كل ما تريد معرفته عن تربية سمكة الفلاور هورن

سمكة الفلور هون
النهرده هنتكلم عن سمكة محببه جدا إلي قلبي بعد الاوسكار طبعا و هيا تعتبر من امتع الاسماك الي ممكن تربيها في الهواية النهرده هنتكلم عن السمكة الي كل الي شافها اتخض منها في الاول بس بعد كده وقع في غرامها سمكة الفلور هورن انا اسامة و دا سمك في ميه
سمكة الفلور هورن السمكة دي ملهاش وجود في الطبيعة ايوه يعني سمكة مخلقة معمليا زيها زي سمكة الباروت وتم تهجينها لأول مرة في ماليزيا سنة 1990 و هيا عبارة عن مكس من بعض انواع السيكليد الامريكي بس مفيش معلومه واضحة و اكيده عن الاسماك الي اتهجنت منها بس في اقاويل بتقول انهم خدوا جينات من سمكة المدياس Midas Cichlid و التريميكا Trimac Cichlidو هيا الاقرب في الشكل فعلا من حيث الشكل و اللون للفلاور هورن و سمكة الريد تيرور red terror و سمكة الفيجا Vieja fish و فعلا كلهم هنلاقي الفلور هورن واخد كتير جدا من صفاتهم في الشكل و الالوان بس دي معلومة غير مؤكده
بالنسبة لسلوك الفلور هورن : الفلور هورن بتصنف كسمكة عدائية يعني اي سمكة هتتحط معاها هتموتها يا هتاكلها معندهاش يما ارحميني سمكة شرسة جدا السمكة الوحيده الي بتصمد معاها و الحمد لله انها بتقدر تصمد معها هيا البليكوستوماس و يفضل يكون حجمها اكبر من الفلور علشان برضوا الفلور ميتغاباش عليها
بس الجميل جدا بقي في السمكة دي اناها لو انت مربيها من وهيا صغيره و تبتعدي تعودها انها تاكل من ايدك هتعرفك كويس و هتلاقيها بتقرب منك و تقدر تمسها و تلعب معاها كأنك حرفيا مربي كلب في الحوض و هيا بتحب دا جدا سبحان الله
الفلور هون الشورت بدي عمره من 4 ل 5 سنين اما اللونج بدي العادي بيعيش من 8 ل 12 سنة
و بالنسبه لحجم الفلور هورن بيكون علي حسن النوع يعني مثلا الكينج كمفا و هو من احلي و اندر و اغلي انواع الفلور هورن بيوصل حجمه ل 30 - 40 cm اما التاي سيلك بيوصل ل 20-30 سم . و طبعا الشورت بدي بيكون حجمة اصغر بكتير من العدادي يعني من 15- 20 سم بالكتير
طيب ايه الي محتاجينه علشان نربي سمكة فلور هورن:
اولا بالنسبة للحوض
الفلور هون سمكة زي ما شفنا بتكبر ل 40 سم و دا معناه انها محتاجة حوض كبير علشان تتحرك براحتها و تكبر بسرعة يعني تقدر تربها في حوض من اول 60 سم و دي هيبقي صغير عليها و تحتاج تغيره لما تكبر لحد حوض متر و هيبقي حوض جميل جدا للفلور هورن
الديكورات يفضل من غير ديكورات خالص او حاجات كبيره و ثقيله علشان الفلور سمكة شرسة و بخبط في اي حاجة موجوده في الحوض فممكن تأذي نفسها لو الديكورات دي ليها سن حاد و هتأذي الهيد بتاع السمكة
بالنسبة للحرارة السمكة بتعيش في درجة حرارة من 26 ل 30 درجة مئوية لو الحرارة نزلت عن 26 بتبدي تتعب و الالوان بتروح و الهيد بينزل
و الفلور هورن سمكة حساسة جدا للأمونيا يعني لو الامونيا عند عليت السمكة هتقلك باي باي
علشان كده لازم يكون في دوره بيولوجيه سليمة و تغيير ميه دوري و فلتره محترمه للحوض
و بالكلام عن الفلتره ايه انسب فلتر لحوض الفلور هورن اي فلتر يكون فيه فلتره بيولوجيه و ميكانيكيه قويه هيبقي مناسب للفلور هورن لان سمكة الفلاور هورن سمكة فضالاتها ثقيله و مش بدوب في الميه بسهوله فلازم الفلتر يكون قوي علي سحب الفضلات دي او بيتم رفعها بالشفاط بتاع الميه من قاع الحوض مع تغيير الميه الاسبوعي
التغذية نأكل الفلور هورن ايه
لازم تعملها نظام غذائي متنوع و بتاكل من وجبتين ل 3 وجبات في اليوم انا عن نفسي بنوع ما بين الجمبري البرغوت و البسريا و الخلطة و دود الميل ورم و دود الشعر مع نوع اكل مخصص للفلور هورن من شركة محترمة زي هيكاري ريد باروت لتعزيز اللون الاحمر في السمكة او الجراند سومو ريد او xo او هامبي هيد لتكبير حجم الراس او جراند سومو جوث و انواع تاني كتير جدا هتقعد تعرفها بسهوله لما تلاقي صورة الفلاور هورن علي العلبة و الموضوع دا مهم جدا علشان تحافظ علي جمال و الوان و شكل السمكة و صحتها غير كده مش هتاخد منها الشكل الي نفسك فيه
و طبعا بتصوم السمكة يوم في الاسبوع علشان معدتها ترتاح
يفضل في الفلور هورن تشتري بسن صغير يعني يا زريعة او من اول 7 سم يكون ابتدي يتعرف الدكر من الناية و يبان عليه علامات الجينات
اولا سمكة الفلور هورن بتقيم علي اساس 4 حاجات
الهيد او الكوك او الراس : كل ما كان حجم الهيد كبير كل ما كانت السمكة اجمل بس انا بحب الشكل المتناسق لحجم الهيد مع الجسم احيانا السمكة دي مبتقدرش تشوف فوقها من كبر راسها فو انت بتشتري اختار اكبر راس تلاقيها بس مش بس بحجم الراس
تاني حاجة البيرل او اللمعة و دي بتكون اللون الفسفوري الازرق او الفضي الي علي جسم السمكة و كل ما كان البيرل واخد مساحة اكبر من جسم السمكة بتبقي اجمل و اغلي و يا سلام بقي لو البرل دا كمان طالع وواصل للهيد يبقي فظيع
ثالث حاجة الألوان : الوان الفلور هورن متعدده علي حسب النوع و هنذكر انواعه كمان شويه بس اختار السمكة الي الوانها زاهيه الاحمر احمر واضح الاصفر يكون عند البق واضح كل ما كانت الوان السمكة اوضح كل ما بقت جريد اعلي
رابع حاجة معانا و هيا اللين او الخط الاسود الموجود في نص جسم السمكة و كل ما كان الخط دا متصل من اول الراس للذيل كل ما كان الجريد بتاع الفلور دا اعلي و في طفره في الفلور هورن اسمها ال دبل لاين و دي بيبقي في الجسم خطين سود واحد في النص الي اتكلمنا عليه وواحد تاني فوق عند الزعنفه الظهريه و دي بيكون جريد اعلي
طيب ايه انواه الفلور هورن المعروفة و الموجوده في الاسواق
ال كامفا kamfa flowerhorn
الكينج كامفا
الريد دراجون
تاي سيلك
جولدن بيز
جولدن منكي و دا نوع نادر من الفلاور
الكينج كونج و هو حاجة كده بين الباروت و الفلاور هورن
دي اشهر انواع الفلور هورن الموجوده
متنسوش تتابعوانا علي صفحة الفيس بوك
/ samakxmaya
وتعملوا فلو لينا في الانيستجرام
/ samakxmaya
و شير لكل أصدقائكم لتصل المعلومة للجميع