لما النرجسي غبي وهش وضعيف ازاي بيقدر يخدع الناجحة الذكية ويحولها لحطام بني ادم؟

رقم حجز الاستشارات وكورس كوني ملكة : ٠٠٢٠١١٥٠٥٨٦٠٥٢
طالما النرجسي ضعيف وغبي ازاي بيختار الضحية القوية وبيعرف يوقعها ف شباكه وبيقدر يتلاعب بيها ويوصل ضحايا للإنهيار وعنده ثبات انفعالي شديد وبيعمل معاها كل المراحل ال بينفذها معاها دورات الاستغلال وازاي بيكون هو المتحكم ف العلاقة من بقاء او إلقاء وتخلي
النرجسي ضعيف داخليا وهش بس بيخاف من مين ؟ من اللي اقوى منه لكن اللي اضعف منه فهو فريسة سهلة زيه زي أي حيوان مفترس بيخاف من الحيوان الاشرس منه والاقوى ، واي حيوان مفترس ماعندوش عقل ولا ذكاء ومع ذلك بيعرف يختار فريسة وزنها كبير وتكفيه وتكفي عيلته ،يعني الأسد مثلا مش بيروح يصطاد ارنب لا داب يصطاد حيوانات كبيرة ،هو ازاي بقى بيختار ؟ وازاي بيميز؟ بالغريزة اللي ربنا خلقها فيه مش بالذكاء الأسد ربنا مديه مهارة الصيد عشان يبقى على قيد الحياة وعشان استمرارية النوع ، اما البني ادم فربنا مديه مهارة التودد للانثى عشان استمرارية النوع برضه ، مهاردة التودد دي مش ذكاء دي مهارة متعلقة بالمشاعر والتعاطف فبالتالي بتكون تلقائية وطبيعية عن الاسوياء ، اما عند النرجسي فبتكون بالتعلم والمراقبة والتقليد ودة اللي بنسميه التعاطف الادراكي ،اللي هو انا عارف لما عايز اتعاطف اتصرف ازاي لكن مش حاسس التعاطف ،والتودد نفس الكلام انا عارف اتودد ازاي لكن بدون إحساس ،هو اتعلم دة من اللي حواليه او من الأفلام والقصص وهكذا ، فمازال الموضوع مش مووضوع ذكاء هو مجرد تعلم ، اما بقى التلاعب بعد الحصول ع الفريسة والتحقير والتقليل والجاسلايتينج فدة بيحصل ازاي؟ كلنا عارفين ان النرجسي واقف نموه النفسي عن عمر الطفولة فلما نيجي نحلل تصرفاته من المنطلق دة حنلاقي انه بيتصرف فعلا بنفس طريقة الطفل وبردود أفعال الطفل يعني مثلا الطفل لما بيشوف لعبة في ايد طفل تاني وبيكون عايز ياخدها لنفسه بيعمل ايه بيروح يخطفها منه بمنتهى التلقائية ويقول له هات ولو الطفل التاني مرضيش يديها له بيضربه وبعد مايضربه كمان يبكي ويقول بتاعتي عايزها وهي مش بتاعته ولا حاجة وتيجي انتي لو مش عارفة اللعبة أصلا بتاعة مين حتشكي وتقولي اكيد بتاعة اللي بيعيط وعمال يقول دي بتاعتي . الطفل بيكون مش مدرك انه بيؤذي صاحبه ولا مدرك انه بياخد حاجة مش بتاعته هو لسة ماعندوش ادراك الحدود والحريات والملكية ،هو متخيل ان في العالم دة أي حاجة تيجي ادامه وتعجبه فهي من حقه ومن ممتلكاته كمان وانه لو ما اخدهاش حيهاجم اللي منعه ياخدها ، دي تصرفات الأطفال بناء على مستوى ادراكهم وعدم تعلمهم وعدم وجود خبرات حياتية عندهم ، طيب بالنسبة للتصرفات دي مش هي دي تصرفات النرجسي؟ لو عايز منك حاجة بتاعتك بيطلبها بعجرفة ولو رفضتي تديها له بيعمل غضب نرجسي او صمت عقابي ولو صممتي يعمل جاسلايتينج ويقول لك انتي قلتي حتديها لي وانتي ماقلتيش او يقول لك دي أصلا بتاعتي وانتي اخدتيها مني وهي بتاعتك انتي فعلا .الفرق بين النرجسي والطفل ان النرجسي بالغ عاقل ومدرك وعنده خبرات حياتية تخليه مدرك انه بيؤذي اللي ادامه وان اللي بيعمله مش من حقه .
المهم في النهاية اللي عايزة أقولهولك ان التلاعب النرجسي دة مش ذكاء دة لؤم وفيه فرق كبير بين اللؤم والمكر وبين الذكاء
طيب ايه اللي بيساعد النرجسي ان يكون عنده ثبات انفعالي اثناء التلاعب؟ انعدام المشاعر ، ماهو مش حاسس بحد ومش فارق معاه حد أصلا ، مش بيحبك فعادي يتلاعب بيكي بدون أي انفعالات ، وطبعا انعدام المشاعر بتخليه بيتحكم في البقاء في العلاقة او الالقاء على حسب هو مصلحته فين ،واخد مصلحته حيقعد ومش واخدها حيمشي لانه أصلا مش فارق معاه بشر ولا حب ولا أي حاجة من بتاعة البني ادمين الاسوياء فايه اللي حيكونصعب في انه يترك او يقعد؟
عشان كدة دايما أقول لكم مش حينفع تتلاعبي بالنرجسي الا اذا تعافيتي من الإدمان وقدرتي تحيدي مشاعرك تجاهه