أطلانطا الشرطة تأمينات تكميلية تعويضات كنوبس Atlanta assurance Police DGSN

حلقة اليوم خاصة بموظفي الأمن الوطني
في الحلقة اجابات على الاسئلة المتكررة من قبيل :
شنوا هيا لحوايج اللي كتعوض عليها لأطلانطا ؟
اشنوا ندير باش نتسجل فيها ؟
شنوا لوريقات اللي ندفع ؟
شحال كتعوض أطلانطا ؟
فكرة حول السلسلة ككل :
التغطية الصحية التكميلية اللي كتوفرها سنلام ولا اطلانطا ولا زيريش ولا اكسا
الناس ديال التعليم، الشرطة، الصحة، القوات المساعدة، وزارة المالية، الفلاحة ، ...
شنوا هيا هاد التغطية ؟
شكون يقدر يتسجل فيها ؟ شحال كيقطعوا فيها ؟
شنوا لحوايج اللي كتعوضهم ؟
مواضيع مختلفة سبق طرحها :
1 - سلسلة تضم كثير من المواضيع حول علاجات الاسنان (لعمارة، قتيل العرق، ديتاغتغاج، الفيكس، الراديو بانوراميك ...)
• عند طبيب الأسنان
2 - سلسلة خاصة بالناس ديال امو تضامن (مواضيع مختلفة، تعمار لوراق، علاج الاسنان، الراديوات، العمليات، الولادة ...)
• سنلام اطلانطا تأمينات ...
3 - سلسلة حول العمليات الجراحية والتحمل وكل ما يخصها
• العمليات الجراحية
4 - سلسلة تتحدث عن الامراض المزمنة، كيفاش تقاد الملف، التعويضات 100% ايمتاش تاخذها
• الأمراض المزمنة وطويلة...
5 - سلسلة امراض العيون وتعويضاتها (الجلالة، الراديوات ديال العينين ... )
• عند طبيب العينين
6 - سلسلة التأمينات التكميلية سنلام، اطلالنطا (الشرطة، التعليم، الفلاحة، القوات المساعدة، الصحة، ...)
• سنلام اطلانطا تأمينات ...
7 - سلسلة خاصة بالطلبة وعلاقتهم بكنوبس (الاسنان، العمليات، العنوان البريدي، ...)
• الطلبة وكنوبس
8 - سلسلة حول الراديوات والاستكشافات الطبية (السكانير ، TDM ، IRM ... )
• الراديوات والاستكشافات...
9 - سلسلة حول التلاعبات الللي تحضي منهاعند الاطباء المصحات او الناس اللي كتبيع ليك الاجهزة الطبية (جهاز الادن، تلاعب INP ...)
• تلاعبات بعض الاطباء
10 - سلسلة مواضيع مختلفة حول التغطية الصحية
• مواضيع مختلفة حول التغ...
========================================================
فكرة بسيطة على شنوا الرسالة ديالي من خلال هاد المحتوى :
قناة "تعويضات كنوبس كمام" قناة متخصصة في التغطية الصحية (لامتيال) كنوبس وأيضا سنيسيس.
كنلقاو الصناديق تقتطع حصتها من المنبع، الطبيب ولا المصحة ولا المختبر كيتخلص كاش، او الحلقة الاضعف هو المنخرط اللي كيخلص رزقوا او خاصوا يتبعوا، او اذا اخطأ في شيء بسيط تضيع تعويضاته.
من هنا وواجبي كمندوب منخرطين (عن السككيين) كان لابد من التدخل من أجل تبسيط وتقريب الاجراءات من المنخرطين حتى لا يضيعوا في تعويضاتهم، ويستفيدوا لأقصى حد مم التعويضات الممكنة.
طلب للجميع، موضوع التعاضد (والتعويضات) موضوع معقد جدا، ونحتاج للتعاون جميعا من أجل توفير المعلومة وتصحيحها بما يخدمنا جميعا .
لنكن متخلقين في اختلافنا، واذا ما كان هناك ملاحظة بخصوص شيء ورد في المقاطع فمرحبا به، اقتراحاتكم، تصويباتكم، تشجيعاتكم، كلها مهمة للغاية من أجل صنع محتوى هادف ودقيق .
ملاحظة 1 : على اعتبار انني سككي فقد تجدون في بعض الأحيان حديث تفصيلي عن الخصوصية السككية، لكن هذا لا يمنع أن المعلومة عامة وتخص كل منخرطي كنوبس/كمام .
ملاحظة 2 : بمرور الوقت وبتفاعلاتكم، وتصويباتكم، وملاحظاتكم استطيع التطور اكثر، واعداد محتوى أشسع (يهم منخرطي كنوبس، امو تضامن، امو شامل، تأمينات تكميلية ...) وأكثر فائدة ودقة، لذلك أنتظر المزيد منها
ملاحظة 3 : اذا كنت تجد أن هذا المحتوى مفيد فساهم في نشره
#تعويضات_كنوبس #تعاضدية_السككيين #كنوبس #تعاضدية #اومفام #موسح #طلبة #جامعة #omfam #mutuelle #CNOPS #mpsc #MGEN #MGPAP #MGPTT #amo #AMOE #etudiant #Faculté #oncf #CHU #طبيب _داخلي #INP #INPE

[@mlyali-b3b]

وفقك الله السيد لعروسي ليتني تعرفت على قناتك من قبل ؟ أسئلة كنت بحاجة لجواب عنها والأن أعتقد أنني وجدت بعضها . معجب ومتابع ومشارك

[@CNOPS_CNSS]

مرحبا اخي

[@jadbogo658]

هدا هو المحتوى لي خاص المواطن يتفعل معه ❤

[@CNOPS_CNSS]

❤️❤️❤️

[@ahmedjnan6522]

السلام عليكم ورحمة الله . حقيقة انت تستاهل كل الشكر والتشجيع لان المواضيع التي تتطرق لها مهمة .من فظلك هل لديك فكرة عن التعريفة التي التي تتبعها كنوبس في ما يخص mgap .

[@CNOPS_CNSS]

الى كتقصد MGPAP التعريفة هيا نفسها اللي عند الناس ديال كنوبس كاملين ، يعني اي شيء قلتوا على كنوبس ينطبق عليكم كيبقا فقط الجز الخاص بالتعاضديية اللي هيا امجباب ، هنا كيكونوا تعريفات مسؤولية خاصين بالتعاضدية ، نسب قليلة او صافي ما كتفوتش 20 في لميا

[@ahmedjnan6522]

@@CNOPS_CNSS شكرا .نعم mgpap.كلما قمنا باحتجاج على ملف قالوا دلك راجع الى التعريفة. اين يمكن لنا ان نجد محتوى تلك التعريفة .

[@CNOPS_CNSS]

@@ahmedjnan6522 التعرفة يا اخي معقدة نوعا ما كاين بزااااف التعاريف او عندهم علاقة بمتغيرات اذا تبعتي الفيديوات اللي سبق حطيت غادي تلقاني دائما اذكر التعريفة الخاصة بالموضوع الذي اتحدث عنه مثلا قضية الاسنان دكرت قتيل العرق لعمارة التحياد الديتاغتغاج رجع تفرج فيهم

[@aminesaid1055]

Salam khouya ça va 3lik allah et rham lik lwalidin ana dfa3et dossier f le 9/04/2024 ou mazal maban f application chno lma3moul allah et rham lwalidin ou la 3adi ba9i l7aaaal​@@CNOPS_CNSS

[@zaydbenaddou645]

كنشكرك بزاف على هذا الفيديو..صراحة مجموعة من الأمور كنت أجهلها

[@CNOPS_CNSS]

❤️❤️❤️

[@abdessamadrguiti6222]

مشكور اخي لعروسي على المعلومات القيمة👍👍

[@CNOPS_CNSS]

على الرحب اخي

[@الشخشوخكاباييرو]

تحياااتي خوياا لعزيز ❤❤ مكرهتش تهضر لينا شوية على سنلام التكميلية الصحية لافراد القوات المساعدة وشكرااا

[@CNOPS_CNSS]

اكيد كاينة في البرنامج ، فقط كنحاول نجمع بعض المعطيات الدقيقة

[@الشخشوخكاباييرو]

@@CNOPS_CNSS شكراااا ❤️🙏

[@AbdoAbdo-cw8mb]

الله يعطيك الصحة مشكور على المجهود

[@F75Mohamed]

شكرا جزيلا على المواضيع الهادفة كل حلاقاتك مفيدة

[@CNOPS_CNSS]

بارك الله فيك

[@nisrinewac1216]

سلام بغيت نضيف حساب بنكي ديالي ل cnops كيفاش نقدر ندير محينت بغيت ندفع الملف ديالي لcnops أو فلوس تعويضات إوصلوني لحساب ديالي ​@@CNOPS_CNSS

[@mohamedellehajji6655]

كنشكروك الصديق ..على هاد المجهودات لي كدير 😊

[@CNOPS_CNSS]

الله يكبر بيك

[@aminesaid1055]

​@@CNOPS_CNSSشنو هما الوتاءق لندفع ل أتلانتا ف ولادة القيصرية الله رحم لوالدين

[@saidbelhaj-i5n]

نتمنى أن تتحدث عن التقاعد التكميلي

[@CNOPS_CNSS]

التقاعد يا اخي ملف كبيييير خاصوا تخصص لوحده عييت مع واحد الصديق باش يدخل على الموضوع او ما بغاش يا اخي على الله شي واح في الاخوة يدير هاد الخير

[@ElayadiAbderrafik]

اخي العزيز هل تعوض cnops على عملية القسطرة بالليزر في علاج مرض دوالي الساقين .

[@CNOPS_CNSS]

شوف هنا kzbin.info/www/bejne/f5C4pXywjZtripIsi=fw6CfFY8jSLLZ1MP

[@mimounemimouni2522]

جزاكم الله خيرا ووفقكم لما يحبه ويرضاه خويا لعزيز ربي يحفظكم ،ممكن افادتنا بكل جديد

[@CNOPS_CNSS]

بارك الله بك ، مرحبا

[@mohamedabdenaim1988]

شكرا اخي فديو جا فوقتو

[@CNOPS_CNSS]

❤❤❤❤❤

[@afterglopink587]

شكرا لك اخي الكثير من رجال الامن يشكرونك على هذا الفيديو و اتمنى ان تشرح لنا كيف تعمل مؤسسة محمد السادس للامن لأن فيها غموض

[@CNOPS_CNSS]

على الرحب اخي المؤسسة للأسف ما عنديش معطيات حولها ، ولكن راه ممكن ليكم بصفتكم منخرطين أنكم تسولوا على الاشياء اللي كتوفرها (كاين من خلال واحد اللقاءا صحفية سبق شفتها، ..) انحاول نبحث اذا لقيت شي حاجة مرتبطة بالقضية الصحية نشاركها معاكم

[@afterglopink587]

@@CNOPS_CNSS للأسف ليس لذينا مكلف بالتواصل إلا بعض المراسلات التي تفيد بعض الاتفاقيات التي تبرمها مع الابناك او بعض المستشفيات او شركات الاتصالات .غير ذلك لا توفر معلومات عامة

[@CNOPS_CNSS]

@@afterglopink587 للأسف اخي

[@brahimez-zayyady6667]

شكرا لك اخي على المجهودات ديالك

[@CNOPS_CNSS]

❤❤❤❤❤

[@SaidBerrahal-fr8bx]

بالنسبة التعويض عن سماعات الاذن وشكرا اخي الكريم

[@CNOPS_CNSS]

كيعطيو تعويض كيف شرحت ، شوف اللائحة في اخر الفيديوا 3000 درهم على كلا وحدة

[@ALLAL.28]

ياريت تعمل فيديو على axa القطاع الخاص وشكرا على مجهودك الكبير

[@CNOPS_CNSS]

للأسف ما عنديش الاتفاقية الى كانت عندك رسلها ليا او ممكن تبسطها او ننشرها للناس المعنيين [e-mail]

[@hmdelouali1710]

جزاك الله خيرا اخي الفاضل

[@CNOPS_CNSS]

على الرحب

[@SbaiBenissa]

الله يجازيك بخير شنو المقصود ب numero filiale و numero adhésion فتطبيق اطلنطا بالنسبة لموظفي DGSN

[@CNOPS_CNSS]

هادوا غالبا عندهم علاقة برقو العقدة مع أطلانطا غادي تتاصل ب هاد الرقم راه مخصص ليكم او غادي يعطيك المعلومات المفصلة 05 22 95 76 76 / 05 22 95 78 78

[@varieties844]

ممكن شرح متابعة ملف على تطبيق أو موقع أطلنطا سند ف espace AMC DGSN

[@CNOPS_CNSS]

ما كرهتش نديروا لكن خاصني شي حد عندوا التطبيق يعطيني نصور الامر

[@dia-vh1dt]

السلام عليكم واش لقيتي شي طريقة الله يجازيك بالخير

[@muhamadhannaoui7821]

شكراا لاكن واحد سيدة بالمصلحة ديال اطلنطا سند قالت لي يتم تعويضك جمع غير دوسي باش تستافد من زرورة ( ولادة طبيعية )

[@CNOPS_CNSS]

لا الكونطرا اللي عندي او اللي خداوها اخوان في الشرطة من اطلانطا نفسها لا تضم هذا التعويض

[@muhamadhannaoui7821]

بارك الله فيك ​@@CNOPS_CNSS

[@Med732]

شكرا جزيلا ❤

[@CNOPS_CNSS]

❤️❤️❤️

[@Med732]

​@@CNOPS_CNSS السلام عليكم اخي العزيز عندي مشكل فالتعويض عن العملية القيصريه اطلنطا حاليا ستة أشهر لم اتعوض ما رأيك اخي ؟

[@NimaNima-f4t]

جزيت عنا بالف خير

[@CNOPS_CNSS]

بارك الله فيك

[@jawadtorab3754]

بارك الله فيك

[@BahijaLamrabet-eu9gn]

شكرا لك على المعلومات

[@CNOPS_CNSS]

مرحبا

[@MustaphaMikaza]

انا خدام مع G4S سكرتي واش كاين تعويض ديال تقويم الاسنان و شحال كردو في تعويض شكرا

[@CNOPS_CNSS]

كاين التعويض للوليدات أقل من 16 سنة غير ربما نتوما عندكم سنيسيس لا ؟

[@saidafkir872]

الله يخليك بغيت نسولك شحال هو آخر أجل باش ندفع الوثائق ديال منحة الولادة الطبعية للخدمة ديالي groupe 4 التأمين أطلنطا سند.

[@CNOPS_CNSS]

صعيب يا أخي نعرف ، حيث عندك أطلانطا بصيغة اخرى ماشي هادي اللي شرحت عندك عقدة خاصة بين المشغل او بين اطلانطا غالبا غادي تكون المدة هيا 60 تل 90 يوم

[@yassinepolice2308]

يعطيك الصحة

[@CNOPS_CNSS]

على الرحب

[@ayouboulaghzalat9978]

شكرا بزاف و الله يجازيك بلخير. شحال لاقتطاع ديل اطلنطا فالشهر ؟

[@CNOPS_CNSS]

ما كتقطع والوا المؤسسة اللي كتقطع شي حاجة قليلة غالبا بين 30 و 50 درهم على حساب الدرجة

[@ayouboulaghzalat9978]

@@CNOPS_CNSS الله يرحم لوليدين

[@youssefmarocain5551]

سلام خويا الله جازيك بخير واش اطلنطا كتعوض على سكانير oct بالنسبة موظفي الأمن الوطني ؟

[@CNOPS_CNSS]

للأسف لا تعوض OCT لا تعتبره سكانير السكانيرات كتعوضهم

[@youssefmarocain5551]

@@CNOPS_CNSS بالنسبة cnops كاين شي تعويض ؟

[@aichaessamir8367]

شكرا جزيلا علي معلومات

[@CNOPS_CNSS]

على الرحب

[@nairouzjadir3505]

شكرا جزيلا على الشرح والمعلومات القيمة السؤال كم يتم احتساب قيمة منحة التقاعد او نهاية الخدمة بالنسبة للمنخرطين في التامين التكميلي اطلنطا

[@CNOPS_CNSS]

لا أعتقد أطلانطا تعطي منحة بهذا الخصوص موظفي الامن الوطني ما عرفتش اًلأا واش كيستافدوا من هاد المنح ولا لا ، حيث اللي كيعطيها هوما التعاضديات ماشي التأمينات

[@nairouzjadir3505]

@@CNOPS_CNSS الاستاذ جزيل الشكر على الرد هناك مبلغ ادخار يتسلمه الموظف عند التقاعد من طرف اطلنطنا وهناك عقدة اقتطاع يتم فيها مبلغ الاقتطاع الشهري ارجو ايفادتنا عن هذا الاجراء وكيف يتم احتساب مبلغ الادخار

[@redatazi1115]

الله بارك فيك

[@CNOPS_CNSS]

❤️❤️❤️

[@TotoYes-h4d]

السلام عليكم خويا شحال مديال المدة باش كتوفي la présence charge لي كيديروها المصحة

[@CNOPS_CNSS]

منين كتخرج كتكون صالحة شهر مكتوبة فيها

[@ihsaneihoume2903]

شكرا جزيلاً

[@CNOPS_CNSS]

على الرحب

[@SaidBerrahal-fr8bx]

خويا العزيز واش ممكن تستفد زوجة الشرطي من التعويض عند اطلنطا بخصوص سماعات الاذن مع الشكر الجزيل

[@CNOPS_CNSS]

نعم تستفيد بنفس ما شرحت

[@ayoubkarimy635]

السلام عليكم ورحمه الله وبركاته هل عملية تصحيح النظر تعوض من طرف atlantasanad جزاك الله خيرا اخي الكريم

[@CNOPS_CNSS]

تصحيح النظر بشكل عام لا يعوض لكن اذا كانت شي اطلانطا تابعة لشركة من الافضل تسول عندهم حيث ممكن تكون شي حاجة في الكونطرا او يكونوا كيعوضوا عليها

[@hakimzizou62]

أستاذ السلام عليكم ورحمة الله وبركاته الله إجازيك بالخير بغيت نعرف المدة القصوى باش إشطبو عليا من cnss من بعد ما دفعت طلب الطشطيب

[@CNOPS_CNSS]

طلب التشطيب ما عرفتش اش من صيغة جا، لكن اللي قانوني انه حتى بعد توقف الانخراط تبقى التغطية الصحية صالحة لستة اشهر يعني ممكن تكون درتي التشطيب ولكن غادي تشوف ايمتاش توقفوا الاموال ما بقاوش وصلوهم

[@hakimzizou62]

نعم أستاذ الزوجة دي الي كانت مسجلة معايا فكنوبس بحكم العمل ديالي .ملي تسجلت فأوراش دكلاراو بها ف la cnss الشي اللي خلاهم إشطبو عليها من cnopss دابا الله إجازيك بغيت نشطب عليها من la cnss أو نرجعها lcnopss شنوخسني ندير بالضبط الله إجازيك (مع العلم زوجتي حامل فهاد الفترة أو عندها الولادة فشهر ٧ إنشاء الله)٠

[@alouiabdo3723]

هل يمكن تعويظ التوأم في عملية القيصرية بي 2000درهم

[@abdelalielfarsi6728]

اخي حتى انا عندي نفس المشكل ديال الحل هو خاص حتى تفوت 6 تشهر باش تسجلات عاد غدي يتشطب علبها اوتوماتيك ويمكن ليك دفع ليها لكنوبس من جديد

[@hakimzizou62]

@@abdelalielfarsi6728 السلام عليكم أخي الكريم إلى بغيت نشطب عليها قبل ماتسالي ديك 6 أشهر واش ممكن

[@younesennassiri8760]

Salam akhi wch kyn chi whd wela igolina kifch dkhl apps khasa b atlanta dgsn bch ntb3o les dossier

[@CNOPS_CNSS]

اعتقد الامر عادي ، دخل دير تحميل للتطبيق من المتجر ، او تبع التعليمات لقيتي شي مشكل تاصل بي هاد االرقم راه مخصص ليكم ، او يساعدك 05 22 95 76 76 / 05 22 95 78 78

[@Animal_world_action]

ممكن سؤال أنا عندي CNSS وخدمت في شركة سجلوني مع Atlanta sanad شحال من شهر باش يمكن ليا نستافد من الأدوية والعلاجات

[@CNOPS_CNSS]

بالنسبة ل سنيسيس من بعد لاثة اشهر الاولى تقدر تستافد منها بالنسبة لاطلانطا سند رد لبال اللي شرحت هنا راهه خاص بي البوليشس فقط اطلانطا اللي عندك راه غالبا شروط اخرى حسب الاتفاقية مع ىمول الشركة

[@Animal_world_action]

@@CNOPS_CNSS شكرا جزيلا غالبا من 3أشهر حتى سنة هادشي لسمعت عاد يمكن نستافد

[@Hassan-s7u]

الله يرحم لي قراك

[@CNOPS_CNSS]

🙏🙏🙏

[@youssefbou9154]

من فضلكم هل الموقع الجديد ل cnops متاح لقد حاولت الدخول بدون جدوى رغم اني ثوصلت بالرمز السري المؤقت مند مدة طويلة ام انه تم الاغائه و يجب طلبه من جديد و شكرا جزيلا

[@CNOPS_CNSS]

لا لا هاداك ماشي النوقع الجديد هاداك الكارثة بكل المقاييس ، الكارثة المتحركة على ارجلها العبث صافي ، راه كلشي باقي واقف

[@hassanraji845]

من فضلك..رابط شروط التحمل للأدوية الباهضة للمرض المزمن والوثاءق اللازمة وشكرا.

[@CNOPS_CNSS]

مرحبا ، كاين هذا مقطع سبق درتوا على قضية الادوية اللي لا تعوض ولها علاقة بالمرض المزمن kzbin.info/www/bejne/qXSaYamodql4a8Usi=-_w-Nd58QVXppYXl هادي حلقة حول التحمل في الصيدليات لكن فقط اللائحة ديال 104 دواء kzbin.info/www/bejne/aYnWgYWHaNSEna8si=_9xS7wCzBbe4OFCM او كاين قضيةاخرى باقي ما درتش عليها شي موضوع هي قضية شراء الادوية الغالية التي لا علاقة لها بمرض مزمن وغير قابلة للتعويض ، هادي عندها اجراء الموافقة المسبقة قبل الشراء

[@hassanraji845]

@@CNOPS_CNSS شكرا عى مجهوداتكم..وفقكم الله

[@قناةسعيدةأمإسراء]

االسلام خويا انا معوضوش ليا فالقيصرية مشيت سولت فالمصالح قالو مبقاوش كيعوضو قالي بلا مدفعو ضوسي ليهم تا ديال الأسنان والو

[@CNOPS_CNSS]

ما كاينش هاد الهضرة ، قول ليهم يطبعوا ليك نسخة او ديها بي يدك لأطلانطا عيط لهاد النمرة راها ديال اطلانطا هي الليمكلفة بيكم ، غادي تعرف راسك بالرقم ديال العمل اوغادي السيد يجاةوبك بالتفاصيل 05 22 95 76 76 05 22 95 78 78

[@Med732]

انا كذلك عندي نفس المشكل معوضونيش و معرفتش اشنو السبب إلى حد الآن لزلت ابحث عن السبب

[@Med732]

السلام عليكم اخي العزيز عندي مشكل فالتعويض عن العملية القيصريه اطلنطا حاليا ستة أشهر لم اتعوض ما رأيك اخي ؟

[@CNOPS_CNSS]

بزااااف ، سول على راسك ممكن يكون ما عندهمش الريب ديالك، ولا ناقصة شي حاجة اتصل بهم او غادي يقولوا ليك اش كاين 05 22 95 76 76 / 05 22 95 78 78

[@Med732]

🙏​@@CNOPS_CNSS

[@hakimzizou62]

السلام عليكم ورحمة لله أستاذ الله إجازيك بغيت نسولك مراتي دخلات فأوراش أو شطبو عليها من cnops واش غادي تستافد معايا من سنلام أو لا ٠الله إجازيك بالخير

[@CNOPS_CNSS]

اه تستافد من سنلام ، الملفات الي كتعوض عليهم سنلام غادي تبقى تدير ليهم فوطوكوبي يطبعوهك ليها في سنيسيس او غادي مع الملف تزيد كشف حساب، يعني تعويض سنيسيس تضيفوا في الملف باش عليه سنلام كيحسبوا او يعوضوها

[@meriemalaoui2564]

عافاك اخي بغيت نسولك بالنسبة لعملية ازالة لحمية الرحم بالمنظار واش فيها تعويض من كنوبس و شحال التكلفة ديالها (سولت فلكلينيك مافيهاش prise en charge)

[@CNOPS_CNSS]

ما عنديش معلومة دقيقة ولكن ما دامت عملية وخصوصا انها داخلية، فهي عملية قابلة للتعويض وهذا ما يجعلها قابلة للتحمل غالبا لكلينيك ما بغاوش يديروا ليك التحمل حيث باغين يغليو عليك حاولي اولا تسولي في كلينيك اخر او قولي ليهم التحمل و اتصلي بمركز النداء كنوبس او غادي يعطيوك الثمن بالضبط 0538002020

[@foreveryone7658]

سلام عليكم اخي كيف أقوم بمتابعة ملفاتي على التطبيق كيف أقوم بفتح حساب ؟

[@CNOPS_CNSS]

ما نكذبش عليك ما عنديش شي تطبيق بين ايديا مفتوح ، ولكن راه كل التطبيقاتا تخضع لنفس القواعد انسطاليه عندك او تبع المراحل المطلوبة او غادي يتفتح عادي كان شي مشكل هذا راه رقم مخصص لموظفي الامن الوطني مع اطلانطا اتصل او غادي يساعدك 05 22 95 76 76 / 05 22 95 78 78

[@soukainahammoumi3979]

الله يخليك انا عملت ولدي photothérapie بغيت نعرف واش كتعوض

[@CNOPS_CNSS]

كيتعوض ولكن تعويض كارثي 160 درهم لليلة

[@desertfox4967]

السلام عليكم خويا ،انا شرطي بغيت الله يخليك نزل تطبيق اطلنطا سند فالاندرويد ديالي ،تيطلبو مني فالتسجيل n filiale و n d'adhésion وما عرفتش فين كاينين عندي دوك الأرقام ؟ نتمنى تساعدني خويا العزيز

[@CNOPS_CNSS]

تانا ما عنديش معلومة دقيقىة، لكن غادي نعطيك رقم المسؤول بأطلانطا عنرجال الشرطة، غادي تاصل بيه او غادي يوضح ليك الأمور بالتفصيل 05 22 95 76 76 / 05 22 95 78 78

[@Ahmedhamdy-rp9uo]

خويا العزيز واش رجال الأمن تيستافدو من منحة التقاعد نهاية ااخدمةديال كنوبس؟

[@CNOPS_CNSS]

للأسف لا ، عندهم غير واحد تأمين الوفاة

[@AmineAymane-s3u]

السلام عليكم ،مشكورين على هدا الفيديو .سؤال من فضلكم. بالنسبة لODF هل المدة القصوى ما بين أول حصة و تاريخ دفع ملف التعويض لا يجب أن تتعدى 90 يوم علما ان العلاج يستمر خلال ستة اسدس متفرقة .

[@CNOPS_CNSS]

لا التاريخ كيبدا يتحسب من نهاية ديك 6 اشهر ، يعني فاش تساليها كيعمر ليك الطبيب بالتاريخ فاش ساليتي او من تماك كيبدا لحساب

[@AmineAymane-s3u]

شكراً جزيلا

[@mohssanmouhssin4727]

سلام عندي واحد دوسي رجاع ديال سنان ودابا رجعوه ليا وطبيب مبغاش يصالحو واش ممكن نديكلاري بيه

[@CNOPS_CNSS]

علاش ما بغاش يصلحوا الديكلاراسيون هيا تضرب ليه الطر في الفيس حطوا بالاسم في لمدينة او المجموعات نبه الناس انه ات يعرف كيف يملئ الاوراق الشكاية ممكن تديرها للهيئة اللي كينتامي ليها او ديرها ايضا ل ANAM لأنه في الاتفاقية اللي موقعينها (عن طريق نقاباتهم وهيئاتهم) ملزمين بملئ اوراق المرض غادي تدي ليه هاد النص من الاتفاقية Article 11 : Facturation des honoraires Sous réserve des dispositions particulières au tiers payant, le chirurgien dentiste est appelé à mentionner sur la feuille de soins, l’intégralité de ses honoraires correspondant aux actes de diagnostic et de traitement, avec indication des actes HN. Il donne l’acquit par une signature manuscrite et cachetée pour les actes qu’il a accomplis personnellement et pour lesquels il a perçu des honoraires. Si le chirurgien dentiste dispense des actes à titre gratuit, il porte sur la feuille de soins la mention « acte gratuit ». Les informations suivantes doivent figurer sur les feuilles de soins : 􀂾 cotation et codage des actes, 􀂾 valeur des lettres clés, 􀂾 cotation des actes délivrés en dehors des heures ouvrables, des week-end et des jours fériés, 􀂾 facturation en milieu hospitalier : simple ou multiple/complexe

[@CNOPS_CNSS]

دير ليها تحميل من هنا www.cnss.ma/sites/default/files/Convent%20_%20dentistes.pdf البند 11

[@mohssanmouhssin4727]

@@CNOPS_CNSS والله رياأخي إلى داعت فدوسي 1300

[@anouaranouar1205]

بغيت ندخل نعرف واش اطلنطا عوضتني ومعرفتش كفاش ندير ندخل باش نعرف

[@CNOPS_CNSS]

عندكم واحد التطبيق شخصيا للأسف ما عنديش كيفاش نقدر نوريك حاول تاشوف الزملاء ديالك راه شي حد يوريك كيفاش تتسجل فيه

[@varieties844]

السلام عليكم اخي دفعت دوسي د زروة نهار 23/10/2024 مزال مردوش عليا ليوم 21/11/2024

[@CNOPS_CNSS]

تعطلات شوية ، حاول تتاصل بيهم او دير شكاية من الهاتف ، او قلب تا في التطبيق اذا لقيتي شي خانة دير شكاية ليهم على التأخر 05 22 95 76 76 / 05 22 95 78 78

[@varieties844]

شكرا بارك الله فيك​@@CNOPS_CNSS

[@varieties844]

​@@CNOPS_CNSSمعنديش التطبيق خاصني نمشي عندهوم

[@YounsYons-d6g]

الله يخليك .. واش أطلانطا كتعوض في الولادة الطبيعية ..

[@CNOPS_CNSS]

للأسف لا

[@azizaomrayan1767]

السلام عليكم واش atlanta sanad مكتعوضش على الاسنان للناس تاع الامن وشكرا لك

[@CNOPS_CNSS]

للأسف لاتعوض

[@SaadBaalla]

سلام عليكم كيفاش امكن ليا نبدل كنوبس إلى أتلانتا

[@CNOPS_CNSS]

ماشي كتبدل كنوبس اجبارية ما تبدلش ، او اطلانطا ما تسجل فيها الا اذا كنتي في البوليس

[@SaadBaalla]

اه بوليسي ولكن سمعت امكن تحيد كنوبس تبداها اتلانتا ​@@CNOPS_CNSS

[@abdessamadrguiti6222]

عندي سؤال واش التعويض التكميلي على النظارات الطبية (ديك 600 درهم) واش عندها علاقة غير مع لوبتيسيان بحال صحاب التعليم ؟

[@CNOPS_CNSS]

أه عندها علاقة خاص الفاتورة ديال المبصري تكون مقسمة مزيان

[@youssefmarocain5551]

مشكور

[@CNOPS_CNSS]

على الرحب

[@yassirannab1919]

كفاش كدفع اوراق لاطلنطا ؟ واش كدير فوطوكوبي لاوراق كنوبس ودفعهم؟؟

[@CNOPS_CNSS]

اه الملفات اللي كتعوضهم اطلانطا كيف شرحت في الفيدوا ، غادي تدير ليهم فوطوكوبي او تديهم للمصالح يطبعوهم ، او من بعد ترسلهم لاطلانطا

[@AbdelazizeInjaren]

واش كتكون وكالة محددة عند اطلانطا سند باش تحط فيها كوبي الملف ولا كيفاش القضية ؟؟

[@JalalJalil-o8m]

هل تعوض اطلنطا على ٢الترويض الحركي،والنطقي للأطفال جزاك الله خير

[@CNOPS_CNSS]

اه كتعوض الترويض الحركي، ديال النطق، ديال البصر او ربما تا الحس-حركي

[@JalalJalil-o8m]

@@CNOPS_CNSS شكرا استاذ

[@JalalJalil-o8m]

لم يتم تعويضي مع الأسف، وردهم كان هو Complètement d'information

[@Amrabet94]

السلام عليكم استاذ بغيت ندخل نعي زوجة ديالي فتأمين د اطلنطا شنو هما الوثائق

[@CNOPS_CNSS]

غادي تسجلها معاك أولا في المؤسسة ديال محمد السادس ، غالبا تدفع ليها في المصالح ديالكم دفع عقد الزواج وبطاقتها الوطنية وربما صورتين منين تتسجل معاك في المؤسسة ، غادي تدفع لأطلانطا عقد الزواج فقط اذا بغيت تتأكد أكثر اتصل في هاد الرقم راه خاص بيكم 05 22 95 76 76 / 05 22 95 78 78

[@medberrady9185]

خويا واش الحرفيين الخواص يمكن لهم الانخراط في اطلاطا؟؟

[@CNOPS_CNSS]

بالصيغة اللي شرحت لا ، ولكن ممكن اذا بغيتي تخلص على راسك بحال الشكل ديال الموطور ولا الطوموبيل تمشش عندهم او تولي تخلص مبلغ مالي شهري اوتدير معاهم كونطرا غير هيا غادي تلقاها غاااالية

[@SabrinWahbi]

سلام عليكم خويا واش كاين تعويض على ليباك في امو

[@CNOPS_CNSS]

اه كيتعوضوا ولكن الاطفال اقل من 16 سن ، او الملف كيتقاد بطريقة خاصة

[@aliamirkhankhan1817]

بالنسبة تعويض على اابريدج بالنسبة الاسنان واش كاين اولا

[@CNOPS_CNSS]

في اطلانطا لا كيتعوض فقط كنوبس

[@mustaphasitmi]

سلام عليكم شحال تيرجعو في العام أطلنطا سنذ بالنسبة للأسنان

[@CNOPS_CNSS]

الى المقصود ديال لشرطة راها ما كتعوضش الاسنان الا ليباغ للأطفال الى اطلانطا شي شركة خاصك تسول عندهم حيث كلا شركة او العقدة اشنوا فيها واحد الاخ ما عرفتش لمن تابع في الشركات سبق قال ليا سول قالوا ليه دايرين 2000 درهم في السنة

[@YoussefYasmine-hg4tt]

السلام عليكم ورحمة الله وبركاته أنا درت عملية جراحية على القلب و دفعت لأطلنطا و رفضو ليا و متعوضش وعيت منتصل بسياج ديال الدار البيضاء و الله ماجوبوني الله ياخد فيهم الحق

[@CNOPS_CNSS]

علاش رفضوا ليك اشنوا السبب ؟ حاول تدير شكاية لمؤسسة محمد السادس ديالكم

[@YoussefYasmine-hg4tt]

@@CNOPS_CNSS معرفتش علاش رفضوه والله العظيم لما شهرين ونا تنتصل بيهم غير باش نعرف سبب ديال الرفض مبغاوش يجوبوني

[@CNOPS_CNSS]

@@YoussefYasmine-hg4tt عليك بشكاية للمؤسسة او دير ايضا شكاية ل acaps راه هادي جهة مخولة للتدخل في التأمينات

[@YoussefYasmine-hg4tt]

@@CNOPS_CNSS شكراً جزيلا سي لعروسي الله يجازيك بالخير واليمن والبركات

[@rachidwafi5332]

خوياواش،متقاعدي،الامن،الوطني،معنيين،بالنسبةلاطلانطا؟

[@rachidwafi5332]

انتظرجوابكم،من،فضلك

[@CNOPS_CNSS]

ما عنديش جواب دقيق ولكن نحاول نقلب في الامر

[@afterglopink587]

نعم اخي معنيين باطلانط و لكن يجب وضع مبلغ سنوي بسيط لدى مصلحة الاخوية .مبلغ لا يتعدى 60درهم

[@CNOPS_CNSS]

@@afterglopink587 الله يرحم الواليدين عليها معلومة اذا كان ممكن ترسل ليا في الخاص [e-mail]

[@BassouTahla]

عفاكم بدلت الحساب البنكي ديالي كيفاش نغيرو بنسبة لكنوبس و اطلنطاسند...

[@CNOPS_CNSS]

نصيحة قبل ما تسد لقديم تسنا تا يدوز ليك شي تعويض في الجديد عند كنوبس كنوبس ولا اطلانطا ريب اصلي موقع ، نسخة من البطاقة الوطنية نسخة من بطاقة كنوبس اطلالنطا في المصالح ديالكم غادي تزيد نسخة من بطاقة محمد السادس ديالك

[@otmanioma5011]

السلام خويا بالنسبة للولادة العادية واش كاين شي تعويض من طرف أطلنطا ولا لا

[@CNOPS_CNSS]

للأسف لا

[@Yassinetsn]

الله يرحم الوالدين ممكن استفسار . بالنسبة الزوجة عندها سانلام و الزوج اطلنتا هل يمكن استفادة الاتنين من منحة الزرورة cesarienne ?? ام استفادة طرف واحد حيت سولت فواحد الوكالة اطنتا قالت باللي ما عندكش الحق و لكن جوابها غير مقنع

[@CNOPS_CNSS]

لا تستافد يا اخي ، غير خاصك تعرف كيفاش تدير لأنه حقك غادي تبدا بسنلام ديال الزوجة تدير نسخة للوثائق كاملين او تديهم مع الاصليين لسنلام ، عطيهم النسخة غادي يقارنوها مع الاصل او يردوا ليك الاصلا (في سنلام انتبه منين تشد الملف من عندك قول ليها عكطيني وصل عليه ) من بعد تاخد الملف الاصلي مع عقد ازدياد اللد وعقد الزواج من طبيعة الحال او البطائق الوطنية او دفع لأطلانطا او ما تقول ليهم لا عندي ولا ما عندي عند اطلانطا ايضا طالب بوصل الاستلام

[@Yassinetsn]

شكراا جزيلا على المعلومة وفقك الله لكل خير بارك الله فيك

[@Yassinetsn]

بالنسبة الوثائق تسلمت 2 نسخ من الكلينيك مطبوعين ب 2 حيت اخبرتهم عندي 2 تامينات قالتلي انعطيك 2 نسخ من الملف

[@abdelkrimouazahrou7595]

الوتائق كاملة اخي وشكرا ​@@Yassinetsn

[@tasjimoi]

الله يرحم الواليدين

[@CNOPS_CNSS]

واليدينا او واليديك

[@karimamaryam7674]

مكتعوضش على دوا وراديو والاشعة وتحاليل

[@CNOPS_CNSS]

لا ما كتعوضهمش ، الا اذا كان المرض مزمن عاد تعوضهم

[@chebhasni3803]

سكانير وتحليل الدم ماكتعوضش عليهم اطلنتا

[@CNOPS_CNSS]

سكانير يعوض التحاليل الى عندك مرض مزمن، ما عندكش ما تعوضش

[@chebhasni3803]

@CNOPS_CNSS سول على لقضية راه دفعت لهم سكانير قالو ليا لا كيرفضوه ماشي اول مرة كندفع

[@iNiSatTV]

تطبيق اطلنطا سند به عدة مشاكل خصوصا اليوم (20-5-2024) تم مسح جميع الملفات وإزالة كل البيانات

[@CNOPS_CNSS]

غالبا شي خطأ تقني أعتقد غادي يستنقضوا الامر عاود جرب او قول لينا الله يحفظك

[@Silya2024]

انا عندي cnss والزوج ديالي عندو مؤسسة محمد السادس لموظفي الأمن وأطلنطا، واش يمكن نستافد من أطلنطا ؟؟

[@CNOPS_CNSS]

غالبا لا ، حيث ما لقيتش شي حاجة تثبت الامر غير هو ماشي مشكيل يسول عبر الهاتف واش يمكن 05 22 95 76 76 / 05 22 95 78 78

[@ayoubaittaleb5464]

المنطار ديال المعدة حتى هو ولا مكينش

[@CNOPS_CNSS]

والله ما عقلت ، شوف اللائحة الى فيها فيبروسكوبي راه يعني كيتعوض

[@medatn2394]

اخي لعرسي بغيت نزيد الاستافدة و نرفع قيمة المساهمة باش يكون تامين تكميلي شامل واش ممكن؟

[@CNOPS_CNSS]

في اطلالنطا نفسها ما يمكنش ولكن ممن نتا لوحدك تشوف شركة تأمين او تدير مثلا تأمين تكميلي غير هو غادي يكون الثمن طاااالع بزاف في الاقتطاعات

[@pdfpdf843]

هل اطلنطا تعوض علا راديو الكرون

[@CNOPS_CNSS]

الايكوغرافي ديال لغرون لا تعوضه كتعوضوا غير كنوبس

[@MohamedZabil]

انا خدام فالامان الخاص اوعندي ولكن معرفتش شحال نسبة ديالها 100/

[@CNOPS_CNSS]

لا هادي غالبا دايها الشركة ديالكم ، يعني غادي يكون شروط أخرى حسب العقدة بين المشغل والتأمين

[@Nmoussajaouad7669]

السلام عليكم خويا أنا دفعت 2 دواصا هادي ثلاثة أشهر(atlanta sanad) فاش مشيت سولتهم قالو ليا بلي موصلهومش الريب RIB ديالي علما انني كيطلع ليا في التطبيق remboursé .دبا سيفطو ليهم.واش دبا الله احفظك إمكن ادوزو ليا التعويضات رغم مرور مدة (شهرين ) تحياتي خويا العزيز

[@CNOPS_CNSS]

الى الملفات عندهم راه خاصوا يديوز ، نتا دير شكاية في التطبيق بأنك لم تتوصل بالتعويض رغم ارسال الريب او راه غادي يتجاوبوا مع الامر

[@Nmoussajaouad7669]

@@CNOPS_CNSS تحياتي ليك خويا. أنا يالله صيفط ليهم الريب دبا 5 أيام واش امكن إدوزو ليا التعويضات وخا داز على الدواصا 3 أشهر. شكرا 🙏

[@CNOPS_CNSS]

لا غالبا ياخدوا مدة عاد باش يبدلوا ليك الريب

[@abdessamadrguiti6222]

بخصوص سيزاريان اشنو الاوراق لي خاص ندفعو

[@ayafahim2690]

ما علاقتها بموظفي الجماعات الترابية

[@CNOPS_CNSS]

هادي اللي في الفيديوا خاصة برجال الامن نتوما في الجماعات الترابية عاد بدات معاكم أطلانطا سند في بداية الشهر يعني حاليا عندك أطلانطا ، لكن ماشي بنفس اللي شرحت، مني تتومفر ليا العقدة ديالكم غادي نشرحها ليكم

[@NadaNada-go2tr]

سلام عليكم خويا انا دفعت ضوسي الولادة قيصرية ف 2017 وماتعوضت بوالو قالو ليا rejet كنعيط ل سياج بزز باش تايجوبوني تايقولو ليا صافي هادشي فات عليه الحال. قالو ليا لي سيزا ليك ضوسي خربق ليك كلشي دبا واش اقدرو يعوضني بشي حاجة ولا لا

[@NadaNada-go2tr]

نسيت ماوضحت ليك بلي سواو ليا الوضعية وستافدت من نضاضر 600 درهم عندي المشكل غير ف الولادة من 2017 واش يقدرو يعوضوني ولا فات الحال

[@CNOPS_CNSS]

غالبا ما تعوضيش ، لأنه فات عليه سنوااات أو حاجة في 2017 صعيب تعرف اشنوا كان في االكونطرا، واش كان نفس الشروط اللي شرحت ولا شروط أخرى نتي ديري شكاية في التطبيق على الامر او نبهي أنه سبق ووضعت الكثير من الشكايات بدون مجيب رغم أنك استوفيت كل الوثائق والشروط او ديري نفس لالشكاية ل acaps او ديري نفس الشكاية لمؤسسة الوسيط (وسيط المملكة)

[@NadaNada-go2tr]

​@@CNOPS_CNSSجزاك الله خير شكرا خويا

[@nabilmalmouz9871]

خويا الله يجازيك بخير امتا يمكن لي نستافد من التغطية الصحية أنا بديت مع شركة 5 أشهر وعندها أطلانطا سند.

[@CNOPS_CNSS]

غالبا بعد ثلاثة اشهر الاولى غادي تشوف الموارد البشرية ديالكم (البيرسونيل) او هوما غادي يقولوا ليك وقتاش تستافد او اذا خاصك شي وثيقة تجيبها ولا الريب تدفعوا لاطلانطا

[@yassinepolice2308]

واش كيعوضو على الولادة العادية ؟؟

[@CNOPS_CNSS]

للأسف أطلانطا الشرطة لا

[@yassinepolice2308]

@@CNOPS_CNSS شنو هي التعويضات اللي تتكون فالولادة العادية

[@abdellahbaros1477]

سلام اخي العزيز، بنسبة لموظف الامن عندو كنوبس و اطلنطا سند و الزوجة cnss واش من حقو تستافد معاه الزوجة من خدمات التأمين التكميلي و بالخصوص الزرورة واش من حقو يدفع ليها واخا هي عندها cnss؟

[@CNOPS_CNSS]

للأسف الوثيقة اللي شرحت منها ما مكتوبش فيها شي تفاصيل على هاد الامر فايت لقيتها عند التعليم يقدروا يدفعوا ، نتوما الشرطة ما عرفتش ولكن راك تقدر تسول نتا نيشان شوف هاد الرقم غادي تهضر او تعرف بي راسك او تطرح سؤالك او غادي يقول ليك السيد بالضبط واش كاينة في الاتفاقية ولا لا 05 22 95 76 76 / 05 22 95 78 78

[@abdellahbaros1477]

@@CNOPS_CNSS شكراً جزيلاً اخي العزيز على مجهودات و معلوماتك المفيدة ، جزاك الله خيرا

[@foreveryone7658]

مشكور أخي الكريم كم هي نسبة تعويض كنوبس على الأسنان و شكرا جزيلا على مجهودك القيم

[@karim4520]

ما عرفتش هاد لبلاد حتى الصحة فيها تمييز .ا

[@CNOPS_CNSS]

الله يصاوب

[@iNiSatTV]

2 عمليات البنتي .. والله ماردو ريال

[@CNOPS_CNSS]

علاش ؟ يمكن غير شي خطأ في الاجراءات او الثمن اللي خلصتي رداتوا ليك كنوبس كاين قواعد، او في حالة حسيتي بالظلم راه من حقك تشكي ، كاين الرقم ديال اطلانطا بي راسهم او تشكي ايضا للمؤسسة ديال محمد السادس او غادي يعاود يوفوا الملف ديالك بدقة اكثر 05 22 95 76 76 / 05 22 95 78 78

[@iNiSatTV]

@@CNOPS_CNSS شكرا على الاجابة .. ولكن شكيت مي والو ماقبلوش الملف ݣاع .. و ماشي غير هداك بزاف .. كاين لي ماقبلوه مارفضوه خلاوه هكاك ....

[@CNOPS_CNSS]

@@iNiSatTV حرك الشكاية او يكون خير ان شاء الله

[@fouadgreenoismasters7263]

أخي العزيز بالنسبة لترويض الطبي حدود تعويض لدى أطلنطا سند خاصة بموظفي الأمن الوطنى

[@CNOPS_CNSS]

كيف قلت في المقطع 3000 درهم في السنة وولكن راهم كيعوضوا غالبا عن كل حصة يعني عرف كيفاش تدير لتقسيم المبلغ قد ما كان ثمن الحصة رخيص قد ما مزيان

[@karimaroua8409]

السلام عليكم خويا انا عندي امو تضامن واش ممكن ندير التأمين التكميلي وإلا درتو واش ميطلعش ليا المؤشر وفين كاين هاد التامين التكميلي وشكرا

[@CNOPS_CNSS]

الى درتيه يطلع ليك المؤشر ثم ما عندكش الحق فيه بالطريقة اللي قلت هنا الى بغيتيه غادي تمشي اةو تديري مععاهم كونطرا الثمن غاااالي تقدر توصل تل 7000 درهم في العام

[@HassanBouda]

لماذا يحرم متقاعدي الامن من هذه الإجراءات . ولكي تعرف ان ادارة العامة للأمن الوطني تهتم بمتقاعديها عند حلول الإحالة على التقاعد تجبر على الامضاء على وثيقة بانه ليس له الحق في متابعة مؤسسة التامين المشار إليها قضاءيا الأمر الاخر ان الموضفين لم يطلعوهم على فصول الاتفاقية المبرمة مع الإدارة العامة وشركة التامين وهذا خرق للقانون .

[@CNOPS_CNSS]

ما نطذبش عليك اخي ما عنديش تفاصيل على قضية بعد التقاعد اللي في راسي من خلال بعض الاستشارات أنه المتقاعدين كيخلصوا شي مبالغ في المصالح من بعد التقاعد مبالغ سنوية هي اللي كتسمح ليهم يبقا عندهم بعض الامتيازات بحال تأمين الوفاة

[@abdellatifamarighe6091]

السلام عليكم الله إحفضك بغيت واحد الإستفسار دفعت واحد الضوسي ديال نضاضر ديال الزوجة ديالي معوضونيش عليه ملي تاصلت بوكالة اسورنس أطلانتا قالو لي بلي خاصني نسخة عقد الزواج واش إلا ديتو ليهم غادي نتعوض مع العلم ان الأن فاتت 90 على تاريخ الزيارة الطبية ولكن ضوسي دفعت. ليهم شهرين هادي ديك ساعة باقي ما فاتت 90 يوم

[@CNOPS_CNSS]

اه تتعوض ، لأنه غير باش يكملوا الملف ديالها الاداري عندهم ، اما النظارات راه عادي فعلا تداروا او فعلا خاص تعويض عليهم

[@KhalidHARROUR]

السلام عليكم استاذ .مشكور على مجهوداتكم في سبيل تنوير كل المعنيين بهذا الأمر سؤالي هو انا درت سكانير ب 2000درهم في الشيخ زايد خلصت 400 درهم والباقي prise en charge du cnops واش مزال عندي الحق ندفع الملف ل اطلنطا بخصوص 400 درهم المؤداة اولا ؟ في نفس السياق كنت درت colonscopie بالمستشفى العسكري بمبلغ 800 درهم مستفيدا من تعويض cnops واش ممكن ندفع حتا لاطلنطا بخصوص المبلغ المؤدى والذي استفدت فيه مسبقا من تعويض cnops ولكم مني جزيل الشكر اخي العزيز

[@CNOPS_CNSS]

الى اطلانطا الشرطة الكولونوسكوبي راه اصلا ما خلصتي والوا ، يعني اطلانطا ما عندها ما تعوض السكانير ، غالبا ما درتيش سكانير راك درتي ايريم حيث السكانير كنوبس غادي تحمل فيه 800 درهم يعني الى ب 2000 درهم نتا كان خاصك تخلصي 1200 درهم فرق ، لذلك غالبا درتي ايريم ب 2000 درهم ، كنوبس تحملات 1600 درهم او نتي خلصتي 400 درهم فرق ، هاد400 درهم دفعي لوريقات ديالها لأطلانطا او غادي تردها ليك كاملة

[@KhalidHARROUR]

شكرااا لكم الأستاذ الكريم

[@mimounemimouni2522]

جزاكم الله خيرا ووفقكم لما يحبه ويرضاه خويا لعزيز ربي يحفظكم ،ممكن افادتنا بكل جديد

[@CNOPS_CNSS]

مرحبا

[@kamalhamid7821]

شكرا لك على المجهودات الجبارة

[@CNOPS_CNSS]

بارك الله فيك

[@redrose652]

شكرا لك اخي الكريم

[@CNOPS_CNSS]

مرحبا