كلام لازم الكل يسمعه | السادس شارف على الانتهاء | بداية النهاية

[@sajjadobaidy]

كل الي داتمرون بي من تعب و ضغط و لود اتحملوا لاجل مستقبلكم و فرحتكم و فرحة أهاليكم تذكروا تعبهم وياكم و لازم تردون جزء من هذا التعب الهم

[@moqtada66]

حرفيااا امر بتفكير وضغط وماالحك بس كل هذا مستمر بالقرايه😢

[@Ealfabdalbast]

استاذ عفواً منك بس استاذ عادي توضيح بسيط لأن اني درجاتي بسنين السابقه ومرحلتي الدراسيه كله جنت ما اعرف شنو ٩٨ اشو هس درجات كلش ما تناسب مستواي الي جنت بي والدرجات الي جنت أنجزه إلى الأن فقط الكمياء والانكليزي محافظه عليه لعد بل الوزاري شنسوي إذا فصل وفصلين ما كاعد ناخذ درجات كامله والله إرهاق .😔

[@2006-kk8ql]

استاذ كلش داعاني م̷ـــِْن ناحيه حفظ القطع اريد حل منكك

[@فطم-ق2ص]

Yes, by God, a professor is coming. I am struggling with memorization, especially in English. For your information, I am in my second year😊❤

[@Sidra-ds8pg]

واذا وصلت لمرحله انهيار ومداتحمل اي ضغط، والدروس والامتحانات، والهواس ماكو 😔💔

[@sajjadobaidy]

غدا تحقق حلمك و تحكي عنه بكل مكان غدا ترفع رأسك و تحكي عن اصعب ايامك فقط كافح و استمر

[@HrV-we6ll]

@@sajjadobaidy ان شاءلله يارب شكراً استاذي علا هذا جهد ان شاءلله يارب انشوفك باعلا المراتب وتوفيق بحق محمد والي محمد

[@AutMhamad-jn2rj]

استاذ كملنا اليونتين البقن مابقئ شي لنصف السنه واحنا معتمدين عليك

[@سادسيون-ه3ح]

@@sajjadobaidy ان شاءلله يارب 🥺🥺😭😭

[@سادسيون-ه3ح]

@@sajjadobaidy احسن استاذ بالعالم

[@هدوء-ح2ذ]

ان شاء الله

[@cixicile]

شعور يخوف انو السادس فعلًا بـ بداية النهاية،هيچ الايام والساعات تركض ركض . وشيء مُحزن انو تشوف نفسك مصخمها بالدرجات ومتدري اذا انت مضبط مادة او لا.

[@0lllcll]

حرفياً

[@Olivia_1.m]

اتفق

[@Fatima-e8z]

بس توكلي ع رب العالمين وحطي كل ثقتج بيه وصدگي ماراح تندمين جربي وشوفي +لحي بطلب المعدل دائما ادعي بكل صلاه والله يوفقج عمري ويرزقنا المعدل اللي نريده🤍❤️

[@cixicile]

@@Fatima-e8z وداعتچ ما يمُر يوم إلا واني داعية من الله انو اجيب مُعدل عالي وعندي امل بـ الله هواي بس يبقى الخوف ياكل بگلبي اكل واخاف حتى من الدراسة يعني لو جيت ادرس مادة افكر بمادة ثانية ومن التفكير اخاف حتى ادرس .

[@cixicile]

@@Fatima-e8z +. مَشكورة عـ الدعوة ويرزقچ يارب إلي تتمنيه.

[@ragh_ood]

‏﴿فَتَوَكَّلۡ عَلَى ٱللَّهِۚ إِنَّ ٱللَّهَ یُحِبُّ ٱلۡمُتَوَكِّلِینَ﴾

[@tt7llh]

نصيحة لوجة الله ، تريد تحقق احلامك وتوصل للأحسن من الي تريدة الصلاة ثم الصلاة علاقتك بالله مهمة جداً ، اذا جنت تصلي فلا تأخر صلاتك وصلي واقرإ صفحة من القرآن قبل لاتدرس ،واذا مجنت تصلي ف حرمات ، الصلاة طمائنينة واحلامك بيد الله .

[@nxx_i77]

رغم التسخيت و الضغط و البجي و السهر و عدم اللامبالاة بكلشي ديصير و رغم متأخرة بالمواد و احس مراح اضبط بس اسأل الله عز و جل يهديني و اجي السنة اللي بعدها و اني فخورة بنفسي والله العظيم تعبت تعب فضيع جداً احس انهلكت بس الحمدلله اترك هذا التعليق للذكرى لو تصيب لو تخيب و ان شاء الله صايبة " ادعولي و لكم بالمثل يارب" 2024/12/9 8:55مَ

[@دلو-و2ت]

+💔💔كلبي ديوجعني انو راح اطلع من السادس باي معدل بسبب....ضرف جنت اتمنى احقق شيء مستقبلا بس بعد ارادة الله فوق كل شيء

[@nxx_i77]

@دلو-و2ت (عسى أن تكرهوا شيئا وهو خَيْرٌ لكم وعسى أن تُحِبُّوا شيئا وهو شَرٌّ لكم )

[@ao.zrn2007]

😢😢

[@nxx_i77]

@ao.zrn2007 مادام اكو وقت يعني اكو بعد فرصة استغلي هاي الايام و حاولي قدر المستطاع تكملين ولو جزء بسيط من التراكم اللي عندج اني احجي و يمكن تحسيني مضبطه و كذا بس ابد ابد ممضبطه شي بس هل توقفت ؟ لا مازلت مستمرة و راح ابقى احاول لحد اخر يوم الي بالسادس "الفاشل من توقف عن المحاولة و ليش من مازلَ يحاول"

[@ao.zrn2007]

@nxx_i77 بلكي يارب واقهر الشماته اخ 😞😞

[@iamsad_s25]

لحد هسه أتذكر من بدينا بشهر السادس وبدت الدورات وغيرها كلت معقولة حتجي نهايه السادس بسرعه؟؟؟ وفعلاً النهايه قربت مابقى أشهر قليلة وينتهي السادس رسمياً !!! طلاب شدوا الهمه وشدوا حيلكم مابقى الأ القليل تعبتوا 12 سنة لاتتهاونون بهالمرحلة الاخيرة والفاصلة والدفعات الجاية كذلك ترى السادس غمض فتح خلص تعبوا لخاطر اهلكم سـلام♥️✨.

[@Salel_97]

ان شاء الله نخلص السادس بمعدلات تريحنا وترضي ضميرنا وتسعد اهلنا

[@iamsad_s25]

@Salel_97 أمين يارب ❤️✨😞

[@Ruqia-gr2fe]

شكرًا ع كلامج الحلو♥️

[@iamsad_s25]

@@Ruqia-gr2fe يروحي أنتِ الحلوة😞✨♥️

[@misk_j_523]

اني عايدة اول سنه جانت ثقيله حيل بس هسه بسرعه مرت بديت بشهر التاسع وداقره بالفصل الثالث من كل مادة شويه متاخره لان اخذت فتره استراحيت

[@Maloka_meme]

انت وأستاذ حيدر وليد حرفياً انسانيتكم عظيمة ومتفرقون بين الالكتروني وبين اليوتيوب وبين الحضوري تشرحون بذمة وضمير ،والتحفيز الي تنطي بوحدة شي كافي وثقتك بنفسك وأنتَ تشرح وتنطي كلشي بالحق الكامل مو كل الأستاذة يسوها الله يوفقك بكل خطوة وبميزان حسناتك مبدعي ❤

[@Rv5.5]

الايام تركض.........؟

[@wow_gt]

اخ حقيقة .

[@Ruqia-gr2fe]

حبجي

[@Mechul-17A]

سبحان لحد هسه عبالي بارحة بديت مؤقت حتى اشوف كم ساعة استغرق بالسادس وهسه وصل 4834 ساعة !!!

[@افاطم-313-ع]

من شوكت لحد شوكت هاي الساعة​@@Mechul-17A

[@zahraa7721]

😢😢

[@cxulse]

أستاذ سَجاء الإستثنائي صاحِب أفضل تجربة ويانة ،جنت أنتبه على مَلامح وجهك بالمُحاضرة شلون مبَين عليك التعَب ومن جنت تبقى سَهران للفجر علمود التصوير،مَعزتك خاصة بالنسبة إلنة وماقصَرت ويانة أبَد وأديت دورك على أكمل وجه🦋

[@sajjadobaidy]

ربي يحفظكم ❤❤❤

[@ragh_ood]

اطمئن سيبشرك الله بكل ما تتمناه.🩶

[@ib_8xi]

المادة إللي أخذناها اكثر من البقى الأيام تركض حيل وأنت شعورك ما تدري شنو رغم دراستك ومحاولاتك المستمرة درجاتك تخزي لا ترضي ضميرك ولا تجيب نص تعبك والمشاعر كلش متخربطة بين لوم الذات على أشياء هي يمكن قصرت بيها او ما انجزتها بالشكل الصحيح وبين انت سويت إللي عليك وما اجت وياك نفس ما تريد ١٠ كانون ٢٠٢٤ من أصعب اللحظات إللي تمر علي وانه بأشد أنواع الحيرة وسؤالي الوحيد اليقهرني هو ليش جاي يصير هيچ

[@marli_25]

يُدَبِّرُ الْأَمْرَ مِنَ السَّمَاءِ إِلَى الأَرْضِ ثُمَّ يَعْرُجُ إِلَيْهِ فِي يَوْمٍ كَانَ مِقْدَارُهُ أَلْفَ سَنَةٍ مِمَّا تَعُدُّونَ"

[@marli_25]

اتوكل على رب العباد و هو اكيد مراح يضيع تعبك شد حيلك و همتك و عزمك لا تسال ليش بس انت اسعة و استمر النتيجة انت ممسؤل عنهة الرب المدبر هو يتوله امرهة

[@ib_8xi]

@marli_25 شُكرًا إلچ كلش

[@Ruqia-gr2fe]

استمر عفية لا تستسلم وتعيش مرارة هالألم هي صعوبتها "بس ب هالشكم يوم".!

[@ib_8xi]

@@Ruqia-gr2fe ما أگدر أستسلم ولا أگدر أتراجع ولا أگدر أنهزم كل إللي بأيدي أستمر إن چان عندي واهس أو ما عندي الموضوع ما يمشي بالواهس

[@Fatemi-o1j]

"‏ڪلّ نهاية تُمهّد الطريق لبداياتٍ جديدة "🫀✨

[@zahraa.z2]

وَخفف عنِّي ما في داخلي ؛ فأنتَ أدرَى به منِّي .✨

[@ShathaHazem-j5n]

رغم اني معيدة بس داسختتتت واضيع وقتي اكو هواي ناس منتظرتني افشل دتشمت بيه ياربي اسئلك الثبات والقوة والصبر ان شاء الله ارجع واني محققة حلمي 12\12|2024

[@Rafeef_1_33]

فخورة لان استاذي شخص عظيم مثلك خلاني افتخر حتى بنفسي رحم الله والديك و الله يوفقك 🩷

[@sajjadobaidy]

عفية عليج

[@Phruqia]

عااااااا استاذي العلم ذكرياااااااات وعلي 😭😭🫰🏻 جبت ٩٥ بس عليك وهسه معد طبي صحة مجتمع استاذنا البطل 🤍🫰🏻 وراح تستمر انجازاتي لانك الحافز مالتنة الله يحفظك يارب 🤍

[@AsOc-ni8cx]

دخلي يمه الكتروني لو حضوري وجبتي درجه

[@Phruqia]

@@AsOc-ni8cx بس يوتيوب وملزمة test yourself

[@Ti-7777]

ياانتهاء رحمة للكاظم بعدنا بالبداية

[@محللهالمستقبل-ث8ث]

اخخخ ياايام السادس المتعبة والمهلكة خلصتت وصارت ذكريات والحمدلله نجحنا وصرنا جامعيون ودنسخت وندرس تمريض قسم القبالة والتوليد بحلمنا ودخلنا تخخصص احلامنا وألف الحمدلله والشكر عقبالكم طلاب السادس دفعة 25 يآرب ربي يسهل عليكم أيام وتخلص أن شاءالله ❤😊

[@marli_25]

مالي اراك حزينا؟احرمت من الجنه...؟ام وعدت بالنار...؟ -هون عليك ما هي إلا دنيا.🤍🫂 عبالك اسوي لك تحفيز لا عزيزي اعرب لي (ام) و (إلا) الواردتان في النص اعلاه😂😂

[@marli_25]

يابة اتشاقة شفتكم ظايجين كلت خل اغيرلهم جو😂

[@JamesSam-ll4vb]

ابوية توفى والدوام هستوه مبلش كلت مستحيل اكدر اكمل هاي السنة ع الضغط والمسؤولية اللي صارتلي فضيعة بس الله سهل كلشي وهاي هي السادس ديخلص مبقاله كم شهر ....وعبرت ذيج الفترة وخلصت وأن شاء الله الجاي يخلص ويعبر هم..صح الموقف صعب بس اتذكر شلون ابوية يفرح لو جان موجود..وهالشي يساعدني استمر لحد يستسلم مهما كانت الظروف لأن على قدر المشقة يؤتى الأجر❤

[@HudaHuda-z7d]

الله يرحمه برحمته الواسعه انت بطل حيفرح بيك هواي

[@JamesSam-ll4vb]

@HudaHuda-z7d ويرحم موتاكم+ اني بنت 🥲

[@HudaHuda-z7d]

@@JamesSam-ll4vb ما عرفت من الاسم

[@إِسراء_5]

الله يرحمه انتِ مثال على الذرية الصالحة متأكدة والدچ حاليًا فخور بيچ ومنتظر منچ نتيجة فَ لا تتهاونين وانتِ گدها بهذا تفكيرچ ما شاء الله تبارك الرحمن تفلشين ابو الوزاري بإذن الله صلي + حصني نفسچ من العين + ادرسي بجدّ = السادس خلصان بأفضل نهاية بإذن الحيّ القيوم🩵.

[@Rrrrrrrq9966]

يارب العالمين ان شاء الله اتأهل للوزاري

[@AliRida-wx9vu]

بَعَد بِيهن مَشي والتوگف أَبترها النَجمَة التستراح الليل يعبرها 🪡🤍.

[@سيزيرسيز]

وغداً ستحكي عن حلمك الذي تحقق ، وعن جبرٌ الله لك.❤

[@CU_jjo]

كل درجه دا ناخذه بالانكليزي بفضل الله وتوفيقه ثم اسلوبك الممتاز وشرحك العملاق حتكون دائما بذاكرتي #بداية النهاية

[@Sixthstudent2025]

احسن مدرس انكليزي بالتاريخ❤

[@آمنة-ث2ر8ش]

عندما تنطي الشهادة لمن يستحقها 🤎سجادنا 🫶🏻

[@شيخۿہ-س2ح]

مُوَاسَاةَ القُرآنِ لكم . ‏﴿فَلَا يَحْزُنك قَوْلهمْ ﴾ ﴿لَا تَحْزَنْ إِنَّ اللَّهَ مَعنا﴾ ‏﴿لَا تَدري لَعَلَّ اللَّهَ يُحْدِثُ بَعْدَ ذَلِكَ أَمْرًا﴾ ‏﴿وَلَقَدْ نَعْلَمُ أَنَّكَ يَضِيقُ صَدْرُكَ بِما يَقُولُون﴾ ‏﴿وَلَا تَخَافِي وَلَا تَحْزَنِي ﴾ . ‏﴿قَالَ لَاْ تَخَافَا إِنِّني مَعَكُمَا أَسْمَعُ وَأَرَى﴾ا

[@دجلة-ن3ط]

استاذ سجاد والله لطيف لدرجة اذكر ذيج السنة راسلته وأخذت بالانكليزي بسببه درجة كاملة جان اعفائي واكف ع الإنكليزي هو دز بصمة وكال يوم ١٠٠ بالوزاري استاذ انت مثل صديقنا وابونا واخونا كلش نشكرك بكلامك وكفتك ويانا ونصائحك يارب نشوفك واوصل للمكان الي تتمناه ونشوفك الأول بالانكليزي انت وكل شخص كاعد تتعبون ويانا وما تمشون بس ع الماديات اتمنالك كل الخير ويارب ترافقك السعادة وين ما جنت 🥹🩷🩷🩷🩷🩷🩷🩷 يارب اني وكل طالب كاعد نتعب رغم الظروف والبيئة والمدرسة وقرارات التربية نطلع معدل يارب ارجع لهل الفيديو واني مطلعة معدل عالي افتخر بي ولخاطر امي وتعبها وياي

[@nabaalhot]

"إلى أستاذي الذي تسكن روحه في عُمق قلبي وإن غابَ جسده عن مَدى ناظري... يا من كنتَ منارًا لطريقي وعونًا لأيامي الثقيلة، أشكرك بكل ما أوتيتُ من مشاعر وامتنان،علَّمتني أن الحلم لا يُنال إلا بالمثابرة، وأن العِلم نورٌ لا ينطفئ إن أخلصنا له.

[@روزةكاظم]

عفيه دا اسخت شسوي والله مجنت هيج بس صار سبوع برد واهسي عفيه ضايعه ساعدوني 😞😞😞 الي يشوف تعليقي يدعيلي 💔

[@محمدالامي-ك4ذ]

ومنو كلج القراية بالواهس اصلا

[@روزةكاظم]

@محمدالامي-ك4ذ شسوي والله تعبت

[@Afnan_Abu_Dhur]

مثل وضعيتج وندري كلش زين راح ناكلها ​@@روزةكاظم

[@روزةكاظم]

@@Afnan_Abu_Dhur اويلي 😞💔

[@I98ph]

والله اني هم مثلج بس لازم الواحد يضغط على نفسة اقري سورة يس استغفري هواي احجي وية روحج كولي مابقى شي واهسج يمشي وراج مو انتِ تمشين ورا واهسج اذا هيج رح تبقين تسختين وتتندمين الله يقويج وينور بصيرتج انت واحنا اجمعين لاتيأسين عمري 🤍

[@ruqaya9419]

اللهمّ إننا نسعى فلا تحرمنا لذّة الوصول.

[@mohamedammr2306]

شكراً استاذ سجاد لان انت الوحيد الي ما عفتنا وباقي تشرح وليس مثل البعض بارك الله بيك واتمنى تستمر بالشرح ولك كل الاحترام والتقدير استاذي العزيز 💙

[@4iph-19]

سيستجيب لاتقلق ‏﴿إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ﴾

[@RT.RNOSHA]

راح اتخرج ولسه تجيني الاشعارات الشعور لايوصف🥺🤍 ياربي ينجحكم ويحقق أحلامكم جميعاً وأستاذ سجاد چنت جزء من هالمحطه🎉😔

[@Fai-x4f]

﴿ إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ ﴾ .

[@بنين-ظ4ص]

"غدًا سَتكون انت الناجي وَ البحرُ بِكبرهُ هو غَريقَكْ العالمُ بأَجمعهُ سَيكونُ نَصيبك و البلاد النافيه لن تُعيقَك غدًا سَتشرق كشمسٍ سَاطعةٍ تَشعُ بِنيرانَ حَريقَكْ."✨❤️‍🔥✧⌁ ⌁⌔

[@Ffghg123]

اللهم اني أسألك تسهيلاً لكل أمُوري❄️ .

[@MariamSkr]

اجيت من التلي گلت فضفضو وماعونت واحد هيج يگلي والله تراكمات وكل ماده مجمعه عليه فصل لان امتحانات شامله بمدرستنه ودا اقره هواي بس مدا اجيب الدرجه الزينه الترضيني ودا اموت قهر والله استاذ صارلي اسبوع كل يوم ابجي + عيف هالسالفه استاذ قريت على ملزمتك والحمدالله حصلت 97 وهسه امتحان بالفصل الثالث بس ممنزل شرحه 2025 ف حباب استعجل ولو انت مشغول وحرفياً كومه ادعيلك❤وشكراً على الملزمه وتصميمه اليخبل وعلى تعبك الله يسعدك

[@w61a]

﴿‏فَصَبْرٌ جَمِيلٌ ۖ عَسَى اللَّهُ أَنْ يَأْتِيَنِي بِهِمْ جَمِيعًا﴾.

[@reta-b7u]

تمرضت وصحتي تدهورت لدرجه ضربتني ذبحة قلبيه وايدي اليمين انشلت وتوقفت عن الحركه ومازلت اعالج لحد الان وماكو فايدده فتركت السنه كلها 😊😊

[@RuqayaAllamy]

كل تأخيرة بيها خيرة

[@ilQvQli]

اني بالمراحل السابقه جنت ع مدرس مُعين يدرسني الماده بشكل حفظي ومو مرتبط بمستقبلي باللغة الانجليزية بحيث ما اعرف استعمل منهجي خلال حياتي بس من درست على استاذ سجاد صرت استعمل المنهج مالتي خلال حياتي وهالشي طورني كُلش هوايه خلال منهج السادس وخلال حياتي من ترجمة وشلون اتكلم وصرت احس القواعد هيَ ترتيب للكلام حسب شروط مو عبارة عن شي حفظي نفس متعلمنا المدرسة مو هبد للكلام ما عدى الاكسنت القوية عند الاستاذ وتطوره بالتدريس والرُقي العنده ف ممنونة جدا للاستاذ سجاد واللي لاحظته، كل إلي يدرُسون عنده اذكياء بالماده

[@sajjadobaidy]

الله يحفظكم و يوفقكم ❤❤

[@unrealinthisworld]

حرفيا ما ادري ليش صار لي هيج ما ادري ليش فجاة بالسادس تغيرت شخصيتي وتغير وضعي واجتني ظروف مفاجأة الي ،بالرغم قبل السادس جنت مطمئنة وكلت لنفسي ما راح اهول السادس ما راح اخربط روحي مستحيلللللللل اضيع ثانية من وقتي راح اتعب روحي واجتهد اكثر من اي مرحلة سابقة بالرغم درجاتي بالمراحل السابقة جيدة ،بس فاجئتني الظروف! صار عندي انهيار لان تاخرت على الدورات لشهر 6 لان جنت مطلعة اعفاء وطلت شنوو اداوم بشهر 6 شهر كامل يضيع من عندي! بالتالي بطلت من الدورات وبقيت افكر بباقي صديقاتي انو هنه احسن مني ما خربطن روحهن سجلن دورات ودرسن كل هاي الفترة بالعطلة والان جنت عايشة حالة من التوتر والمقارنات وسووووء النفسيه بشكل اول مرة بحياتي يجيني ،ما عرفت انظم جدول بالعطلة وما لحكت ادرس شي لان جنت اهتم بباقي الدورات ووين وصلوا وين صاروا وشلون اكمل واوصل وياهم يوم عن يوم زادت التراكمات وتخربط وضعي وايست من العطلة ،كلت يله اصير مدرسة زينه وي صديقاتي وابدي من جديد تالي صرت بمدرسة فاشلة ما بيها طالبات شاطرات ما بيها حس المنافسه صديقاتي كلهم مدارس اهليه الا أنا ما قبلوني المدارس الاهليه لان ما دارسة بالعطلة كل يوم عن يوم احس بالوحدة احس بالفشل اليأس التعب الارهاق التفكير الزايد والمدرسات الحقيرات الي ما يعرفن يشرحون ومنهج السادس مطول مكثف مو مثل باقي المراحل اسربتهم لا لازم كل ماجة اقل شي 5 ساعات،بس شنو عود وي ظل هاي الظروف درست وبديت بداية جديدة وتحديتها؟هههههه اكيد لا ،غبت شهر عن المدرسة وتراكمت عليه الدروس أكثر واكثر واجلت الامتحانات الشهريه ،ومحد مراعي للوضع رسبت اول مرة بالاعدادية ارسب بالشهريات وباكثر من مادة وشهرين! كلما احاول ادرس واصنع لروحي الامل اتذكر الطالبة الي جنت اعيش منافسة وياها انو هي سبقتني درست بالعطلة وهي بدون ما تدرس بالعطلة ما شاء الله تجيب معدل٩٨ و٩٧ فما بالي وهي دارسة وما خربطت روحها ودخلت مدرسة زينه ،يا اخوان هي صديقتي واحبها انا واتمنى الها كل الخير بس كانو نسخة مطورة من عندي تشبهني بكل شي بشكل احسن لذلك بديت احس بهذا الشعور واحاول اكون احسن نسخة من نفسي. بالتالي التراكمات صارت 3 افصل احياء فيزياء فصل انكليزي يونت عربي الاستفهام والنفي وادب الوحدة الاولى والثانيه اسلاميه الوحدة الاولى والثانيه كيمياء فصل اول وثاني والمدرسين حدث ولا حرج من حقارتهم ،مثلا اليوم وبدون سابق انذار اجانا ابو الفيزياء للمؤجلات كال اليوم امتحانكم جايب الاسئلة الوزارية الصعبه من كل السنوات واطول من نص السنه الاسئلة وكلها فكريه لدرجه بقيت 3 ساعات بيها بالمدرسة وكلش ضجت لان جانت الفيزياء امل ترجع الي الواهس انو اجيب درجه زينه لان هذا الاستاذ الكل يرسب عنده وانا احب الفيزياء ولله ما اعرف منو راح يقرأ تعليقي وما ردت اكتب التعليق وابقيه ذكرى سيئة بس فجأة اجتني مشاعر افضفض (مبين شكد اعاني من الوحدة لدرجه افضفض بالتعليقات) الحمدالله على كل حال قدر الله وما شاء فعل ،هو المشكلة بيه انا سويت بروحي هيج ما عندي عذر والأشياء الي كتبتها ما تعتبر عذر بس انا صرت هشة المشاعر هاي السنة وتتحكم بيه اكثر من تحكمي بيها

[@smbdy-7]

++ نفسچ حرفياً و الله، وتركت السنة وهسة اني سنة ثانية ونفس الشي..

[@unrealinthisworld]

@smbdy-7 وشلون نبقى بهاي الدوامة؟

[@Jdiih_55]

نفسج الفرق اني المدرسة الأهلية قبلتني مشيت وياهم و التراكمات ما لحكت اقراها وراح تجي نصف السنة اني قاريقة بس فصل وفصلين من اصل اربع و خمس افصل 😢

[@smbdy-7]

@@Jdiih_55 أهم شي قارية اول أفصل، الباقيات تگدرين تلميهم اذا سويتي جدول قبل نصف السنة

[@دجّلْھَہّ-ي9م]

قريت كل هاي الفضفضة مشكلتج الوحيدة هو قارنتي نفسج! والتهيتي وانتي تقارنين نفسج مااستلحكتي على روحج وهسا ١٢/١٥ احب اكلج انو بعد وقت كدامج خير من الله ولو عندج ذرة اصرار ف ابديها من هسا وارجعي ادرسي من جديد وبداية جديدة حتى حتى لوووو عدتي السنة الله لا يقدر ف تكونين انتي مضبطة هذول الافصل وكأنما تعتبر عطلة صيفية ودرستي بيها والله يوفقج❤

[@Maryam_20001]

شكرا من اعماق قلبي على هذا الفيديو ❤l love you Mr.

[@RllAA-ny3vf]

شخصية البطل سوف تضهر هلاااااا مدريد دائماً وأبداً 🔥🤍.

[@SajjadSalh_]

قسماً بالله اعتبر نهاية المدرسة هيه بداية السادس... لأن البداية راح تكون بفترة المراجعة والنهاية من اطلع من امتحان الفيزياء

[@sajjadobaidy]

وين وصلتوا بموادكم ؟

[@روزةكاظم]

@@sajjadobaidy اسلاميه وحده ثالثه عربي ادب جزء اول قواعد بعدني بالبداية 💔 انكليزي يونت 3 احياء فصل ثالث كيمياء فصل ثالث فيزياء راح اخلص فصل ثاني رياضيات فصل ثاني مدري الحك مدري لا 💔

[@alymamaa8962]

الانگليزي وحدة ثالثة احياء فصل رابع رياضيات فصل ثالث فيزياء فصل ثالث اسلامية وحدة ثالثة عربي النفي ادب الجواهري كيمياء فصل ثالث

[@YaHuseenn]

​@@alymamaa8962احياء يركضون ركض وهو مادة مهمة وزاريا

[@ayatjasm4462]

قواعد خلصت استفهام ونفي الادب حخلص الجزء الاول بأخر موضوع الفيزياء بـ فصل 3 الرياضيات بـ فصل 3 الكيمياء ببدايات الــ 3 الاحياء ببدايات الــ 3 إنكليزي ببدايات الــ يونت 3 الاسلامية بالوحدة الــ 2

[@YakenSalam]

اسلامية بالوحدة الثالثة عربي خلصت الادب كله بالدورة بس باقي اخير موضوعين والقواعد بالتقديم والتأخير انجليزي خلصنا الوحدة الخامسة وتوقفنا بالدورة احياء ببداية الفصل الثالث رياضيات اني ما قارية بس فصل اول😢 وفيزياء بالفصل الثاني كيمياء نهاية الفصل الثالث ادعولي اطلع معدل 99 ❤

[@يارب.حوراء.تصير.دكتورة]

ثُم تأتي مُعجزات الله ويقلب الموازين لأجل دعوة ڪنت تَلح بها في جوف الليل ، فيجبرك جبرًا يليق بعظمته لتنسى ڪل ڪسر مررت به ، وڪل حزن أصاب قلبك ، وڪل هم أثقل ڪتفك ، وڪل دمعة ذَرفت من عينيك 🤍.

[@nosa_kh5]

شكرًا يا أقوى قائد رحلة بالدنيا ❤دمعت

[@Cyber-r3w]

‏﴿أَلَا بِذِكْرِ اللَّهِ تَطْمَئِنُّ الْقُلُوبُ﴾

[@Noor-br6sk]

عفيه شبسرعه خلصت هاي السنه

[@weqarsamer3550]

طالبه خارجي وام لثلاث أطفال وادرس عليك كلش احب شرحك وطريقه توصيلك للفكره بسلاسه يارب اجيب درجه عاليه

[@ShathaHekmat]

الحمدلله دائماً وابدا رابع سنه بالسادس وهاي السنه مسائي،، الطالبة الي ماجانت تطلع دور ثاني مو ترسب!! الحمدلله على كل حال ان شاء الله هاي السنة اني بطلتها وراح اجتاز هذا الاختبار وانجح واعوض نفسي واهلي 🥺🤍🤍 ادعولي هواية لطفا 🤍🫂

[@Noon-zb1cf]

فدوة لااااا لتذكرونا💔💔💔

[@m9.6]

التعب من التفكير اكثر من تعب الدراسة وشكد ما تدرس تحس نفسك ما دارس شي ولا حتى دقايق من الدراسة ما احس بأنجاز ولا أي انجاز اصلاً والتركمات ما تتسولف ولا تنحچي اصلاً ماعرف اذا هذا الشي طبيعي والمشكلة الكل ينتضرك تجيب معدل والهدف الي براسك اكبر من ما هم يتوقعون ف مستحيل اطلع بشيء مايرضيني وابقى متندم سنوات ليگدام مستحيل اخلي الدنيا تظلم بعيني لأن ما وصلت لهدفي واذا صار والله وفقني اتمنى لو امي وابوي يعرفون انا حققت حلمهم اتمنى لو يطلع هذا الشيء حقيقي انو اهلي بالجنة ويعرفون شنو اسوي ويفرحون بية اكون جزيل الشكر لله على هذا الشيء لأن ماعرف ولا راح اعرف شلون اوصفهم والله يرحمهم

[@m9.6]

٢٠٢٤/١٢/١٢

[@fatimajassim5520]

فترة وينتهي السادس ويصير ذكرى وان شاءالله تكون ذكرى حلوة ومن نتذكرها نشعر بالفخر والعظمة🫡

[@Salel_97]

امين يارب بس شدي حيلج بطله حته تطلعين بمعدل حلو

[@fatimajassim5520]

@ حبيبتي ان شاءالله 🙏🏻🤍

[@Salel_97]

@fatimajassim5520 امين يارب

[@uer-rn2]

شارفت السنه على النهايه وشارف السادس ينتهي لكن اني شنو صنعت لنفسي شئ أو مجهود افتخر بيه بدايه السادس كانت غير مرضيه بالنسبه الي لكن راح ينتهي وصرت اتمنى حتلو ارجع نفس البدايه ماكو يوم اكدر افتخر بي انو فعلا صنعت مجهود يستحق ماتعبت نفسي وهاي اني ندمانه ياكلني الندم عندي تراكمات فصول ونقوصات وكل الي حولي ينضرون الي بعين الصغيره ويقارنوني بأشخاص اني فعلا افضل منهم لكن همه افضل مني بمجهودهم وبتعهم اتمنى اصير افضل نسخه من نفسي وينتهي كابوس التراكمات صار يلاحقني اشهر اتمنى اجيب معدل الي ببالي يارب كُلي اغلاط ومنو اني اصلا حتى اطلب منك لكن محد الي غيرك يارب هبلي معدل عالي.....

[@Rafeef_1_33]

كلبي اكو وقت امشي بالمواد و سوي جدول تراكمات من تسعين الله يوفقج و يبارك بالوقت و يقدر تعبج بنتائج حلوة يخليج تفتخرين بنفسج اذا تضلين ندمامنة من تطلع نتائج الوزاري راح تندمين اكثر تتندمين على هاي اللحضة الي ماقريتي بيها ،بعد اكو وقت مادام بعد نصف السنة ماجاية الله يوفقج و يرضيج لا تضيعين تعب 12 سنة علمود تعب وندم و احباط اذا تريدين تثبتين لنفسج انتي صدك ندمانة سوي الافضل و ادرسي بكل لحضه و اخلصي من التراكمات

[@uer-rn2]

@@Rafeef_1_33 شكرا الج ولكلامج أن شاء الله ربي يقدر الي الخير ربي يوفقج ويجبر بخاطرج ويحققلج حلمج

[@Rafeef_1_33]

@@uer-rn2 امين و يوفقج و يوفق كل الطلاب بحق محمد وال محمد

[@v6r_narges]

استاذ والله انتو الي مصبرينا مننساه فضلكم❤

[@نونوووووور]

استاذ حتبقى احلى ذكرى ألنه إنت والله ❤

[@ZainabIbrahim-gv9vl]

يالله بعدنني ممبلشه دخيلك يارب وفقني ويسررررررررر امريييي يارحيم اخرجني من قلقي وخوفي والالمي وحزني الى حولك وقوتكككككك برحمتككك استغيثثث

[@user-5bno0]

يارب تكون النهاية جميل وهادئ مع تحقيق مانسعى اليه

[@Tk.jk9]

الله بهيج وقت جنت سادس والطم وهسه بتخصص أحلامي رغم صعوبته بس حلو🥹🩷

[@Hager100]

تشوف رسالتي؟ دتقراها مو استاذ؟ ادعيلي من كلبك حيل وهواي، هواي أشياء يربي تراكمات، امتحانات، ضغط قلة نوم وتعب ودرجات زفت بس داكمل حكمل امتحانات الاحد الجاي وابلش التراكمات بكلشي عندي تراكم حجرها سهر واكعد لخاطر بس حلمي وتعب اذا شفت رسالتي هسه ادعيلي والي يشوف رسالتي بعد سنة او اكثر يدعيلي ولا ترجعوني وتكلولي وين صرتي؟ استاذ سجاد مو بس استاذ اليه عزيز عليه كلش احترمه لان يحبنه حب من صدك اولاده احسه اب النه، وين مااوصل حضل اتذكره واشكره، ادعولي لان ضايعه واريد وجهتي يحددلياها ربي، حيل متاخرة وهواي ضروف واشياء بس يارب يصبرني،الامام علي (ع) يكول: ساصبر حتى يعجز الصبر عني، حصبر لحد ماهز الصبر يمل مني وحضل اكمل لخاطر هاجر بس.

[@sajjadobaidy]

يا رب من قلب صادق ❤❤❤❤

[@هبة_الحر]

جيت صدك افضفض لان بكل بساطة ما أكدر احجي العندي والبية ولا احب أبين كسرتي كدام احد بس اريد اتخلص من شعور ان كلشي مابي حياة ولا روح اريد اجرب شعور اني ع قيد الحياة اريد اجرب شعور الضحكة الحقيقية اريد اجرب شعور الامان اريد اجرب الشعور اللي عكس شعور الخذلااااان اريد اجرب شعور الشكر لله تحقق اللي اريده اريد اشوف فرحة اهلي ما اعرف يعني هم يجي يوم ورة ما اكمل صلاتي اشكر الله خلصت هم يجي هذا اليوم اللي افتخر بنفسي؟! عندي هواااااي حجي وكتبت هل شي واني كوة اشوف من البجي . المهم يارب السنة الجاية احنة محققين طموحنا واحلامنا وتنجبر كسرة الاعادة والتعب النفسي والفكري قبل الجسدي ، 12/12/2024 يوم الخميس طالبة انتساب مُعيدة آخر محاولة بكسرة نفس لتحقيق المعدل رغم اعرف المصير مجهوووووووووول 💔🥺

[@Ustukndsxjolng]

جاي ادرس رياضيات وخرجت من المحاضرة ادور تحفيز واجه فيديو استاذ سجاد بوقتو شكراً لك استاذ 🥺❤️

[@7SN_AL]

نرفع القبعه لحضراتنا ❤

[@لارسا-ع2م]

‏﴿وَيَسِّر لي أَمري﴾ ‏كل أمري يا الله الذي نطقه اللسان، وسكن القلب وشغّل البال🤍.

[@رعدالعيساوي-خ6ل]

متندمه لانه ماعرفتك من زمان جنت دائما اواجه صعوبه بالانكليزي . وياكم دكتوره الجراحه حراير ❤😊

[@حسين-ق5ظ]

اني طالب معيد وحلمي ادخل جامعه بغداد كلية الهندسه قسم المعماري وان شاء الله اوصل واني حاليا هل سنه داتعب اكثر من العام وتعبت نفسيا وجسديا ما اريد غير رب العالمين يوفقني ويسخرلي من رحمته ويوفقني بفهم المواد واضبطهن اكثر وان شاء الله الحك اضبط المواد واجيب المعدل العالي وان شاء الله ادخل وزاري يارب ارزقني القوة❤

[@One_Engineer]

ان شاء الله وبأذن الله نرجع بعد 8 شهور واحنه جايبين معدل الهندسة المعمارية وندخلها وكلنا فخر وفرحة حالتك تشبه حالتي بالضبظ سبحان الله ربي يوفقك ويسعدك بما تتمنى🤍

[@حسين-ق5ظ]

@ حبيبي ويوفقك❤️‍🔥❤️‍🔥

[@P7i]

السادس راح يخلص واني 3 مواد تاركهن ومسوي انتساب لا حول ولا قوة إلا بالله منتضر طيحان الحظ

[@عليعلي-س7ص4ث]

ابطالي العام جنت مثلكم وبذات هيج وكت ضليت افكر بالاعادة واعيد واعيد وبالاخير الحمداللة امتحنت صح مو المعدل الي احلم بي ويدخلني كلية احلامي بس الف الف الف الحمدالله على فضل الله وكرمة معدلي حلو وقسمي هم حلو وراضي

[@0IH0H0HI0]

ياربي كلبي يوجعني المصايب والموتى والفواتح ما تطلع الا بوقت السادس وبالتحديد بوقت امتحانات الانتساب باول امتحان الي توفى ابن عمي والفاتحة صارت ببيتنا وصارلنا ثلاث ايام. مهوسين م. اعرف شكول بس لا بالامتحانات زينة ولا بالمواد زينة حتى مشية مثل الاوادم ما ماشية 😞 ياربي على كد كرمك مو على كد تعبي 😞. « إن الله كريم يحب الكرم »

[@0IH0H0HI0]

@FN_i6 تسلمين عمري اي والله حتى ما اعرف انصدم لسه مو مصدكه من الي دا يصير +صحيح كلها متاخرة بس البارحة شفت صديقاتي امهات الخصوصي ماشيات زين واكو بيهن كملن منهج. ف انقهرت كلش م اعرف يمكن غرت 😞🙂

[@AliRida-wx9vu]

لاَ تْيأسَنَّ مِنَّ الأيَّامِ إنْ سَوِدَتْ لايَسْكُنُ الغَيْثُ إلاّ أَسْوَدَ السُّحُبِ .

[@0lllcll]

بالدور الاول نجحت مجرد بس ع مراجعتك درست و جبت بس درجه نجاح هاي السنه اسال الله الدرجه الكامله بعد تعب السنه الفاتت ♥ و شكراً استاذ ع كلشي قدمته لدفعتي السابقه و دفعه 2025 ما ننسى فضلك ربي يحفظك ويسعدك يارب 🤍✨

[@eer_2000]

اكثر مشكله مريت بيها هل سنه بالخامس مو صعوبه منهج بس المُدرسات كلش تدريسهم وتعاملهم وكلام ابد ابد مو حلو وخصوصاً مدرسه ام الكيمياء ترزل وتغلط وتعيب واني اتوتر ما اكوم باليومي فَ لذلك درجاتي ابد ابد موزينه والسبب المُدرسات وحجيهم 💔💔. اتمنى مدرسين اليوتيوب الي تعاملهم يجنن وشرحهم يخليك تحب الدراسه وتحب المواد وتصير سهله عليك وماكو اي صعوبه #استاذ_سجاد_العبيدي #استاذ_حيدر_وليد #استاذ_علي_السوداني #استاذ_نور_الدين الافضل بمنصه اليوتيوب اتمنالكم الموفقيه ورحم الله والديكم🩵🩵✨.

[@ufhs-q8g]

استاذي البطل ❤

[@Studyquite99]

التحفيز لحظي وينتهي مفعوله 😅 والواقع مختلف

[@Banin-s8c]

يا رب يا الله❤ السنة الجاية ب هيج الوقت يكون محققين احلامن و اهدافن و ب معادلات العالية و الجامعات ال بالن 🤲🏻🥹♥️

[@TcbuJouv]

أن شاء الله نطلع بنتائج حلوة من هاي المرحلة Let's keep working....💯

[@s_s8890hj]

أستاذ والله انته طبقه شريفه

[@RaraRara-u9m]

كلي ثقه بيك وبيه سوا راح نحقق اهدافنا ❤

[@user-sha_hd18]

ماقصرت ويانا استاذ خير رفيق بهذا الدرب 🤍

[@عليالبصراوي-ع6ز]

شني انت استاذ سجاد صراحتاً شيء لا يوصف احترامي وحبي الك 🤍

[@آيات-ي1ف]

يَ رب تخلص هالفترة بخير وسلامة 💙

[@HneenHneen-mh9eq]

اكثر استاذ احبه ❤️

[@15mld]

اروع من الروعه (هسه شغلت الفديو)🎉

[@Zxana-l4p]

تعبانه كلش وظروفي صعبه والمواد متراكمه عليه بعدني بالأفصل الأولى وحيل مقهوره على نفسي بس ادعولي ويارب يارب أقوم وافرح نفسي وأهلي

[@suuyy99]

بطني كامت توجعني هسة ليش تفتحون الجروح

[@Narjs-c7n]

يارب

[@Ruaa_x]

*اللهم سهل أمر وامتحان كل من صلى على محمد وآل محمد ولعن أعدائهم🤎✨*

[@Imjusttagirll]

افضل مدرس انكليزي يشرح الماده بشكل حلو وممتع تسلم استاذ 🎀🎀

[@sadjannat-r3j]

يارب تكون النهايه جميله

[@Salel_97]

تمين يارب شدي حيلج سبعه

[@sadjannat-r3j]

@Salel_97 شكرا ❤

[@Cyber-r3w]

‏﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾ ‏- سُبحان الله . ‏- الحَمد لله . ‏- لا إله إلا الله . ‏- الله أكبر . ‏- لا حَول و لا قوة إلا بالله . ‏- سُبحان الله و بِحمده . ‏- سُبحان الله العَظيم . ‏- أستغفِرُ الله الْعَلِيُّ الْعَظِيم

[@Aseel-ld4tq]

استاذي الغالي ربي يحفظك ❤ ‏‪

[@العيساويالعيساوي-غ3ذ]

اسأل الله أن يجعلها في ميزان حسناتك.. قولوا امين

[@Ali-b3l1z]

اعيدوا إلينا بداية السادس 😢😢😢😢😢😊😊😊😊😅😐💔💔💔😔💔😔💔😔💔😔

[@sadmthenon7944]

يارب طالبة معيده وضايعه وتعيد نفس الغلط بس عندي ثقه واظل احاول ومتاكده بااخر لحظه يتغير كلشي ادعو من الله الثبات يارب جبر الي والكل طلاب ان شاءالله السنه الجاية محققه حلمي 😢

[@Nlp0a_]

المُوضوع صار يخوف ، مِعقوله راح يَنتهي السادس من الدور الأول ، مِعقوله تخلص وتصير سوالف .

[@user-aq1sw2de3fr4g]

ثُمَ بدا الأمر مستحيلًا جِدًا وكأنهُ يحتاج لمُعجزة لكنه كان هين على الله .

[@KRM_AM]

استاذ بطلوهن ذني سوالفكم ثق بالله ذني ميساعدن الطالب ،طالب السادس مشكلته هي القلق و الخوف والتردد وهنه الي دفعنه للتسخيت وعدم الرغبة بالدراسة ومرات يوصل مرحلة يكره بيها نفسه وهذا كله سببه العقلية الي رسمها المجتمع عن السادس ف لو نركز على تغيير هاي العقلية ونبني متانة نفسية لطالب السادس هواي احسن وافضل اخوكم طالب سادس دفعة ٢٤ وحاليا طالب في احدى الجامعات وباختصاص مرموق ومحد فادني وساعدني بالسادس غير ثقتي بالله وتوكلي على الله ثم على نفسي و كل كلام الاساتذة من تحفيز وهلامور كلة كلام فارغ وماله اي داعي ف يا حبيبي يا طالب السادس توكل على ربك وحاول من هلدائرة المفرغة من القلق والتوتر والتسخيت و احذ وقتك و التوفيق للجميع يارب

[@Roqaya-q8n]

فعلاََ ، هسه اني وصلت هالمرحلة كرهت نفسي وبديت احس بالفشل واحس خلص بعد ماكدر اكمل 🗿💔

[@sheko9201]

الله يسهلج ​@@Roqaya-q8n