ӨКМдин ТИК УЧАГЫ ЖАЙЛООДОН 28 ЖАШТАГЫ КОШ БОЙЛУУ КЕЛИНДИ БОРБОРГО АЛЫП КЕЛДИ

11.07.2024
ЖАЛАЛ-АБАД: ӨКМдин ТИК УЧАГЫ ЖАЙЛООДОН 28 ЖАШТАГЫ КЕЛИНДИ БОРБОРГО АЛЫП КЕЛДИ
9-июль күнү саат 22:20 чамасында Базар-Коргон районунун Арстанбап-Ата айыл өкмөтүнүн Отуз-Ат жайлоосунда 28 жаштагы А. кызы Н. аттуу келиндин абалы оорлоп жаткандыгын билдирип, ӨКМге тик учак сурап кайрылышкан. Себеби, жайлоого барчу автоунаа жолу жок болуп, тез арада келинге медициналык жардам көрсөтүп, анын өмүрүн сактап калуу зарыл эле.
Анын өмүрүн сактап калууга Өзгөчө кырдаалдар министрлигинен тик учак бөлүнүп, Бишкектен саат 6:00дө учуп, аталган аймакка дарыгерлер менен биргеликте конгон. Алар келинге алгачкы медициналык жардам көрсөтүп, 10:00до Бишкек шаарына учуп келишкен. Келин борбордогу төрөт үйлөрүнүн бирине жаткырылды.
КР ӨКМ ПРЕСС-БОРБОР