الانصرافي عندما يبدع في شرح اغنيه اندريا للفنانه نانسي عجاج

Рет қаралды 41,611

Жыл бұрын

Пікірлер: 108

@user-ff2qr7vo7y Жыл бұрын

صرفه دا يستحيل تزهج او تمل من كلامو بتزهج في حاله واحده فقط لمن كلامو يخلص تعيدو ميه مره لابتكل ولابتمل من كلامو ربنا يحفظك ياصرفه لك كل التقدير والاحترام ياصرفه يانادر

@steveplayz2917 29 күн бұрын

نانسي دي ملكه الإحساس ❤

@user-hk7qj1sc5x 3 ай бұрын

مافي اطيب واحن من اهل السودان لكم حب كبير مرا مرا ♥️♥️♥️♥️🇸🇩❤️❤️❤️🇸🇦

@primedigit1714 10 ай бұрын

الاغنية من تراث دارحمر ، من اغاني الجراري وبالتحديد الحَسيس، علي مقام المتلوتة. هذه الاغنية بدأت في الانتشار في السبعينات بعد انتشار مسجلات الكاسيت ،كانت تتغني في بوادي كردفان . الاغنية اغنية جراري تغني فيها البنت باحساسها لفراق عزيز لها عندما ركب اللوري من موقف الابيض في مدينة النهود عند كوبري الموقف تحت شجر اللّبَخ قبل طلمبة شل شرق كمسنجي ود اب سكّين: اللوري جي مِنْقَل شايل قزايز الخل نموت يدفنوني قدّام شرِكْة الشَّل. ولما غادر عزيزها كانت تصور الحزن غير المفسر في داخلها لما كانت تبني الحوش حول بيتها،: نشلّعه ونبنيه ما تقولوا عاجبني همّاً ضاربني تفسيره غالبني. والهم عديم التفسير هو هم غياب عزيزها لانها تقول صقَّعت للسحاب ودنقرت للتراب نشوف نجيماً غاب والمعني يحتمل ايضاً حبس الدموع برفع الوجه للسحاب. زارعنّه في الصريف وريان بلا خريف هذا كنايةً عن حبها المكنون حيث الصريف جزء خاص في الحوش بالنساء دليل علي عمق العناية لانه يُسقي باليد ، رويان بلا خريف لا ينتظر مطر. اما كلمة اندريّا هي في الحقيقة ليس اندريا !! هي النّارية وتعني الحُمّي الشديدة ، هي لزمة لضبط ايقاع الاغنية. القصيدة تراثية محفوظة غير مكتوبة. للشاعرة فاطمة بنت دوليب الشهيرة باسم بلدوسة بنت بلداس يرحمها الله تعالي توفيت ٢٠١٢

@ffzz5951 10 ай бұрын

شرح وافي جدا لكن صرفة في بعض المفردات فايته عليهو لانو ركز في الاحساس والشد والجزب بين العقل والقلب ومنطقة دار حمر غنية بالمفردات الغنائية الجميلة وبالذات اغاني الجراري

@issaalamin4562 3 ай бұрын

ممتاز شرح غني خصوصا توثيق اسم الشاعرة فاطمة بنت دوليب التحية لأهلنا دارحمر في ميزان حسناتك أن شاء الله

@primedigit1714 3 ай бұрын

@@issaalamin4562لك الود ، هي نفس الشاعرة لقصيدة كبّاشي كان برضي يوديني ود بندا. ويغنيها بلوم كردفان المرحوم عبد الرحمن عبد الله. حيث كباشي هو سواق لوري من نفس المنطقة ، وكانت الشاعرة تقف حتي تصل الي سوق ودبندا وصعب عليها عندما يرفق السواقين من خارج البلد ان يقفوا لها ، هنا كانت تترنم كباشي كان برضي يوديني ود بندا . كباشي هو كباشي راشد، شخص اعرفه، رجل طيب الأخلاق وماهر جداً في رمال ووديان كردفان، نسأل الله له الرحمة حياً او ميتاً ، لا اعرف أخباره منذ زمن طويل جداً. لك كل التقدير

@issaalamin4562 3 ай бұрын

سمعتنا إيقاع دلوكة بغنن بيها البنات : بضاري من عيون الناس الصغيرون سكونو خماس ومن اغاني الاولاد : انا حبيتك من قلبي وانتي حابه زول غيري مافي داعي تمسكلي حبك ده ضيع لي زمني ما دااااااعي تمسكلي مع اللحن والايقاع الجماعي حاجه رهيبة منطقة دار حمر مليئة بالتراث الكردفاني الأصيل اشكرك اخي واستمر بالتوثيق والتاصيل محباتي 🫶

@user-rx6tg3dv4h 11 ай бұрын

انا زعلانة بالجد اني م عرفتك من زمان سمعت ليك حأرجع بعد تنتهي الحرب في السودان وتنتهي همومنا احضر كل فيديوهاتك الله عليك انت انسان حقيقي

@yousifabuzeidabdallah2757 2 ай бұрын

انا كمان نفس الشئ حا أستمع لي كل فيديوهات الانصرافي ان شاء الله. ربنا يصلح الحال وترجع الحياة لطبيعتها قريبا يارب العالمين

@user-jz3hj3fd4l Жыл бұрын

استراحه جميله ..سلامة قلوبنا جميع ...اسال الله ان تكون عامرة بحب الله ورسوله وكامل الايمان والتوحيد .....

@HkHk-yo1sy 10 ай бұрын

عرفتك سياسي محنك وقاد في الظروف العصيبه ومخفف الم التهجير والتشرد واليوم بعد سماع نانسي عرفت بان صرفه لكل زمان هذه لحظات الانس اعاد الله علينا البهجه لنسمع صرفه بوطن خالي من القتل والدمار يارب اعد للسودان امنه وسلامته ويرجع معافي من العملاء والجنجا سلام صرفه ياكل حاجه ابوماجد

@user-wz8we9us7y 6 ай бұрын

الله الله عليك يا شفذ الاغنية دي اول مرة اسمعها كان ٢٠١٢ وكان عمري ١٢ واصبحت ادندن لليوم ترث. شجن......

@saifeldinkhedir2129 Жыл бұрын

في بدايات شتاء احدي السنوات كنت اسمعها مع احدي الحبيبات بسماعه واحدة في اذنين وقلب واحد مع حضرة الميدان الغربي بالجميلة ومستحيلة

@alhusseinabdelrahman2281 24 күн бұрын

خجلت ليك والله

@user-mw5mp7hf3b 3 ай бұрын

صرفه ده يسحر القلوب والعقول خرافي❤

@amalhassan3460 10 ай бұрын

طبعا الشعر السودانى ابداع بكل بساطه وسلاسه شي عجيب سبحان الله ❤ رووووعه شعر يحكى عن القلب والروح والعقل مع الناي وصوت نانسي مبدعه ❤👍👌🇸🇩🇸🇦🙏

@HkHk-yo1sy 11 ай бұрын

سلام ياصرفه قبل الحرب كنت عالم من الاحساس ياسلام اسمع الان قبل عشره شهور الله يلعن من جاب الحرب ببكي علي حال السودان اللهم الطف وتعود العاصمه المثلثه كما كانت ياصرفه الله الله الله علي السودان مايستاهل كل الخراب ابوماجد

@user-vi6xr4vd6k 11 ай бұрын

صرفه يا نبض الاحساس ويا كنز السودان

@Raya-wl7zq 11 ай бұрын

يقال ان نانسي من (الشقالوة )شندي فالتحية لها ولكل فناني شندي الحبيبة لاحاسيسهم الجميلة منهم اللحو وسيف الجامعة وحسين شندي وكثر والتحية للانصرافي بطل الامة ربنا يسلم السودان وينصرنا

@NeanaAlbadawi Ай бұрын

ده صوت عقلي وقلبي في آنن واحد

@officialhamad7 Жыл бұрын

ي الزارعنك في الصريف ما الخريف الصريف هو مكان المويه بتنزل من سقف البيت بتعمل خط زي الجدول بزرعو فيهو النرجس في الغرب

@abuabag4177 11 ай бұрын

الصريف سور من القصب او القش قدام البيت

@primedigit1714 10 ай бұрын

@@abuabag4177 يا ولد يا قاموس لك التحية ا💪

@mustafagadam4755 5 ай бұрын

اكيد الصريف هو سور من القش ، يسور به ازراعة ف الجبراكة او اذا كان للستر من الماره كحوش للبيت ، ودا مابعرفو الا كردفانى

@abdallamohammed1869 5 ай бұрын

وبسكن معاك خماس ما كدباس وخماس قرية في دارحمر

@Siddig-vx4kx Ай бұрын

@@mustafagadam4755 انا بعرف الصريف، شفتو في كردفان الغرة ام خيرا جوة وبرة.

@wisamhashim15722 7 ай бұрын

كل نحيب وكل نم فهو من القلب والقلب الرهيف فقط …. صرفة يا معلم يا مكسسسسر

@MontserAbdalrhman 7 ай бұрын

ههههههههههه البداية حلوة ايها الشعب الحزين اغلب الاوقات كن بقول قريب للعبارة دي (مالذي اصابك ايها الوطن الحزين) مع تحياتي منتصر ود بانت رفاعة

@AbdArrahmanYaseen 2 ай бұрын

أنا عايز أعرف الناس البتقول نانسي ما عندها صوت، أذنينهم دي ما أذنين بشر ولا شنو

@MahmoudAli-nq3ij Ай бұрын

اللهم احفظ بلادنا غنية بالتراث والقيم والحب والعفة ربنا سلط علينا بني كوز والدعامة دمروا وبغوا وتجبروا اللهم عليك بهم انهم لا يعجزونك

@diabelnijoumi923 10 ай бұрын

السلام عليكم ياصرفه، انت زول أديب و فنان ورائع. ربنا يكشف الغمة ، ونتلاقى فى صالات الفن والابداع.

@atifsaad4991 10 ай бұрын

يا سلااااااام مافي معلم بتعلم ( صرفه لك كل الاحترام والتقدير وربنا يوفقك ويمتعك بالصحة والعافية)

@user-of4qb6fh2e 5 ай бұрын

انا بحب الانصرافي شديد وكمان نانسي عجاج ومحمود عبدالعزيز الله يغفرليهو ويرحمو

@Siddig-vx4kx Ай бұрын

وعبدالعزيز العميري.

@murtadaeljailani 11 ай бұрын

نانسي بت السودان الاصيلة وصرفة فارس الحوبة الوطني الصنديد كل واحد منهم ما بتخير عن التاني التحية لنانسي ولصرفة❤❤

@gamaleldeenmohamed130 11 ай бұрын

بمشي معاك خماس وليس كدباس ...خماس منطقة في كردفان

@mohamedbashir3447 10 ай бұрын

صرفة دائما مبدع في اختيارك للمواضيع

@user-cf5wp1cw2v 11 ай бұрын

فنانة يحبها كل الشعب ومحترمة ومحايدة ليس لها علاقة بالسياسة

@user-rz7fh1rn8t Жыл бұрын

كل يوم بليل افتح انصرافي واخلي شغال أمن انوم

@abdoshalabnosy2419 Жыл бұрын

انا حوالي 4سنين لم انام ليلة من غير الاستماع للانصرافي 😊

@MohamedSalah-cb6tz Жыл бұрын

م براك ي عمك😂😂

@omaramin5775 11 ай бұрын

كلنا في الهواء سواء ❤

@mohamedbabikerkh 11 ай бұрын

شكله عاده عند الكل النوم بي صرفه اريتو صرفة صندوق

@alfathi1790 8 ай бұрын

هذه البنت ممبدعه وغريبه ومسيره

@salaheldinibrahim Жыл бұрын

صوت القبل دي قوية

@mohammeddeara5255 2 ай бұрын

يا انصرافي والله انت دائما مبدي بس انا خايف يوم يجي ويشتروك دعامة

@saeedabdallah5089 8 ай бұрын

الصنف بتاعك عجيب والله...

@user-mh1pb2zn9t Ай бұрын

وبل بس الليلة وين ...لو مسكت الطريق دا من الاول كان الحرب وقفت

@user-pc5xn3xg7y 6 ай бұрын

زوووووولي شديد❤❤❤كل التحية والتقدير

@user-er8hq7vv4v 6 ай бұрын

اختيار موفق

@alfathi1790 8 ай бұрын

نعم هذه اغنيه حمريه قديمه جدا

@user-bh9si5fe8j 9 ай бұрын

الزارعنك ف الصريف الصريف ده سور الحوش المبني من القش. تحت جداره يزرع الذهور. حلاوة الغرطاس حلاوة الورق.

@sidigibrahim418 11 ай бұрын

ما بمشي معاك كدباس يا حبيبنا لا بمشي معاك خماس خماس ده دار حمر علي طريق النهود خماس الدونكي وده جراري لقبيلة الحمر في غرب كردفان

@sloomabdullah4182 Жыл бұрын

ابداع والله

@user-yo8bp1kp1w 11 ай бұрын

تحياتي وتقديري الانصرافي

@mohamudhawa6157 5 ай бұрын

الليله الليله الليله فظيع يا صرفة , انا كنت صرفت النظر عنك لي فترة طويلة , لكن الليلة اكتشفت فيك شئ عجيييييب مااااا توقعته شئ حاجة كدا من عوالم تانية و الله عمري ما تخيلتك والله , الليله اثبت لي إنك 👇🏾 very very very sensitive 😍 عشان كدا بهدي ليك كلمات الأغنيه الإسطوريه دي , اسرح و امرح بخيالك و انسي الكرور الحايم فى الساحه ديل ناس فننننن و اشباههم , ناسي دي زوله نظيفه , انيقه و بسيطه , مثقفه و رايقه و هاديه زى هدوء بحر ابيض عندنا فى الشجرة ❤😍 يلا هاك الكلمات و اللحن تمو خيال 👇🏾👇🏾👇🏾 الليل... الليل... الليل... الليلة... الليلة الليلة(أندريا) اااااااي يا الزارعنك في الصّريف(أندريا) بسقيك بلا خريف(أندريا) كان ما الصبر تكليف(أندريا) من بيتكم ما بقيف(أندريا) مممم مممم امممم اندريا الليل... الليل... الليل... الليلة... الليلة الليلة(أندريا) حلاوة القرطاس (أندريا) يا الفي الخشيم تتماص(أندريا) لو ما كلام الناس(أندريا) برحل معاك خمّاس(أندريا) مممم مممم امممم اندريا الليل... الليل ...الليل... الليل... الليل الليلة(أندريا) صنقعت للسحاب (أندريا) و دنقرت للتراب (أندريا) لقيت نجيمي الغاب (أندريا) في ام دروتة فاتح باب(أندريا) مممم مممم امممم اندريا الليل... الليل ...الليل ...الليل ... الليل الليلة(أندريا) القمري قوقا وطار(أندريا) خلا الدباس في الدار(أندريا) خلاني للافكار(أندريا) بالكبري شاشا وطار(أندريا) مممم مممم امممم اندريا الليل... الليل ...الليل ...الليل... الليل الليلة(أندريا) مممم مممم امممم (اندريا) مممم مممم امممم (اندريا) الليل. الليل... الليل... الليل. الليل الليلة(أندريا) مممم مممم امممم (اندريا) الليل. الليل... الليل... الليل. الليل الليلة(أندريا) مممم مممم امممم (اندريا) الليل. الليل... الليل... الليل. الليل الليلة(أندريا) كن بخير و تقبل تحياتي Übersetzen in: Deutsch نانسي البنت الفيها لمسه غريبه من الجمال بنت الموسقار القامه بدر الدين عجاج عليه الرحمه .

@user-el1sg5qd1w 5 ай бұрын

الليل الليله أندريا الزارعنك في الصريف أندريا

@user-lg3vp5rd8r 2 ай бұрын

الصريف . برضو تعريفو سور الحوش المعمول بالصريف الهو القصب الرهااف داك عرفتو . بيوت القش والقطاطي . في الدمازين لاقاني مش كردفان بس . دي إضافة غايتو .تراثنا حافل وكتير وكبير وعندو تفاسير كتيرة .

@casharmy8108 4 ай бұрын

الشاعره هي الحكامه بلدوسه بنت بلداس، ياسبحان الله اهل كردفان اهل فصاحه وخاصة العرب الرحل في كردفان مجانين شعر

@AbdullahMohamedGomaa 2 ай бұрын

ابداع

@user-hn5ve3lc3w 11 ай бұрын

صرفه يامعذبهم 💔

@mohomed 7 ай бұрын

لو ما كلام الناس برحل معاك خماس...❤❤❤

@user-cc6gx1tc5k 11 ай бұрын

جيش واحد شعب واحد. ❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

@masszain4401 11 ай бұрын

لله درك يا انصرافي قدر ما نهزج ونحس القرف نفتش عن مصدر فرح وهدوء... تجي انت زي حبوب مهدية ومرىحة.... مفرداتك زاتها تريح النفس.... سياسة وشعر وكورة... انت موسوعة خرافية.... والله الواحد لمن يسمعك في حديث عن خالد سلك وحنان هولاء توافه وعواليق ساكت مفروض اتجاوز هولاء الاقزام الصعاليق... حقا يا سيدي انهم قاع المدينة....

@naemaomer4333 11 ай бұрын

صرفه يا قلب انت من ياتو كوكب ي رجال

@anass1992 11 ай бұрын

لو ما كلام الناس برحل معاك خماس يا صرفة ما كدباس بس الغنيه ابداع الصراحه و ليكم التحيه

@user-ff2qr7vo7y Жыл бұрын

صرفه دا معلم وبعيد في اي شي

@suliemanahmed466 11 ай бұрын

قالت برحل معاك خمّاس قُرى ف دار حمر وليس كدبّاس

@user-hy4qy5gx7p 5 ай бұрын

😢😢😢😢😢😢😢 حزينه

@SuAb-tx8gq 9 ай бұрын

يامزيج الانصرافي إنتا الثروة القومية

@wasillanya5542 Ай бұрын

يا صرفة ، تصحيح العبارات من لهجة دار حمر الكاتب او الكاتبة من مدينة الخوى المقصود فى القصيدة سواق اسمة اندريا الصريف ما الخريف والصريف موقع تتجمع فية المياة غربة مدينة الخوى خماس مدينة فى دار حمر الجرار ى من تراث قبائل كردفان نشكر الفنانة نانسى فى انتشار القصيد

@aliaamar-gs8mv Ай бұрын

بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بل بس

@islamadam3464 11 ай бұрын

الصريف مصرف ماء الخريف

@user-zt4dq7om5u Жыл бұрын

كلام قلبك شنو ي انصرافي😹

@user-wd1ly1ze2k Жыл бұрын

ما كدباس خماس ودي منطقه في دار حمر في كردفان والاغنية تراث حمري للحقيقه والتاريخ تفصيلك للأغنية جميل لكن كل المحتوي ينتمي لقبيله حمر العريقه في كردفان

@anass1992 11 ай бұрын

ليك التحيه علي التصحيح خماس و ليس كدباس حتي انا كنتا عايز اصحلو في الحتي دي

@syn1363 10 ай бұрын

صرفة انت جميل والله

@khalidahmed404 Ай бұрын

مهما كاد لك الجهلاء ستظل صرفة ذلك الاسد الشامخ فى عزه و شموخه @

@user-mf6ce2xl3b 11 ай бұрын

شوفي لي اغنية لمتين يلازمك في هواك مره الشجن

@user-ty5dh1wu6g 10 ай бұрын

❤❤❤❤

@sudan.love.anesthesiology9604 6 ай бұрын

لو ما كلام الناس كان عملنا حاجات كتيرة 😂

@user-kq7gp8ck4q 5 ай бұрын

مش كلام الناس البعمل لينا كنترول برضو عندنا عقيدة وعرف

@wihadelimam2411 5 ай бұрын

❤❤❤❤❤❤❤

@user-gx2xz4er7e 7 ай бұрын

السندريلا ❤ حااااسة بلوعة الشوف والفقد والصراع بين قلبها وكلام الناس عقلها وكلووااا مر 😢

@eljailymusa5444 11 ай бұрын

الاغنيه تراث من غرب السودان .. اغاني حكامات زي ما بيقولو .. كانت من الاغاني البغنوها للخواجات ( الصُفُر) .. ( اندريا ) من امثلتها .. فتحت الرادي ما لقيت مرادي ود الناس اللبسو الرمادي طبعا صرفة شرح معظم الكلام غلط 😂

@primedigit1714 10 ай бұрын

الاغنية ما للخواجات !!! الكلام دا شايف ذكره واحد اسمه شوقي بدري ، يظهر انه متخيل مافي زول عارف حاجة. الاغنية دي ظهرت في السبعينات واشتهرت بعد ظهور مسجلات الكاسيت. شاعرتها هي فاطمة بنت دوليب والاغنية من اغاني مقام المتلوتة من بحور الجَرّاري اغنية تراث اصيلة من دارحمر. اندريا كلمة من صنع عدم الالمام بالتراث هي ليس اندريا !!! هي النّاريّة وتعني الحُمّي الشديدة، النارية تعتبر لزمة ، اي كلمة تكرار لاستعدال الاغنية من الميلان ، مثل كلمة " حي انا" ناري انا، يا دنيا … الخ. الاغنية تصف موقع معين في سوق النهود وهو موقف الابيض عند شجر اللبخ والكبري وطلمبة شل عندما قالت : اللوري جي مِنْقَل شايل قزاز الخل نموت يدفنوني قِدّام شرِكة الشّل هذه الشاعرة لها اسم حركي وهو بلدوسة واحياناً بلدوسة بنت بلداس. هي نفس الشاعرة صاحبة الاغنية كباشي كان برضي يوديني ودبندا، وأخريات كثر. نسأل الله لها المغفرة توفيت عام ٢٠١٢ دامت مسامعك ولك شكري

@Siddig-vx4kx Ай бұрын

فاطمة بنت دوليب الله يرحمها.

@user-wj2zm3ib1y Жыл бұрын

صرفة يا دولة

@MahmoudAli-nq3ij Ай бұрын

أمشي انت تتكلم عن الموت والحرب دع الكلام عن التراث والحب..

@user-wv7pu2uq8d Ай бұрын

ايه لم السلام مع الارهابي؟؟!!

@user-mg9co2wl9l Ай бұрын

جعبتك

@user-mf6ce2xl3b 11 ай бұрын

صرفع ياموسوعه

@user-rz7fh1rn8t Жыл бұрын

مبسووووووط منك شديد انا والله

@haydarahmed774 Жыл бұрын

عوافي عوافي عوافي، أنت ما سمعت و لا شفت أنصرافي في شرح :- ( زحلة - جارت الوادي ) 1988م.

@AzzamFarah 5 ай бұрын

كلمات الحكامة: بلدوسه (1) (2) أنْـدَرِيـا (3) [النص المُغنى في الفيديو، جرى بإسلوب الجَراري (4)، هو جزء صغير من النص الأصلي، بدأت الأغنية الأصلِية بنديهة (5) الـفُـقَـرا (6) عند الحَمَرْ (7)] . يا الزارعينك فى الصريف أنْـدَرِيـا.. بسقيك بـلا خـريـف أنْـدَرِيـا ( 8 ) كـان مـا الصـبـر تـكـلـيـف أنْـدَرِيـا.. من بيتكم ما بـقـيـف أنْـدَرِيـا (الليلة الليلة الليلة.. الليلة الليلة الليلة أنْدرِيا) . حـلاوة القـرطـاس أنْـدَرِيـا.. والـفـى الخِـشـيـم تِــتْــماص أنْـدَرِيـا (9) (10) لـو مـا كلام الناس أنْـدَرِيـا.. بــرحــل مـعــاك خَــمَّــاس أنْــدَرِيـا (11) (الليلة الليلة الليلة.. الليلة الليلة الليلة أنْدرِيا) . صـنـقــعـت للـســحـاب أنْــدَرِيـا.. دنـــقـــرت لـلـتـــراب أنْــدَرِيـا (12) (13) لـقـيـت نـجـيـمي الـغـاب أنْدَرِيـا.. في أﻡ ﺩﺭﻭﺗﻪ فاتح باب أنْـدَرِيـا (14) (الليلة الليلة الليلة.. الليلة الليلة الليلة أنْدرِيا) . القـمـرى قــوقــا وطــار أنْـدَرِيـا.. خـلا الـدبـس فـي الدار أنْـدَرِيـا (15) (16) خـــــلانـــي لـلأفــكـــار أنْـدَرِيـا.. بالكـبـري شاشا وطـار أنْـدَرِيـا (17) (الليلة الليلة الليلة.. الليلة الليلة الليلة أنْدرِيا) ـــــــــــــــــــــــــــــــــــــــــــــــــــــــــــــــــــــــــــــ (1) الحكامة: الحكامات: هن نساء ذوات همة عالية في مجتمع غرب السودان الريفي في مناطق "دار فور" و"كردفان". والحكامة هي التي تضع قوانين وأسس المجتمع في الأخلاق، والكرم، والشجاعة، والجود، وتثير الحروب بين قبائل المنطقة أو توقفها من خلال الأشعار والأهازيج والأقوال المرتجلة. (2) بلدوسه: هي بلدوسه إبراهيم بنداس، من قرية الشراتى شمال النهود: وهي من أشهر حكامات دار حَـمَـرْ- كردفان. (3) أنْـدَرِيـا: جنوبي من منطقة أبيي واسمه "اندريا لور" له أثرًا في أغاني الحَمَرْ، مثل أغنية: شربن قامـن صدريا مِـن دونـكي أنْـدَرِيـا (الدونكي = البئر التي ُتنشل منها ماء الشُرْب). وهنالك العديد من أغنيات نساء الحَمَر التي يرد فيها إسم أندريا الذي أصبح رمزًا للمحبوب. (4) الجراري: نوع من الغناء والرقص يقدم بدون مصاحبة الالة الموسيقية نجده منتشر في شمال وغرب كردفان، وشمال دارفور، والقبائل التى تؤدى الجرارى في اقليم كردفان هي: الكبابيش، دار حامد، الشنابلة، الكواهلة، وحمر، وغيرهم، وتعتبر رقصة الجرارى الرقصة الأولى عند رعاة الابل في كردفان ودارفور. وغِناء الجراري ويكون الرقص فيه من نصيب النساء، ويكون المطلوب من الفتيان، التصفيق وصوت الكرير (الرزيم) والذى هو عبارة عن صوت الحلق الذى يخرج تمويهات صوتية، يحاكي هديل الحمام، وأحيانًا صوت الفحل. (5) بنديهة: بنده أي بنادي، وهو معني به النداء على أولياء الله، ويدعوهم ويستغيث بهم لإصلاح أمره. (6) الـفُـقَـرا: الفقراء: أولياء الله الصالحين. (7) دار حَمَر: قبيلة كبيرة بكردفان منسوبون الى جدهم الأحمر. قال السير/ الفريد ماكمايكل: حمر أصلا أولاد الأحمر بن معاوية بن سليم أبو شايل التميمي ويرجعون لبني تميم. ( 8 ) الصريف: سور للبيت من عيدان القصب أو الشجر. (9) الخِشيم: تصغير "خَشْم" وهو الفم. (10) تِتْماص: تذوب. (11) خَمَّاس: قرية في منطقة دار حَمَر غرب مدينة الأبي، وهي قرية اندريا. (12) صنقعت: صنقع: رفع رأسه وحدق في الأفق. (13) دنقرت: دنقر: إنحنى وطأطأ رأسه. (14) أﻡ ﺩﺭﻭﺗﻪ: قرية في دار حَمَر بكردفان. (15) قـوقـا: هو صَوت القُمْري (القُمْري: نوع من الطيور يرمز صَوْتِهِ للمحنه والذكرى). (16) الدبس: نوع من الطير يشبة الحمام ويضرب به المثل في الغفلة، فنقول: فلان دَباسة. (17) شاشا: الشاشاي نوع من الغناء أو النم (النميم)، يُغنى أثناء الأعمال الشاقة للترويح عن النفس وتسهيل العمل، مثل نشل (سحب) ماء الشرب من الآبار، الزراعة... إلخ.

@alfathi1790 8 ай бұрын

مافي حدصبقه اليها