وريث الشايب | خالد ال بريك | 2024

أهداء الى
مشاري عليان الطهيمي
كلمات خالد ماطر الحربي
أداء خالد ال بريك
-
للتواصل والاستفسارات :
الحسابات الرسمية
​
‏Official WhatsApp :
api.whatsapp.c...
-
لا اله الا كريمٍ ماعبدنا غيره
واحدٍ لاقلت الحيله توجهنا له
تحت تدبيره ونرجي ستره وتيسيره
والعلوم الوافيه والمرجله والطاله
من يفتش خافي الرجال وش تبريره
يستمع بيت القصيد ويترك اللي قاله
راكب اللي جابه الخيّر وقلنا خيره
اشهبٍ بديه قذيفه وعجله محاله
لاجهم من ديرته يضحي ماحوله ديره
انتهض وجهه وسند وانحنى تمثاله
فرخ حرٍ فك سبقه من عقب تنسيره
كاشفٍ راسه عديمٍ بالحرار امثاله
كن ابو ليلى المهلهل غلقه من زيره
ودك الروسان يبرح له طريق لحاله
مايمر اهل النمايم والحسد والغيره
عالمٍ من مرهم جاب المرض مشتاله
اما انا لو جارت الدنيا علي الجيره
كل رجالٍ عرفته منزله منزاله
ياوريث الشايب اللي فارضٍ تقديره
شايبٍ مافيه خصمٍ ماشرب فنجاله
بدويٍ لاعصب راسه وساق بعيره
كل اهل شبه الجزيره عارفينٍ فاله
قلط الشول العفر يوم الجموع مغيره
وفوزها ماجاه في درقه ولا بختاله
بالنهار اللي تخالط عجه ومعصيره
جاء مثل وبل السحاب اليا نثر هماله
من يلوم اهل العزوم اليا دخلهم ذيره
عقبه الاخصام ماعاد حضرو فالصاله
وانت فعلك يتعب بعيد المدى ويثيره
الرفيق علاج جرحه والعدو سلاله
شهرة اسمك من بلاد اهل اليمن للحيره
كل ماقلت الطهيمي جاوبتك افعاله
يامشاري ماتحزم بالردي واشيره
امدح فعولك جهر وانبه اللي داله
والفريدي كان قام الحرب يقرع زيره
يلوي ارقاب الصعاب ويردع العياله
الكبار كبار وعلوم الصغار اصغيره
وانت صرحٍ يامن اللي يتقي بضلاله
والسطر والمرجله ماهي عليكم ضيره
ساس جدانك هل الفزعات واهل القاله
والبل اطيبها ليا من جا لاهلها سيره
انتم اهلها قبل لاتكثر الوباله
كل ندرٍ مايمارى عندكم تصديره
كم صدر بوشٍ ظهر منكم شرى وسلاله
مصدر الزين الطبيعي ثابتٍ تقريره
مايهان ولا يضام ولا يمس سباله
في ذرى من تصلح الناقه على تدبيره
هي مذاخير الجدود وهي جليلة ماله
نادرٍ في فعله وعرفه وفي تفكيره
والمديح ان قيل به زاده رواج وهاله
ماكثر خيره سوا من كثر الله خيره
دايمٍ عنده ضيوف ودايمٍ يدعى له

[@Mohssn-]

تحيه من دوس زهران لركن شبابه حرب

[@Na_140]

اقول والله يالينني عطيتك لمعـه لخلي اذنك تصوي سنه يهالعنز سـرهااا بس

[@Ajdgjshud]

حياك الله ونعم في زهران ❤

[@mm_501]

والله الي يستاهل مشاري كفو و ابن ماطر شاعر كفو مجمل حرب و شبابه 🫡🫡

[@faizFaiz-gy8gx]

خالد ماطر والله من الشعر الجزل احرص على سماع كل ابياته .. ونعم يبن العم استمرررر

[@alialalwi12]

شاعر ابن ماطر بيض الله وجهه

[@iimx]

يستاهل الطهيمي و ابدعت يا خالد 🤍😎🫵🏻🔥

[@alialmakrami4363]

ونعم العرب صح السانك حي ذا الصوت ابن بريك ما شاء الله تفوز شيله 🇸🇦👍

[@KLD19]

الله يرحم عليان الطهيمي الفريدي الحربي ، والله يحفظ عياله سمعتهم اشهر من نار على علم ويستاهلون اهل النواميس ، والشاعر خالد بن ماطر الفريدي مايختلف على شعره اثنين ، وكملها صوت خالد ال بريك ♥️👏🏻، اشكرك ياصاحب القناة على هالابداع والله 🔥👏🏻

[@omar1655]

الطهيمي مشاءالله تبارك الله سمعتكم سابقتكم بكل مكان

[@user-qk1tk6fx8v]

الشاعر يغرف من بحر مشالله

[@user-io3ok4sx6r]

بسم الله الرحمان الرحيم تعلمنا منكم حنا أولادكم محمد بن عزيز بن حنبص

[@user-tw5ew6wy1p]

مجرم شعر يا ابو مططر .

[@Na_140]

أشـهد بالله ان الـشايب ولـد.. الله يغفـرله و يرحـمه برحمـته الواسعـه

[@bmbm9179]

حي شبابه

[@ahmadalfradi7822]

صح لسان الجزل ابو ماطر ، وغفر الله للشيخ عليان ، ومشاري يستاهل المدح وكفو له

[@Azm-yf4qi]

معليك زود تستاهل كل الطيب

[@ahmadalharbi2428]

خالد بن ماطر كفو وحماوي لو واجه احب خشمه والطهيمي يستاهل حي راسه

[@user-bn1ov2gf3g]

صح لسان الشاعر خالد ويستاهل مشاري انشهدنكم كفو ومطانيخ 👍👍

[@MG-ez1rh]

هذا والله الشاعر ماشاءالله عليه

[@user-mf4my4vv2c]

كل ماقلت الطهيمي جاوبتك افعاله ونعم في مشاري والله يرحم ابوه واخوه

[@alialmakrami4363]

ونعم صح السانك حي ذا الصوت ما شاء الله تفوز شيله يستاهل ذكر طيب

[@R_ALF15]

الله يعزكم يا لابتي حـربيه وافتخر ويشوشني طاريكم😌🤍

[@Na_140]

اشـهد بالله ان "خالد مـاطر " يقصـد " بشـرو قبيلة حرب بشـاعـر " .. 🫡

[@A3A3]

ونعم بحرب

[@user-hy4qy8rt7l]

صح الله لسانك يابو ماطر ومشاري نذر علي انه يستاهل المدح 🔥

[@user-rl3jh9vf4e]

صح لسانك يابن ماطر ، وصح صوت ال بريك ، ومشاري كفو يستاهل المدح عسى الله يحفظه من صواديف الايام

[@user-ji7qq5tl6f]

الله يقويك ي مشاري وتطلع مثل شايبك عساه للجنة❤

[@user-pg4nw4yx6f]

كفوو عزالله اجتمع الابداع من الشاعر والمنشد ومشاري يستاهل كل علم طيب

[@user-yu1np8kt4w]

صح لسانك يابو ماطر ونعم بالممدوح ويستاهل وهو كفو للمدح ، ورحم الله الشيخ عليان وعبدالرحمن وأسكنهم فسيح جناته

[@user-dp3fd2nm6p]

شايب مافيه خصم ما شرب فنجاله👏🏻😎

[@user-qt9vi6vg5h]

مبدع

[@user-nt5yc1zj1c]

صح لسانك قالها ابن زويبن خلو لك الساحه وراحو طقطقي 🫡

[@user-oc9ex1br4z]

مره ثنكيو الشيلة تجنن 🐣💕

[@MBK777.]

لازم نكون نظاميين يمعلم

[@omars2361]

ابدااااااااع 👏🏻👏🏻👏🏻👏🏻

[@user-to5en7qd6y]

كفو كفو يابو ماطر ويستاهل ابو عليان

[@user-qb7ui5ew8t]

من يفتش خافي الرجال ويش تبريره انشهد انك شاعر ونشمي

[@user-qh6ck3xs1r]

ماشاء الله تبارك الله إبداع متكامل

[@F-15.kkF15]

كففوو ي بني عمي 🔥🔥 .

[@qrm.f15]

الله يرحم عليان ويغفرله والعوض بعياله نطقتهم من ساحة العرض تنطيق خلولك الساحة وراحو طقيقي

[@user-eb2vr4pz7o]

يستاهل كحيلان🔥🔥

[@rashed4613]

عطوني فلوسي علمو الشايب يعطني مامعي شي امحق حايه حقي والله حقي الشايب قال عطنيها وردها لك ولا ساعتك ٤سنين احول للاه. حطني حقي والأمريدف رقم ٢انت وارثيني

[@theprincessnana227]

الله لايوفق من نجحك بالاملاء ساعه عشان افهم وش مكتوب

[@user-ji1lk4xm8u]

ههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههه

[@Azm-yf4qi]

وينه

[@user-jb4gr5ow3f]

يستاهل كحيلان