كل اعراض تلف جوان وش السلندر والسبب

#جوان_وش_السلندر
#أفكار_جديدة_جدا
#سيارات
جوان وش السلندر
هنتكلم النهار ده عن اعراض تلف جوان وش السلندر
معاكم هاني من قناة افكار جديده جدا
جوان وش السلندر
هو الخط الفاصل بين دورة الزيت ودورة الميه داخل الموتور ومع اي تهتك في جزء منه بيحصل خلط بين الزيت والميه وكمان ممكن يحصل خلط بين الميه وخليط الوقود داخل غرف الحرق وده له أعراض تانية هنشوفها مع بعض وسط كل اعراض تلف جوان وش السلندر
ايه هي بقى الاعراض دي كلها
اولا
نطر الميه من الردياتير او القربة لمجرد تشغيل المحرك وهو بارد وغطا الردياتير مفتوح
ثانيا ظهور فقاقيع هوا كتيرة غير متناهية او محدودة خارجة من فوهة الردياتير خاصة مع زيادة سرعة المحرك، او لما تزود بنزين
تالت عرض هو ظهور زيت عائم على وش الميه في الردياتير او القربة
العرض الرابع نقص ميه التبريد بدون وجود أي تسريب من الخراطيم او من اي مكان تاني.
العرض الخامس خروج ميه من الشكمان طول فترة تشغيل العربية اي وقت صيف أو شتا صبح. ليل طول اليوم بيخرج ميه وبكميات كبيىة.
العرض السادس وجود صدا على واحد او اكتر من البوجيهات من الداخل لما تفكهم الأربعة هتلاقي صدا من الجزء الداخلي للبوجيه لان الميه بتدخل غرف الحرق طول الوقت.
سابع عرض وجود صدا داخل غرف الحرق نفسها لما تبص فيها بكشاف والبوجيهات مفكوكة.
العرض التامن هو وجود طحينة على الزيت أو الميه، الميه والزيت عموما لا يختلطان لكن مع التسخين بيحصل بينهم تجانس وبيتحول لمركب شبه الطحينة كده
العرض التاسع ارتفاع درجة حرارة الموتور مع علاج كل الأسباب والتأكد من عدم وجود سبب حقيقي اخر للحرارة
في اعراض من ضمن الاعراض دي لمجرد وجودها يأكدلك ان عندك مشكلة في جوان وش السلندر، زي نطر الميه مع الدوارة، وخروج ميه بكمية كبيرة طول الوقت من الشكمان وزي وجود طحينة في الزيت او الردياتير وفي اعراض تانية غير كافية لتشخيص العطل زي ارتفاع الحرارة ونقص ميه التبريد ووجود فقاقيع هوا على فوهة الردياتير.... وكده نكون وصلنا لنهاية حلقتنا

[@hamzabelh2940]

بارك الله فيك وجزاك الله خير

[@khalidhadi8434]

السلام عليكم الله يعطيك الصحة ويبارك فيك علي المعلومات القيمة نبارك الله عليك

[@morshedelnfous]

حلو عرضك جدا هادى ومش بتاخد وقت طويل فى عرض المعلومة واصل تميزك

[@HanyMoh2017yt]

تشجيعكم اكبر داعم للاجتهاد

[@elvisgarrido9573]

Que carburador es y que numero son los chicles

[@user-xr2hw3oq7k]

شكرآ❤

[@alitallb6404]

سلام عليكم عند تشغيل السياره في الصباح الاحض وجود دهن لون ابيض في غطاء قبق ولفات

[@mohammadeltahan5626]

كلامك جميل

[@ryadalsaadi8091]

السلام عليكم عندي سياره هونداي ستاركس محرك ديزل عندي نقص في ماء التبريد وشكرا

[@user-eq7yu8km1o]

من فضلك أخي بعد التحية أعراض وجود ثقب في بلوك السيارة

[@silentman84]

ممتاز بالتوفيق

[@youssefokasha3248]

الله ينور عليك ياباشمهندس حلقه رائعه، وانا غيرت الجوان من شهر وركبت جوان صاج جديد ، بس للاسف مسكت حراره علشان جوان الصاج اقل من الخلوص المطلوب واكيد حضرتك فاهم انا عاوز اوضح اي، فهل هناك جوانات صاج سمكها اكبر ولا اجيب جوانين بس خايف مايقفلوش علي بعض كويس ، ومش مقتنع بفكرة جوان الجنجريد ، لان الصاج لا يعلي عليه ، اعمل اي علشان اعوض نسبة الخلوص بين رأس المكينه والسلندر

[@user-wl7on1lb7y]

من فضلك عندي مشكلة نقص في ماء الرديتل وخرج ماء متوصل من شكمان السيارة

[@HanyMoh2017yt]

لو ميه كتير وعلطول يبقى لازم تعمل الجوان اما لو بسيطة ممكن تكون رطوبة بس متصبرش لان الزيت لما يختلط بالميه هيقل وظيفته

[@khaledataelagazaar]

طيب أنا عندي العربية الميه فيها بتنقص كل مثلا 50 كيلو او 100 بتنقص فالريداتير دا بعد ما سخنت بسبب قلة المئه من اسبوعين ومن ساعتها ودا بيحصل بس من غير طحينه ولا تسريبولا حاجة فالزيت

[@hossameldinmohammed8704]

فيديو ممتاز

[@midoelsharkawy1338]

طيب فيه عطل كهربا ممن يسببه الجيوان؟

[@user-kk9oo4bx3m]

عندي تفتفه وخروج ماء ولمبه الانجن تولع وتطفي بصوره مستمره

[@soufianlahtit7422]

السلام عليكم عندي دايو لانوس لما امشي بها مشوار حتى تسخن درجة الحرارة 90 وطفيت المحرك بترجع ماء من القربة ولما اخلي المحرك شغال مابترجع ماء. تفسير من فضلك

[@soufianlahtit7422]

وعندي تفتفة ورعشة وقلة عزم بالمحرك وصعوبة فالتشغيل وهي باردة

[@bilalboulouika1234]

طحينة ان كانت قليلة في غطاا رديتور وعدم وجود رغوة في رديتور

[@user-uf8ic7tz4l]

طيب انا عندي بوجي علطه اثار صدا من الداخل وتفتفه فالمحرك خاصه في بداية التشغيل الصباح ولكن ولله الحمد ماعندي حراره.. ارجو الافاده وشكرا

[@smartdiag7136]

شوف وصلة الموبينه الاول ولو البوجيه قديم غيره

[@user-fp9lk5eo2t]

اخي انا عندي تسريب مياه من الطرمبه وعندي كمان فقاعات عند غطاه الروديتر هذه يعني تغيير الطرمبه تاعت المياه او تغيير وجه السلندر

[@nabilmehasien]

العيب فى طلمبة المياة

[@mohamadkhaledseblo4455]

سلام عليكم اخي الكريم هل يمكن تخلط مي مع الزيت ولسه موتور السيارة جديد لديه ٦٠ الف كيلو متر ولقد لحظت لون الطحينة على غطاء الزيت محرك وكمية شوي كثيرا ياريت تجاوبني على سؤالي موديل سيارة opel corca

[@HanyMoh2017yt]

مجرد ارتفاع حرارة الموتور زيادة عن الحد الاقصى لفترة طويلة بيحصل تهتك لجوان وش السلندر

[@user-hq8mn8ll9f]

بالتوفيق

[@AliAli-rl7ei]

عندي جيلي مابل صيني ظهر دهن في دورة الماء فقط ما اسبب واي أعمل

[@HanyMoh2017yt]

المهم حرارة الموتور تكون مظبوطة

[@aminaz4638]

ياباش مهندس اسأل عن السبب لضغط مع اندفاع ماء الردياتير صباحا قبل تشغيل المحرك لمجرد فتح الغطاء للكشف علي منسوب الماء

[@HanyMoh2017yt]

اتوقع كده المشكلة في غطا الردياتير بس

[@sadamhosin1485]

سلام عليكم اخي عندي سؤال ينقص ماء كتير ولاكن لايوجد تسريب ولا يوجد اي اسباب

[@sadamhosin1485]

كيف اجد الحل

[@alibaydoun3764]

معي فولفو بتدور هي وبارده بتكب الماي من القربه جوان يعني

[@HanyMoh2017yt]

تمام

[@fiat1323]

نغيرو ازاي يا مديرنا الغالي

[@HanyMoh2017yt]

هي طريقته مش صعبة لكن معقدة شوية ولازم تكون خبرة، بتعرف تقسم كامات وكهربا وتعرف تظبط تاكيهات او تحفظ مكان الاطباق وتعرف تربط بعقل كمان بس لا قدر الله لو حصل عندي نعمل له فيديو. ربنا يسترها

[@AhmedGamal-st6jp]

انا في مشكله عندي معي عربيه هونداي اكسنت 2012 في نقص في كل يوم بتزود م بزود

[@user-ei7dq6kb2w]

تأكد من ثلاجة المكيف الخرطوش السخن سيارات الكوري عيب مصنعي في اكثر الموديلات والأشكال كان العيب موجود في الياباني الى سنة ٢٠٠٧

[@ahmadfathi4556]

دلوقتى انا معايا 128 الميه بتغلى جوه الدورة والزيت بينقص . كده يبقى جوان ولا ايه ؟ على الرغم انى منضف دورة الميه كلها .

[@HanyMoh2017yt]

مش شرط ممكن عندك تسريب زيت او المكنة بتاكل زيت اتأكد من خروج مياه من الشكمان او الميه او الزيت فيه طحينة

[@hatemgadmour7989]

عندي وش سلندر مضروب بس الحرار ما وصلتش للاخير ولما اشغل السياره بتطلع ميه من الخلف مع دخان ابيش هل مع العلم ان الشنبر قبل مايضرب وش السلندر سليم عايز اعرف هل الشنبر تلف مع جوان او هده اعراض جوان فقط

[@silentman84]

جوان فقط

[@hidayaabdo8301]

خويا بدلت الراديتور ومزال تطلع السخونة مع أنا دورة المياه عادية

[@HanyMoh2017yt]

يجب فحص السيارة في مركز متخصص

[@aborton5393]

طيب انا عندي مشكله تجي مره بالشهر او مره بالاسبوعين اول ماشغل المكينه مش صافيه لمده اقل من الدقيقه وتصفى المكينه افتح الكبوت احصل ماء بين الشكمان والقزوز

[@HanyMoh2017yt]

ما معنى صافية؟

[@aborton5393]

افكار جديدة جدا معناها المكنه بتهز شويه لمده دقيقه

[@mastavagggg4304]

صار عندي لون الزيت رمادي ماهي مشكلتوه

[@HanyMoh2017yt]

جرب تغير الزيت تاني بنوع افضل منه وراجع كل الاعراض اللي تم ذكرها في الفيديو

[@yugieslam7182]

وسحب العربية بيكون عامل ازاى فى حالة تلف وش السليندر

[@HanyMoh2017yt]

مهو انا مجربتش لاني بحافظ من اول يوم ركبت العربية بس اتوقع انه مش هيفرق كتير والا كانت الناس انتبهت بسرعة بس برضو بعض كبس المكنة بيطير في الميه الزيت بيفقد خواصه وبيزود الاحتكاك

[@smartdiag7136]

اكيد هيكون فى تهريب لضغط البساتم فيضعف عزم المحرك

[@silentman84]

مافيش عزم اكنها متلته

[@user-jq4lt1rb2q]

اخي عندي الماء بيرجع على القربة بكمية قليلة وبدون غليان ودرجة الحرارة معتدلة

[@HanyMoh2017yt]

وما المشكلة

[@user-po4nb2ko5u]

نفس المشكله عندي إذا شفت حل علمني

[@kasedmohamed944]

السلام عليكم أنا عندي السياره بتجيب دخان كثيف من الشكمان والصبايعي بيقول إن وش السلندر عند الدليل فيه شرخ من العلم آنتي مغير شمبر من فتره قريبه و الماكينه فيها صوت هل وش السلندر لو فيه كسر مش ممكن يتصلح وإلا تركيب الشمبر غير صحيح الرجاء الافاده وشكرا

[@HanyMoh2017yt]

اظن بيتصلح بس الفكرة انه مش هيبقى قوي كفاية

[@user-si3eq5wi8c]

السلام عليكم ورحمة الله وبركاته عندي سيارتي دودج جالجر محركها 3600 بدلت بيها راديتر جديد ودبه ماء ومراوح ولف حماوة وكل هذا الحماوه او درجة الحرارة ترتفع من 110الى 120درجه سيليزيه والخراطيم تتصلب والماء يرجع للقربه... شنو السبب ارجو الرد مع وافر الاحترام والتقدير.

[@HanyMoh2017yt]

غالبا تآكل في جوان وش السلندر

[@hamodahamouda983]

يا أخي أصبح عندي دخان كثيف بين الأزرق والأبيض عندما تلفلي جوان كيلاص أخوك من الجزائر

[@HanyMoh2017yt]

ممكن يكون الجوان مش مظبوط لازم متخصص يفحصها

[@ahmedameen7003]

عندي صوت تكتكة من عند عمود الكردان بس لما بمشي شوية بالعربية بيروح .. لما روحت للميكانيكي معرفش سببه العربية ١٣١

[@HanyMoh2017yt]

شوف عفشجي احسن

[@user-qu6iw8ei6l]

لو سمحت انا عندي العربيه بتسخن بس انا داخل بيها الجراج اللي هو على منخفض ودخلت الجراج ضيقه وطبعا انا بشغل نور العربيه العالي وأفضل ارجع مارشيدير واطلع الي الامام كذا مره لغايه ما أركن العربيه. أما السؤال التاني هي مروحه التبريد بتشتغل حتى وانت ماشي بالسياره علما ان انا ماشي حراره العربيه بتكون اربع شرط وساعات اتنين. وجزاك الله خيرا

[@jlfikarim7035]

انا عندي طويطا هليكس تنتفخ خراطيم المياه وارتفاع الماء في القرورة دون أن ترتفع درجة الحرارة مع العلم اني استبدلت كل شيء يتعلق بجهاز التبريد كل شيء نرجو النصيحة أخي الكريم

[@HanyMoh2017yt]

خطورة مشاكل جوان وش السلندر تكمن في رفع الحرارة وخلط الماء على الزيت داخل المحرك

[@tamermansour4656]

السلام عليكم اشتريت موتور استيراد وبعد فترة اكتشفت انه بيطلع دخنة فى اوقات مختلفة وتابعت اكتر لقيت انى لو بجرى وبسافر اول ما اقف ما فيش دخنة لكن لو سيبتها دايرة بعد ما وقفت ودعست على الدواسة تطلع دخنة من الجكمان ده ممكن يكون شنبر ولا ايه العربية سكودا a4

[@HanyMoh2017yt]

اتوقع جلد صباب هو السبب بس جرب تفك البوجيهات وتتأكد انها نضيفة وكمان اخبارها معاك في الدوارة ايه لو بتغلبك احتمال يكون بتاكل زيت ومقاس الزيت برضو عامل ايه بينقص ولا طبيعي

[@alaahelmy2943]

اخي عندي بالسياره الاحظ معا دخول فصل الشتاء مفتحتش غطا الزيت غير امبارح ولاحظت زي ريما او شبيه كريم علي غطا الزيت والزور فقط اما مقاس الزيت والريداتير مفيش فيه الريما دي ده بسبب ان الغطا بيكون بارد ومندي من الجو او ده عيب اي ومش بخرج بالعربيه كتير وخايف من الموضوع ده

[@HanyMoh2017yt]

تابع مقاس الزيت باستمرار لان ممكن تكون بداية تمزق فب جوان وش السلندر

[@alaahelmy2943]

@@HanyMoh2017yt المقاس تمام بس الكلام ده لو ركنت العربيه يومين ممكن يكون بسبب الرطوبه

[@sayartirahienpanne7805]

السلام غليكم.....عندي سيارة كيا كارنس 2.0 crdi ديزل في الصباح عند فتح غطاء الرديتير فيه كمية هواء تخرج ونقص بكمية قليلة من الماء الرديتير لما اخذتها الى المكانيكي قالى عندك مشكلة في الترموسات ما يفتحش لازم نعمل له فتحة صغيرة ...ما هو المشكل من فضلك وهل ثقب الترموستات صحيح ....شكرا

[@HanyMoh2017yt]

مشكلة الترموستات الافضل تتغير خالص

[@HanyMoh2017yt]

مشكلة الترموستات الافضل تتغير خالص