Рет қаралды 3,111
كواليس مفاجأة لمسلسل أم كلثوم.. المنتج رشح نجلاء فتحي وميرفت أمين لدور الست ولكن هذا ما حدث
من الكواليس الممنوعة لمسلسل أم كلثوم نبيلة عبيد وإلهام شاهين اتخانقوا خناقة بلدي على مين فيهم تعمل دور أم كلثوم، وأول ما عملته صابرين اتحدوا عليها وخلوها تعدي النجوم في عز الضهر.......... تبدأ الحكاية لما كلم المخرج يحيي العلمي رئيس قطاع الإنتاج الفنانة إلهام شاهين وقالها: انتي ليكي عندي مفاجأة دور عمرك هتبقي بطلة لمسلسل تاريخي كبير هيبقى عن أم كلثوم و أنتي هتعمل دور الست، إلهام شاهين لما سمعت كده انبسطت جدا ووافقت فورا على الدور، لكن يحيى العلمي طلب منها تيجي تمضي العقد، لكنها قالت له: أنا مسافرة لكن اعتبرني خلاص مضيت العقد أنا كلمتي واحدة.
وتاني يوم إلهام شاهين بدأت تحضر للمسلسل وتجمع كل شرايط حفلات أم كلثوم وتتفرج عليها كويس جدا وتقلد حركاتها و طريقتها في الكلام، لكن في يوم كانت إلهام شاهين بتقرأ الجورنال ولقيت حوار لنبيلة عبيد بتقول فيه انها خلاص وقعت مسلسل أم كلثوم وهي اللي هتعمل البطولة ودور أم كلثوم.
إلهام شاهين وقتها اتجننت وفورا كلمت يحيي العلمي لكنه مردش فراحت كلمت مخرجة المسلسل إنعام محمد علي وقالت لها: أنا عايز أعرف دلوقتي هو كلام نبيلة عبيد صح ولا ايه، إنعام محمد علي معرفتش ترد، إلهام شاهين تنرفزت أكتر وقالت لها: يا إنعام اتكلمي نبيلة عبيد البطلة ولا؟، وفعلا إنعام اتكلمت وقالت: ده ضغوط انتاجية وهم اللي ضغطوا أن نبيلة عبيد تيجي وتبقى أم كلثوم.
إلهام شاهين فورا قفلت السكة وراحت كلمت نبيلة عبيد، وأول ما ردت نبيلة عبيد لقيت إلهام شاهين بتقولها: ينفع كده تاخدي مسلسل أم كلثوم مني ده أصول المهنة، نبيلة عبيد أول ما سمعت الكلام ده اتنرفزت وقالت حاجة إلهام شاهين متوقعتهاش.
#الهام_شاهين
#نبيلة_عبيد
#ام_كلثوم
#صابرين