Рет қаралды 6,618
الناس ما تبتلي من روس عقّالها
دايم بلاويّها من روس جهّالها
لو كل جاهل ليا جته المواقف سكت
ما كان شفت الجهالة يكبر ظلالها
أقضب عيالك عن العالم بحزم وعزم
عشان كل الخلايق تقضب عيالها
الناس مثلك بعد تزعل بوقت الغلط
تهمل مواجيبها تذبحك باهمالها
الوقت يكشف لك وجيهٍ مهي بتنكشف
مـَعْ كل هبّة هبوب تبيِّن أشكالها
والناس ما تنوزن بالمال يا مسندي
أكبر غلط لا وزنت الناس بأموالها
مجالسٍ خمسة بخمسة ولا لك محل
أربع وعشرين ساعة تطبخ ادلالها
ومجالسٍ ( كبرها كبراه ) ما تندهل
حتى بساس الحواري ما تعنّى لها
معادن الخلق ما تظهر بوقت الرخا
لا صمّلت شف معادنها من أفعالها
واللي ما يقدر ( نفصلِّه ثياب العذر )
حنا أكثر اللي يعذْر الناس وأحوالها
يا ليت بعض الهقاوي قبل لا تنهقي
ما تنهقي غير تدري وين مدهالها ؟
للشاعر سعد المطرفي
بصوت #سامر_الخزاعلة