للترف مستحقين " العمل الخامس " ألبوم مرحليات '' سفر الدغيلبي و خالد ال بريك

[@ALQUSEAR]

لاتخفي صواب الحب ياسيد الاحباب لك سنة كاملة وانته تخفيه ويبين الفراسة غريزه ثابته عند الأعراب مايغطيه قلبك تكشفه نظرة العين صرت اراقبك وألمح منك رمقات الاعجاب بين الإغضاي امام وخلف ويسار ويمين كن ودك تصارحني وتفتح لي الباب والخجل يمنعك لاتلتحق بالمحبين عاذرك عذر ابن سرحان للفارس ذياب يوم شلفاه طاحت في لحوم الثعابين حال دون التفوّه بالغلا ستر وحجاب جودة التربية والعلم والعقل والدين وانت لولا صفات الستر ماصرت جذاب لوجمالك يكف العُرب والغرب والصين الخصال الحشيمه تسحر اصحاب الالباب لاتحلت بزين النطق واللطف واللين مثل قولة نمر هذا بلا ابوك ياعقاب انت تقدر وحنا للترف مستحقين عذبتنا صحاري نجد .. جمدة وملهاب لفحة الشبط و (النسري) و(ريح الخماسين) والمشاوير ف ديار الرفاقه والاجناب كد يومي وليلي واصبحت شبه روتين جو قاسي ورسميات ومكابد اتعاب والجلافه طبع فاهل الغنم والبعارين ماربينا على طرد الكواعب والأتراب في شظف عيشنا فقنا وذقنا الأمرّين حنكونا وعشنا عيشة وحوش في غاب وين حنا ونسمات الغلا والترف وين وانت ياللي عليك من المذات جلباب من رخام القصور ليانعات البساتين مغريات الترف مالذ منها وماطاب أعطني بعضها دفعات مثل الفيتامين لين تحيي خلاياً ميتة عرقها ذاب إنشفت مابقى فيها سوى صبغة الجين بعدها خذ يمين ً فوق سجاد محراب في مكانن توفت فيه (ذات النطاقين) لـ أنتقي شعرن يعدونه اللي فالاصلاب والقصيد الفريد يخلدك فالدواوين يمكن آصير لعيونك (بياتي) و (سياب) وآتجهد لو الاثنين ماهم بسهلين سفر الدغيلبي

[@id7113]

صح لسانك ي شاعر الكون

[@FalehOtabi]

لله درك ياشاعر الكون الأزلي

[@رشارشاا-ك2ج]

صح لسانك ماهو غريب عليك الابداع ابوسعد 🫡

[@سعودبنعبدالعزيز-ت4م]

صح لسانك ياشاعر الكون وجب المسرا 🔥🔥.

[@عقييدههَ]

صح لسانك ياشاعر الكون لله درك ماهو غريب عليك الابداع.

[@Sakzs]

ي وجه الله ابك هاذا 😢😢😢 هاذا ماهو انسان طبيعي وسلامتك✍🏻✍🏻

[@FalehOtabi]

تحية لشاعر الكون من بلاد الرافدين 🇮🇶

[@abu_nawaf_2003]

اذا فيه معلقات في هذا الزمن فلا يستحقها الا سفر الدغيلبي.

[@الزعيمالرحال-ك3ع]

قوة الأبيات وجودة المعنى.... الشاعر الوحيد اللي يفهمه جميع طوايف وثقافات جزيره العربيه

[@user-ur4zq7hn8s]

أثبتت الدراسات ان سفر الدغيلبي و خالد ال بريك جرعة لـ تحسين الشعر والنفسيه تستاهل ملايين المشاهدات

[@الرشيدي-و2ت]

اي نذر👍👍👍👍

[@user-cc7]

انشهد

[@غرايب-ر9ح]

اي نذر

[@عبدالمجيدالبديري-ه5غ]

انشهد

[@شمليان]

بل متعبه ومرهقه للمشاعر والنفس والروح جعل من كان السبب للسعاده 😢💘

[@ALQUSEAR]

‏‏اللهم اسقي أجسَاد المرضى عافيه.،وقبور الموتى رحمة واسعه.وسُق خُطانا وخطى من نحب إلى عتبات الجنّة ونعيمها الأبدي. ‏﷽ ‏﴿إِنَّ الله ومَلائكته يُصَلُّونَ على النَّبِيِّ يا أَيها الذين آَمنُوا صَلوا عَليهِ وسَلِّموا تَسلِيمًا﴾ ‏اللهم صلِ وسلم على نبينا محمد ﷺ #يوم_الجمعه

[@_Alshehri.]

اخخ لبى عتيبه ياعرب💔 احبببببببه واحب كلماته وكل اشعاره حافظتها زي اسمي اقسم بالله مافي زيه ولا حتى نص مو بس اثنين♥️♥️♥️

[@al-marri4557]

شوف ابن فطيس 🙂

[@An-sg7nn]

ماتصلح الصوره

[@Moode_00]

ونعم فيك وفيهم واشعاره رائعه جداً

[@Moode_00]

@@al-marri4557ماعنده سالفه مع احترامي له

[@mashalha-z4c]

@@An-sg7nn وش الصورة

[@نهرالمعرفة-ج7ز]

جمع بين الغزل العفيف وبين الدين وبين الثقافه الهائله وبين المفردات العظيم ولا يستغرب هاذا على شاعر الكون ..

[@Sattam5ii]

انشهد انه شاعر الكوون ابو سعد

[@mashalha-z4c]

وش المعني من الشلية​@@Sattam5ii

[@حجيلانالتميمي]

اعجزت الشعار والمعجبين بفك طلاسم شعرك ياسفر وصلت قمة المعاني الشعريه لم يتمكن احد من الوصول لها بهذا الزمن عاشت بلادي السعوديه العظمى

[@fares-nk8vg]

عذبتنا صحاري نجد جمده وملهاب الله الله ياسفر ابداع .. مطيري مر من هنا🖤

[@سلطان-م5ل]

مايغطيه قلبك تكشفه نظرة العين 💔 الله على المفردات والحكم

[@SaoodAlshmri-f7z]

من العراق متابعينك والله يا سفر انك شاعر الكون بحيث من كثر حبك ننتظر كلماتك و المنشد خالد البريك انشهد انه صوت خالد مثل اسم راعيه

[@fahdalotiby4427]

قصيدة مبدعة بكل ما تعنيه الكلمة وصوت البريكي دايم فريد والجميل ان القصيدة فيها شيم الستر والدين جت في وقتها ليسمعها الاجيال

[@نون-ن4ق]

غزل ولكن بصوره فخمه وانيقه تشرح واقعنا وعاداتنا وتربيتنا الاصيله عشت ياسفر

[@Khaled-ik1bp]

الحمد لله على وجود سفر جعل عمره طويل و جعل كل شهر ينزل لنا عمل و الله اللي ما طفشنا من قصايده و لا شبعنا .

[@mashalha-z4c]

طيب هل شلية مرحبا با الغلا موجها لا ام اعيالة

[@qx.r]

ابو سعد ربي يحفظك ومنشدنا الغالي ربي يحفظكم ❤

[@محمدالسبيعي-خ5غ]

برغم صعوبة الوزن وهذا متعمد من الشاعر وكذلك اسلوب الغزل والود بأسلوب ذكي جدا يجول به الشاعر تاره عن فراق وتاره عن امل . انت مبدع

[@Fisal_otb]

ثقافة هائلة و زخم مفردات و تجدد و عذوبه وسلاسة ، هكذا هو الشعر جعل تبطي سنينك يا شاعر الكون ❤️

[@راضيالسيف]

ابدع سفر وفشل البريك

[@An-sg7nn]

@@راضيالسيفماتجوز الغيبة

[@rooosa2011]

جودة التربية والعلم والعقل والدين ..الستر ..هذا اللي نحتاجة في الوقت الحالي ..كتبت ف أبدعت 👍

[@uouo2299]

ماشاء الله على سفر العتيبي تركيب والفاظ وثقافه وابداع وشهامه وشيمه وعزة نفس والمنشد مبدع جدا

[@الحمدللهربياغفرلي-ث4ق]

ماتاخذ ثواني من وقتك . ذكر غيرك ‏- سبحان الله ‏- الحمدلله ‏- لا إله إلا الله ‏- الله اكبر ‏- سبحان الله و بحمده ‏- سبحان الله العظيم ‏- استغفر الله و أتوبُ إليه ‏- لا حول و لا قوة إلا بالله ‏- اللهم صلى وسلم على نبينا محمد ‏- لا إله إلا الله محمد رسول الله ‏اجري لي ولك ولمن بعدك ❤️

[@N9IF]

‏"خيرٌ لك و أبقى :-سبحان الله ، و الحمد لله ‏-ولا إله إلا الله ، و الله أكبر..

[@saadalthani3885]

قصيده جزله صح الله لسانك يشاعر مبدع وجميل صح ألله لسانك يمنشد مبدع ماشاء الله عليك يسلام

[@ايفانالزهراني-ح7ذ]

جمهور سفر يذكروني بجمهور خالد عبدالرحمن بالتسعينات ينتظرونا اعماله على احر من الجمر 🤍

[@rerofa222]

نبحر بعمق وندخل جو كايف في الكلمات والمفردات الشعرية والصور الرائعة واتمنى أن لاتنتهي القصيدة من جمالها اولتي يرسمها سفر لنا بقوة شاعريته الفذه وأداء جميل من ال البريك نتمنى لهم التوفيق

[@Sme511]

حال دون التفوّه بالغلا ستر وحجاب جودة التربية والعلم والعقل والدين ابدعت ي شاعر الكون

[@محمدالعتيبي-س4ش3ه]

الشعر بخير مادامت عتيبة حي ربعي الهيلا المهيله❤️

[@ابوعبدالرحمنالعتيبي-س7ل]

مخزون لغوي مدمج مع ثقافه وموهبة شعر ماشاء الله تبارك متصدر لاشك ولاريب

[@ابوعنان-ف3س]

والقصيد الفريد يخلدك ف الدواوين انشهد انك شاعر الكون وشعرك مخلد 🤍

[@i_8i]

عندما يجتمع ابداع شاعر الكون وخالد ال بريك ❤️ ونشكر شركه القصير على هذه الجهود وهذا الابداع

[@ALQUSEAR]

🙏

[@مجردذوق-ح4ه]

والله معد ندري وش نقول عن هالقصيد يا سفر وعن الإبداع يا خالد الا ابدعتوا وابدعتوا وابدعتوا وما بعدكم احد ولا حولكم احد الله يحفظكم للشعر

[@عبدالرحمنالسواط-غ8ع]

وانت لولا صفات الستر ماصرت جذاب لو جمالك يكف العرب والغرب والصين ❤️

[@ابوسيف-ط8ز8ش]

عندما يجتمع الابداع الشاعر الكون وخالد ال بريك اهنيكم على الاعمال الجميله والابداع الرئع❤❤

[@dakhil_1186]

حال دون التفوه بالغلا ستر و حجاب جودة التربيه والعلم والعقل والدين لله درك يا شاعر الكون يبو سعد

[@موفقالروقي-ذ9ر]

احسن الله عزا الشعر عقبك ي شاعر الكون ابداع اللي مالا نهايه ولا ننسئ صاحب الصوت العذب منشد الكون خالد ال بريك ابدعتوا

[@asmari017]

يعجز الوصف في شاعر الكون سفر الدغيلبي والمنشد المميز خالد ال بريك

[@motamelbesamt1873]

شاعر الكون علامة فارقة في الشعر الشعبي والمحاورة لا يمكن لأي شاعر الوصول لمستوى أبو سعد الله يطول عمره ، يعزف على أوتار القلوب بحنان ولطف !! عذب الكثير سواء محبين أو حاسدين ، الله يسعدك ياعملاق ❤❤

[@ولدالسبيت-م8م]

انا قريت الأبيات وحاط الصوت على الصامت إبداع ودخلت جو القصيده عاد كيف لو رفعت الصوت وخالد ال بريك يشيلها اوووووووف يالطيف❤ هذا بلاء ابوك ياعقاب😂

[@محمدالعتيبي-ج1ل1خ]

الشعر من مصدره شاعر الكون سفر الدغيلبي مبدع كالعادة جعل عمرك طويل والله يحفظك بحفظه

[@HussainBinAli-gl8cb]

الشعر الذي نجده هنا يجعلك تتفكر بعقلية سفر الدغيلبي الشاعر الذي يستحق لقب شاعر الكون عن جدارة العقلية التي تستحوذ دائما على منطق السهل الممتنع بحيث ترى ما هو مكتوب سهلا ً لكن تقدّم بخيالك الشعري وحاول الإقتراب تجد نفسك بعيدا ً للغاية عن هذا الشعر المتسيّد بالوجاهة والطلاقة والثقافة الغير مستغربة في فكر بو سعد , شكرا ً على هذه الثنائية الفذة بين شاعر ومنشد عانقوا سحاب الذائقة لنرى هكذا توليفة متجانسة وذات أناقة لا نظير لها صح لسانك شاعر الكون وصح صوتك يا منشد السحاب ..

[@عيدالعتبي-ض1ب]

ابداع من الشاعر والمنشد ومازال الشعر بخير مدام شاعر الكون موجد ومن مثله 👍👍👍👍

[@ابومعاذ-ذ1ط]

👌هذا الشعر الحقيقي يسلبك ويعجبك ويطربك يضفي عليه نكهات (أدب وتاريخ وقصص ولغة )جمعها في هذا النص مبدع لابعد درجة (ولاعزا لمعدومي الابداع نقاد الضياع رديين الطباع )ابداعك ياسفر يحرق ويغرق ويفرق👏👏

[@hatmhh3416]

هنيئاً لمتذوقين الاشعار ومحبين القصيد بك يالشاعر سفر الدغيلبي .. 👌👌

[@اذكراللهيذكرك-ب9خ]

لا إله إلا الله وحده لا شريك له الملك و له الحمد و هو على كل شي قدير .. سبحان الله و الحمدلله و لا إله إلا الله و الله أكبر ولا حول ولا قوة إلا بالله

[@df.3281]

آخ يا سفر وش طيحني فيك ولله وعزت الله وجلاله ادمنت حتى مقاطع التصاميم

[@ابوشامخ-ع7و]

سفر معجزة هذا الزمن فالشعر ثقافه هايله

[@اذكراللهيذكرك-ب9خ]

اللهم صل وسلم على سيدنا محمد عدد ماذكره الذاكرون وعدد ما غفل عنه الغافلون .

[@ايفانالزهراني-ح7ذ]

والقصيد الفريد يخلدك في الدواوين انشهد انك حفرت حبك بقلوبنا ياسفر 👌🏼

[@خالدالسحيباني-ت5ب]

شكرًا

[@abofaisal2779]

اللهم صلِ على محمد ✨🌹

[@qz_eh]

في ذمتي انه شاعر الكون ولاحد حوله👌❤️‍🔥

[@بيريراالقحطاني-ك6ر]

انا افضل منه 🙂 بس اخاف من العين

[@qz_eh]

@@بيريراالقحطاني-ك6ر لاتكفى

[@عبدالالهالمالكي-ق8ب]

والله من جنبها والله الشاعر في ديره وهو في ديره

[@qz_eh]

@@عبدالالهالمالكي-ق8ب انت تعلم الكتابه والاملاء بعدين تعال

[@عبدالالهالمالكي-ق8ب]

بحرام لو اني موجود في مجلس الرجال في الصياهد واقسم بالله ابيلك درس لن تنساه ي .....

[@abdul2498]

اخذتنا الى عالم ثاني ياشاعر الكون ❤

[@محمدالروقي-ك5ن]

عمل متكامل من جميع النواحي شكراً قناة القصير على المونتاج وكل الشكر لشاعر الكون ومنشد الساحة الأول خالد ال بريك

[@محمدالجهني-ر3ذ]

اسأل الله ان يطول بعمرك ياشاعر الكون

[@طلال-ر1ش]

لا جديد حينما يكون سفر يكون الإبداع في أبهى حُله .. لله درّك من شاعر

[@محمدالسبيعي-ص5ز]

مرحبا بشاعر الكون و منشد الأرض و اشكركم على ذا الابدعع المعتاد منكم ولا هوب غريب منكم 👏🏼👏🏼💘🔥.

[@NoufMo]

ثقافة سفر تتصدَّر قصيده دائمًا، وتشد الانتباه♥️

[@Mjeed_90]

لا زال الشعر في عنفوانه، والأدب يُدوّن في اوراقه، طالما قبيلة عتيبة خاصة والقبائل الأُخرى عامة ولّادة لأمثال هؤلاء الشعراء حُب كبير لقبيلة عتيبة من ابناء زهران🤍

[@فارسالعتيبي-ل1ث]

صح الله السانك يا شاعر الكون والله يوفق خالد البريك صاحب الصوت العذب

[@سليمانالعسيري-ث5ن]

شاعر الكون العربي ومتسيدّ الساحه من عشره سنين الى الان لابد من ديوان شعري في صفحات التربيه والتعليم لشعر العربي بمسماهّ 🤍

[@user-ww1cw7dt4r]

شاعر الكون يستحل الساحه 🔥❤️‍🩹🫡

[@هذاك1الحزين]

اجمل ثنائي واجمل سفــــر

[@صالحالجهني-ص6ع]

صدق من سماه شاعر الكون 👌

[@W___qweA___qwer]

مثل قولة نمر هذا بلا ابوك ياعقاب انت تقدر وحنا للترف مستحقين 👏🏻

[@abdallah2286]

سبحان الله و بحمده سبحان الله العظيم سبحان من عطاك يا سفر عسى عمرك طويل

[@وايلالحلفي-غ3ص]

صح لسانك عز الله ان سفر الدغيلبي شاعر ودايم قصايده جزلة وجمهوره جمع غفير يستاهل شاعر الكون دايم مبدع في النظم وفي المحاورة. تمنياتي له بالتوفيق.

[@قاهرالعدو-ث3م]

شاعر الكون يطربنا في كل مكان ماشاءالله تبارك الله

[@عيادالرشيدي-ذ6ت]

سفر الدغيلبي متنبي هذا العصر ووجوده بهذه القوه خلق له اعداء كثر

[@anasalharbi.9663]

الله ي سلام ي خالد و سفر 🫂🫂👨🏻‍🦯 .

[@Subaie200]

سفر ياسفر أنشهد انه لعب فيني سفر وطاح على الجرح ودمره زياده ❤️😭😭😭

[@سارهشالح]

نمررررررر بن عدوان مثل قولت نمر هذا بلا بوك ياعقاب❤❤❤❤❤❤

[@العتيبي511-ت2ص]

لله درك يابو سعد شاعر الكون والاسطورة ف النظم

[@الشمري-ص3ذ]

وين حنا ونسمات الغلا والترف وين بعد راسي والله شاعر الكون على الجرح 🇮🇶🇸🇦

[@motlak511]

دائما ابو سعد متفرد الوجدانيات دائما ابو سعد يجيبها على الجرح ( مبدع)

[@محمدالرشيدي-ق2ح5ق]

المبدع دائماً مبدع حاولت اسمع المنشد يوم يقول من رخوم القصور كلهم مبدعين

[@alotiby4999]

ماعلينا ياعتيبه وسفر حي لنا 😔♥️♥️

[@amuntvalencia3680]

اشهد بالله ❤️❤️ ياليت عندنا في حرب زي سفر 💓💓💓

[@اذيبالغداري]

سفر ماهو لكم لحالكم 😂😂

[@اذيبالغداري]

​@@amuntvalencia3680عندكم شعار مصايب الله يرحمهم سجلو تاريخ من ذهب

[@محمدالعتيبي-ج1ل1خ]

@@اذيبالغداري😂😂😂

[@مشاريابنضلعانالمحمدي]

عز الله شاعر العرب كلها ابو سعد جعل عمره طويل

[@Sm_zm]

شاعر الكون مبدع مبدع 💔😭😭

[@عبدالعزيزالعتيبي-ع3ط]

لله درك يا شاعر الكون. تحيات لك من الشيباني. ✌️✌️

[@عبدالعزيزالعتيبي-ع3ط]

اكبسوووه. بالاعجاب 😂

[@as9f]

عمل مليوني باذن الله 🔥🔥

[@ALQUSEAR]

👏👏

[@kqp7078]

شي اكيددددد

[@SARONA9]

والله الي سفر يغرف من بحر تبارك الله

[@user-fn1ul6ek3b]

والمشاوير ف ديار الرفاقه والاجناب كد يومي وليلي واصبحت شبه روتين الله واكبر علييكك ي سفر ♥️😩

[@user-ln9kv8qu9j]

وش قصده

[@abdullrahmansahier3423]

يقصد الحفلات كل يوم من ديره ل ديره واتوقع والله اعلم ان هذا البيت ولد مع القصيده لان الصيفيه ابو سعد من شمال ل جنوب ل شرق المملكة حفلاته

[@عبدالمجيدالحربي-ذ8ت]

الله الله ياسفر عز الله كمل الجمال الابداع الشعر موجود مادام سفر على قيد الحياة

[@يحيىالشهري-ك8ص]

قصيدة رايعه جدا وصف عجيب وابداع من الشاعر سفر والصوت المبدع دايما خالد ال بريك . قصايد سفر كلها تحكي واقع اشكر بو سعد على الابيات

[@a7_3o5]

ماخلو شي من الابداع سفر وخالد ال بريك 🤎✔️.

[@عبداللهالعنزي-خ5ش]

سفر ياسفر دايم قصايده ع الجرح

[@اذيبالغداري]

سفر متنبي عصره ماشا ءالله عليه يعتبر من دهاءة العرب في الشعر

[@السلطانسلطان-و9ص]

سفر الدغيلبي قامه ادبيه ثريه يجب على الجميع الاستفاده منها في علم البحور والادب قبل فوات الاوان صح نبضك وفكرك

[@رائدالعتيبي-ظ6ه]

شاعر الكون متنبي الساحه 😍❤️

[@عبداللهالعتيبي-ن4ب]

سمو حرف ورقي معنى ، هنيئاً للمحبين هذه الرواية ، سفر يبني جسور الحب للأحباب بنقاء فكر وعذوبة كلمة ، كم أشعلت شمعة هذه الليله الإستثنائية ،، فديت أمك وأبوك 🤍

[@mashalha-z4c]

طيب هل شلية مرحبا با الغلا المقصود بها ام اعيالة

[@SatiAlotaibi-pf9cl]

للمرة الالف اسمع الشيلة في غضون يومين 👍

[@user-ri9em9if6f]

وانت لولا صفات الستر ماصرت جذاب❤❤ الله عليك ياشاعرر الكون سفرر❤️‍🩹💯

[@ew561]

شاعر الكوووووون ظاهره شعريه ماشاء الله تبارك الله مبدع

[@ماجدالعتيبي-ي4ز8ظ]

سفر الدغيلبي شاعر الكون

[@TyoPln]

ونعم بشاعرنا شاعر الكون سفر الدغيلبي

[@سعدالحجيل-ج7ث]

صح الله لسانك ياشاعر الكون ابداع منقطع النظير يابوسعد وجعله يسلم صوت المنشد المبدع خالد ا ل بريك ...🤙🏻🫶🏻✋🏻🤍

[@خالدالعتيبي-ق3ب7س]

ابداااع من شاعر الكون ومنشد الكون ❤❤

[@مشعلالذيابي-ت5ف]

شاعر الكون لازال للابداع بقيه 🩶🩶

[@dhrfur8078]

حي عينه سيد الساحة الشعريه وشاعر الكون ابو سعد ولايهون خالد🫡

[@mm511n]

لاجديد يُذكر سوا الإبداع والإمتاع المتجدد والمفردات العجيبه الرهيبه ، سفر في كل مره يثبت إنه يستحق وبجداره لقب ( شاعر الكون ) ... دُمت للشعر والشعراء ولمحبينك يا أبو سعد ❤