الشاعر عبدالعزيز بن حمد البادي والشاعر مطلق بن حميد الثبيتي ، علامك تفتش بين مسلم ونصراني ١٨-٠٦-١٤٠٠

Рет қаралды 1,832

الشاعر / عبدالعزيز بن حمد بن محمد البادي رحمه الله

Күн бұрын

تويتر / @ABDULAZIZ_ALBAD
تك توك /@ abdulaziz_albadi
16 # محاورة { علامك تفتش بين مسلم ونصراني - الرياض - حفل الجامعة (الجنادرية) 18-06-1400هـ } بين الشاعرين { عبدالعزيز البادي **مطلق بن حميد الثبيتي }
الأبيات :
عبدالعزيز البادي
سلامي على اهل الحفل حاكم ومحكوم
عدد ما يهل الوبل من غر الامزاني
وصلنا على دعوهـ وميعاد معلوم
بعد زلّ عيد العام ذا عيدنا الثاني
مطلق الثبيتي
هلا مرحبا واهلين يا ريّس القوم
يا راعي عنيزة مرّني لا تعدّاني
بغينا مع العربان لكنّ مقسوم
رمونا بعيد وكن ما شانهم شاني
عبدالعزيز البادي
تراني مسيلٍ عنك قبل امس واليوم
أبويه على عشرة هل العرف وصّاني
وانا منهجي واضح ولا هوب مكتوم
فلاكن مدري عنك يا فلان وفلاني
مطلق الثبيتي
أنا لو ذبحت الذيب ما هوب مظلوم
كما انه يصبح راعي البل والضاني
ترى السيف له حدّين والرمح مسموم
وابا اخبر عزيّز قبل حزّات الاكواني
عبدالعزيز البادي
كثير العرب عن كسب الاطماع محروم
يفوته نصيبه بالضحى والمسياني
انا سامعٍ سيرة خرافات واعلوم
ولا لي دخل في علم فلبي وجازاني
مطلق الثبيتي
ومن كثّر الترحيب والزاد ميدوم
يبا ياكله بين العرب كل جيعاني
وانا اوحيت لي صجّة وانا شفت لي حوم
تعشّاك ابو ناب عوج ما تعشّاني
عبدالعزيز البادي
انا حاسبك يا راس صاحي عن النوم
يعرّض لنا من ربعنا اشكال والواني
بطون الليالي لقاح واللّي ولد توم
ولو راب ما الثلاج ما توّب الزّاني
مطلق الثبيتي
ليا مات ابو خرجين ما هوب مرحوم
إله خرج فاضي مار له خرج ملياني
وبرطم شريم اللي من العام مشروم
يبونه يشب النار والحال تعباني
عبدالعزيز البادي
الا قامت الطلبه ترى الحق مقسوم
يبى ياخذون الحق ذربين الايماني
والا يا حليلك يا مغني على الزوم
غشاك السواد اليوم داخل وبرّاني
مطلق الثبيتي
ويا الظرف يا للي كنت بالختم مختوم
علامك تفتش بين مسلم ونصراني
احشّمك لوّ انك مع الحلق ملزوم
وانا مكتسي وانته من الثوب عرياني
عبدالعزيز البادي
ترى الطير يا راع القرافيش ملحوم
من العزوهـ اللي فعلها للعرب باني

Пікірлер: 10

@SalehSaleh-fc6yq 3 ай бұрын

الله يعطيكم العافيه علي هالقناة خصوصا وانه لشاعر العلم عبدالعزيز البادي الشاعر المميز بادئه وقوة شعره. والذي قدم مساجلات كثيره وقويه مع شعرا كثر. رحمه الله رحمة واسعه ورحم الله مطلق الثبيتي وادخلهم جنات النعيم

@ADBULAZIZ_ALBADI 2 ай бұрын

اللهم آمين