Эльмаз Бахшыш. Къыш кельди. Диляра Абибулланынъ сесинен.

Диляра Абибулланынъ сесинен.
Эльмаз Бахшыш
Къыш кельди
Акъ къалпакъ кийген дамлар,
Биналар-беяз тонлар.
Этрафкъа бакъ! Ташлагъан
Устюне беяз ёргъан.
Багъчадан къалдым айран:
Орьнекли кийген къафтан!
Беяз дагъ, беяз орман,
Голь агъарып бузлагъан...
Иште, достум, къыш кельди,
Зийнетлерин косьтерди,
Сиях булут ичинде
Къарнен сувукъ кетирди.
Elmaz Bahşış
Qış keldi
Aq qalpaq kiygen damlar,
Binalar-beyaz tonlar.
Etrafqa baq! Taşlağan
Üstüne beyaz yorğan.
Bağçadan qaldım ayran:
Örnekli kiygen qaftan!
Beyaz dağ, beyaz orman,
Göl ağarıp buzlağan...
İşte, dostum, qış keldi,
Ziynetlerin kösterdi,
Siyah bulut içinde
Qarnen suvuq ketirdi.