Рет қаралды 175,990
Бәрңізге Ассалаумалейкум
Сіз кімді таңдайсыз Алашорданы ма, Нұр Отанды ма? Әрине, оларды салыстыру да күлкілі. Бірақ, бүгінде Әлихан десе кірпідей жиырылатын тұз көзіріміз бен корольдарымыз сол Әлиханның тырнағына тати ма екен, жер Қазақтыкы, тілсіз Қазақ жоқ деген Әлиханның асыл сөзінің қаншалықты күл парша болғанын бүгінгі видеода баяндайтын боламыз кеттік енлеше!
Құрметті көрермендерім. Әдеттегі дәстүр бойынша 1 минутымызды қиып, видеомызға лайк басып, арнаға тіркеліп, қасында шыққан құтақандай қоңыраушаны баса кетулеріңізді сұраймын. Еңбек менен, шабыт беру сіздерден ағайын!
Шын мәнінде қазіргі Қазақ елінен Алаш автономиясы әлдеқайда Тәуелсіз болған.
Әлихан Бөкейхан Ресей демократиялық ел болса, автономиялы мемлекет болып уақытша тұруды көздеген. Себебі ол кезде қазақ халқының 90 пайызға жуығы сауатсыз болатын. Мұндай жағдайда бірден Тәуелсіз мемлекет болып кету күрделі екені белгілі.
Алайда Алаш орда үкіметі мен Алаш автономиясының ұстанымы биыл Тәуелсіздігінің 30 жылдығын атап өтіп жатқан қазіргі Үкіметтен әлдеқайда қуатты болды. Бұған алаштың бес бірдей ұстанымы дәлел бола алады. Бұл ұстанымдарды белгілі алаштанушы ғалым Тұрсын Жұртбай жариялағанын айтып өткен жөн.
Бірінші ұстаным: жер, жер және жер. Жерсіз Отан жоқ. Әлихан Бөкейханның ұйғарымы бойынша: «Қазақтың байырғы жерін қашан қазақтар өз бетінше ғылым мен техникаға сүйеніп толық игермейінше, жер жекеменшікке де, қоныстанушыларға да берілмейді». Яғни, жер - Отан, aл Отанды сатуға да, жеке меншікке айналдыруға да болмайды.
Ал қазір биліктің жерге байланысты ұстанымы қандай?
Үкімет 2000 жылдан бері «жерді шет елдіктерге жалға береміз» деп жанығып жүр емес пе? Жер сатылмайды дем корольіміз кесіп айтқанымен шетінен жеріміз мұжылып жатыр. Оған кешегі Көптоғайдағы келеңсіздіктер куә! Путекең бастаған шовинистер Қырымның шипасы бітсін, содан кейінгі ісім Қазақстанмен, Солтүстік наш, наш деп екі қолын түкіріктеп те отырған шығар, бәлкім Алла сақтасын
«Жер жекеменшікке де, қоныстанушыларға да берілмейді» деп айтқан Алаш орда Үкіметі тәуелсіз бе, жоқ әлде қазіргі біздің Қазақстан ба?
Екінші ұстаным: жердің астындағы, үстіндегі, аспанындағы барлық игілік қазақ мемлекетіне қызмет етуі керек. Ә.Бөкейханның айтуынша: «Оның әрбір түйір тасы әр қазақтың өңіріне түйме болып қадалу керек» болатын.
Қазіргі кезде Менделеев кестесіндегі байлық сіз бен бізге бұйырып отыр ма? Неге Тәуелсіздігіне 30 жыл болған бүгінгі билік «Әрбір түйір тас әр қазақтың өңіріне түйме болып қадалуы керек» деп айтып, тап солай саясат жүргізбейді? Батыс пен Орталық Қазақстан орыс пен қытайдың, қала берді ағылшын мен арабтың меншігінде! Ал енді, Кім тәуелсіз? Алаш орда ма, жоқ әлде қазіргі Қазақ елі ме?
Үшінші ұстаным: Ә.Бөкейханның жобасы бойынша, «Қазақтың жерінде өндірілген «бір уыс жүн сол мемлекеттің азаматтарының үстіне тоқыма болып киілуі керек, яғни, толықтай экономикалық тәуелсіздік пен бірлікке қол жеткізуге ұмтылуы тиіс.
Қазір біз өзімізді экономикалық тұрғыдан толық тәуелсізбіз деп айта аламыз ба? Үкімет жыл сайын Қытай мен өзге де елдерден қарыз алып жатқан кезде бұлай айта алмасымыз анық.
Төртінші ұстаным: қазақ мемлекетінде мемлекет құрушы ұлттың тіл, дін, діл үстемдігі болуы керек, яғни, Халел Досмұхамедұлының пайымдауына жүгінсек, «ұлттық мәдениет үстемдігі сақталуы» тиіс болатын. Алаш арыстары «Тіл үстемдігі болуы керек» десе, біздің билік әлі күнге дейін Кремьлге жалтақтап, Ата заңдағы Тіл туралы заңның 7-бабының 2-тармағын алып тастай алмай отыр. Аталған тармақта «Орыс тілі қазақ тілімен тең қолданылады» деп жазылған болатын. Сіздің ойыңызша кім тәуелсіз? Алаш орда үкіметі ме, жоқ әлде қазіргі билік пе?
Дін туралы да көп нәрсе айтуға болады. Отыз жыл бойы көпдінділікті насихаттап келдік. Ал Парсы патшасы Дари «Мемлекет баянды болуы үшін тіл және дін үстемдігі болуы керек» деп айтқан екен. Бұл
Бесінші, түпкі мақсат: тәуелсіз ғылымға, ұлттық салт-дәстүрге негізделген заңға сүйене отырып, Жапонияның үлгісіндегі ұлттық-демократиялық мемлекет құру еді. Егер біз 1920 жылы Тәуелсіздігімізден айырылып қалмағанда Жапония, ең кем дегенде Оңтүстік Корея сияқты дамыған мемлекетке айналар едік. Аталған елдерде жер асты байлығы мүлде жоқ деуге келеді. Ал біздің елде Менделеев кестесіндегі барлық қазба байлықтары бар.
Марқұм Шерағамның сөзімен айтсақ: алтын сандықтык үстінде жалаңбұт отырған мемлекетпіз, от тілді Оразалы ақынның тілімен түйіндесек: аспаннан киіз жауса да ұлтараққа жарымаған халықпыз.
Кеңес үкіметінің Қылышынан қан тамып тұрған шағында, ешкімге жалтақтамай ұлттық идеология мен реформаны қалыптастыру үшін маңдай терін тамызын, қызыл қанын ағызып кеткен алыш арыстарына бас ұрамын, оларды сағынамын. Бейбіт заманның көгінде сондай аптал азаматтар қырандай қалықтағанда ғой шіркін, бәлкім біз қорқақ қояндай бүгежектеп, жетім қозыдай маңырап отырмас едік ау. Бір кем дүниеее
Бағжан Бақбергенұлы