزار اقل من الفلفل)
القليل من القرفة او الحرارات
القليل من الكمون (كمون الحوت)
ملعقة سمن
بيض حسب القوام استخدمت ثلاثة بيضات مع رشة فلفل اسود
شوية خبز مطحون او سميد او وسط خبز او توست منقوع في الماء زي الڤيديو
شوية بكينغ باودر يخليها خفيفة وحجمها لا يكش في القلي.
..
بصلة الكفتة:-
بصل مقطع دوائر حسب الرغبة يذبل نار هادئة مع سن ثوم وقليل من الملح والفلفل الاحمر والقليل من معجون الطماطم للون ويوضع له من زيت قلي الكفتة بعد تصفيته او زيت عادي و عندما ينضج يطفي برشة من الخل
...
مقادير شوربة البطاطا الحلوة :-
راس او اثنين من البصل الاحمر او العادي
حبة متوسطة من البطاطا حلوة
حبتين بطاطا
قطعة جزر
ثلاثة فصوص ثوم
كوبين ماء او مرقة دجاج
التوابل :- ربع ملعقة من الملح
والفلفل اسود
والبابريكا او الفلفل
وبودرة الخضار او ماجي
ويمكن اضافة الكركم و الكزبرة الناشفة والكرات
..........
سلطة الكينوا:-
ربطتين جرجير
اربع حبات طماطم
حبتين خيار كبير
نصف كوب كينوا مسلوقة
ربع كوب حمص مسلوق
ملح و زيت زيتون
....
لقلي الكفتة في القلاية الهوائية فيليبس دبل اكس لارج:-
درجة الحرارة 200 ربع ساعة
درجة الحرارة 170/175 من 20 ل 22 دقيقة

[@ReemJafaeri]

مقادير الكفتة :- كيلو لحم مفروم مع قطعة من لية الخروف او الشواكل ربطة بصل اخضر صغيرة راسين بصل حويل (يابس) كبار ربطة معدنوس صغيرة سن ثوم او اثنين صغار البهارات (الدباير) نصف ملعقة ملح ملعقة طماطم معجون (ممكن اكثر او أقل حسب نوعيته ) نصف ملعقة بزار ليبي (كركم مع اضافات) ملعقة الا ربع فلفل احمر او حسب الرغبة (المهم كمية البزار اقل من الفلفل) القليل من القرفة او الحرارات القليل من الكمون (كمون الحوت) ملعقة سمن بيض حسب القوام استخدمت ثلاثة بيضات مع رشة فلفل اسود شوية خبز مطحون او سميد او وسط خبز منقوع في الماء زي الڤيديو .. بصلة الكفتة:- بصل مقطع ح جوانح حسب الرغبة على يذبل نار هادئة مع سن ثوم وقليل من الملح والفلفل الاحمر والقليل من معجون الطماطم للون ويوضع له من زيت القلي او زيت عادي و عندما ينضج يطفي برشة من الخل ... مقادير شوربة البطاطا الحلوة :- راس او اثنين من البصل الاحمر او العادي حبة متوسطة من البطاطا حلوة حبتين بطاطا قطعة جزر ثلاثة فصوص ثوم كوبين ماء التوابل :- ربع ملعقة من الملح والفلفل اسود والبابريكا او الفلفل وبودرة الخضار او ماجي ويمكن اضافة الكركم و الكزبرة الناشفة .......... سلطة الكينوا:- ربطتين جرجير او ربطة حبق اربع حبات طماطم حبتين خيار نصف كوب كينوا مسلوقة و ربع كوب حمص مسلوق ملح و زيت زيتون

[@teddybear2486]

ما شاء الله

[@ReemJafaeri]

يسلمواا

[@fofolive6106]

ماشاء الله تسلم الايادي

[@ReemJafaeri]

يسلموو❤

[@yusriabdo1639]

ربي يسلمك ويسلم سؤالك عليا انعني مانفقد ودك والله قديش فرحت لما لقيت فيدواتك وانك تنشدي عليا كم اسعدتني جدا محلاك والله نحكي عنك اليوم بالذات لخواتي وقديش انك فنانه ومبدعه فى كل وصفاتك والله من غير مجامله وللأمانه..مكانش عندي نت كنت عند اختي زياره كم يوم سلم ايديك ويرحم ولديك كفته الطرابلسيه الاصليه واني بوي طرابلسي وامي عاشت هلبه فى طرابلس فاحتى هيا كانت ادير فيها وتعرفي اقسم بالله سفرة السنستيل،😉 ال جهزتي فيها الكفته هذي واخدتها من امي الله يرحمهاوتعز عليا واجد بكل باش تعرفي أن نحن قلوبنا عند بعض ومتشابهين ال حد ما صح مش زيك فى التطيب انتي توب👍 رغم اني شاطره بس للامانه نتعلم منك ربي يزيدك من فضله ولا يحرمنا منك ومن ذوقك واخلاقك سلملي عالبنات وربي يسلم ايدك شيف👏❤️🤍

[@ReemJafaeri]

الله لا يغيبك عليا ويبارك فيك يارب على دعمك في كل الاصعدة❤❤❤❤ امين يارب اي ياحسرة هذه السفرة ايكيا الطيبين😂😂😂😂 سلمك ويارب عجباتك الكفتة

[@yusriabdo1639]

@@ReemJafaeri امين يارب العالمين ويبارك فيك ويخليك بينا اخت وصديقه عزيزه وتكبر قناتك ونحن معاك بعون الله .. كفتة اتجنن 😋 وبصراحه ديمه عندك حضور ولمستك حاجه غير والسفره ال من ايكيا راك تفرطي فيها عمله نادره وماتلقيها ال فى المزاد 😂 حبيبتي❤️

[@nosaabdo1967]

بارك الله فيك ربي يعطيك الصحة😘😘😘 خيرك داهشة في الفيديو 😊

[@ReemJafaeri]

فيك بارك الله 🌸🌸🌸 هو والله اليوم كله مقعمزة شوره من كثر الراحة هههه ممكن صوت نفس لانه الڤيديو لقيته يجري ومالحقتش نقول شن نبي 😂

[@nosaabdo1967]

@@ReemJafaeri إن شاء الله أيامك كلها راحة وهنى ❤️

[@t.j2909]

السلام عليكم ورحمة الله اختي نبي طريقة المسير السريع في مقطع الرشدة المسقية قلتي نديرها في فيديوا بروحه

[@ReemJafaeri]

عليكم السلام ورحمة الله وبركاته حاضر❤

[@ReemJafaeri]

تعرفي درت بحث يوتيوب شكلي فعلا نسيت انزله او وين اختفي بس هذا ع الفيسبوك fb.watch/gDvWQK4lFp/

[@hndahnda6277]

يسلمو ايديك ريم بجد الاكل امتاعك إبداع معليشي سامحيني بنسالك شن هيا الكينوا

[@nazhoonamohammed2685]

يعطيك الصحة والهناء ويبارك فيك ريمونااااا..تسلم ايدياتك ياعسل

[@ReemJafaeri]

تسلمي يارب دائماً منورة ❤

[@nazhoonamohammed2685]

النور نورك ريمونااااا السمحه 😍😍😍

[@ReemJafaeri]

@@nazhoonamohammed2685 💗

[@hndahnda6277]

صباح الخير ريم سامحيني يبيعو فيها في ليبيا الكينوا وين مكانها لو سمحتي بجد السلطة شكلها حلوة نبي انديرها

[@ReemJafaeri]

اهلا اي يبيعو فيها تلقيها في ابن سينا وماماش والاسواق شكاير و زي ابن سينا معبي حافظات صغار

[@enasma7218]

هلا وغلا

[@ReemJafaeri]

💗💗

[@user-benkhayal84]

❤❤❤❤❤🇱🇾🇱🇾🇱🇾🇱🇾

[@ReemJafaeri]

منور