عمليات جراحية شبه مجانية كتديرهم جمعية مع كلينيكات (الجامعة الوطنية للصحة والتنمية والتضامن) AMO

[@saidabaiiche]

خويا الله يخليك واش la CNSS كتعوض على concentrateur d'oxygène انا مزاوݣة فيك جاوبني خوتي .خواتاتي طلعوا تعليقي باش يشوفوالله يرحم الوالدين

[@CNOPS_CNSS]

نعم قابل للتعويض ، غير هو فيه اجراءات غادي يحصك تقرير الطبيب مفصل يوضح سبب طلبها او من بعد تمشي عند اللي كيبيعهم يدير ليك دوفي او تدفعي الملف ل سنيسيس تا يوافقوا ليك عاد تمشي تشريه تخلصيه او تجيب الاوراق كاملة (الفاتورة وباقي الاوراق) او تدفعي لسنيسيس باش تعوضك ثمنوا القانوني على حساب النوع locamed.ma/product/aspirateur-tracheal-aspiret/?srsltid=AfmBOorGjnl0Dy2qUMVtTqMKEht1wtpUIDHo08-xDb60VPzQRTTYaU7q هذا اللي عطيتك هنا القانون كيحسبوا ب 1600 درهم يعوض ب 70 في لميا هذا locamed.ma/product-category/respiratoire/oxygenotherapie/concentrateur-doxygene/?srsltid=AfmBOorR72teojNgrgDd4Z6oJN7C06zoWJ5DyzP82PpZkvjqDuvzyt6n ثمنهم القانوني 12000 درهم كيتعوضوا ب 70 في لميا

[@مشاعر-ذ9خ]

جزاك الله خيرا السي لعروسي وجعله في ميزان حسناتك 🤲

[@islamis669]

شكرا جزيلا سي العروسي على الشروحات التي تقدمها لنا دئما وفقك الله وسدد خطاك.

[@DrissChrif-j6f]

العز و النصر لكل المغاربة الأحرار أينما كنتم بشعار الله الوطن الملك 🎉🎉🎉🎉🎉🎉😂😂😂😂😂😂❤❤❤❤❤❤❤

[@CNOPS_CNSS]

تحية وطنية نضالية

[@aboualiali4620]

جزاك الله خيرا على هذه المعلومات المفيدة جدا أكيد و جزى الله ايضا اصحاب هذا العمل الانساني الكبير كل من موقعه و الله لا يضيع اجر المحسنين .

[@CNOPS_CNSS]

❤️❤️

[@kung-fumaroc6101]

شكرا سي عبد الرحيم على المعلومة ❤

[@لميسلمي-ف6ف6ث]

قناتك مفيدة بزاف فيها الاستفادة هي ل خصها تكون رقم 1 مش بحال قنوات شوهة

[@CNOPS_CNSS]

@@لميسلمي-ف6ف6ث الله يكبر بيك ❤️

[@AbdallahChakour-t1o]

الله يشافي جميع المرضى في القريب العاجل أن شاء الله يارب

[@CNOPS_CNSS]

أمين

[@amraouiamraoui6731]

جزاكم الله خير الجزاء أللهم عنكم على هاذه الأعمال ديال الخير

[@AbdellahAkhrif-m7c]

أحسنت وجزاك الله خيرآ

[@ZinebHoussam]

عفاك دوي لينا على عملية الليزر للعين و ش امة تضامن داخل فيه هد العملية

[@CNOPS_CNSS]

الليزر ديال العين فيه انواع او على حساب لاش لايق غادي نحاول من بعد نوجد موضوع شامل على الأمر إن كان في العمر بقية

[@Mina1968fg]

تبارك الله عليك قناتك مفيدة جدا بالتوفيق ان شاء الله

[@HafssaEl-mv8ry]

سلام خويا دابا انا كندخل لسيت كيتلعو ليا إذا كان رقم التسجيل مرتبط لحسابك فسوف تتلقى رسالة في بريد إلكتروني ، ولكن مكيصفطو ليا والو

[@HafssaEl-mv8ry]

أفاش كندير إسترجاع رقم سري كيطلعو ليا نفس الحاجة ، أ هدشي ف سييت جديد

[@CNOPS_CNSS]

غير بلاتي راهم عاود قلبوا كلشي ثاني راه غادي يتعطيو كلمات السر عبر الموقع الجديد بداية من يناير 2024

[@HafssaEl-mv8ry]

دابا منقدرش ندخل لييه بغيت نشوف واحد ملف أش دارو فيه​@@CNOPS_CNSS

[@aitabdelmoumen7192]

السلام اخي دفعت واحد ضوسي ديال عملية جراحية شي 4 أشهر دبا عاوني Accord اش كتعني آلله احفظك

[@CNOPS_CNSS]

الملف مسجل ، غير هو راه تعطلوا عليك بزاف ، دير شكاية باش تحركهم شوية kzbin.info/www/bejne/ioXPdZ-Mf7Ckbqssi=7HlbC3HumL6FKzec

[@montaha-wx9fk]

والمشكل أستاذ راه تواصلوومعانا صحاب الجامعة ولقينا مشكيل فكلينيك يقولو بلي مكاينش تواصل ومفراسناش وممعاومينش

[@CNOPS_CNSS]

وايلي ، اينا ميدنة بالضبط هاد الشي ؟ او شكون الرقم اللي تواصل معاكم بالضبط من الجمعية ؟ تجربة مهمة او خاص نتابعوها

[@montaha-wx9fk]

@CNOPS_CNSS صراحة ناس د الجامعة. جاوبوني بسرعة ولكن أكديطال كالو مفراسهمش

[@abdeljalilbenribag4365]

السلام عليكم، راسلتك على جيمايل الخاص بك، لكن الوثائق مامبغاوش اترسلو، عملنا العملية عدة مرات لكن بدون نتيجة، قيل لي ان المشكل عند المستقبل

[@CNOPS_CNSS]

شوف رسل ليا هنا في هاد الايمايل [e-mail] ما بغاوش رسل ليا النمرة ديالك تما او نتواصل معاك واتساب

[@abdelmounaimelfitah9510]

عندي ابنتي تتابع دراستها في المهجر وهي a ma charge في cnops عندها مشكل في اللوزتين يجب عملية هل ممكن الاستفادة من هدا الموضوع وشكرا

[@CNOPS_CNSS]

الى عندها شهادة مدرسية او كترسلها لكنوبس او معاك الحقوق مفتوحة راه حقها تستافد غير هو غادي تستافد بالتعرفة المرجعية الخاصة بالمغرب ، اللي هيا شي 3000 في القطاع الخاص يعني ممكن تديرها فين هيا او تجيب الفواتير والاوراق الاثباتية (يكونوا بالفرنسية او تدفع تتعوض ب 2700 درهم ) نصيحة تشوف خدمة التطبيب العمومية في البلد فين هيا او تديرها بلا ما تسنا تغطيتنا راها اللاروب

[@Mr-sinistre]

تحياتي للأخ عبدالرحيم

[@zahratalyassamin7987]

واش عملية تصحيح النضر كتعوض من طرف cnops

[@CNOPS_CNSS]

للأسف لا ، كيتعوض فقط القرنية المخروطية عبر الكروسلينكين (تا هيا نوع من تصحيح البصر عبر الاشتغال على القرنية )

[@simocasaoui1093]

جزاك الله خيرا اخي

[@alipoih4497]

جزاك الله خير الجزاء

[@elhamritijamila]

السلام عليكم الله يرحم الوالدين بغيت نعرف معلومات على التأمين الصحي RMA

[@CNOPS_CNSS]

للأسف ما نقدرش نعرف الى ما عنديش شي وثيقة من عندهم شوفي الى لقيتي شي مطوية ولا شي دليل ولا كتيب كيعطيو فيه شي تفاصيل على التغطية الصحية رسليه ليا في ايمايل او نحاول نبسطوا ليكم

[@elhamritijamila]

@@CNOPS_CNSS كيقولو هاد RMA يمكن ولات في بلاصت سنلام يعني تأمين تكميلي حيت في الاول كانت الشركة عاملة عقد مع سنلام وهاد الشهر طلبت من الموظفين يعمرو الاستمارة ديال RMA

[@لميسلمي-ف6ف6ث]

الله يخليك بغيت نعمل عملية ازالة حجر مرارة ف كلينيك عندي كنوبس ش معلومات حول نسبة تعويض

[@CNOPS_CNSS]

شوفي االتعليق الاخر فصلت ليك فيه

[@مشاعر-ذ9خ]

استاذ لعروسي واش كاينة في مدينة ورزازات ؟؟ حفظك الله وجميع افراد اسرتك وجزاااك الله خيرا وجعله في ميزان حسناتك وحسنات والديك 🤲

[@CNOPS_CNSS]

للأسف لا ، ولكن اذا كان عندك شي حاجة اللي كبيرة نسق معاهم او سير ل أكادير

[@Kirito-fs9nj]

الله يجازيك بالخير لي عندو مشكل ف الاسنان مكاينش شي حملة بحال هادي؟

[@nonoonda6502]

جزاك الله خيرا وحفظك

[@مشاعر-ذ9خ]

كنتمنى من كل واحد صادف هذه القنانة ديال السي لعروسي ادير اشتراك لانها قناة مفيييدة جدا ومهمة جدااااااا كما ان صاحب القناة يعمل مجهودات كبييييرة ليفيدنا ويوصل لنا المعلومة وبالتالي القناة تستحق تكبر اكثر واكثر

[@CNOPS_CNSS]

الله يكبر بيكم 🙏🙏

[@aminbtyp]

بنادم مكينعوننش 5000الف مشاهدة فيها 295 اعجاب

[@rachidZahi-b1f]

Khouya 7na talaba kfch anakhdo lkod jdid dyal cnops

[@CNOPS_CNSS]

غير صبر راهم خدامين على اجراء غادي يعطيو الكودات في بداية 2025 على االموقع الجديد

[@ahdichiimad2620]

سلام عليكم أخي الكريم الأب ديالي عندو ملف طبي قاليه الطبيب عندك دقات القلب ناقصة وعندو أيضا الفتق شنو ممكن نديرو فهاد الحالة الله يحفظك.

[@CNOPS_CNSS]

يبدا بعلاج الفتق، يعني يدير العملية مع هاد الناس او القلب غادي يخصوا يحدد بالضبط المشكل والعلاج المفترض ممكن يكون خاصوا جهاز تنظيم ضربات القلب

[@ahdichiimad2620]

@CNOPS_CNSS بشحال غتقام عليه العملية ديال الفتق اخويا

[@hmz6050]

nssaba kayrbho bzff had missa7at machi khayria hchoma elik tkdb ayconsylti b 500 dhs o 1000 dhs de difference o la3bineela le nombre hchoma elik a lkdab

[@CNOPS_CNSS]

نقبل تعليقك او انتقادك، غير كلمة تكذب تقيلة شوية لكن غادي ندوزها بي جغيمة الما ركز معايا ، أنا لا علاقة لي بالجمعية اوالفيديوا درتوا باش اللي محتاج يستافد ، او را ه فاش هضرت شرحت بالخشيبات الامور، قلت غادي تخلص بناء الملف ، او قلت راه ثمن ضئيل مع اللي ممكن تخلص ، راني يوميا في الدومين او كنشوف المبالغ او النصب اللي كيتعرضوا ليه الناس في العمليات الجراحية المثال اللي عطيت ديال الجلالة رجع تفرج فيه خير مثال ، أيهما افضل تخلص 1000 درهم ولا 3950 درهم ؟؟ المصحات فعلا كيربحوا بزاف ، ولكن راه ماشي من هاد العمليات مع الجكمعية، راه كيربحوا منين كتجيهم ببوحدك او كيبقاو عليك بالفرنسية او يسرقوك او نتا ما فاهم تا لعبة شوف هنا غادي تفهمني كثر علاش كنهضر، او بغيت نشوف رأيك تا في هاداك الفيدوا، فقط أطلب أنك تكون موضوعي kzbin.info/www/bejne/eKasi6OqqpWWbcksi=m6E2gEj1nHoADq4w

[@hmz6050]

@ iwa matgllch jm3ia khayria

[@nadiasworld9712]

سلام عليكم من فضلك بغيت نعرف معلومات على عملية ازالة الغدة الدرقية واش كيكون تعويض كنوبس بالنسبة العيادات الخاصة و نتمنى لي شاف تعليقي و عندو فكرة على شي عيادة خاصة مزيانة فالرباط افيدني

[@CNOPS_CNSS]

نعم كاين تعويض الغدة الدرقية فيها جوج أثمنة اما التحياد ديالها كاملة ب 9600 درهم (تديريها بالتحمل او تخلصي 960 درهم فرق ) أو كاين التحياد ديالها مع شي ولسيسات في جنابها ب 1200 درهم (تخلصي فيها 1200 درهم مع التحمل ) هادو اللي عطيتك القانون، ولكن ره في الواقع كاين التخلويض، ردي لبال ، شوفي او تفرجي في الفيديوات بي ثلاثة باش تنتابهي kzbin.info/www/bejne/aH6YpXaHZpeeaLssi=j2SneijJc0y5SHmv

[@mustaphajaidi7670]

الله أعلم

[@CNOPS_CNSS]

ههه

[@AbderrazaqZoubairi-qp5sk]

السلام ، منهم الأطباء الذين يعملون الجراحة العامة ؟ . اسمائهم من فضلك ؟.

[@CNOPS_CNSS]

ما عنديش اسماء، غير هو غادي تلقا بزاااف ، لأنهم في كلينيكات مختلفة ومدن مختلفة

[@amalchanna2647]

خويا عفاك وش CNSS كتعوض على سماعة الأذن

[@CNOPS_CNSS]

نعم كتعوض، لكن ضروري تدير الموافقة المسبقة يعني اللي كيبيع يدير ليك دوفي او تا يوافقوا ليك سنيسيس عاد تشريها

[@bahmanemohamed1437]

خويا شحال التعريفة المرجعية ديال اخصائي الطب النفسي والعقلي حيت عووضوني غا ب 42 درهم فالكونصولطاسيو لا سنسيسيس امو تضامن

[@CNOPS_CNSS]

المشكل هنا في الطبيب شوف هنا تفهم علاش ، سبق شرحتها kzbin.info/www/bejne/iWS2fKCOYqtml8Usi=fJCL8GymDmbHdDkD

[@byelmustapha4897]

العمل الخيري يحب ان يستهدف الناس الذين لا يمتلكون تغطية صحية ، هذا هو الخير ، اما الناس اللي عندهم التغطية ، المصحات الخاصة تأخذ مبالغ مهمة من الكنوبس و cnss . مثلا بالنسبة للجلالة ..المصحات تأخذ 4550 درهم ف سنسس و اكثر من 5000 درهم بالنسبة للكنوبس ...لم تنقل لنا المضاعفات الخطيرة التي حدتث لأناس بعد هذه العمليات ،،،وبعد المضاعفات ،المريض لا يعرف اين يتجه ..لانه لا يعرف من الطبيب الذي قام بالعملية ....المرجو التثبث قبل الكلام

[@CNOPS_CNSS]

غير بلاتي ا السي مصطفى هنا عطيتي بزاف المعطيات، نفصلهم وحدة وحدة - اتفق ان العمل الخيري يجب أن يستهدف الذين ليست لهم تغطية صحية، ولكن راه الاشكال انه المغاربة اليوم كلهم لديهم تغطية صحية (مبدئيا)، ممكن تقول ناس ما عندهاش ، هوما اللي بغاو، اما مبدئيا راه عندهم اما امو تضامن ولا الشامل ، او تا الدولة راها غادي في الفرض عبر عدة طرق، حاليا الجمعيات ما ياخدوش الدعم الى ما جابوا وثائق تتبت أن اعضاءها عندهم تغطية صحية

[@CNOPS_CNSS]

- نقطة ثانية ، المضاعفات الخطيرة التي حدثثت، الى سمعتي الافيديوا راه طلبت الناس تتشارك معانا تجاربها، او اذا كان شي حد وقعات ليه مضاعفات ما غاديش يسكتوا ، او نزيدك راه الجمعية دعاتهم واحد الجهة اللي ولفات النوار ، كون لقات حالة وحدة فيها المضاعفات اللي قلتي ما تزكلهمش، كون تابعاتهم ، الى عندك شي حالة في هاد الباب او تجربة نتمناو تشاركها معانا (للإشارة راه لا علاقة لي بالجمعية، غير لأنني لمست فيهم الخير والمساعدة فقلت نديروا يد الله ، لكن الى شي حاجة فيها مخاطر أنا اول واحد يكون ضدها )

[@CNOPS_CNSS]

- نثطة لا يعرف الطبيب الذي قام بها ، هذه لا اتفق معك بتاتا ، لأنه في العلاجات وداخل المصحات هناك برتكول علاجي يتبع، وعدم احترام البرتكول يعرض الطبيب وايضا المصحة للمتابعة القاضئية، الطبيب بعد الانتهاء من العملية يقوم بكتابة تقريير وتوقيعه ، وقبل العملية يقوم بملئ طي سري وتوقيعه ليدفع لكنوبس او سنيسيس ، يعني ان من يقوم بالعمليات ليس مجهولا ويجب عليك قبل كتابة مثل هذه الأمور قراءة القانون المؤطر لمهن الطب القانون رقم 131.13 والمراسيم التطبيقية له ، وأيضا الميثاق الاخلاقي للطبيب الصادر بالمرسوم رقم 2.21.225 يتعلق بمدونة لأخلاقيات مهنة الطب في الجريدة الرسمية عدد 7002

[@Mina1968fg]

جزاك الله خيرا سي لعروسي تتمة لسوال ديالي ف الوزج ديالي كان خداو فالمكتي والوطني للمطارات انا ل كنت سولت على ضوسي واش نقدر ندفعو حتى ل س سهام

[@CNOPS_CNSS]

المكتب الوطني للمطارات ما عنديش للأسف شي ورقة عليه ، لكن لقيت شبه معلومة أنهم عندهم ةسنلام نتي غادي تديري قضية ديرير نسخة للملف او دفعيهافيد الله ، الى كيعوضوا على الاجهزة راه يعطيوكم الفارق بين تعويض كنوبس او بين ثمن الشراء

[@Mina1968fg]

@CNOPS_CNSS جزاك الله خيرا بالتوفيق ان شاء الله كنشكرك بالزاف على الجدية ديالك الله ارحم ل رباك

[@aminbtyp]

4700واحد ديرو جيم باش يشوفوه الناس

[@ghizlaneouna167]

السلام عليكم انا مقبلة على الولادة واش ممكن نسجل المولود معايا ف كنوبس ونستافد من التعويضات العائلية علما أن الزوج ماغايستافدش حيت عندو عمل حر مسجل ف cnss

[@CNOPS_CNSS]

نعم ممكن ، غادي يتسجل مع الاب ديالوا بداية او اذا عندوا سنيسيس لكن ما عندوش تعويضات عائلية ، هنا عاد غادي تشوفي الادارة اللي تابعة ليها او سولي الموارد البشرية اش تجيبي (غالبا كاين تصريح بالشرف انه لا يحصل على التعويضات) ، او ادي يوليو يدوزا ليك نتي

[@AbdoChawki-en9ty]

Mon cher fils laaroussi tous mes respects à vous car vous dite que la vérité merci à vous .❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

[@CNOPS_CNSS]

❤️❤️❤️

[@العلمنوروالجهلعار-ح2ذ]

عندي عظم خارج شوية فرجلي ؟؟ بغيت نقص منو ممكن

[@CNOPS_CNSS]

طبيا كاينة القضية ، لكن في التعويض ما نكذبش عليك ما عنديش المعلومة مضبوطة، تاصل بي كنوبس يقولوا ليك بالضبط واش يتعوض 0538002020

[@العلمنوروالجهلعار-ح2ذ]

@@CNOPS_CNSS انا سولتك واش داخلة فهاد الجامعة الوطنية ؟

[@marmachal6837]

السلام الآ كنت مسافرة الخارج علاش ماكيمكنش ندخل الكوني ديالي؟ شكرا على الشروحات اللي ماتقدمه أنا الله أجازيك بخير

[@CNOPS_CNSS]

هاد القضية ما نكذبش عليك ما عنديش فكرة عليها ، لكن من ناحية المبدأ خاص يسمح ليك بالدخول يقدر يكون المشكل من مزد الخدمة عندكم في البلد حالو تدخل ب شي vpn او شوف على الله

[@rachidatahabik9176]

السلام عليكم ورحمة الله وبركاته،بالنسبة للنظارات الطبية متى نحتسب مدة عامين ؟هل من تاريخ دفع الملف؟او من تاريخ تعويض الملف؟وجزاكم الله خير الجزاء.

[@CNOPS_CNSS]

من تاريخ الزيارة الطبية شوف هنا kzbin.info/www/bejne/bqXNZWyfpp2ZY7Msi=nho1GVhfgZxquA-U

[@rachidatahabik9176]

@CNOPS_CNSS بارك الله فيكم

[@rachidflourida5509]

خويا الله احفظك واش مابقاتش كتعطى زرورة فسنلام

[@CNOPS_CNSS]

اش من قطاع بالضبط ؟ (دير تعليق اخر باش يبان ليا )

[@rachidflourida5509]

سلام الله احفظك بغيت نسولك كنت دفعت شي دواء مشكلة دازت دوك لفلوس فواحد لحساب داك لحساب مسدود عطياني peyé دازت ونا عندي حساب جديد عطيتلهم بغيت ندير شكاية شنو خاصني ندير فديك شكاية بالنسبة خانة 1 ديال théme

[@CNOPS_CNSS]

Compte clôture

[@enligne1647]

احترامي لك اخي عبد الرحيم 😊

[@CNOPS_CNSS]

❤️❤️

[@zexiabiker1248]

سلام عليكم انا طالب جامعي عندي مشكل فالركبة دوزت وعمرت الوراق ودفعتهم وصلهم الملف ولكن معوضونيش طلع ليا 0 فالمجموع شنو خصني ندير مع العلم درت شكاية ومزال مجاوبونيش

[@CNOPS_CNSS]

غالبا الملف عندك باقي في وضعية enregistrer التعويض غادي تبان ليك القيمة من بعد كان شي وضعية أخرى قول ليا بالضبط او نشوف معاك دير تعليق اخر باش يبان ليا

[@zexiabiker1248]

@CNOPS_CNSS الى ممكن انصيفط ليك فانسطاغرام السكرين حيث اول مرة نجرب نستافد ومزال مفاهمش

[@naimabsilat6609]

بغيت نسولك انا طبيب غلط باش يعمرلس فورقة كنوبس عمرلي فورقة cnss وطبيب بعيد واش كاين شي حل

[@CNOPS_CNSS]

لا غادي تلقا مشكيل ، سر على الله حاول معاهم في التعاضدية الى بغاو يدوزوها ليك ما بغاوش نتا مضطر تعمر وحدة أخرى

[@abdhadimahbob5386]

خويا عندي عملية الفتق شحال ديال الفلوس .....عندي cnss

[@CNOPS_CNSS]

غادي تاصلي بي الارقم اللي عطيت او راه على حساب لمدينة او على حساب نوع لفتق اللي عندك غادي يقولوا ليك الثمن

[@nouzhaattaf1827]

الله يخليك هل كنوبس تعوض تغليف الاسنان سرامو سيراميك وشكرا؟

[@CNOPS_CNSS]

للأس ف لا غير هو بقوة القانون خاصهم يتعوضوا الى بغيتي تمشي في مسطرة الشكايات ، سير خدمهم او دفع او منين يرفضوا تدير شكاية او تبعاها غادي تاخد الوقت لكن بقوة القانون تتعوض

[@shamsseddineyoussef4120]

سلام، لعندو كنوبس علاش غايمشي تزاحم فالجمعيات، يدير تحمل ديالو بعرو و يخلص 10% ويعزل جراح مزيان وكلنك معروف، عوض يمشي عند شي جراح سطاجير مع جمعيه يتعلم فه.

[@CNOPS_CNSS]

لا اخي ماشي جراح سطاجير ، أطباء معروفين وأيضا مصحات معروفة غير باش نقرب ليك الفكرة نفس المصحة نفس العملية نفس الطبيب تجي باسم الجمعية تخلص 1000 درهم تجي باسم كنوبس تخلص 2650 درهم ايهما أفضل ؟ عاد نرجعوا لقضية عندي كنوبس، راه كنظل نشرح في القانون وما يجب أن يكون لكن راه الواقع كارثي مع الاسف، كتلقا الطبيب يطلب ليك النوار او المصحة تقوم بفوترات خارج القانون الله يصاوب او صافي

[@abdellahbouali6588]

اين يوجد مقر هذه الجمعية اسي العروسي .وشكرا جزيلا

[@CNOPS_CNSS]

غالبا في مكناس ، لكن التواصل معاهم في العمليات ضروري من خلال الهاتف كيف شرحت

[@abdellatifidali]

أنا عندي مشكل شعيرة فالعين واش كايديروا عليها عملية

[@CNOPS_CNSS]

في التفاصيل ما ذكروهاش ، ولكن ممكن تاصل بيهم او شوف ممكن ياخدوك كحالة منفردة او يطلبوا على الطبيب

[@kamalsamir7835]

اتصلنا بالارقام، و بعد محاولات عديدة، اجابت سيدة في رقم من تلك الارقام، قالت لنا بان العملية ممكن تندار في مصحة، و انه كيفما قلت في الفيديو، يجب ان يكون عندنا ملف، من اجل التسهيل، ذهبنا لنفس المصحة من اجل الاستشارة الطبية (حالة شك في جلالة العين)، و اردنا التأكد بداية هل فعلا هذه الجمعية تقوم بالعملية في هذه المصحة، اجابتنا السيدة انهم لا يقومون بهذه العملية اصلا في هذه المصحة، عند اعادة الاتصال بنفس الرقم اجابت سيدة اخرى، عندما اخبرناها بالتفاصيل و بان المصحة لا تقوم بهذه العملية و بان السيدة التي اجابت في الاول هي التي اخبرتنا ان العملية تقام بهذه المصحة، بدأت باتهامنا بالكذب و اغلقت الخط. على اي ان كان هذا الامر فعلا من اجل مساعدة المواطنين الذين تثقل هذه العمليات كاهلهم، فهناك وسائل اكثر يسرا و تنظيما من هذه الطريقة التي يقومون بها، و اهم شيء حسن التواصل و شرح التفاصيل... الله يشافي كل مريض

[@CNOPS_CNSS]

تجربة مهمة للغاية، وفعلا أمر يجب التدقيق فيه الى ممكن ترسل ليا في الخاص او تعطيني تفاصيل أكثر الرقم اللي تاصلتوا بيه المصحة اللي مشيتوا ليها [e-mail]

[@KarimKamili-z9l]

درنا داكشي ف المرحلة الأولى مارادش علينا ماكاين والو

[@CNOPS_CNSS]

غير عاود رسل ليهم ، كيف قلت في الفيديو عليهم ضغط لكن تبع تا توصل للهدف

[@KarimKamili-z9l]

@CNOPS_CNSS ديكشي اللي غادي ندير الله يجازيك بخير

[@rafiqSaid-v3e]

السلام عليكم ورحمة الله وبركاتة ❤❤❤

[@CNOPS_CNSS]

وعليكم السلام ورحمة الله وبركاته

[@ELFADILINAIMA-dn1lt]

السلام عليكم. بالنسبة لطب الأسنان. واش كاين. انا عندي ولد فيه توحد وبغيت نعالج ليه سنانه. وراك عارف خاصه تخدير شامل. واش الجمعية دارت شي حاجة لهاد الفئة.

[@CNOPS_CNSS]

للأسف لا ، علاجات الاسنان ما داخلينش

[@gartitjamala]

واش كاين فى وجدة

[@CNOPS_CNSS]

نعم كاين ، شوف ارقامهم في اخر الفيديوا او تواصل معاهم

[@AbdoChawki-en9ty]

Mon cher frère Si laaroussi le tephone svp de cette association à casablanca car j'ai une stenose coronien merci beaucoup frère. ❤❤❤❤❤❤❤❤❤❤❤❤❤❤❤❤

[@CNOPS_CNSS]

شوف واحد من هاد الارقام 0771181762 0626687773 0613636356 0661891068 0676021025 ولا الرئيس هنا عبر الواتساب رسالة صوتية فيها المعلومات اللي قلت في الفيديوا 0665324671

[@zinebkhtibari9188]

عند رخصو تخلي نصو شحال من واحد مشات ليه عينيه بسباب العمليات ديال جوج دريال ، و زيد انك مكتعرفش شكون الطبيب لي فتح ليك ماكيديرش كاشي ، توقع ليك شي مصيبة تصور منهم عا البرد

[@CNOPS_CNSS]

لا ما كاينش هاد لكلام ، حنا في بلاد القوانين ، ما يمكنش السلطات المعنية بالأمن الصحي تسمح بمثل هذه المسائل الطبيب اللي كيدير العملية ضروري يوقع في التقرير ديالها اللي غادي يتسلم للمريض في الأخير الطبيب لا يمكن أن يمارس بدون ترخيص ولو على سبيل التدريب قضية الاخطاء الطبية ليست حكر على جمعية او على مصحة ، هو أمر عادي يقع في عدة حالات ، لكنه ناذر الحدوث أنا في المجال ديال الارشاد أكثر من ثلاث سنوات، حالات ناذرة اللي اشتكو من أخطاء طبية

[@zinebkhtibari9188]

ايوا مزيان ، إلى كنت متأكد ان الطبيب اللي كايدير العملية معروف و كيحط الكاشي ديالو اذن حط لينا لائحة اسماء الأطباء و المصحات المعنية باش منفتحوش عند أطباء أشباح

[@alitarbaoui5292]

السلام عليكم ممكن أخي رقم الهاتف أريد استشارتك في أمر معين و لك جزيل الشكر والتقدير والاحترام

[@CNOPS_CNSS]

مرحبا ايمايل [e-mail]

[@قناةبوهبوه]

صراحة هذا ليس بعمل خيري ، طبيب الذي يجري عملية جراحية غير معرف هذا من جهة عدم احترام بروتوكول داخل المصحات اضافة الى اثمنة خيالية في ملف التحمل مثلا عملية 8 مليون مع pris en charge المصحة ضوبل الثمن 16مليون المشكل الكبير هو وقوع المضاعفات أثناء العملية

[@CNOPS_CNSS]

مع الاحترام ليك ولكن معلومات غير صحيحة ، علاش ؟ لو أنني كنت فقط داير فيديوا على شي حاجة أو أنا غير ناقلكان ممكن نشك ، ولكن كيف قلت في الفيديوا أتحدث من موقع المتخصص في موضوع التعويضات الكلام ديالك غير صحيح علاش ؟ لانه واخا تبغي المصحة تضوبل طلب التحمل او تدير فيه تا مليار ، ما غاديش يردوا ليهم من غير اللي في التعرفة المرجعية ، مثلا الجلالة نفترض لكلينيك دار في التحمل 30000 درهم (3 لمليون) ، كنوبس غادي ترد ليهم فقط 5850 درهم بالنسبة للطبيب مجهول أيضا كلام غير سليم، علاش ؟ حيث البرطكول الطبي يقتضي أن الطبيب يوقع تقرير العملية ، ويستحيل طبيب يوقع باسم طبيب آخر لأنه غادي يخاف على راسوا، تخيل اللي دار العملية يرتاكب خطأ طبي مثلا، او في التوقيع كاين آخر، واش غادي يبغي يتحمل الخطأ اللي ممكن يوصلوا لسحب رخصته وبالتالي الى عندك شي تجربة دقيقة مرحبا، أنا كقلب عليهم ويهني بشدة نعرف ، حيث الى كاين شي حاجة مخالفة غادي نحذر الناس منها، لأنني ما قاد على تقليد حد وأعيد التذكير الجمعية لا علاقة لي بهم ، فقط بانوا ليا مادين يدهم للخير ساعدت في الامر، والى تبين العكس غادي نتدخل لايقاف الأمر بما استطيعه

[@ndinegr65]

مادام فيها شرط يكون عندك تغطية صحية را ماشي مجانية. لي عندو تغطية صحية من الاحسن يختار هو الطبيب لي يدير ليه العملية ويكون طبيب معروف ومتمكن. وحتى الفرق بين ثمن العملية وتعويض الكنوبس متيكونش كبير في المدن الصغرى.. مادام آمو هي لي غادي تحمل الكلفة إذا خاص الواحد ميزربش ويختار الطبيب لي غيدير ليه العملية

[@CNOPS_CNSS]

اكيد الناس عندها حرية الاختيار ، غير هو هنا كيف شرحت راه الى طحتي في شي جزارة راه ما يرحموكش في الفرق، كاين حالات الفرق كتلقاهم دايرينوا أكثر مما تتحمله كنوبس او سنيسيس داك الشي لاش قلت فرصة ويتم حماية المنخرط من تلاعبات بعض اللصوص

[@nournour820]

زراعة كللي من 6 شهور لتحت وخويا عندو 14 سنة

[@CNOPS_CNSS]

هنا يمشي في الاجراء مع كنوبس ولا سنيسيس على حساب اللي عندوا ، راه فيها تحمل كلي هاد القضية غادي تشوف لكلينيك ولا فين غادي تديرها او تقول ليهم يطلبوا ليك التحمل او تبع الاجراءات

[@rahmaneaboumejd7788]

هاد العماليات غير مجانيه ، و لا تحترم معايير الطبية ، نتم تتقلب على الربح السريع

[@CNOPS_CNSS]

ما نكرهش كيف طلبت ليكم في الفيديو تجاربكم، الى كان ممكن عطينا تفاصيل أكثر نستافدو كاملين

[@WeWe-gj4yb]

زيدو معلومات من عندي مكناش عناية وتتبع لحالة المريض من بعد العملية من تما لجايحة

[@CNOPS_CNSS]

ما تنكرهش الى عندك تجربة واقعية تعطيها لينا باش هاكا نحذروا الناس ،

[@rachidflourida5509]

قطاع قوات مساعدة

[@CNOPS_CNSS]

غالبا اسؤال هنا على الفيكس ياك لللأسف تعاضدية القوات المساعدةو لا تعوض عن الفيكس الى السؤال على الزرورة راه كتعطيها في حدود 2000 درهم ، لكن راه ماشي 2000 درهم كاملة بل كتعطيك الفرق ديال المصاريف، او في حالتكم دائما كتجي 800 درهم تعويض

[@AhmedWalid-r1w]

هذا ليس عملا خيريا ،فلو كان كذالك لما استثنووا لمن لا يملكون التغطية الصحية ،فما السر في هذا الأمر .

[@CNOPS_CNSS]

السر بسيط ، هو انهم كيطلبوا ليه التحمل، باش هيئة التدبير اللي هيا كنوبس ولا سنيسيس يخلصوا عليه الحصة لكبيرة او الحصة الصغيرة يخلص منها المنخرط جزء بسيط ثم هنا امر ثاني هو أنه كل المغاربة اليوم لهم الحق في التغطية الصحية، ومؤسسات الدولة اليوم تفرض فقط التعامل مع التغطية الصحية، تخيل الجمعيات اللي كيحصلوا على الدعم ولا من الشروط اليوم التأكد من أن أعضاء الجمعية لديهم تغطية صحية وأمرهم سليم تجاه الهيئة التدبيرية

[@aminbtyp]

ناس الجمعية الله يعمرها دار يالله دويت معاهم😊

[@ahdichiimad2620]

ممكن تعطيني الرقم لي جاوبوك فيه الجمعية

[@CNOPS_CNSS]

مشكور على الشهادة الطيبة

[@bahmanemohamed1437]

خويا علاش ماديرش كونط فواتساب غايسهل التواصل معاك را زادوه فالتحديث الأخير

[@CNOPS_CNSS]

الامر صعيبب للغاية أخي ، كيف كنقولوا يدي بوحيد ، صعيب عليا نقلب على المعلومة ، نصورها، المونطاج، عاد كاين التحرك الميداني مع بعض الاخوة كتمشي معاهم لكلينيكات صعيب عليا نواكب او نزيد تا الواتساب ، كنحاول أنني نكون بعض الاخوة ممكن نشوف معاهم هاد الامر من بعد إن شاء الله

[@bahmanemohamed1437]

@CNOPS_CNSS ممكن تلوح فيه غي منشورات كتابة كمرحلة اولية على اي تشكر على مجهوداتك اخي

[@MohamedElafia-y7g]

الله.يجزيك.بخير.سوءالتعويض.يومي.عن.مرض.طبيب.ديالي.عم،لي.20.يوما.قبل.عملية.جراحية..بعد.زاد.لي30.يوما..لم.نتوصل.بها.ما.دا.نفعل.اولى.توصلة.بها.ولكن.تلتين.يوما.مرفوض.وشكرا

[@CNOPS_CNSS]

غادي يخصك تشوف المشكل علاش ترفض ليك الامر ، شوف وكالة ديال سنيسيس او اذا ما قنعوكش دير ليهم شكاية في التطبيق على الامر او شوف باش يجاوبوك

[@ufyutuy7981]

استاذ الله يجازيك بخير شحال التعريفة المرجعية ديال عملية استئصال سل الغدد اللمفاوية عند cnssمشيت المصحة قالو ليا 5000درهم كنتمنى تقوليا شحال غتخلص عليا الدولة وشحال الفرق لي غنخلص انا راه دفعت برسون شارج دبا5ايام مزال مجاوبوني والعملية مستعجلة والحالة هشة نتمنى تجاوبني جزاك الله خيرا

[@CNOPS_CNSS]

والوا يا ختي عييت نقلب ما لقيتش شي حاجة تتحدث مباشرة على هاد العملية ، غالبا هي من العمليات اللي كياخدوها ب المماثلة اللي مهم عندك هو غادي تسناي تقبل اموافقة من سنيسيس، او قبل متا تمشي لكلينيك سيري لسينيس كيعطيوك ورقة فيها شحال ثمن العملية او شحال خاصك تخلصي او تما يبان ليك اللي خاص تخلصي

[@ufyutuy7981]

وخا اخويا غنمشي شكرا لك الله يرحم ليك الوالدين​@@CNOPS_CNSS

[@tamazight938]

🌹🌹💐💐👍👍👌👌

[@yarnad4796]

سلام عليكم بغيت الله يجزاكم بالخير بغيت نسولك على عملية تضييق والرفع الرحم قالت لي طبيبه مادخلاش فكنونس ورغم انها غاليه ضرورية والله ماعرفتش كيفاش نعبر لاني مصدومه من كلام طبيبه ياريت تفيدني إلى عندك شي فكره على هاد الموضوع الله يرحم الوالدين

[@yarnad4796]

ياريت لو الجمعيات يدخلوا حتى عمليات الوالده فالائحه

[@CNOPS_CNSS]

حاولت نقلب ليك شوية او اللي فهمت غادي نتشاركوا معاك هادوا جوج عمليات هنا ، تضييق المهبل يعتبر عملية تجميلية وبالتالي ما تتعوضش رفع الرحم عملية اللي هيا معتادة او قابلة للتعويض ، كتوقع في بزاف الحالات ان الرحم ينزل وبالتالي الطب يعتبره تدخل جراحي قابل للتعويض باش تأكدي هاد الشي غادي تتاصلي بمركز النداء كنوبس، اتصلي في اوقات العمل او سوليهم قولي ليهم عفاكم عملية تضييق المهبل وعملية رفع الرحم، بغيت نعرف واش كيتعوضوا ؟ او شحال التعرفة المرجعية ديالهم ؟ أو لا كان ممكن الرمز ديالهم ديالهم (حيث كلا عملية عندها رمز خاص بها مثلا M118 ) 0538002020

[@DrissiaSmina]

سلام خويا لباس عليك عفاك انا عندي ولدي عندو تقب فقلب ومشيت لعند واحد بروفيسور ودفعليا لبريزون شارج وعطاتني امو تضامن 13مليون وقالوليا بلي امو تضامن خلصات ليك 100% وفاش درت عملية ولدي نعس يومين فلا نعاش و 5ايام وخرجنا وفاش جينا نخرجو قالوليا نخلص 70الف ريال فاش قلتليهم ياك قلتو ليا امو خلص 100% قالوليا ديال ادوية لتحتاجت فلانعاش وهما نهار لاول قالوليا داخل فيها لانعاش وكولشي داك 13مليون خلصتهاوفاش قتليهم عمروليا هادوك اودية باش نستافد منهم قالوليا لا ميمكنش واش بصح ولا كاين شي تلاعب

[@CNOPS_CNSS]

لا غير كريساوك هادوا للأسف ما كنتيش من البدية تعطيهم تا يعطيوك روسي حيث دابا غادي ينكروك يقول ليك عمرنا خدينا منك ريال

[@DrissiaSmina]

سلام خويا فاش قلت ليها عمري ليا قالت ليا امو مغديش يعطيك فلوس جوج مرات

[@nadiajazrany6785]

واش نيت عمليين هاد الخدمات اولا غير للتدريب حيث تصيدنا فعينين الوالد دارو ليه عملية لجلالة و حيد له العدسة الطبيعية دون زرع العدسة و قال له سير اسيدي ماعمرك غاتشوف تعدا علينا كاملين ماشي غير الوالد لي عايش فالظلام و باش نتواجهو معاه ما عندناش سلطة و قوة علما انهم خداو كل متطلباتهم المالية +2000درهم خاصة للطبيب الذي قام بالعملية المشؤومة😢

[@CNOPS_CNSS]

لا هادوا كيف قلت في الفيدوا تابعت معاهم حالتني على الجلالة الأمور ممتازة للغاية الحالة ديالكم خاصكم تابعوا اللي دار العملية قضائيا ، لأنه الى ما دارش العدسة راه بحالي ما دار والوا ، العدسة اهم شيء في الجلالة او راه يمكن إصلاح الامر عبر اعادة العملية وتركيب العدسة

[@nadiajazrany6785]

الله ياخذ الحق فالظالمين راه باسمو معروف و حنا غير من ذوي الاحتياجات الخاصه و مرضى شيوخ فالدار ما عندنا صحة المحاكم ما يعطيك الحق حتا الآخرة ما نسمحو له لا دنيا لا آخرة

[@hassanjanbari9671]

يريت لو اشتمل طب الاسنان

[@CNOPS_CNSS]

نتمناو أطباء الاسنان يديرو هاد الامر

[@KandilAbdeladim]

السلام خويا انا عندي الكنوبس رجل تعليم متقاعد زوجتي تعالج في اكديتال بالجديدة لديها سرطان في الكبد الكليني دفعو الملف من شهر 9ولحد الان لم اتوصل بالموافقة في السيت أجد demande de complémentaire الكليني ارسلت لهم تقرير الطبيب وجميع الوثائق تتوصل الكنوبس الوثاإق تم في طور المعالجة ثم demande de complément والله اخي انا لي أصبحت مريضا فهل من حل جزاكم الله خير الجزاء مع العلم ان العملية تتطلب 3ملايين و7000درهم ذهبت ال الرباط الجديدة البيضاء

[@CNOPS_CNSS]

السلام ، الله يشافي او يعافي الزوجة ، المشكل هنا في كلينيك ، أكيد شي حاجة ما دافعينها غادي تتاصل بي كنوبس ، شوف الفرعية ديالهم في الجديدة او سير عندهم (فرعية كنوبس ماشي تعاضدية التعليم، ركز) او غادي تقول ليهم يقولوا ليك أشنوا اللي ناقص بالضبط، يكتبوه ليك في ورقة او داك الساع رجع لكلينيك او قول ليهم ها اللي ناقص صلحوه، غادي يرسلوه ليهم او غادي يتقبل ليك الملف

[@latifabell4459]

حنا طلبة غا نتكمشو ونشوفو ياك هاد كنوبس ديالنا داير بحال حليب الحمارة حشاك مينفع ميضر

[@CNOPS_CNSS]

لا تنتوما معنيين بهتاد الامر ، الى محتاج لشي عملية من اللي ذكرت تواصل مع الجمعية

[@zizoberada]

الله يجازيك بخير انا غادي ندخل مع اختي هي ولادها في الراميد تضامن. حيث بغيت نعمل عملية استأصال الرحم وطلبو ليا مليون واربعين الف شحال غادي نخلص

[@CNOPS_CNSS]

بلاتي بلاتي ، أولا الرميد ما بقاش ربما طتقصدي أو تضامن ؟ ثانيا الى نتي مثلا مسجلة مع الاخت ديالك في داك الشي ديال الدعم راه غادي تكون عندك أمو تضامن لكن بوحدك، يعني بي سميتك نتي ثاليا الى تسجلتي او ولا عندك أمو تامن راه من حقك تديري العملية بالتحمل او تخلص الفرق رابعا غالبا عندك استئصال الرحم مع شي ورم ، هذا فعلا ثمنوا مليون او ربعين ألف ، ديريها بالتحمل او خلصي الفرق فقط اللي هو 72 ألف ريال

[@jawadtazii1189]

khoya nmrtak

[@CNOPS_CNSS]

مرحبا ايمايل [e-mail]

[@WeWe-gj4yb]

مكاينش المجاني لا تكذبوا على الناس ....انت تأخذون حقكم من التأمينات

[@CNOPS_CNSS]

شكون حنا ؟ قلتي انتم تأخذون ؟ الله يرضي عليك ركز معايا، أنا لا ناقة لي ولا جمل فقط قربت للناس الموضوع ثانيا، لم نقل مجانية ، قلت كما جاء في المنشور أنها بأداء الفرق ثالثا اللي خلاني نهضر هو أنني متخصص في منظومة التغطية الصحية ماشي غير داوي رابعا ، ما كرهتكش تتفرج هنا باش تفهم علاش كنهضر kzbin.info/www/bejne/aH6YpXaHZpeeaLssi=8HnGhsjVPny8ULn3 kzbin.info/www/bejne/gHutmauJaMefqNksi=wSjar_xkaN-_uaPo kzbin.info/www/bejne/qYnJgaBqhKmWgpYsi=2DguIs4aB8zzVy6X

[@NawalBadya]

جزاك الله خيرا

[@walaawalaa3050]

جزاك الله كل خير