سمكة الاوسكار الجزء الاول - إزاي تنقي احسن سمكة اوسكار في المحل

ازيكم عاملين ايه النهرده هنتكلم عن السمكة الي معرفش فعلا اتأخرت ليه في اني اتكلم عنها
النهرده هنتكلم عن السمكة الاقرب الي قلبي بعد فوزي او الفلور هورن
معشوقة الجماهير و الي مفيش مربي شرس معشقهاش سمكة الاوسكار
سمكة الاوسكار من عائلة السيكلد الامريكي
و بيطلق عليها أسم ريفير دوج او كلب النهر بسبب سلوكها و شخصيتها الي زي الكلب و فعلا الاوسكار من الاسماك الي ليها شخصية و الي بتعرف صاحبها و ذكيه جدا زي الفلور هورن كده
اللطيف بقي ان مفيش اي حد عارف هيا اتسمت ليه بالأوسكار
و طبعا الاوسكار سمكة شرسة من الدرجة الاولي
بس رغم كده لما تيجي تغير الميه مثلا او تعمل اي تعديل في الحوض بتلاقيها قعدت في القاع و استخبت
دا غير انها سمكة موديه جدا و دا بيفرق جدا معاها يعني لو السمكة مبسوطه بتلاقي الوانها زاهيه و بتتحرك و بتاكل كويس
لكن لو مدايقة او حزينه الوانها بتروح و بتبقي خامله او عصبيه و بتضرب باقي السمك في الحوض و ممكن تدخل في صيام حتي الموت
بالكلام عن الحجم الاوسكارمن الاسماك الي بتكبر و توصل ل 40 سم و انا شفت دا بعيني فعلا و بتنموا كمان بسرعة الاوسكار في الحجم الصغير بتكبر 2 سم في الشهر و دا الي بياخدنا لحجم الحوض الي تربي فيه الاوسكار
الاوسكار بيحتاج لحوض ميقلش عن 80 سم و دا تربي فيه سمكتين اوسكار بس بسبب ان في خلال 6 شهور الحوض دا هيبقي صغير عليهم
فلو ناوي تربي مجموعة من الاوسكار يبقي تبتدي بحوض متر او أكبر و متكترش برضوا في العدد علشان السمك ميجيلوش تقزم او يضرب بعضة لحد الموت
الاوسكار كمان من الاسماك المعمرة الي بيوصل عمرها ل 10 سنوات علي الاقل
و بالنسبة للحرارة سمكة الاوسكار بتعيش في درجة حرارة ما بين 24 ل 28 و يفضل درجة حرارة 26 كمتوسط
ال ph من 6 ل 7.5 يعني مية الحنفية العادية عندنا كلنا في البيت
طيب نيجي بقي لأنواع الاوسكار و هقلك علي الاساسي علشان في فتي كتير في الانواع و حاجات بتطلع و هتلاقي ناس تقلك 10 انواع و 15 نوع
بص من الاخر كده الاوسكار 4 انواع و بتتحدد علي حسب النقشة او الخريطة الي علي الجسم و لون الجسم
اولا النوع الاقرب للاصلي في البيئة و هو التايجر أوسكار بيتميز بلون الجسم الاسود و النقط البرتقاليه او الحمراء علي الجسم و كل ما كان اللون الحمر دا من الرأس للذيل و من البطن لزعنفة الظهر كل ما كان مستواها أعلي
النوع الثاني و هو طفره الالبينو تايجر أوسكار و هو هو نفس التايجر بس الجسم لونه ابيض
النوع الثالث و هو الريد اوسكار و بيتميز بأن الجسم كله لونه احمر ما عدا الوجه و الزعانف و الذيل و طبعا كل ما كان اللون الاحمر واخد مساحة أكبر من جسم سمكة الاوسكار كل ما كان مستواها اعلي
النوع الرابع هو الالبينو ريد اوسكار و هو نفس الريد اوسكار مع جسم باللون الابيض
و هنا بقي هقلك علي معلومه مش هتلاقيها في اي مكان تاني
إزاي تنقي سمكة الاوسكار و انت في المحل علشان لما تكبر تكون مستواها مميز
اولا في الحجم الصغير بتكون النقشة او الخريطة بتاعة الاوسكار التايجر بتكون واضحة جدا و شكلها حلو لكن لما بتكبر الخريطة دي بتتغير و ممكن تختفي او متباقش واخدة اللون الاحمر علي الجسم كله
فأنت نقي سمكة الاوسكار الي فيها اكبر نسبه لون احمر مغطي الجسم ولازم يكون اللون واضح و يا سلام بقي لو في كمان لون احمر في الذيل يبقي السمكة دي لما تكبر هتبقي مستوا عالمي
طيب بالنسبة للألبينو و دا الي بيبقي فيه اكبر مشاكل
الالبينو هيا طفرة هجينة مش طبيعية فلما بيتجوز 2 سمكة البينو بيطلعوا زيعة كلها البينو طيب لو جوزت ذكر البينو لأنثي عاديه هيطلع في الزيريعة جزء كده و جزء كده لكن للأسف الزيعة الالبينو مبتبقاش نقيه و مبيظهرش الموضوع دا و هيا صغيره بتظهر كل ما بتكبر بتلاقي اللون الابيض دا تدريجيا بيتحول للرامادي و بيبقي السمكة شكلها وحش
طيب انجز بقي و قلنا نعمل ايه يعني منشتريش البينو يعني ولا اجيب انا و بختي ولا ايه ؟
عيب عليك تيجي لحد هنا و امشيك زعلان و الله ما يصح انا قلتلك الكلام الي هتسمعه هنا مش هتسمعه في اي حته تاني
علشن تختار سمكة البينو بيور و لونها ميتغيرش هنركز علي حاجتين اساسيتين
أول حاجة لون العين في السمكة لازم العين يكون لونها احمر مش اسود
ثاني حاجة و دي الي بتخلي السمكة مستواها يكون عالي الزعنفة بتاعة الذيل تكون في اطرافها لون احمر خفيف كده لو لقيته شكرا حلق علي السمكة دي و متسبهاش
كده انا قلتلك الصح علشان محدش يضحك عليك
طيب اخد بالي من ايه كمان و انا بشتري سمكة الاوسكار
ركز في فك السمكة سكون سليم مفيهوش اي اعوجاج ولو بسيط الزعانف تكون متساويه و تكون طويله مش قصيره زعنفة الظهر تكون قافلة مع زعنفة الذيل
لأن للأسف بيبقي في تشوهات في الاوسكار في السن الصغير الي بيجي كتير حاليا مبتبانش بسهوله فأنت محتاج تكون مركز جدا و انت بتنقي سمكك هو ديكورات حوض الاوسكار
الاوسكار بيحتاج مخابئ كتير علشان المعارك و فرض السيطرة علي الحوض بيحصل فيها مجازر حرفيا بين السمك فلازم يبقي في مخابئ للسمك علشان يستخبي فيها
الأرضية يفضل الحصي الصغير 1 مم او 2 مم لأن الاوسكار بيحب جدا انه يحفر في الأرضيه و يلعب بالجرش فدا بيحسن الحالة المزاجيه للسمكة
الاخشاب الدريفت وود مهمة جدا في حوض الاوسكار و خصوصا النوع الي بيخلي الميه لونها بني او بما يسمي البلاك ووتر و دي مفيده جدا جدا جدا للأوسكار علشان بتقلل ال ph بتاع الميه و دا حاجة مفيده للأوسكار جدا
و تراعي و انت بتجيب ديكوراتك في الحوض سواء كانت أخشاب او احجار انها تكون كبيره و ثقيله الوزن لأن الاوسكار مهندس ديكور في نفسه بيعشق تخريب اي ديكور انت عامله سواء يوقعه او ينقله من مكان لمكان فعلا بيعمل كده
و مش محتاج اقلك ان مينفعش تحط معاه اي نوع من انواع الزرع لأنك كده حطيلته لعبه يقطعها ياريته حتي هياكلها لا هو هيقطعها بس و يبهدل الحوض
متنسوش تتابعوانا علي صفحة الفيس بوك
/ samakxmaya
وتعملوا فلو لينا في الانيستجرام
/ samakxmaya

[@4strom]

تحفة عاشت ايدك

[@Abdulaziizq8]

هل سمك الاوسكار محتاج إلى اهتمام و جهد اكبر و لا تصلح للمبتدىء؟

[@osamatawfig4026]

احسنت الشرح يا بطل

[@ahmedshaker8064]

عندى حوض 50 ينفع اجيب فيه جوز سمكه جرين تيرور

[@samakxmaya]

صفير على جوز و خصوصا لو بتفكر تفرخ منه ممكن يكون حوض مؤقت لمدة متزيدش عن شهر

[@anonytuber996]

كم ذكر وكم انثى يجب ان تتوفر في الحوض؟

[@samakxmaya]

الاوسكار صعب تحديد نوعه بالنظر لذلك بتربي بإعداد زوجيه الي إن يتوافق زوج منهم في سن البلوغ

[@williambrooke389]

احسنت اخي

[@anime-shorts8013]

لو سمحت ٩٠ لتر كم سمكة أوسكار صغيرة مره ما يتجاوز ٤ سانتي

[@hanadnane1100]

سلام عليكم ورحمة وبركاته انا عندي ٣ دكور ٣ إناث من اسكار لكن راهم في حوض راكبين في قاع كأنهم ميتين معرفتش ليش جوني من فضلك انا جد خايف ان اخصرهم سعدني ارجوك

[@samakxmaya]

ممكن تراسلني على رسائل الصفحة و نتابع مع بعض

[@monirhasan7866]

اخويه انا عندي حوض العرض 55 سم والارتفاع 50 سم هل يتكاثر الاوسكار في هذا الحوض وكم سمكة اوسكار اضع فيها

[@samakxmaya]

الحوض صغير جدا على سمك الاوسكار و يحتاج حوض أكبر حتى لا تتقزم الاسماك

[@omaromar-mn6cx]

شكرا استاذ اسامه على الفيديو الرائع فعلا معلومات قيمه .

[@omaromar-mn6cx]

لو تكرمت عايز استفسر حول السخان لحوض 120هل مصروف الكهرباء عالي

[@omaromar-mn6cx]

استاذ اسامه لو تكرمت سؤالي بخصوص مصروف الكهرباء للسخان .واذا تعرف اسعار الزريعه الاوسكار ياريت تنورني بخبرتك وشكرا لحضرتك

[@samakxmaya]

بالنسبة لاستهلاك الكهرباء في السخان فالموضوع مش مقلق لإنه مش بيشتغل طول الوقت هو بيشتغل فترة لحين ما تسخن المياه بعد كده بيفصل و لما تقل الحرارة درجة أو ٢ يشتغل تآني علشان يحافظ على درجة الحرارة فلا متقلقش المهم يفضل شغال

[@omaromar-mn6cx]

@@samakxmaya تحياتي ليك

[@mohamedelshimy1590]

كل مجيب سمكة اوسكار حجم ٦ سنتم مره ٨ مات والمره التانى ٧ عمل يموت واحده مع التانى اعمل ايه

[@samakxmaya]

اكيد في مشكله في المياه أو الحوض ديكورات أرضيه أكيد في سبب ممكن تراسلني على الصفحة للمتابعة

[@mominkhaffaf6614]

لو سمحت كيف اعرف الذكر من الانثى في سمك الاوسكر

[@hamadabokaei1235]

السلام عليكم عندي حوض طول ١٢٠ عرض ٤٠ وارتفاع ٥٦ وحطيت فيه ٧ سمكات اوسكار ، عدد السمك ملائم لحجم الحوض ؟

[@ahmedmohamedramadan2091]

حوض ٦٠ وحطت ٤ سمكات أوسكار بس لسه أحجام لسه صغيرة ده مناسب صح ما كترش ٢ كمان

[@samakxmaya]

الحوض صغير عليهم مش هيكبروا كده لازم حوض متر مينفعش تزود طبعا أي اسماك في الحوض ال٦٠

[@ahmedmohamedramadan2091]

@@samakxmaya طيب سؤال تاني لو سمحت تعرض الشمس للحوض ساعتين في اليوم في معظم الحوض ده مغيد وله غلط خصوصا زجاج الحوض

[@samakxmaya]

هو مضر لإنه بيساعد على تكون الطحالب داخل الحوض و بيخلي الميه معكرة و خضرا

[@titounizakarya9897]

ما هي الاسماك الممكن اضافتها مع الاسكار؟؟

[@samakxmaya]

هتلاقي الإجابة في الجزء الثاني من الحلقة

[@noorsmad1194]

عندي سمك اوسكار هاي الفتره جالس في قاع الحوض ما هو السبب

[@samakxmaya]

الاكل كثير أو عدم وجود تيار في الحوض

[@noorsmad1194]

@@samakxmaya موجود تيار والاكل باليوم ملعقة شاي عدد الاسماك ٦

[@ahmedkarrar1227]

الله ينور

[@زيادابوعلي-ش3ي]

كيف نعرف الذكر من الانثئ وكيف نزاوجهن

[@samakxmaya]

جنس الاوسكار بيكون صعب جدا تحديده من الشكل الخارجي لذلك بتتهربي في مجموعات لحد ما بتلاقي زوج بيسبوا بجوار بعض باستمرار و بتلاقي الأنثى وضعت البيض

[@أبنفلسطينالقدس-و9ع]

سوأل سمكة اوسكار ليش لون الابيض ما بتعايش مع لون الاسود جربت اكتر من مره وبتمون مع الاسف

[@samakxmaya]

عادي بيعيشو بس الالبينو أو الابيض في العموم بيكون أضعف من العادي

[@أبنفلسطينالقدس-و9ع]

@@samakxmaya شكرأ لك اخي الكريم

[@أبنفلسطينالقدس-و9ع]

عندي سمك الاوسكار ينام على جنبه وبعدها يموت عندي الفلتره ممتازه وضعت ملح ودواء ضد الفطريات ومع ذالك يموت ماسبب ارجو منك الرد اذا عندك خبره بذالك وشكرآ

[@coifeurcoloriste5808]

سلام صديقي ممكن أضع سمكة الببغاء في نفس حوض أوسكار.

[@samakxmaya]

ممكن

[@coifeurcoloriste5808]

@@samakxmaya merci

[@حسنكاضم-و8ي]

عندنا في العراق اوسكار لكن صاحب محل قالي في نوعين ايراني وماليزي لاتشتري الايراني ابد اكو هيج شي يعني اختلاف بين الدول؟ وهل ينفع تربيتها بحوض ٥٠سانتيم

[@samakxmaya]

اعتقد إنه اختلاف بين المصدر و التربيه زي الفرق بين المحلي و المستورد و مينفعش للأسف تعيش في حوض ٥٠ سم

[@ابومچتبیالسودانی]

لو أردت شراء الأوسكار ماذا اشتري معاها ؟

[@samakxmaya]

ممكن جرين تيرور أو باروت أو بولي باتروس اغلب انواع عائلة الأمريكي كبيرة الحجم

[@MohamedHassan-wo8qb]

عاش

[@حسنيدألله]

عندي سمكه اوسكار نايمه ياريت اجاوبني اخوك من العراق

[@salamaazez4505]

اريد اعرف مقدار الوجبه التي اظعها للسمكه قياس 10سنتيم وكم وجبه ومده تنظيف الحوض مكن رد ؟؟؟

[@samakxmaya]

كمية الاكل بتكون كميه بسيطة تخلص في ٥ دقائق و وجبتين في اليوم

[@samakxmaya]

التنظيف بيكون أسبوع و تغيير ربع أو ثلث ماء الحوض

[@salamaazez4505]

شكرا بارك الله فيك على المعلومات

[@salamaazez4505]

@@samakxmaya هل يجوز اطعام اسماك اوسكار كبده او قلب الدجاج

[@soheibferrah5762]

عندي زوج أسكار قام بالتفريخ .رفعت البيض مباشرة و وضعته في حوض بنفس درجة الحرارة و نفس الماء من حوض الأبوين .إنتظرت ٣ أيام لكن البيض لم يفقس من فضلك أريد حلولا .شكرا

[@samakxmaya]

البيض مبيتشلش بيتساب مع الابوين لحد ما الزريعة تعوم بعد كده بنعزل الابوين و بنترك الزريعة

[@soheibferrah5762]

@@samakxmaya فالمرة الأولى لي وضعو فيها البيض .تركت البيض معهم .لم يفقس و أكلوه

[@samakxmaya]

يبقي لسة الزوج مش مدربين على رعاية البيض أو إن جودة المياه كان فيها مشاكل و حصله تعفن و فسد فاكلوه اترك البيض مع الام و الام بتفضل من أسبوعين لشهر على ما البيض يفقس

[@soheibferrah5762]

شكرا .بارك الله فيك

[@جعفر-ن2غ]

سمك الأوسكار الأبيض بحسه ضعيف كل ما اربي سمكة منه بتموت

[@samakxmaya]

هو أي سمكة فيها صفة الالبينو حتي الطيور و الحيوانات بتكون منعتهم اقل

[@ahmedelshabrawy9106]

طب معلش ممكن سوال لو كان الحوض صغير وحالها التقزم او مريضيتش تكبر فيه ونقلتها لحوض اكبر هل هتكبر ولا كدا خلاص لا

[@samakxmaya]

لا للأسف كده خلاص علشان كده بنأكد على حوض كبير من البداية

[@ahmedelshabrawy9106]

@@samakxmaya تمام شكرا جدا لحضرتك ♥️♥️♥️

[@ahmedelshabrawy9106]

@@samakxmaya طب معلش سؤال كمان لحضرتك هو الأوسكار الصغير الطبيعي ان تكون عينه كبيره بالنسبه لحجم راسه او جسمه عكس السمك الكبير ولا لا يعني الصغير تحس ان عينه كبيره بالنسبه لحجمه كده الكبير لا عينه كبيره وحجمه كبير فهل ده طبيعي ولا لا واسف علي الاطاله

[@khalednomaan2010]

الله يخليك شرح زي الفل ربنا يكرمك يارب

[@mostafa-bg3bj]

والنبي يا عم اسامه بالله عليك عاوز رقمك اسالك على حاجه ضروري لوجه الله الكريم

[@mostafa-bg3bj]

اسالك على حاجه على الوتس يا عم اسامه

[@Muhammed-f7r]

لو سمحت ممكن تتكلم عن كل شيئ يخص تفريم الأوسكار ربنا يوفقك

[@samakxmaya]

بإذن الله نعمل حلقة عن التفريخ

[@MohammedIbrahim-zq7kp]

جزاك الله كل خير

[@ahmedqundil799]

حلقة رائعة لو حوض ٢٤٠ لتر اجيب فية كام جوز اوسكار ومحتجش اشيل منهم حاجة في المستقبل

[@samakxmaya]

من ٨ ل ١٠ سمكات

[@hali2244]

👍👍👍

[@naglaaamir8051]

عايزين حلقة عن انواع السكليد الامريكي

[@locomehditangerino5546]

لو حجم الحوض عندي ٦٠/٤٠/٤٠ ينفع أربي أوسكار ؟؟

[@samakxmaya]

لا للأسف أقل حاجة ٨٠ سم و يفضل متر

[@حموديالحلاوي-ت6س]

ارجوك ارجوك ارجوك بس نزل شرح كيف اعرف الذكر من الاثنى الاوسكار

[@alisami2984]

معلوماااات روعه كالعاده⚘ هل يحتاج حوض الاوسكار لغطاء ؟ هل ممكن ان تقفز من الحوض ومتى تقفز السمكه من الحوض

[@samakxmaya]

طبعا بص مفيش حوض اسماك شرسة مش محتاج غطاء علشان احيانا كتير خناقات السمك مع بعضه بتخليه يقفز

[@محمدماهرأبوعجوة]

حلقه حلوة

[@mostafahamdy1211]

شكرا للمعلومات. عندي ٢ اوسكار بس فجأة واحده منهم نزلت في قاع الحوض طول اليوم بس بتطلع تعوم بمعاناة عشان تاكل وتنزل بسرعه مره تانيه

[@naglaaamir8051]

السكليد الافريقي عايزين حلقة

[@muhibalmuntaser46]

اخي العزيز ممكن تتواصل معاي عاوز اتأكد أن سمك الأوسكار اللي معاي ذكر وأنثى ولا لا؟

[@samakxmaya]

ممكن تراسلني على صفحة الفيس بوك

[@nosaadel7149]

حلقة جميلة ومفيدة ربنا يوفقك وجزاك الله خيرااا😍😍

[@Muhammed-f7r]

أخي عندي سمك اوسكار ذكر وأنثى تم وضع البيض على صخرة ملساء وتلقيحه من قبل الذكر وثاني يوم أتفاجئ بعدم وجود بيوض يعني أكلوهم سؤال كم من الوقت تستغرق الأنثى لتضع بيوضها مرة ثانية

[@samakxmaya]

من أسبوعين لشهر يجب إخراج باقي الاسماك من الحوض و تغطية واجهة الحوض ليشعر الزوج بالامان

[@Muhammed-f7r]

جزاك الله خيرا أخي الكريم

[@Muhammed-f7r]

السلام عليكم أخي اذا عزلت أفراخ الأوسكار عن سمكة الأوسكار بعد كم بترجع بتضع بيض من جديد الله ينور عليك ممكن إجابة

[@samakxmaya]

بعد أسبوع أو ٢ حسب حجم الافرخ

[@زهراءعلاويحنينفليح]

شلون تميز بين ذكر وأنثى وتعزلهم للقاح

[@زهراءعلاويحنينفليح]

يعني تعزل الذكر والأنثى في حوض لحتى يلقحو

[@Muhammed-f7r]

@@زهراءعلاويحنينفليح الذكر والأنثى لهم فتحتان تناسليتان ، الفتحتان عند الذكر متساويتان في الحجم أما عند الأنثى الفتحتان تختلفان في الحجم فتحة كبيرة وفتحة صغيرة ، وللتمييز بينهما يجب أن تكون السمكة كبيرة كي تستطيعين رؤية الفتحات غير ذالك لا أظن أن هناك فوارق بين الذكر والأنثى والله أعلم .

[@ismailpeinture8445]

انا عندي 3 سمكات كانو عادي بس منذ شهر وحدة ضعفت وعالجتها ولكن بقيت دائما منعزلة و اصبحت واحدة دائما تهاجمها وهي لا تفعل شيء لم اعرف ماذا افعل لتعود لطبيعتها

[@samakxmaya]

دي طبيعة الاوسكار القوي بيفرض سيطرته على الضعيف ممكن تعزلها بحوض تآني لحد ما تسترد علفيتها بعدين ترجعها تآني للحوض

[@ابوشهد-ذ5ص]

وحشتنا يا مبدع... اتكلم كتير عن الاوسكار... الحلم بالنسبه لي اللي مش عارف احققه لحد دلوقتي

[@samakxmaya]

لا إن شاء الله تعمل أحلى حوض أوسكار بإذن الله

[@saidalmahrezi4241]

فعلاً مقطع جميل. كلام صحيح لما تموت سمكة وحده و السمكة الثانية تقطع أكل أسبوعين و تموت.

[@soloking7466]

بتغيب كثير 🤩

[@ahmed-slem-aquarim]

موضوع رائع 💖

[@MahmoudAhmed-nh5hg]

حلقة جميلة جدا جدا بس انا عاجبنى السمكه الالبينو المتربه بردك شكلها حلو هههههه

[@samakxmaya]

😂 على الاقل عرفت هيا متربة ليه 😁

[@haederms6132]

متابع من العراق 🇮🇶 شكراً لك استاذ اسامه على هذه المعلومات القيمه ونتمنى منك المزيد من المعلومات وخاصته تغذية الاوسكار هذا اولاً ثانيا عندي سوال عن سمكه اوسكار لم تذكرها في التصنيف وهوه لون اسود مخطط برمادي ونقاط حمراء في الخياشم والزعانف هل هذه الون ثابت اهم يتغير بنموها علما انها صغيره لاتتجاوز 6 CM

[@samakxmaya]

دي تايجر أوسكار ولكن بمستوي ضعيف

[@aimpootgaming8251]

👍👍👍👍

[@أبوالمنذر-ف5ش]

السلام عليكم اخي عندي سمكتين أوسكار وحدة بتطارد التانية لدرجة الأذى والسمكة الي بتطارد ظهر لها نتوء من تحت عند الأعضاء التناسلية ممكن اعرف شو سبب المطاردة ارجو الرد بسرعة على شان أعرف اعزلهم عن بعض ام لا.؟ أرجو الرد بسرعة من فضلك عشان ما أخسر سمكة جزاك الله كل خير .

[@samakxmaya]

ممكن ترسلي صور السمك علي رسائل الصفحة الفيس بوك

[@أبوالمنذر-ف5ش]

@@samakxmaya تمام

[@الطرفالاخر-ن4ر]

ليش ما بتربي دولفين نيلي او زي ما تسموها عندكم في مصر ام زلومة للاسف اسم ضالم لاجمل سمكة او دولفين ان اصح التعبير

[@samakxmaya]

المشكله إن الاسماك دي بتكون صيد بري و الاسماك دي بتكون مليئة بالأمراض فبالتالي هتنقل الامراض دي للحوض غير إنها غير متألمة على العيش في الاسر

[@الطرفالاخر-ن4ر]

@@samakxmaya بتفق معاك ولاكن انا قررت اربيها وراح جيب منها فروخ صغيرة وابدء فيهم شوي شوي لانو بجد عشقت هذة السمك

[@soloking7466]

السؤال الأهم لية محدش يربيها في احواض كبير زي البلطي بكميات كبيرة وكده هتكون الواحد ب ٥ جنية

[@samakxmaya]

علشان هتفقد للألوان و الشكل مش زي لما تتربي في احواض زجاج

[@محمدعادل-ب8ذ7م]

ممكن رقم الفون بتاع حضرتك

[@samakxmaya]

ممكن تراسلني على الصفحة بتاعة الفيس لاي استفسار

[@anasabumalik1382]

ما شاء الله عليك فيديو رائع و مفيد و مختصر و دسم بالمعلومات بس حاول ما تغيب كتير ♥️

[@mouradnasser4916]

بصراحة من أروع الحلقات اللي شفتها علي الاوسكار ربنا يبارك فيك ويفتح عليك

[@almalkalmalk4349]

ممكن تعمل لنا حلقه عن اسماك الببغاء

[@samakxmaya]

إن شاء الله ممكن فعلا نعمل حلقة عن السمكة العجيبة دي

[@جعفر-ن2غ]

الأوسكار إذا بتخاف بتعمل حالها ميته

[@samakxmaya]

😂 ماحصلتش معايا الي أعرف عنه كده هو الكلاون لوتش

[@جعفر-ن2غ]

@@samakxmaya انا صارت معاي كتير 😂😂😂 انت بس خوفها بتعمل هيك

[@__poolhale4321]

حوض 100*40*40 = 160لتر احط كام سمك اوسكار ؟ وهل ينفع احط بارون شارك معاهم ؟

[@samakxmaya]

ممكن تحط بارون شارك مع الاوسكار و الحوض يشيل حوالي ٦ سمكات أوسكار حجم صغير