كيك الشاي اليومية ( كيك الحليب الساحن ) كيك الخلاط 😄 دي اسهل واحلي كيك هتجربوها بجد خطيره ❤️

مساء الفل 😍
الكيك دي تحفة فلافي وخطير وسهله اوي 😍😍
المقادير :
٤ بيضات بدرجة حراره المطبخ ، م ص فانيلا سائله او ٢ باكو فانيلا بودر ، رشه ملح ، م ك خل
٢ ونص كوب دقيق انا استخدمت دقيق كيك وانتي براحتك اي دقيق بس بجد جربوا دقيق الكيك نتايج حلوة اوي
كيس كيك شيف
كوب سكر دا سكر مظبوط بس مش مسكره اوي لو عايزين الكيك مسكر ممكن نزود نص كوب تاني 👍
نص كوب زيت ، ربع كوب زبده او سمن وممكن كل الكميه زيت بس 👍
كوب لبن ( حليب ) ساخن وبس
الطريقة :
فالخلاط هنحط البيض والفانيلا ورشه الملح والخل والسكر والزيت والزبده او السمن ونضربهم كويس حوالي دقيقتين او تلاته مهم نوصل ل خليط كريمي فاتح بعدها نكون محضرين المواد الجافه ف طبق الدقيق مع كيك شيف نقلبهم كويس 👍 بعد كدة ننزل بالخليط السائل ع المواد الجافه ونقلب براحة بمضرب سلك يدوي علشان ميكونش في اي تكتلات من الدقيق واول م الدقيق يختفي ننزل ب الحليب الساخن ونقلب براحة فالاول الخليط هيكون مقطع معانا بعد كده هيبقي خليط كيك تحفة بس نصب خليط الكيك ف صنيه مدهونه كويس زيت ومرشوش دقيق مهم نبطن الصنيه كويس ويفضل تكون الومنيوم مقاس ٢٤ نخبط الصنيه خبطتين وندخلها فرن ساخن كويس ع ١٨٠ رف أوسط هتاخد حوالي ٤٥ دقيقه او اكتر شويه ع حسب حراره الفرن انتي تابعيها لحد م تستوي ولازم نختربها بخله أسنان او عود شيش طاووق من النص خرجت نضيفه يبقي تمام نطفي الفرن ونطلعها ع البوتجاز من فوق ونسيبها لحد م تبرد تماما وناكلها بالف هنااااا حلوة اوي اوي وبتتحضر ف اقل من ٥ دقايق جربوها وقولولي ايه الاخبار ❤️❤️
ومتنسوش تعملوا لايك وشير لو الوصفة عجبتكم ❤️
#marianhabib #سهل_سريع #كيك #كيك_يومي #كيك_الخلاط #كيك_الحليب_الساخن #كيك_الشاي
#مدارس #لانش_بوكس #وصفات #وصفات_سهله