"Kitobxonlik haftaligi" kitobxonlar yurtida katta shodiyona bilan start oldi

18-aprel kuni O‘zbekiston tumani madaniyat markazida "Kitobxonlik haftaligi"ga start berildi.
Tuman kitobxonlari va yoshlar vakillari katta qiziqish bilan kutib olayotgan navbatdagi haftalikning ochilish marosimida tuman hokimi SHerzodjon YUldashev ishtirok etdi.
Muhammadfozil va Kamronmirzo Ismoilovlar, Abdullajon va Umidaxon Niyozmetovlar, Sarvinoz Abdulxamidova kabi ko‘plab kitobxonlar yurti hisoblanmish tumanda mazkur haftalik katta quvonch va qizg‘in taassurotlarga boy o‘tishi qayd etildi.
Beminnat ustoz, millatning madaniy va ma’naviy merosi hisoblangan kitobning ahamiyati haqida so‘zlagan tuman rahbari, haftalik doirasidagi o‘tkaziladigan tadbirlarda barchaga omad va zafarlar tiladi.
Tadbir davomida yoshlarning nazmiy va nasriy, badiiy chiqishlari, kitob ko‘rgazmalari ishtirokchilar e’tiboriga havola qilindi.