Рет қаралды 9,586
لەگەڵ رەنج؛ گرفتەکانی مامۆستایانی وانەبێژ و ئاستەنگەکانی بەردەم پرۆسەی پەروەردە
-زیاتر لە 35 هەزار مامۆستای وانەبێژ لە هەرێمی کوردستان هەن کە دوای ئەوەی وەزارەتی پەروەردە بڕیاریدا رۆژانی شەممە لە قوتابخانەکان بکرێتە پشوو، بەهۆی کەمبوونی وانە ترسی ئەوەیان هەیە دەربکرێن، بەشێک لەو مامۆستایانەش نێردراونەتە ماڵەوە. ئەوە لەکاتێکدایە، سەرپەرشتیارێکی پەروەردەیی دەڵێت؛ "لە شارەکاندا قوتابخانە هەیە مامۆستای دامەزراوی تێدایە چوار بەشە وانە دەڵێتەوە و بۆ هەر وانەیەکیش کە دەیڵێتەوە 250 هەزار دینار لەسەر حکومەت دەکەوێت"، هاوکات راوێژکارێکی وەزارەتی پەروەردەش رایدەگەیێنێت، "هیچ مامۆستایەکی وانەبێژ نانێردرێتەوە ماڵەوە و بۆ ئەو مەبەستەش وەزیری پەروەردە بڕیاریداوە."
رۆژی یەکشەممە، 10ـی ئەیلوولی 2023، بەرنامەی لەگەڵ رەنج بە میوانداری بورهان ئەرگوشی، راوێژكار لە وەزارەتی پەروەردە؛ عەتا ئەحمەد، جێگری سەرۆكی یەكێتیی مامۆستایان؛ ئومێد عەلی، سەرپەرشتیاری پەروەردەیی؛ شێرزاد رەشید، بەڕێوەبەری خوێندنی کوردی لە کەرکووک و مامۆستا عەلی، نوێنەری مامۆستایانی وانەبێژ، تاوتوێی گرفتەکانی مامۆستایانی وانەبێژ و ئاستەنگەکانی بەردەم پرۆسەی پەروەردەیان لە هەرێمی کوردستان کرد.