كيف استغلت تركيا حرب روسيا واوكرانيا

حلقات مقترحة
نهاية الحرب
• ألمانيا تتدخل لإنهاء ح...
هزيمة بوتن
• فضيحة بوتن بعد ضرب قاع...
أوروبا عطشانه
• جفاف أنهار أوروبا وغرق...
خيانة الزعيم
• تجنيد زعيم كوريا الشما...
تفكيك الاتحاد الأوروبى
• فرنسا تغادر الاتحاد ال...
اليومين اللى فاتو.. أوكرانيا طلبت من تركيا طلب رعب روسيا.. حرفيا رعب روسيا.. لدرجة ان وزير الدفاع الروسي بنفسه.. طلع رمى كلمتين على تركيا فيما معناه ان اللى بتعمليه مع اوكرانيا ده بيهدد روسيا بشكل مباشر ومفيهوش هزار..
واللى حصل بالظبط ان تركيا بتزود الجيش الأوكرانى بالطيارات التركية بيرقدار تى بى تو.. واللى هى طيارات بدون طيار.. لكن مش دى المشكلة.. المشكلة ان أوكرانيا طلبت من تركيا يعدلو الطيارة بحيث تقدر تشيل أنظمة رش.. تقولى رش ايه؟.. أقولك رش ميه.. تقولى طيب وايه اللى يرعب روسيا من المايه؟.. أقولك لأن روسيا عارفه ومتأكده ان أوكرانيا مش هترشها بالمايه.. روسيا عارفه ومتأكده ان أنظمة الرش دى لو ركبت فى الطيارات التركية.. مش هترش غير مواد كيماوية.. وده معناه ان أوكرانيا عاوزه تستخدم أسلحة بيولوجيه فى الحرب.. وهنا سيدى المواطن مش روسيا بس اللى المفروض تخاف.. دى أوروبا كلها المفروض تخاف.. ليه؟.. لأن الأسلحة دى لو خرجت عن السيطرة هتوصل لأوروبا كلها.. خصوصا وان روسيا لو اتعرضت فعليا للضرب بأسلحة بيولوجية مش هتسكت.. مش هتقف تتفرج.. وأكيد هترد هى كمان بأسلحة بيولوجية ونووية إن لزم الأمر.. وبالتالى حضرتك بتقدر تدرك ليه روسيا مرعوبة..
حضرتك تقولى طيب ليه روسيا مرعوبة اذا كانت تقدر ترد الضرب؟.. أقصد أقول ان اوكرانيا المفروض هى كمان تخاف من رد فعل روسيا.. أقولك أوكرانيا معندهاش حاجه تخسرها.. هى فعليا بتنضرب يوميا.. وبالتالى مش هيفرق معاها اذا كان الصاروخ اللى بينضرب عليها مليان بارود ولا مليان مواد كيماوية.. لكن روسيا لحد النهاردة شعبها عايش سلطان زمانه.. الحرب مش على أرضه أصلا.. وبالتالى حياته مستمرة بشكل طبيعى ولا كأن جيشه بيحارب.. وده معناه ان أوكرانيا لو لجأت لاستخدام الأسلحة الكيماوية.. فالأهداف هتوسع.. وضربة الكيماوى بتزعل.. خصوصا وان اوكرانيا وامريكا قدروا ينفذوا ضربات فى قلب الأراضى الروسية من بينها مثلا اغتيال بنت الفيلسوف الروسي.. واللى حكيتلك قصتها فى حلقة مصر تنقذ أوروبا..
فيقوم يخرج علينا وزير الدفاع الروسي بتصريح غريب جدا.. تصريح تقدر توصفه بإنه انهزامى.. الراجل قال علنا كده وبكل بساطه ان فى 4 أسلحة بهدلوا روسيا فى حرب اوكرانيا.. معالى الوزير انت بتقول ايه؟.. انت اللى بتقول ان روسيا اتبهدلت!.. قالك اه روسيا اتبهدلت فى حرب أوكرانيا.. صحيح ادينا اوكرانيا على دماغها ودمرنا بنيتها التحتيه ونكاد نكون احتلينا فعليا أجزاء كبيرة من أراضيها.. لكن أيوه أوكرانيا استخدمت أسلحة أمريكية وتركية بهدلتنا فى الحرب..
طيب ايه هى بالظبط الأسلحة اللى بهدلتكوا فى الحرب يا معالى الوزير؟.. قالك لو بدأنا بالسلاح الأمريكي.. فهتلاقى عندك صاروخ جافلين.. وده صاروخ تقدر تقول انه متصمم على مقاس الجيش الروسي.. يعنى ايه متصمم على مقاسه؟.. يعنى أول ما أمريكا صنعته أصلا كان علشان تواجه بيه الدبابات السوفيتية.. وفضلت أمريكا تطور فيه لحد ما بقى على حالته اللى حضرتك شايفها دلوقتى كده.. طيب ايه اللى بيميز صاروخ جافلين ده وليه مبهدل روسيا؟.. أقولك قدرته على اختراق الدبابات من فوق مش من الأجناب المدرعة.. يعنى حضرتك بتشيله على كفتك.. وتقعد على الأرض.. وتنشن وتضرب.. هو بقى فيه منظومة الكترونية بتقدر تصور الهدف وتفضل وراه لحد ما تجيبه.. لدرجة انهم بيسموه اضرب وانسى.. شوت اند فورجيت.. الخطير فيه بالنسبة للجيش الروسي.. هو انهم مهما أمنوا الدبابات بالدروع من الأجناب.. فبرده الصاروخ بيقدر يدمر الدبابة.. وده بكل بساطة لأنه بمجرد ما بيوصل للدبابه بياخد كيرف لفوق.. وبعدين ينزل عليها كأنه مضروب عليها من السما.. فيقسمها نصين..
الميزه كمان فيه ان وزنه خفيف.. أخف سلاح بين الأسلحة المضادة للدبابات.. وبالتالى مش بيحتاج لأكتر من جندى واحد علشان يستخدمه.. هو عسكرى واحد بيشيله على كتفه وينشن ويضرب من على بعد 4 آلاف متر.. بيضرب الصاروخ ويطلع يجرى.. لدرجة ان الجيش الروسي نفسه مبيلحقش يشوف مين اللى ضرب الصاروخ..
أما السلاح التانى فهو راجمة الصواريخ هيمارس.. واللى أمريكا صممتها مخصوص علشان تواجه منظومة الصواريخ الروسية S-400.. انت متخيل؟.. روسيا فضلت تتعب وتشقى علشان تصمم الـ S-400 وتطورها.. وهوب.. أمريكا تطلع لها بمنظومة هيمارس.. واللى بيوصفها خبراء السلاح بإنها أكثر الأسلحة الأمريكية تقدما فى أوكرانيا دلوقتى.. سيدى المواطن أوكرانيا دلوقتى عامله بالظبط كأنها حلبة مصارعة بين صناع السلاح فى أمريكا وروسيا.. وجيوش العالم كلها واقفه تتفرج تشوف مين فيهم الأشطر.. علشان كده كتير من خبراء السلاح بيتوقعوا ان اللى هيفوز فى الحرب دى.. هو اللى هيبيع سلاح أكتر بعد الحرب.. لأن ببساطة انتصاره فى الحرب معناه ان أسلحته هى اللى بتمتلك قدرة تدميرية أعلى..
من المصادر
bit.ly/3qbnpkw
bit.ly/3q6YVZT
bit.ly/3CVHQcQ
bit.ly/3RyUxhR
bit.ly/3Qiyf2G
bit.ly/3Ra9jfb
bit.ly/3TBo8ZX
on.wsj.com/3Rm...
bit.ly/3qbVyAO
on.wsj.com/3Ry...
on.wsj.com/3cJ...
#المواطن_سعيد #تركيا #روسيا_أوكرانيا

[@Ahmed_Said]

تفتكر تركيا هتوافق على تعديل البيرقدار ؟

[@Musa-up4ek]

لا

[@TopMovies4u]

لاء هيشتري خاطر روسيا

[@TopMovies4u]

انا متابع وعارف انا بقول ايه

[@ahmedosman535]

لا طبعا حضرتك يا استاذ سعيد لان اردوغان عارف كده كده ان روسيا هتكسب الحرب لو عمل الطيارات الاوكرانيا عايزاها هيخسر روسيا والصين لكن هيكسب امريكا والاتحاد الاوروبي وطبعا يا استاذ احنا عارفين ان امريكا ما حدش بيثق فيها زي افغانستان كده في اردوغان هيمسك العصايه من النصف لكن مش هيعمل الطيارات

[@الدسوقيابوسحر]

أكيد حسب المصلحه مصلحته مع مين ينفيذ حنفي حنفي

[@jassjassi3384]

بكل حيادية وليس تملق ..القيادة والدبلوماسية التركية اضهرت في طريقة تعاملها مع الطرفين أنها افضل دبلوماسية في العالم حاليا في وسط عالم يعاني من حماقة وبلاهة القادة على مستوى الدول الكبرى المؤثرة

[@محمدرمضان-ي8خ3ي]

اهلا بالتركى 🙄😏

[@engbadry8466]

أوفقك الرائ

[@blendalibrahim8507]

نعم اوافقك الرأي . ولكن ليس بشكل كامل ايضاً تسببت سياسة اللعب على جميع الاطراف في السنوات الاخيرة انهيار عملتها و الركود .

[@jassjassi3384]

@@blendalibrahim8507 كل دول العالم اليوم تعاني اقتصاديا وحتى يقال إن أي نهاية لحرب اوكرانيا سيسبب صدمة ما بعد الحرب ركود وكساد ما بعد الحروب لكن تركيا اليوم تتحول الى دولة عنكبوتية تمد علاقاتها مع الجميع وتفاوض الجميع وتستفاد من الكل أفلحت في فك الحصار عن الحبوب وكسب ود الإوكران والروس بنفس الوقت وهي الدولة الوحيدة التي لم تطبق الحضر الاقتصادي مع روسيا من بين دول الناتو وامريكا اليوم تغفل عن جميع تحركاتها في شمال سوريا

[@MajdiTouzni-lz7ef]

​@@محمدرمضان-ي8خ3ياهلين بالخليجي

[@waled-waled]

♥️اللهم صّلِ وسَلّمْ عَلۓِ نَبِيْنَامُحَمد ﷺ♥️ ♥️اللهم صّلِ وسَلّمْ عَلۓِ نَبِيْنَامُحَمد ﷺ♥️

[@torkilslayer9933]

والله احسن من شرح القنوات الاخباريه بألف مرة متابعك من ليبيا ❤️❤️

[@daniberhane229]

لا أرى كيف يمكننا مقارنة تركية بمصر, مع كل احترامي لعائلتنا في مصر !!!! لقد تم إحراز تقدم في اقتصاد تركيا ولكن مصر لا تزال تعيش في أزمة اقتصادية منذ عام 2014 ،،، ولأن السيسي يتسول في كل انحاء العالم لكي يخطوه بعض المال,

[@MaNsHs]

ياخي خاف الله في نفسك السيسي مايدري من وين يلاقيها من الشعب اللي مو عاجبه العجب ولا الصيام في رجب ولا من ملف ليبيا ولا من سد النهضه ولا من اسرائيل وهذا اللي يبغاه الغرب كذا اربع جبهات لمصر الله يحفظ مصر واهلها

[@حسنمحمد-و9ي2ث]

@@MaNsHs هو ايه الي بيقدمه للشعب علشان تقول انه مبيعجبوش العجب وموضع ليبيا هو الي فتحه علينا بدعمه للمجرم حفتر وسد النهضة هو الي اعطي إثيوبيا الفرمان لبنائه ومش هو برضه الي قال ان سلامة المواطن الاسرائيلي من سلامة المواطن الاسرائيلي برضه بطلوا تتردوا نفس الكلمتين الحمضانين دول بالله عليك

[@NarjesArthwi]

​@@حسنمحمد-و9ي2ثالسيسي سبب خراب مصر وهو ع>>ميل صه>>>يوني وصل للحكم بعد قت>>>ل الرئيس الشرعي

[@HassanMohamed-mj1zj]

بعض اصدقائي كان عندهم لغبطة ف بعض الامور السياسية لدرجة وصلتني اني اشك ف انتمائهم.و ولائهم ولاكن بعد مقدرت اعرفهم علي القناه دي المخ نور. والوعي زاد. وبقي فيه انتماء حقيقي بفضل الله ثم القناه. وعي شباب كتير جدا اتصلح (ديما بحس بفخر اني متابع قديم للمواطن سعيد ) اما بخصوص. تركيا ف تعديلها للطائرة قرار مستحيل بسبب تصرفاتها الاخيرة. وهي ارضاء الجميع وبما انها لا تريد الخسارة ف لا داعي ان تكون سبب رئيسي واساسي في اشعال حرب ودخول في عداء مباشر مع اي طرف + (لا يوجد اي مبالغة ف ما ذكر في اول الكلام )

[@mohamedadham4818]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

[@باسمربيع-ج6ر]

(اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَالْعَجْزِ وَالْكَسَلِ، وَالْبُخْلِ وَالْجُبْنِ، وَضَلَعِ الدَّيْنِ، وَغَلَبَةِ الرِّجَالِ)».

[@عبدالرسولمحمد-ذ5ص]

ياريت متنساش موضوع سد النهضه ومصر وصلت لحد فين مع اثيوبيا والسودان مع والا ضد اثيوبيا والاتحاد الافريقى ليه مفيش اى مشاركة منه لحل الخلاف بين الدول الثلاث

[@يوسفعبدالوهاب-ج6ك]

انت مش قولت الدنيا هتبقي زي الفل 😂😭

[@محمدرمضان-ي8خ3ي]

ده على اساس انه معاه علم الغيب 🙄😏🤨

[@batllebrawlyt3613]

ماعتقدتش انه هايعملها لانه بالطريقه دي هايكون بيدلق على النار بنزين وبيوسع الحرب وبيكبرها وهايرغم الروس على استخدام السلاح الكيماوي ودي كارثه كبيره ده اولا ، ثانيا هايحط نفسه في مكان امريكا الي بتحارب روسيا بالوكاله في اوكرانيا وبالتالي هايبقا عدو زيه زي الدول الغربيه وهايعرض نفسه لسياسةالمقاطعة الروسيه وهو مش ناقص مشاكل في اقتصاده الضايع اصلا ، ثالثا ولاهم انه هايعادي معسكر الشرق كله الي هما في تحالف مع الروس زي الصين والهند وكوريا الشمالية الي بالفعل بعتوا قوات عسكريه في اوكرانيا لمساندة الروس وبالتالي هايعاديهم كلهم وهايقطعوه

[@engbadry8466]

وبقينا اد الدنيا ومسافة السكة لسد النهضة وبقينا في حته تانية

[@AhmeIID]

@@engbadry8466 احنا بقينا فى حتة تالته او رابعه ياهندسه هههههههه يخربيته ال كان السبب

[@abdulbasetaleid896]

اتوقع الموافقة على طلب أوكرانيًا والمماطلة في تنفيذ الطلب وبالتالي يكون كسب الطرفين

[@abdullahelsayedata1357]

إجابة روعة

[@ahmedabdelsamad9187]

برافو عليه سياسي سيذكره تاريخ بلده.. إحنا على النقيض اتخدعنا من الكل.

[@TopMovies4u]

انتا اسطوره والله يا استاذ احمد بجد عاااش الله ينور متابع حضرتك من زمان اوي 😍❤️✌️✨

[@ahmedmahmud2586]

بجد من احسن القنوات الاخبارية , فكرة انك تلخص الى بيحصل فى الاسبوع فى حلقة و تربط مابينهم , من افضل القنوات فى اليوتيوب.

[@SamsungePrim]

والله رجب طيب اردوغان رجل رقم واحد ،بعيدا عن السباسة والعاطفة ،نعم رغم الانتقاذات الا انه قاد بلده الى الريادة ،حفظه الله على اخلاصه لبلده .

[@عبدالرسولمحمد-ذ5ص]

يا باشا أردوغان مع الحصان الرابح الى هو روسيا حاليا

[@عمرالخطاب-س4ص]

في نهاية الامر اردوغان شريف ونفع بلده انظر الي تركيا اليوم وانظر الي الدول العربية فرق ليل ونهار الله يصلح بلادنا الإسلامية

[@NarjesArthwi]

صحيح

[@fayzhassn8843]

تحليل رائع كالعادة رجاء عدم التأخر علينا لفديوهاتك الرائعة واعتقد ان اردوغان لن يقدم علي هذا التغيير في تسليح البيرقدار حرصا علي مصالحه مع روسيا وايضا لعدم تضرر اوروبا من رد فعل الروس علي اي حرب بيلوجية متوقعة من أوكرانيا

[@TopMovies4u]

هيشتري خاطر روسيا اكيد ✌️☢️✨❤️

[@iahmed9558]

تركيا مش هتعمل كده لهدف وحد فقط هو امن اروبا وايضا اروبا اصبحت تريد اهداء الامور بذات بعد حركه الغاز الي عمله بوتن كما يوجد ثورت في اروبا وزياده استفزاز روسيا هتكون له اثار سلبه علي اروبا كما ان امريكا لا تريد استفزاز روسيا لسعمل اسلحه نوويه وسيكون له مبرر علي فعل ذلك وشكر🥰🙂

[@mohamedmetawea5359]

صحح الاخطاء الاملائيه

[@يوسفمحمد-س7ه7ز]

احسنت 🙋🏻‍♀️

[@باسمربيع-ج6ر]

: وَلَوِ ٱتَّبَعَ ٱلْحَقُّ أَهْوَآءَهُمْ لَفَسَدَتِ ٱلسَّمَٰوَٰتُ وَٱلْأَرْضُ وَمَن فِيهِنَّ ۚ بَلْ أَتَيْنَٰهُم بِذِكْرِهِمْ فَهُمْ عَن ذِكْرِهِم مُّعْرِضُونَ

[@KM-db2hc]

عاوزين حلقات عن الاقتصاد المصري و ازاي المواطنين المصريين يقدرون يساهمون في تحسن هذا الاقتصاد

[@muhammedal-shummary6308]

اقتصاد المصري في الحضيض، مصر مديونة للبنك الدولي وصندوق النقد الدولي على ما يزيد من 194 مليار دولار يعني آكلة خراء يعني خرة بالعامية المصرية

[@mehmed13]

وقف الفساد وبناء القصور، وحل مشكلة سد النهضة

[@joadam6170]

@@mehmed13 الفساد قصدك اللي فيديوهات الاخوان في تركيا ماليه النت بيه فضايح لدرجة ان لصوص تركيا خلعوا المرشد الحرامي في لندن والمرشد الحرامي في لندن فصل لصوص تركيا؟ ولا فساد قردوخان وولاده وأجواز بناته العيال اللي عامل واحد منهم وزيرومسمي البيرقدار علي اسم التاني ومصنعها ملكه؟ ولا متعرفش يا خروفي الحبيب

[@joadam6170]

هما بس يبطلوا يضاربوا علي الدولار وهدر العيش والبنزين واللي يغلي سعر سلعة يقاطعوه! زي كل الدنيا ما بتعمل مش هينزلوا سعر السلع لما قبل حرب أوكرانيا صحيح لكن هتنزل 30% علي الأقل بس خلاص مش مطلوب معجزات يعني

[@NarjesArthwi]

​@@joadam6170الفستد سبب السيسي وهو سبب خراب البلد

[@راحتعليك-ط6ظ]

أفضل الأعمال الصلاة على محمد وآل محمد الطيبين الطاهرين وعجل الله فرجهم ياكريم. 🌹

[@karmaadam5565]

افضل محتوي سياسي ع الاطلاق استمر منهجك وموضوعيتك لا تقارن

[@hassanmabrouk9373]

تحية مغربية تحليلك من صميم الاحداث والواقع

[@aalahaalah2118]

لا أعتقد موافقة تركيا على تطوير البيرقدار حفاظاً على أمن أوروبا أولا وثانيا لانها تعتبر عداوة صريحة لروسيا واستخدام المواد الكيماوية سيستفز روسيا

[@باسمربيع-ج6ر]

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا (56) اللهم صل وسلم وبارك على سيدنا محمد وعلى اله وصحبه اجمعين

[@moatazmohamed1860]

اعظم يوتيوبر في مصر

[@FatmaAhmed-tq3sk]

جزاك الله خيرا سردك للموضوعات غاية في الروعة تسلم يارب هههههههههههه يا الله

[@hosammostafa418]

حضرتك كنت شايف ان المانيا ممكن تبقي وسيط لانهاء الحرب لكن العكس حصل زي تصريحات من مستشار المانيا بالمزيد من الأسلحة و مطالبة المجتمع الدولي علي راسه امريكا بنفس الطلب بجانب ضغط لوبي الأسلحة و لوبي المال و الشركات زي ما كتبت لك من فترة، اما تركيا متقدرش تعمل اكتر من كده...اتمني حلقة عن قضية الطالب ريجيني إذا أمكن

[@عصفورابوطالب]

الإخوان #الإرهبيين أخطر من اليهود والامريكان

[@LargestArabChannel]

مش عارف ليه حاسك ضد المواطن سعيد وضد مصر

[@hosammostafa418]

@@LargestArabChannel راجع كل كلمة انا كاتبها،و كلامي لا يحتمل معنيين...بالنسبة لتركيا اقصد انها متقدرش تقبل ضغط من امريكا في تزويد أوكرانيا بالسلاح،و مش هتقدر تعلي علينا بعد القلم اللي خدوه

[@LargestArabChannel]

@@hosammostafa418 وبالنسبه ل ريجيني

[@hosammostafa418]

@@LargestArabChannel امريكا و الغرب اساتذة في الخداع و المكر زي ما صبية تركيا اتعلمو منهم...كبار دول اوروبا قبل الحرب كانو بيصبحو علينا بموضوع حقوق الإنسان،منين مصر بلد وحشة و منين انها بقت واحة للاستقرار و واجب التعاون معاها خصوصاً الغاز!،الاخ ريجيني و الله اعلم كان جاسوس للانجليز بحكم دراسته في انجلترا و تحت ستار التخصص اللي كان بيدرسه يعني كان عايز يشحن الطبقة اللي ملهاش في السياسة و المتواضعة فكرياً من المجتمع انهم ينقلبو علي الدولة ايام التحديات الصعبة اللي كانت موجودة في مصر بعد ما فشلوا في تعاطف الشعب مع الإخوان..لو المواطن سعيد يعمل عنه حلقة اكيد هتكون حلقة مميزة

[@Gggggggg-ux6dn]

صلو على النبي عليه الف صلاه وسلام

[@abdelkadersaber3164]

ياريت يا استاذ سعيد تعمل حلقة عن الهجرة وليه المصريين بيفكروا يسافروا كتير الايام دى وايه انسب حلول الاستقرار فى مصر شكرا

[@براقحيدرة]

تسلم انت وتحليلاتك استمر اكثر شي نريد تتكلم فيه حرب غزه وروسيا

[@عبدالله-خ6ض8خ]

اعتقد إن تركيا ممكن تعدلها بطريقة بسيطة تجعل القوات الاوكرانية تقدر تعدلها بسهولة بعد كدا و اوكرانيا بنفسها تضيف الأنظمة الرش يعني تركيا تخلي الطيارة قابلة لإضافة انظمة الرش اتمني حلقة عن الدولة العميقة ... و شكرا لحضرتك

[@smartwatchtunisie9358]

تركيا حليفة لروسيا ولو كانت تريد ان تنتصر اوكرانيا لكانت ادخلت اكنجي لانها يمكنها الوصول لموسكو بكل سهولة وبدون رصدها من انظمة الرادرات نظرا لتكنولوجيا الحرب الالكترونية الي تتمتع بها

[@ashrafhmday344]

حضرتك شرحك ممتاز وصادق ف كلامك بس عايزين حلقه عن القروض وموضوع بيع ديون مصر وبيع الاصول المصرية لدول الخليج مقابل الديون الكلام كتير لو الكلام ده صح يعني احن كده داخلين على احتلال اداري واقتصادي بعد اذن حضرتك اتكلم ف الموضوع ده

[@bassammo1800]

أولا الحلقة رائعة زي كل حلقة فاتت ❤❤ ثانيا ياريت بعد اذن حضرتك تعمل حلقة عن الأمن السيبراني والذكاء الاصطناعي 😊

[@الأسدالغائب-ح4ط]

يامحترم إحنا عايزينك تعمل حلقة كاملة عن مصنع الرقائق مصنع الرقائق مصنع الرقائق إللى زى مصنع تايوان إنتاج ١١٠ مليار دولار أمريكي فورااااااااااا فى السنه الواحدة ٣٠ ضعف قناة السويس فى سنه واحدة

[@yousabmalak8258]

عاوزين حلقه عن الجيش المصري و ليه كل الفلوس الي بتدفع علي الجيش ديه

[@hassansalh2716]

الجيش دلوقتى اهم عنصر في الدوله حضرتك حاليا في وقت لازم يكون معاك جيش لو مصرفتش عليه هتكون فريسه لباقي الدول

[@القناص-ط1غ]

‏تنفّسْ ب لا إله إلا الله وعاتبْ نفسكَ بـ استغفر الله وتألّمْ بـ الحمد لله وتعجّبْ بـ سبحان الله وافرحْ بالصلاة على رسول الله واحزنْ بـ إنّا لله وانا إليه راجعون واكسرْ سُمَّ عينكَ بـ ما شاء الله تبارك الله وابدأْ بـ بسم الله واختمْ بـ الحمد لله...........

[@hanyelatar1659]

ياحمد والنبي اتكلم عن الشأن المصري وياريت تتكلم عن ازاي نتعامل معا وعن تاثيرو عن المدا البعيد

[@باسمربيع-ج6ر]

وَأَعِدُّوا لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِن دُونِهِمْ لَا تَعْلَمُونَهُمُ اللَّهُ يَعْلَمُهُمْ ۚ وَمَا تُنفِقُوا مِن شَيْءٍ فِي سَبِيلِ اللَّهِ يُوَفَّ إِلَيْكُمْ وَأَنتُمْ لَا تُظْلَمُونَ (60)

[@legantesjoe108]

اقتراح/حضرتك ممكن تعمل حلقه عن / ليه الدول العربيه متعملش تحلف اقتصادى ذى الاتحاد الاربى ويكون بعمله واحده حلقه عن سلاح الجو المصرى حاليا عن جميع الاسلحه الحديثه الموجوده

[@ياسينالمطرفي]

الدكتور عبد الوهاب المسيري من اعظم المفكرين ولكن لم اجد كثير من الناس تتكلم عنه اتمنى منكم تخصيص حلقه عنه وشكرا اخوكم من السعوديه

[@mmcmmc9635]

الحرب بين روسيا واوكرانيا جت على الطبطاب لتركيا طبعا استغلت موضوع القمح وتفتيش السفن المحمله بالقمح / عامله حمامه سلام بين الاطراف وتكسب بونط فى الاتحاد الاوربى / بيع اسلحه زى ما حضرتك بتقول الطائرات بدون طيار /كمان معلومه على الماشئ تركيا تسعى للاشراف على محطه زابورنجييا النوويه والان تسعى لجلوس الطرفين

[@AhmedIbrahim-uo7po]

يريت تعمل حلقة عن الاقتصاد المصري

[@mahmoudosamashapl7340]

حلقة جميلة جدا وممتعة جدا من اول ثانية لاخر ثانية شكرا ع محتواك اللي متغيرش وكمان شكرا لامانة الاسلوب والنقل وتوصيل المعلومة ❤️ بس ممكن تبقي فيه حلقة ع مدي تطور العلاقة بين تركيا ومصر يعني مثلا الامارات وتركيا والسعودية حصلت زيارات عكس مصر ؟!

[@faresadel2083]

kzbin.info/www/bejne/moW8dIifp6tpgqs

[@smartwatchtunisie9358]

السعودية لوحدها اشترت درونات تركية بقيمة تخطت ال 3 مليارات دولارات وهذا الرقم الي اعلنو عنه وفي اخبار بتقول ان حجم الصفقة تخطى 7 مليارات دولارت وهاذي اكبر صفقة في تاريخ تصدير السلاح التركية بل اكبر من صادرات السلاح الصيني لسنتين واكبر من صادرات كل دول العالم من الدرونات...

[@dzpaname8894]

تحيا الجزائر و تحيا مصر و كل الامة العربية و الإسلامية نحن مع بعض ✊👋

[@MohamedRamadan-rj7np]

ياريت لو ممكن تعملنا حلقة عن كوريا الشمالية وصناعتها وتأقلم المواطن الكوري علي الحياة في بلدهم اللي احنا شايفينها ديكتادورية

[@tarekreda1262]

ايه اللي هتستفاده من تجربة كلها إعدامات ده بيحكم حيوانات مش بني ادمين

[@مرئياللجميع-ث4ذ]

طالما تركيا مستفيدة تجاريا ستقوم بتنفيذ متطلبات أوكرانيا من تحت الطاولة وبعدها تقوم بالإعلان بشكل عام عن تهريب طائرات بدون طيارة معدلة إلى أوكرانيا لكسب ود الدب الروسي التاريخ العثماني يشهد لشدة ذكاء الأتراك في السلم و الحروب، والله اعلم.

[@salahsamaha]

من بداية الحرب إلى الآن الأمور تتصاعد ومفيش طرف عايز يرجع او يتنازل عن مطالبه للطرف التاني والدول المستفيدة من الصراع من مصلحتها اطالت أمد الحرب ومن ضمن الدول دى تركيا 🇹🇷 علشان كده تركيا هتعدل الطيارة لو موافق معي في الرئي أعمل لايك 👍💪

[@محمدشعبان-ر1ي8د]

السلام عليكم ورحمه الله غ ازيك يا حاج المواطن سعيد الموضوع هو انى احبك ف الله وربنا يوفقك

[@mahmoudrabieua2876]

نفسي تتكلم عن فكرة انشاء النادي الأهلي و ازاي قدر يقتحم مجال الأندية الرياضية و الإجتماعية في ظل هيمنة الأجانب على الأندية في ذلك الوقت ... وشكرا

[@ahmedfathy6775]

اللهم لا تتوفنى الا وانت راض عني

[@Pharmacolo]

حلقه جميله جدا استاذ سعيد بكل تاكيد تركيا هتوافق لان زي ماحضرتك قولت تركيا بتراضي الدولتين ف مش هتيجي علي دي يعني واهو كله بثمنه

[@khaledhussein4366]

لن يجرؤ على تنفيذ هذا التعديل المطلوب ...........الحماقه و المخاطرة لها حدود سيدى ..............تحياتى

[@halamahrus792]

أظن أن أردوغان مش بالغباء انه يوافق على طلب اوكرانيا لان الأضرار هتشمل الكل

[@azzakhalil7322]

حسبي الله ونعم الوكيل فيهم من يشعلون الفتن والحروب والخراب والدمار في كل مكان لتحقيق مكاسب من بيع السلاح ولا يفرق معاهم خراب البلاد وضياع العباد بين مشرد أو مقتول ...هذه تجارة الموت والمسفيد الوحيد مصانع السلاح

[@mostafaelrawy_2001]

تحياتي لك استاذ احمد سعيد ونتمني حلقات عن تاريخ الصراع العربي الإسرائيلي وقضية فلسطين..🇪🇬❤🇪🇬

[@fatmaelsayed5544]

اكبر خازوق اتعمل لمصر حرب مع إسرائيل مفيش دولة إسلامية وعربية تداخلت فهلايا ودفعت شهداء وفلوس واقتصاد مثلنا الكل يعمل مظاهرات يحرق العلم ويرجع بيتهم ما الثمن دفعناة من أرواح ولادنا وافتصادنا

[@עומאראבועדרה]

🤣مبلاش يا حبيبي😅😅 عشان الموضوع بيخزي🥺

[@mostafaelrawy_2001]

@@עומאראבועדרה بلاش ليه يا فلسطيني...انت فاكر اني بطلب منه اللي في خيالك المريض...انا بطلب منه يتكلم التاريخ الحقيقي لخيانة شعب فلسطين للقضية ...عارف ايه الدليل ...الدليل انك فلسطيني وكاتب اسمك عبري يعني جواز سفر إسرائيلي

[@nesreenhelmy2524]

اتمني حلقه عن ايطاليا واقتصادها واستعماراتها ف ليبيا والهجوم ضدها زي حلقات فرنسا ف افريقيا كده .. الحقيقه لما درست اللغه الايطاليه اكتشفت ان الحضاره والتاريخ الايطالي ده مواويل

[@Mohamed-lb4wn]

معلش بس لو سمحت اتكلم عن القروض ال احنا غرقانين فيها. وبتتصرف في ايه . احنا بناخد قروض قصيرة الاجل علشان نحطها في مشروعات طويلة الأجل ، اتكلم يا استاذ احمد ده لو تقدر يعني

[@engbadry8466]

اطمن مش هيقدر واتحداه

[@masonlux1444]

انت جيت لشخص مطبلاتي درجه اولي مش هيقدر يعمل اللي بتقول عليه

[@amiraelbahy8729]

دة انت معاك دكتوراة فى سرد الاحداث ما شاء الله الله اكبر عليك وهمى مسلى اوووى ما يتشبعش منك ابدااا ♥️♥️♥️♥️♥️♥️🌹🌹🌹🌹🌹🌹

[@ahmedgazar5612]

لو سمحت يا استاذ احمد اتكلم عن الأنترنت الغير محدود اللي مصر مش موفراه

[@قناةالزواجالإسلاميوشريكالحياةم]

اللهم من نام على ضيق فايقظة على فرج ومن نام على مرض فايقظة على شفاء ومن نام على حزن فايقظة على فرح يارب العالمين وإياكم يارب

[@mostafasaeed364]

استاذ احمد السؤال ازاى احنا كمصريين نتحدى تركيا وهى تمتلك تكنولوجيا عسكرية عالية السؤال التانى هى روسيا تانى اكبر قوة فى العالم ازاى متبهدلة كده واضح انها ضعيفة جدا واحنا كاعرب مخدوعيين فى القوة ديه

[@fatmaelsayed5544]

ايضا كانت في عهد محمد علي كانت قوية وانهزمت من الجيش المصري اولا روسيا ساعدتها بجيش وسفنها وتراجع الجيش المصري وعما مش هي التي تملك تكنولوجيا اوربا تركيا عضوا في الناتوا لموقعها

[@fatmaelsayed5544]

امريكا كانت اقوي الجيوش وتمتلك أسلحة وتكنولوجيا ما حرب العصابات مثل مافعل طالبان استنزاف يعني مفيش اي جيش يقدر يصد

[@عليالصرخي-س7ع]

انت محلل كبير ياأحمد يا كبير الله يبارك فيك أخوكم ابو زينب من العراق

[@abdelazizkiwan133]

فى النقطة دي بالذات مش هيوافق على فكرة تطوير الطائرة لاستعمال الاسلحة الكيماوية لأن ده لن تقبل به روسيا

[@mahmoud16sep]

شكرا لحضرتك علي المحتوي المميز دائما واتمني يكون فيه حلقة عن المجهود الحربي وابرز المساهمين والمتبرعين ودور الفنانين وغيرهم ... شكرا لحضرتك

[@khaledhisham1070]

ما تاخد دقيقة من وقتك ‏- سُبحان الله ‏- الحمدلله ‏- لا إله إلا الله ‏- اللهُ أكبر ‏- سُبحان الله و بحمدهِ ‏- سُبحان الله العظيم ‏- استغفر الله و أتوبُ إليه ‏- لا حول و لا قوة إلا بالله ‏- اللهم صلِ وسلم على نبينا محمد ‏- لا إله إلا الله محمد رسول الله

[@hmadadaes7811]

‏أنت مية مية يا معلم أنا بريدك لما تحكي عن روسيا الحرب أوكرانيا👍🏻👍🏻👍🏻

[@tarekkatab771]

اتكلم عن موضوع جزيرة بولاق

[@andrewadell9995]

ياريت تتكلم عن حصاد ال ٨ سنوات للرئيس السيسى انا متأكد انك هتوصل المعلومه بأحترافيه

[@adhamelansary4202]

تحية طيبة و كبيرة جدا على قيمة معلوماتك السياسية 👍👍👍👍💪💪💪💪💪

[@mahmoudhamdy6721]

نموذج مشرف للشباب المصرى ربنا يوفقك

[@hodaemara8366]

شكرا يا فندم على مجهودك فى إعداد الحلقه

[@محمدأمين-ف1ج]

أنت أستاذ بأتم معنى الكلمة بسم الله تبارك الرحمآن ♥️✌️🇩🇿

[@mahmoudalham2185]

استاذ احمد ارجوك انا بحبك وبحب طريقة عرضك للمحتوه بتاعك بس أحنا كمتابعين ليك عيزين نهتم بمصر اقتصاديًا ونعرف الشعب المصري مصر بتعمل ايه ووصلة فين ارجوك حضرة الواطن سعيد

[@القناص-ط1غ]

اذكروالله ذكرا كثيرا

[@نوروعمر-و3ف]

كل الاحترام ليك وفريق العمل

[@nasseralmasri4586]

تركيا مش هتعدل تركيا هتفضل محايدة ❤️

[@mohamedgaber7939]

أنا بشكر حضرتك لأنك بتوصل المعلومه كويس جدا كنت عاوز حضرتك تكلم عن موضوعين البطل إبراهيم الرفاعي وكان ف ايام حسني مبارك كانت إسرائيل احتجزت سفينة مصريه والقوات المصرية حرارته وخلصت ع كل الجنود الإسرائيلين

[@hewidaelshentnawy6247]

الى زيك بالبراعة ديه مكانهم وسائل الاعلام ومحطات التلفزيون الكبيره انتم الاعلاميين الحقيقين تحياتى

[@amiresoultane7316]

السلام عليكم و رحمة الله و بركاته / أولا أريد أن اهنىء صاحب القناة على المحتوى المتميز الذي يتحفنا به في كل حلقة و تحليله لكل شاردة وواردة و بارك الله فيه على الجهد المبذول لتنويرنا و رفع بعض اللبس هنا ، حسب رايي المتواضع و انطلاقا من المقولة الشهيرة ( الكل او الجميع يعلم متى ستبدأ الحرب ، لكن لا أحد يعلم متى و كيف ستنتهي الحرب ، هذا لانها تخضع لمتغيرات و تقلبات الميدان ، و تغير الاستراتيجيات بتغير المعطيات على الارض ، العسكرية و السياسية و الاقتصادية ، و بما ان السياسة و الإقتصاد من معطيات الحرب ، و السياسة في النهاية لا تتكلم الا لغة المصالح ، تركيا ستبحث عن مصلحتها في النهاية و هي ايضا يهمها ان لا تكون روسيا قوية تهدد مصالحها و يهمها ايضا ان لا تبقى اوروبا قوية ايضا ، من مصلحتها ايضا تصب في اضعاف الجميع و ليس تقوية طرف على حساب طرف و أظن انها ستاخذ الطلب الاكراني بعين الاعتبار و تعديل الطائرات بما يتناسب و الطلب الاكراني نعم ، خاصة و إن رجب اردغان يبحث عن تقوية اقتصاد تركيا و تنويع مصادر دخله قبل الانتخابات المقبلة / تحياتي

[@mohamedibrhaim6556]

دائما مختلف عن الجميع

[@omarkhald1851]

اردوغان ازكي من أنه يزعل روسيا هو فعلا زي ما حضرتك قولت بيتبع سياسة إرضاء الجميع لأن حاليا كل دولة بتحاول تستجمع قواها لكن لو من مصلحته تعديل الطائرات المسيرة اكيد هيوصل لحل دبلوماسي يعملها بدون ما يزعل روسيا في نفس الوقت يرضي اوكرانيا

[@القناص-ط1غ]

اذا مررتم من هنا يامؤمنيين اذكرو الله ذكرا كثيرا وصلو وسلمو على سيدنا محمد صل الله عليه وسلم ‏تنفّسْ ب لا إله إلا الله وعاتبْ نفسكَ بـ استغفر الله وتألّمْ بـ الحمد لله وتعجّبْ بـ سبحان الله وافرحْ بالصلاة على رسول الله واحزنْ بـ إنّا لله وانا إليه راجعون واكسرْ سُمَّ عينكَ بـ ما شاء الله تبارك الله وابدأْ بـ بسم الله واختمْ بـ الحمد لله...........

[@nasserghonim4930]

اكيد طبعا هتوافق طالما أن هذا الامر لا يتعارض مع مصالحها مع روسيا

[@ommay-t6m]

اللهم صلي وسلم وبارك على سيدنا محمد وعلى آله وصحبه أجمعين

[@فاديدعار-ت1ث]

كل الحب والحترام ❤❤

[@tahermessaadi2873]

حلقة قمة👍👏

[@ilyassilyass5922]

تحليل رائع تحليل رائع

[@mustafamahmood527]

يامواطن سعيد احييك متابعك من العراق . ممكن حلقة عن القطب الشمالي وزوال الثلج فيه بسبب الحرب الاقتصادية بين روسيا والصين واميركا .

[@ساميمحمد-غ2ب]

نشكرك على ادائك الممتاز ومعرفتنا عن تركيا ذو وجهين فى تعاملها مع الدول ليس لها اى مبدأ غير تابع فقط لامريكا وربنا يحفظ الشقيقه السعوديه العظمى ومصر عارفه كويس بتتعامل مع مين بالظبط لان مصر قيادتها حكيمه ونتمنى لروسيا النجاح لأنها بتتعامل مع واحد لا ضمير له وهو زيلنيسكى ممكن يحرق الشعوب ويبكى بالدموع نيرون الحرب و هو صهيوني مخضرم وليس له مبدأ فى الحياة الا الحرب والدمار وربنا يحفظ قائدنا الرئيس السيسى وربنا ينصرة وربنا يحفظ جيشنا العظيم وربنا ينصرة رغم أنف الأعداء وربنا يحفظ بلدنا مصر ودايما قويه يامصر ونشكر الاستاذ الكبير احمد سعيد ونشكر القناة

[@حسينفرغلى-ل5د]

هههههههههههه حلوة التعريضة ديه

[@ساميمحمد-غ2ب]

@@حسينفرغلى-ل5د دايما اسلوبكم هابط وردئ يمكر ويمكرون والله خير الماكرين ونشكر القناة

[@mossa1904]

الهجرة يا احمد اتكلم عن الهجرة وعن الشروط التعجيزية على المصريين لغرض السفر والهجرة لأكثر ثلاث دول استقطاب الكفاءات العلمية المتميزة أنا حاسس أننا مبقاش لنا اى كرامه أو أهمية بره أنا لكن انت طلبت مننا اللى عنده موضوع شاغله وحابب تتكلم فيه بصراحه لانك حقيقي بتضيف لنا الكثير والكثير مما كنا نجهله

[@القناص-ط1غ]

صلو على رسول الله

[@חמדיעותמאן]

عنجد كل الاحترام كنت بنتظر الحلقه بفارغ الصبر اكمل ونورنا بالعلم

[@amanygamal4464]

تحيا مصر 🇪🇬

[@MrShaya151]

اشكرك على ما قدمته رغم عندي بعض الملاحظات البسيطه مثل غاز البحر الابيض يقع في المياه الدوليه وخلافات الدول المطله عليه.... ...... اما بخصوص ان اعتراض وزير الدفاع الروسي على تركيا بخصوص البيرقدار ليس بسبب تزويدها بمرشات مياه كما ذكرت مع احترامي الشديد لحضىتك اخ سعيد انما السبب الحقيقي هو بسبب صواريخ تركيه حديثه يصل مداها الى 100كم وتكون قادره على ضرب القرم والعمق الروسي وهذا سبب قلق روسيا وطلبت روسيا من تركيا عدم بيعه لاوكرانيا وهذا خط أحمر اول مره بالتاريخ يوضع سلاح اسلامي تحت قائمة الخط الاحمر وهذا انجاز لتركيا وشكرا لك ولمتابعيك الكرام

[@mohamedmounir7242]

الله ينور عليك يا ابو سعيد

[@MohamedAli-mq1nx]

اوكرانيا لو طلبت من تركيا كمان انهم يزودو الطياره بصواريخ برؤس نوويه هتوافق. المهم الحرب تفضل مستمره علشان ده في مصلحه تركيا 🇹🇷.

[@ahmeddarwish8262]

نظرا للظروف للاقتصاديه الراهنه برجاء تكثيف عمل وزارة التضامن الاجتماعي بالتعاون مع وزارة الدفاع لحماية الأمن الاجتماعي. تحياتي لكم

[@hananadnan2870]

اتمنى ان يكون في بلدي العراق رئيس مثل اردغان يبحث عن الخير لشعبه

[@masonlux1444]

فعلا قائد عظيم والعرب بيكرهوه لانهم غيرانين منه معندهمش قائد يوصل لربع مستواه

[@الكاميكازي-ف2س]

@@masonlux1444 نكرهه لأنه تاجر دين ويعمل لبلده وليس لك او لبلدك