Рет қаралды 669,899
လားရှိုးမြို့ထဲမှာ ရုပ်အလောင်းတွေ မကောက်နိုင်ဘဲ ဖြစ်နေ (ရုပ်/သံ)
ဘုန်းအောင်၊ ဩဂုတ် ၁၊ ၂၀၂၄
မြို့သိမ်းတိုက်ပွဲ အပြင်းအထန် ဖြစ်ပွားနေတဲ့ ရှမ်းပြည်နယ် မြောက်ပိုင်းက လားရှိုးမြို့ပေါ်မှာ နှစ်ဖက် တိုက်ပွဲတွေကြား ဒေသခံ အရပ်သားတွေ ထိခိုက်သေဆုံးမှုတွေ များနေပြီး မြို့တွင်းမှာ ရုပ်အလောင်းတွေ မကောက်နိုင်အောင် ရှိနေတယ်လို့ ဒေသခံ စစ်ရှောင်တွေက ပြောပါတယ်။
သေဆုံးနေတဲ့သူတွေထဲမှာ အရပ်သားတွေပါဝင်သလို လက်နက်ကိုင်အဖွဲ့ဝင်တွေလည်း ပါဝင်တယ်လို့ ဒေသခံတွေက ပြောပါတယ်။
လက်ရှိမှာတော့ လားရှိုးမြို့နေရာအနှံ့အပြားမှာ တိုက်ပွဲတွေ ဆက်လက်ပြင်းထန်နေပြီး မြို့တွင်းရပ်ကွက်နဲ့ ကျေးရွာတွေ အတွင်းကို လက်နက်ကြီး၊ ရှော့တိုက်ဒုံး အများအပြား ကျရောက်ပေါက်ကွဲမှုကြောင့် နေအိမ်အများအပြားထိခိုက်မှုရှိပြီး ဒေသခံတွေ ထောင်နဲ့ချီပြီး အလံဖြူထောင်ကာ မြို့စွန့်ခွာပြီး စစ်ဘေးရှောင် နေကြရတာပါ။
#မြန်မာ #ဧရာဝတီ #လားရှိုး #MNDAA #ကိုးကန့် #ရှမ်းပြည်နယ်