الخطة الالكترونية والتدريب على الرمبة قبل اختبار اجازة السوق في المركز الدولي لتعليم السياقة

[@Almuror]

لتعلم القيادة وللتدريب على الاختبار النظري و العملي لإختبار اجازة السوق مثل الرمبة وغيرها من خلال المركز الدولي لتعليم السياقة - للحجز والاستفسار الاتصال على 07738397777 - 07838397777 facebook.com/105443338648904

[@ayadal-radi3361]

شگد مدة دورة خطة الأجازة وشگد تكاليفها؟

[@abdallahal_jarousheh1619]

هل يوجد هنا شخص واحد فقط يشجع أهل القرآن ..🥺،،،،،،،،

[@wtyuujgffdryuiihffv6649]

يعني الاجازه تطلع من يمكم من المركز الدولي اذا اشارك

[@اللهمصلعلىمحمدوالمحمد-ظ3ش]

استاذ وغلات عيونك في محافظة ذي قار ب 150 الف تجيك الاجازة وانت بالبيت

[@AmarAmar-dp3nr]

انت مقتنع بهذا كلامك اول مره بحياتي اشوف اختبار قياده بهكذا مكان اول شي لازم يدخل مدرسه تعليم القياده ويحضر دروس نضريه تقريبا ٢٨ ساعه اقل شي ويسوي فحص نضر ويتعلم على الاسعافات الاوليه يا اخي ليش منصير مثل الدول المتقدمه بعد كل هذا المراحل يدخل يمتحن عن السرعه والمسافات بين كل مركبه يكون امتحان من ١٠٠٠ سؤال يجي منهن تقريبا ٣٠ سؤال او كل سؤال عليه درجه معينه لان لازم يحفض ويفهم جميع الأسأله بعدها يتدرب على سياقه السياره في الشارع مو بهيج مكان حته تروح من عنده الخوف يتدرب تقريبا ٣٠ ساعه اكيد مو متواصله او بعدها من يكمل يدخل الى الاختبار هم لازم يكون في الشارع مو بهاذا المكان وشكرا

[@العراقالعظيم-ي1ل]

استاذي ولو خارج المقطع بس ممكن مناشدة بسبب ترقيم دراجات الله شاهد اهوية يعني دراجتي سعرها 200ارقمها اكثر من 500الف وين صايرة والله اني ويا القانون مو ضدة بس ميصير هيجي اتمنى يراعون ضروف

[@حيدرالامريكي-ص4خ]

عمي لترقمون حكومه مال قط وبس كل دعم ماكو رواتبهم علينه ونفطنه الاسيادهم وينك يمقبور وينك يصدام تعال وشوف شصار بينه

[@alialiraqe4713]

اني وياك سعر الارقام كلش هواي للعلم اني ماعندي دراجه بس ما اقبل بالظلم

[@Karar-9000]

والله صحيح لو يسون ترقيم ١٠٠ الف كلنه نرقمهن بس مو ٥٠٠ و٤٠٠ تكلف

[@العراقيراقي2020]

@@حيدرالامريكي-ص4خ جا بوقت المقبور هدام حتى بايسكل ماتكدر تشتري خاب ماتسكت

[@Hussein_Almoswi1983]

@@العراقيراقي2020 اي خويه صدك يحچي الأخ الناس امنين اجيب الله ايعينها ان شاء الله

[@NoorNoor-m9m]

بارك الله بجهودكم المبذوله وهذه حاله حضارية وشكرا ع القائمين على تنفيذ هذا المشروع

[@sadeq.models]

كل التوفيق ان شاء الله مقترح بسيط وهو استضافة طلبة المدراس لمشاهدة الدورات والتدريب لزرع ولو شي بسيط بداخلهم عن الثقافة المرورية تفيدهم للمستقبل

[@النجمالثاقب-ز4ف]

لك كل التقدير والتحايا أخي المبدع (جدا) صادق .. 🌷

[@Almuror]

تدلل بس الايام القادمة او بعد نصف السنة

[@DR-gi3iv]

الله يوفقك شكد انتة شريف وتساعد الناس مئجور

[@affan882]

تعجز الكلمات عن وصف مثل هكذا انسان مثقف ومحب للبلد وسط الفوضى وقله الوعي وعدم تحمل المسؤولية من الدولة نتمنى لك التوفيق والنجاح وخدمة الناس ونرى امثالكم خدمة للصالح العام

[@قناةفائزلصبغالسيارات]

اللهم افتح لنا جميع ابواب رزقك الواسعه ورزقنا من حيث لا نحتسب وجعل حسن العاقبه والتوفيق من نصيبنا ببركه الصلاة ع محمد وال محمد ( ص )

[@asimrafid5467]

استاد عمار ..قناتك راح توصل النص مليون مشترك .. شي حلو اذا طورت من قناتك و جبت كامرا دقتها حلوه ..جيب مايك تتكلم بي بصوت واضح ..افضل من صوت الهوا اللي ما يخلي احد يفهم شي من الكلام.

[@Almuror]

تدري قناتي بدون اي عائدات مالية لاني عرضت تقرير اغضب الغرب والتصوير بكاميرا العراقية محبتي لك وشكرا

[@thend.O]

@@Almuror اغضب الغرب ؟

[@Almuror]

@@thend.O نعم ولااستطيع التوضيح اان قبل ايام تم اعادة الاعلانات لها ولم نستلم اي مبلغ من الشركة

[@thend.O]

@@Almuror ربما يوجد خلل يجب التواصل معا مختص

[@عليعلي-م5ي6و]

استاد واللة العظيم اني شكد اتابع برنامجك وشكد احترم رجال المرور وكول واللة رجال المرور مثل الشيوخ العشار لن رجال المرور يحلون شكو زدحام وشكو هوسة بلشارع بس ياخي اتخبل من رجال المرور من تراجع دوار المرور وما عدهم كل مساعدة وية المواطن هللة هللة بلمواطن من يراجع وسلامتك وصل كلامي للخوة رجال المرور

[@gt2019m]

بالتوفيق ان شاء الله

[@سيداحمدالاعرجي-خ8ل]

استاذ عمار الله يحفظك محبك من البصرة

[@IiAISmRa]

بارك الله فيكم وجزاكم الله تعالى خيراً

[@ahmadal.baliky9740]

استاذ عمار رحمه لوالديك تعال شوف ازحام جسر الرستميه الجديد والقديم ما تحسن الوضع سكان بسماية راح يهجون

[@hashimhashim2779]

أستاذ وليد المحترم والله البس العسكري هيبه وعز ورجوله أنا اتابع برنامجك على اليوتيوب من الإمارات

[@captain9352]

معدل اللواء عمار ربي يحفظك

[@أصيلالجنابي-ف5ع]

اول مركز فعلي لتعليم السياقه احسنت ونفضل الدورة شامله للعملي والنظري كورس كامل اريد اسجل

[@zahraafshaker9774]

وين المكتب ؟

[@sfggbiiut8970]

تحياتي لجنابك الكريم استاذ عمار،

[@كرارمحمدسعيد]

بارك الله بيك

[@احمدالسومري-ث2م]

الحمد لله اني اختبرت و نجحت بس اله شويه و رسبت من وره الرمبه لان دست عل بنزين حيل بس ما فحطت السيارة

[@علي-ث1ه4س]

شكرا جزيلا

[@bilal_245]

احسنتم خوش خطه الله يوفقكم

[@MohammedMohammed-tl2xg]

الاستاذ الراقي

[@thelord7833]

ياريت تنزل عن موضوع الي يفسي بصف السايق من يسوق

[@eefe73]

استاذ عمار المفروض تسوون اكلديمية لتعليم كافة القوانين المرورية لان الخطة الموجودة غير كافية للحصول على اجازة سوق وجاي نعاني من بعض السواق مايعرف الخطأ من الصح

[@محمدجاسم-ض7ر7ع]

بارك الله بجهودكم

[@mohndm446]

احسنت هذا شغل عدل

[@علاءمحسنهاشم-غ6ح]

بالتوفيق ان شاءالله استاذنا الغالي، ربي يحفظك ويرعاك.

[@عامرعمار-ف3ث]

احسنت بارك الله فيك

[@ازهرنزار-ق8ي]

بالتوفيق

[@اميالجنه-د1ز]

موفقين

[@normeki5996]

عاشت ايدك

[@177hz]

واخيرا صورو هيج 😂

[@Ahmed.W92]

عاشت ايدك وموفقين ان شاء الله

[@هناءاحمد-ه7د]

ربي يحفظك ويخليك تشتغل بضمير

[@ابنادموحواء-ك4ث]

استاذ الله يوفقك صوت جدا خافض فدو واني من متابعيك

[@مصطفىالمياحي-ش6ض]

منور سيدي الغالي

[@زينالعابدينعمادعباس]

راقي

[@علوشعلوش-ن5د4غ]

منور أوربي ايحفظك إنشاءالله استاد عمار الصراحه غير احبك والله لأن انسان صريح وخلوق 🤭😘

[@lookug3545]

ممكن تسوي تقرير عن ترقيم الدراجات وتوصل صوت الاجحاف بحقهم من قبل الكمارك قط مو طبيعي ورقم الدارجه ١٠٠ الف وسعره من ٢٠٠ الى ٥٠٠ ورقم وكمرك من ٤٠٠ الى ٨٠٠ الف ولكم التحيه

[@mohammedmuhammad5282]

حسبي الله ونعم الوكيل على كلمن صدر هالقرار الجايف ما يفكرون بالفقير وهما رواتبهم ملايين عدا الخمط إن الله يمهل ولا يهمل كما تدين تدان اللي صدرت هالقرار

[@muhanad89mr38]

استاذ. عليك ابداعت الغالين ياريت تنزل حلقات للاشاير بحيث السايق لازم من يستدار يشغل اشاره حتى لو الوحده بالشارع. ويامكثرهم مايشغلون اشاير من يستدارون. تحياتي

[@ظلالبرنس]

استمر حبيبي 😘

[@wahedwahed3030]

هوة اليمشي بشوارعنة وازدحاماته والفوضى الي بيهة تكول ديسوق بلعبة بلي ستيشن بعد هم يحتاج اختبار مال سياقة بعد😂😂

[@حيدرالعوادي-ق3ص]

وفقكم الله إستاذ ،الملاحظ في الطرق الخارجية أن خطأ ملمترات في حركة الستيرن قد تسبب كوارث مميتة

[@ghassankasim504]

بارك الله بكم وياريت لاتمنح الاجازة الا بشهادة من مركزكم

[@النخعي-ب5ف]

سيادة اللواء عمار المحترم احنه اصحاب دراجات غير مشموله بالكمرك وفق الماده 101 وحسب كلام السيد مدير المرور العامه سجلنه الدراجات وكملنه كل اجراءات الفحص وراهه حولو المعاملات للكمارك الجنوبيه للبصره اذا دراجاتنه غير مشموله بالكمرك وهي اقل من 125cc شنو الغايه من ارسال المعاملات للكمارك واحنه صعبه عليه نروح للبصره واحنه من السماوة اتمنى توصل صوتنه للسيد مدير المرور العامه المحترم

[@Shaoox691]

شنو فائدة اجازة السوق في بلد تنعدم فيه ابسط قوانين المرور ؟ ناهيك عن الواسطات في المرور ؟؟؟

[@mustafaal-sabaawi8701]

الله يوفقك ، علم السايق على العلامات مال الاتجاهات الاولوية اليمين قبل اليسار في الناطق، السرعة المحدودة ، احترام الشارع ، كلشي غلط بل شارع العراقي ، مو الرمبة علمة الاشارات

[@ايمنشمكلي]

تحجي صدك كفيلك الله حدا ما يعرف يسوق بحياته ما كامش سكان سياره عندا شهادة سوق والله ٥٠ الف يطلعون هوية سوق هوى وبل بيت

[@frasfras1966]

❤اجازه السوق حيل غاليه الرسوم يعني كلفتني اكثر من 180

[@h9h9h9]

ياريت توفرون هذه المشروع باقي المحافظات الان اني بعيد عن بغداد وصعبه اجيكم

[@شهودايهعبدالحليم]

يا ريت تسوي الاجازة تطلع من يمك بالمركز لأن التاجيات كلش بعيده

[@zeaadzeaadzeaad6521]

ارجو من تقليل رسوم اجازه السوق ورسوم تسجيل الدراجات الناريه الان اكو ناس عايشه على هاي الشغلتين وماعده تدفع هاي المبالغ ونشكر جهودكم

[@سيموالشاعر-ن6و]

يا استاذ. من انروح. الئ تحويل السياره. يطلبون. باجور. طرق وجسور. /زين تباوع عل شوارع. محفره. وماكو لا طريق براسه حض. ولا شي. وين جاي تروح الفلوس. ممكن رد

[@osamaalazzawi9715]

استاذ عمار ميحتاج اختبار كلها تفض ب 25 الف قياده و25 الف اشارات شي على شي الاجازه تكلف 250 الف وهي بالاصل متكلف 70 الف استاذ عمار انت انسان شريف وناجح ومهني اتمنالك كل الخير

[@صفاءعجام]

اذا على الفلوس سهلة بس خاف يصيرون شرفاء براسي والله اريد اطلع إجازة سوق وخايف

[@alijassimal-makdami6444]

سلام عليكم إستاذ احنة سكنة الزعفرانية ملينا من الازدحام من الجسر واصل للفلكة ماكو حل

[@عليالعربي-ض6ز]

نناشد في تقليل سعر رقم الدراجات الناريه

[@y5ccc728]

استاذنا العزيز في مرور البصرة اذا ماتنجح بالخطة بس خلي بجيب المرور 25 تنجح رسمي فساد في فساد

[@هديرالشمري-ط2م]

سلام عليكم ورحمة الله وبركاته هدير ابو زينب من بابل منورين

[@el-shesma3733]

عمل رائع جدا و لكن صوت الفيديو رديء جدا

[@AliHaider-ty4oo]

السلام عليكم سيادة اللواء المحترم أني من محبيك جدا ٠ بالنسبة لأسعار ترقيم الدراجات النارية أن مبالغ ترقيمها مبالغ جدا بها نحن مع الترقيم٠ إذا كانت الدولة تعاني فعلا من التقشف وقلة السيولة المالية حسب إدعائهم وتريد ان تقوم بترقيم كافة الدراجات بصورة أصولية فلتجعل الكمرك مجاني لكل الدراجات الأدوات وتجعل مبلغ الترقيم ٥٠ ألف وسوف أظمن لك بترقيم كافة الدراجات وأنا أتحدث لك بالنيابة عن كل أصحاب الدراجات وأنا واحد منهم ٠ مع تحياتي لك وأتمنى لك كل الموفقية في مشروعك الراقي هذا ٠

[@العراقيالعراقي-ش1و4ف]

استاذي العزيز الله يبارك بجهودكم اقتراح أتمنى ان يؤخذ بنظر الاعتبار وهو ان يكون إختبار الحصول على إجازة السوق ان يكون في الشارع حتى يُقيم السائق على طريقة تصرفه في الشارع لان اكثر الاخوة السواق تنعدم عندهم الخبرة الكافية لقيادة السيارة في الشارع وطريقة التعامل مع الآخرين من سواق او مشاة او غيرهم من مستخدمي الطريق وهو نظام معمول به في كثير من دول العالم المتقدم. مع احترامي وتقديري لحضرتك.

[@dr.essamal-zaini2083]

استاذنا الفاضل عندي ملاحظة ارجوك تاخذها بنظر الاعتبار بالدول المتقدمة لاتمنح اجازة السياقة على النجاح بالخطة هذه لابل يختبر السائق على تصرفاته ومهاراته بالقيادة بالشارع مع السيارات كيف يتصرف بالاستدارة كيف يركن السيارة كيف يجتاز بامان كيف يخرج من الشارع الفرعي الى العام وبالعكس كيف يسيطر على سرعة معينة لفترة طويلة نسبيا كيف يتصرف قرب المدارس كيف يتصرف في شارع مشترك بين السيارات والمارة وكيف يتصرف حسب اشارات المرور بالشارع وكيف يتصرف بالتقاطعات او الفلكات كيف يعرف لمن السابقية هذه النقاط كلها جدا مهمة يمكن تتفق معي اكثر السائقين عدهم اجازة لكنهم لايتصرفون بالشكل الصحيح بكثير من المواقف وابسط مثال شوف اي استدارة بالشارع محد يقف خلف الاخر لابل يقف بجانبة وهاي يؤدي الى الازدحامات والحوادث اسال الله لنا ولكم السداد والتوفيق لخدمة كل العراقيين واسف للاطالة اخوكم د عصام الزيني

[@oreo8206]

استاذنا الكريم يراد لكم جهاز للصوت ، مع احترامي لجهودكم لكن الصوت مو تمام

[@احمدالقريشي-ع3م]

شوارع بغداد اكبر اختبار للسواق

[@ErOs-r6d]

ياريت تفتحون فرع في البصره

[@عليمازده]

تحياتي الك عميد عمار بس اني اكول بدال ما تعلمون سياقه وتخلون الناس كلها تشتري سيارات غير تسون طرق وجسور جديده لان من السقوط الحد الان نفسهن والازدحامات اطول اكثر من ٣ ساعات

[@Almuror]

انا رجل متقاعد

[@حلوالشمائل-ذ9ش]

الاجدر تكتب في اخر مسار خطة التدريب (النهاية او انتهى ) بدلا من (Finish )

[@aaaavb-y5v]

يعني تركتي كل الايجابيات بالفيديو وجيتي تذكرين شغلة سلبية ما مأثرة اصلا ع السياقة!!

[@AliAli-wc1pg]

هل يستطيع المدرب بعد اجتياز جميع المراحل ان يقود في الطرق السريعة اوالدولية

[@tahseenkamal5305]

استاذ عمار يعني من هذا المركز استلم اجازة السوق بعد اكمال الدورة وتكون الاجازة الحقيقية الي يطلبها مني المرور في الشارع؟

[@topgearIQ]

صوتك غير واضح.. ياريت شرح مفصل عن الخطة بصورة وجيزة .. يعني اهم الامور التي تفشل السائق في الخطه مثلا تجاوز السرعه او زيادة الانحراف او الرجوع للخلف

[@شاطءالبحر]

استاذ عمار بارك الله بجهودك الطيبه فضل وليس امرا يم سيطرت الشعب القديمه ن الي بتجاه الحسينيه مواطنين يبيعون مخضر وسبب هل المواطنين يصير ازداحام يوصل لتقاطع شارع الصحه ف ارجو من جنابك تحل هل مشكله لانو سير سيارت بطيئ بسبب هولاء

[@majidsafaa]

سؤال يطرح نفسه ليش سيارة الاختبار كير عادي وبيك آب يعني اول شي اكثر السيارات كيرها اوتو قله تلكي سياره عادي يعني العالم وين وصل واحنه نفس الشي بمكانه مفروض تعلموهم توعيه وعلامات مروريه او حتى اسئله

[@الخيالالطائر]

استاذ بلا زحمه عليك ياريت ترد عليه شوكت موعد اعلان اللوحات الجديده حسب اتفاقيه فيينا ياريت ترد عليه منتضر ردك رجاءا

[@السفيرالعاشق-ل4ح]

سيادة العميد فدوى اروحلك سهلو موضوع ترقيم الدراجات مع تخفيض الكلفة لأن أغلب سائقين الدراجه من الطبقة البسيطة بالنسبه إلى جرائات الروتينيه الف كتاب والف ختم وتروح وترجع ٤ايام اذا خوش تخلص معاملتك قانونكم اقدم من السلام عليكم بحيث فكرت احرك الدراجه والله بالرغم مشتريه اقصاد سهلو الامور الله يخليك

[@سيفالتميمي-ن9ن]

سلام عليكم اني عندي درجه بقه بس استلم سنويه معامله مخلص بقه بس سنويه اذ اروح اكو لو مسوده

[@صفاءالتميمي-ص2ص]

السلام عليكم أستاذ عمار المحترم أرجو منكمان تقرؤوا رسالتي للآن لدي الكثير من المقترحات والملاحظات والنقاط المهمه وخطط بخصوص المرور في العراق وبغداد أرجوكم مع تحياتي

[@احمدعماداحمدعماد-ج5د]

استاذ جاي نعاني من السوالق. الي يكسر فجئه. بدون اشاره ويلزم بريك.

[@omeralking5898]

السلام عليكم استاذ عمار سؤال واريد جوابك اريد اشتري سيارة خصوصي واحولها تكسي صدك اكو قرار ان على كل سلندر يجب دفع (٥٠٠ الف دينار )لو لا

[@ibtsamalobidy1234]

واقتراحي الامتحان يكون في الشارع بين السيارات كل الدول الامتحان عال واقع الشارع وليس خطة مرسومة وايضا تكون السيارة مجربة قبل يوم من قبل الممتحن البارة اجريت الامتحان والستيرن حجارة لايتحرك بخفة 😢

[@الدليم-ط7ل]

سيدي هاي الربه مال السياقه اني اشتغلته نجاره وتسليح تحياتي الك 💞

[@محيطالازرقالياقوتي]

ولله يا ريت تحجي عن اهالي الدرجات كلش مزعجين لا يتلزمون اتجاه الطريق ومن نريد نعبر يطلعون فجاء بالطريق خو يم شارة مرور يعبرون عادي متى نخلص منهم

[@MARWAN-xp6zw]

استاذ اني عندي دراجه سعره 150 او ترقيمه 400 شعندي بطحه بس اشويه خل يقدرون الضروف

[@aligamer9534]

ممكن سؤال اكو كير اوتماتيك لو بس عادي

[@نفس-ض5ذ]

ادعولي بالنجاح

[@ameerziadi5937]

استاذ موضوع خارج المقطع اعلاه اذا ممكن فد حل لحوادث الدراجات والستوتات اذا تضربه او هوه يضربك الصوج بصاحب المركبه وتصير مشاكل وصاحب المركبه يصير مصرف نريد حل نهائي رحمه لوالديكم الي ماعنده منين يجيب ويكعد يخسر الدراجه لو يكعد ينطي فصول

[@حيدرعلي-ب5ث5م]

سيدي رجاء مرور الحسينه مال راشدية من ينطون سياره كلج مالتها عالي والبانزين ناصي غير يسوهن اعتياديات ليش يصعبوها عل شخص

[@ستورياتفطومه-غ8س]

استاذ عمار العزيز احنا اصحاب التكتيك لا عمل ولا شغل فين وطالب من عندك شويه تنزلون سعر الرقم

[@mamateaydnyosf8637]

والله ياريت يلغون اختبار الرمبة ويخلون مكانها اختبار مرايات جانبية بشكل مكثف واضافه شعار السياقة ذوق واحترام اجباري للسايق شسوي بسايق ماعندة لا ذوق ولا اخلاق نازل للشارع

[@سميرسمير-ك5ط]

مرحبا عندي اجازة خصوصي تنتهي 2029 اريد احوله عمومي لان عندي ستاركس علما اني موظف ترهم احوله هسه لو من تنتهي

[@5df_]

والله مرات اشوف سواق ما يساهلون يصعدون سياره مو ينطونهم اجازه وهاي بسبب وزاره المرور ما تركز عله السواق

[@عٌبًدٍآلَلَهّذآكر-ض6ق]

عندي هواي اسئله اتمنه جوبوني عليهن 1_ هاي الدوره الكال عليها استاذ عمار شكد تكلف؟ 2_ اجازة السوق شكد تكلف؟ 3_ يصير اسجل سياره بس شخص وهو ماعنده اجازة السوق؟ اسف على الاطاله شكراً♥♥

[@zainabshakeer9280]

1)الدورة نوعين اذا عندك فكرة بس محتاج تقوية للسياقة تكلف اعتقد 100الف واذا من الصفر تتعلم تكلف 200الف وياها25الف يرجعك للبيت تكدر تكتب اسم المركز على الفيس ويطلعلك تعرف اكثر 2)الرخصة حسب المدة او الصلاحية خمس سنوات عشرة لكن مكلفة وفوك ال200الف 3)شراء السيارة مالة علاقة بالاجازة فعادي السيارة تكون مسجلة مو بأسمك المهم الاجازة باأسمك

[@gamebox7487]

شكرأ لسيادتكم لكن عذرأ مسألة الرمبه مو قديم كأختبار واقصد هذا جماعة الكير العادي والكير العادي مو مقياس للسائق . حاليأ ٢٠٢٢ يعني الاتوماتيك يعمل بكل العالم وما شاء الله حاليأ الكير ماوس وازرار ووضعيات قيادة وسيارات مجهزه بكاميرات وحساسات واتو بارك وسيارات الاتو درايف ونظام رادار بس العراق يستورد كير عادي ايراني اللي هو غير مصنف عالميأ ويباع على المواطن بسعر غالي والسيارات الكوريه تباع بضعف ثمنها للمواطن

[@أحمدالكعبي-ف9ظ]

عندي اجازه ضايعه يصير اطلع وحده مكانها بدون بلاغ مزكز ومحكمه علمود فقدان

[@floatingboat3336]

كل دول العالم الاختبار يكون اما مدينة صغيرة مسويتها المرو.ر بيها شوارع و علامات و اشارات مرورية او يكون الاختبار داخل المدينة الا احنة مسوين الاختبار فاشل عبارة عن رمبة و رقم و ثمانية و مدري شنو مال قبل 100 سنة. لا و بيها محسوبيات عمي و خالي و حتى اختبار ميسوون. و الاضرب بعد انه جابريك ع سيارة بيك اب و گير عادي حتى يومية ترجع تدفعلهم فلوس.

[@WISSAMJAWAD-h1i]

شكد سعر الدوره

[@a_meer9434]

سوال محيرني ليش الاختبار لازم يكون سيارة بيكم حمل يعني ليش موغير سيارة

[@shamsalrobeae7001]

وين مكانكم بأي محافظة ؟؟

[@Gaming_FC]

اني بالمانيا صرفت على اجازة سياقة بحدود 35 ورقة حمدلله من اول مرة خلصتها طبعا ..وبالعراق تاخذ اجازة سياقة بس تعبر الرمبة صدك كذب هل انشوف حوادث بفلس مفروض يكون الامتحان سياقة الاخير مو رمبة لازم يكون الامتحان اخير اقل شيء 40 دقيقة سياقة بالشارع ويكون ضابط مرور جالس بالخلف يشوف الأخطاء بعدها ينطي نتيجة بس مو يخلون واحد فاسد ب25 ينجح الرايح والجاي 😂

[@m_ahialy]

مو زين ذول جايين يسوون اجازة اذا يسوون مفارز مفاجئة نص الدنية تسوق بلا اجازة

[@mhanadkaa3946]

اني ما اعرف اسوق كير عادي اعرف اسوق كير اوتوماتيك يصير للرجال لو بس للنساء

[@yousifalhusseini1843]

بسبب هذا الامتحان البسيط الذي يتيح للجميع العبور من خلاله والحصول على رخصة قيادة السيارة تكثر حوادث السيارات ويذهب الاف الضحايا بين معاق وقتيل . في جميع الدول يكون الامتحان في الطريق ولمدة ٤٥ دقيقة مع شرطي مرور او ضابط مرور متمرس ويعرف القوانين والقواعد المرورية هذا بالاضافة الى امتحان الشفهي الذي يصعب اجتيازه على من لا يعرف القوانين . اتمنى ان نلحق بدول العالم ونطور من التعليم والتديب في السياقة التي هي من اهم المواضيع في هذا الزمن.