Рет қаралды 9,006
الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ضحية النرجسي واستمراء دور الضحية
اتعلمنا من أهلنا في غزة ان الدنيا لاتسوى جناح بعوضة ، لما تقارني نفسك بيهم حتلاقي حياتك نموذج مصغر ومرفه من اللي حصل معاهم في شهرين او شهر ونص ، هم وقعوا تحت الظلم والغدر وحدهم ولا حد واقف جنبهم بالفعل الحقيقي ولا حد قادر يحارب عنهم ولا ... باختصار هم وحدهم زي ما انتي كنتي لوحدك وهو معزولين عن العالم زي ما انتي كنتي معزولة وهم ملقوش حد يدافع عنهم زي مانتي كنتي ، لكن هم وضعهم غير هم بيموتوا ومفيش اكل ومفيش كهربا ومفيش أي معلم من معالم الحياة وهم أصلا تحت القصف ، يعني وضعهم اصعب بكتير مفيش مقارنة انتي في بيتك امنة علي اولادك مهما كان جوزك بخيل ففيه حد ادنى من الشبع ، يوم ماتزيد المعاناة حتلاقي امان في أي مكان ، ومع ذلك فهم اقوى منك . هم واقفين ادام النار ومش خايفين ومش بيتراجعوا ومش بيقولوا احنا مظلومين ولا احنا لوحدنا ولا مفيش حد معانا هم واقفين بيقولوا يارب ، هم صوتهم مسموع هم اثاروا العالم كله بتحملهم وصبرهم وتمسكهم بارضهم ووطنهم وذواتهم ، هم الهموا العالم كله بقوتهم الغير متوقعة والغير طبيعية ، هم خلوا العالم اللي ميعرفس القرآن يفتح المصحف ويقرأ عشان يفهم أيه سر قوة الناس دي ،
احنا فين من قوة الناس دي احنا فين من شجاعتهم وايمانهم وتمسكهم بالله
احنا بقى عشان الزوج النرجسي اخدنا دور الضحية وقاعدين في السرير وبنبكي وزعلانين وبندور ع الحب والطبطبة ، احنا بندور ع الرومانسية وانا ليه أعيش عمري من غير راجل على أساس انه اكسير الحياة يعني،
شوفوا انا مش جاية ازعلكم انا النهاردة جاية اصحيكم ،خصوصا الناس اللي بتدخل ع الاكتئاب بسبب البحث عن الحب والطبطبة والناس اللي بتشوف ان الحياة وقفت عشان النرجسي سابها اللي هو أصلا فضل من ربنا انه يمشي ويسيبها ، والناس اللي قاهعدة ليل نهار تشكي حالها واللي بيتعمل فيها واللي بيشتم واللي بيهزأ واللي بيضرب واللي بيمنع العلاقة الحميمة ، اللي عايشة الدور دة بس هي اللي حقول لها شوفي الفيديوهات المؤلمة اللي بتحصل في غزة عشان تعرفي وتقدري قيمة النعمة اللي انتي فيها انتي عندك صحة ماشاء الله تقدري تتحركي وعندامان تقدري تخلقي لنفسك شغل وعندك بلد اقتصادها شغال تقدري تحصلي على مصدر رزق ،عندك فرصة مقاطعة المنتجات الداعمة للكيان فتقدري تعملي منتج ولو بسيط وتنافسي وحتكبري ، بلاش كل دة انتي لو اتقفل ادامك باب واتنين وعشرة فيه الف باب مفتوح لانك مش تحت القصف ولا جيش كامل بيحارب وانتي حد اعزل بدون سلاح . انتيب يحاربك شخص تافه غبي هش جبان بيخاف لو شخطتي فيه وبيركن على جنب لو هددتيه وبيرضخ لطلباتك لو صممتي عليها ،ولو كان سيء لدرجة انه يذلك ويضربك تقدري تمنعيه لانك في بلد فيها قانون ، ولو سابك ومشي لانك اتغيرتي وفوقتي وقولتي لا فدة فضل ونعمة من ربنا ومفروض تدعي انه مايرجعش ، عايزة أقول لك ماتعيشيش دور الضححية وتستسلمي وتقولي مفيش امل لان لو مفيش امل مكنش غيرك نجح ولو انتي مفيش عندك امل امال الغزاوية يقولوا ايه اللي أطفالهم بتموت ادام عينيهم دول يقولوا ايه ، دايما حطيهم ادام عينك دايما افتكري هم اد ايه صامدين واد ايه ربنا اداهم قوة وثبات لانهم لجأوا له ولسة بيقاوموا ولسة عندهم امل ،
ايوة الحياة مع النرجسي صعبة لكن انتي اقوى من انك تقعدي تبكي وتدخلي في اكتئاب وتؤذي اطفالك بعصبيتك وتهملي صحتك وتهملي دراستك وشغلك او تستسلمي للقعدة تبكي ع اللبن المسكوب انتي اقوى انتي عندك طاقة تربي أجيال مش حتقدري تدافعي عن نفسك وتحطي حدودك . انتي مش عاجزة انتي عندك كل مقومات النجاح بس انتي مش شايفاها عشان انتي مش شايفة نفسك ومش بتحاولي تشوفيها ، عشان انتي أحيانا بتحسي انك ماتستحقيش انك تنجحي و أحيانا بتكوني أصلا مش عارفة نفسك ومش عارفة امكانياتها او ناسياها وناسية هي كانت ايه وازاي ونسيتي احلامها ونسيتي أهدافها ونسيتي قدراتها ، اقعدي كدة افتكري زمان قبل ما النرجسي يحطمك كنتي بتحلمي بإيه وكنتي مخططة ايه لحياتك وكنتي عايزة توصلي لايه ، انا متأكدة ان مفيش ضحية نرجسي مكنش عندها حلم عايزة تحققه عندي حالة كانت بتقول انها كان هدفها تكون وزيرة وحالة تانية كان هدفها تكون كاتبة مشهورة واللي دكتورة في الجامعة واللي عالمة في الكيمياء ، واللي كانت هدفها تفتح سلسلة مطاعم ، دي كانت احلامهم اللي ضاعت مع النرجسي وبدأوا كلهم يرجعوا تاني لنقطة الصفر عند الحلم وبدأوا يخططوا له من جديد ومنهم اللي حقق خطوة ومنهم اللي حققت خطوتين المهم انهم بدأوا المهم انهم صحيوا المهم انك تفهمي انك تقدري واللي بدأت واتحركت مش احسن منك في حاجة وظروفها ممكن تكون أسوأ من ظروفك ، خدي بالك اللجوء لربنا هو بداية الطريق لان ملكيش داعم غيره وملكيش حد غيره، فكري في نفسك زمان وافتكري أحلامك وجددي نيتك وابدأي واقفي عند اول سلمة وادعي ربنا يساعدك ويدعمك ويرزقك ويوفقك ويكسر عدوك ويضعفه ويلهيه عنك ويقويكي ،صدقيني دي اول خطوة ومنها ممكن تتحركي انتي واسرتك حتى النرجسي العائق ربنا قادر يطوعه ويكون مساند وماذلك على الله بعزيز ، كوني مؤمنة بقدرة ربنا وكوني مؤمنة بنفسك وفوقي وكفاية كدة دور الضحية
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #الخفي#القوة #الثقة #الاكتئاب#النفسية