لو لسه ما بدأتش.. خطتك لإنقاذ الثانوية العامة في آخر 4 شهور

لو لسه ما بدأتش خطتك لإنقاذ الثانوية العامة، الفيديو ده ليك! هنتكلم عن خطة قوية تنفع للطلاب اللي لسه مش عارفين يبدأوا، أو حتى اللي مش فتحوا المنهج لحد دلوقتي. ركز معايا لأن الفيديو ده فيه خطوات عملية هتساعدك تطلع من الصفر وتحقق أحلامك في آخر 4 شهور
تابع الفيديو للنهاية عشان تعرف الخطة اللي ممكن تغيّر حياتك الدراسية بالكامل.
ما تنساش تشارك الفيديو مع أي حد محتاج الدعم أو تحس إنه تايه في مذاكرته!
#ثانوية_عامة #تحفيز_الدراسة #خطط_المذاكرة #نجاح #الثانوية_العامة #الثانوية #الثانوية_2025 #الدراسة #تحفيز #تنظيم_الوقت #تحقيق_الأهداف #مذاكرة_فعالة
خطط المذاكرة، الثانوية العامة، إنقاذ الدراسة، خطة من الصفر، المذاكرة الفعالة، الثانوية العامة 2025، تحفيز الطلاب، نصائح دراسية، خطة الثانوية العامة في 4 شهور، إدارة الوقت، النجاح في الثانوية العامة.
www.instagram....
• أنقذ مستقبلك في الثانو...

[@amirasayd-l1l]

هو فيه حد ضايع ذيى هنا😢؟

[@AmrAlderwasley]

أنا 😢😢😢😢😢😢😂

[@AdhamGamal-h9t]

صيحو وخليكم مكانكم كده وقعدوا اتفرج على تحفيز لساعتين وتيجو تذاكرو متذكروش غير خمس دقايق... فوقو يا اخواتى متضيعوش نفسكو بالله عليكم أبدوا من دلوقتي وهتلحقو ربنا معاكم❤❤

[@NesreenMahmoud-c4c]

@@AdhamGamal-h9t والله ذاكرت باب كيمياء النهارده من قبل الفجر لحد الظهر جيت احل ما عرفتش 🥲😂 هو ده عادي 😂🥲

[@RYA-k1w]

اه عادي جدا 😊 ركز باب كيمياء كتير في يوم بس لو انت مستوعب كدا تمام بس ذاكر قليل بتركيز وحل أحسن من كدا بس انك تسعى وتذاكر احسن من إنك تفضل واقف مكانك​@NesreenMahmoud-c4c

[@Rwan_roroo]

انا 😢

[@بدرالصيفي-ك5ز]

محاولاتك وسعيك المتڪرر مش هيروحوا هباءً بإذن الله، فلا بأس بڪثير من المحاولة، يصحبها ڪثير من النضج والتغيير في الآليات. مشڪلتنا أننا مش عاوزين إلا الأثر الدنيوي الملموس، ونسينا عِظم أجر السّعي د.أحمد عبدالمنعم.

[@basmalasobhy-v2l]

ربنا يجازي حضرتك كل خير فيديوهات حضرتك بتريحني وبتشيل كتير حرفياً يارب ادخل طب بشري واجي افرح حضرتك يارب🥺❤❤❤🥼

[@AdhamScov]

إن شاء الله ربنا يوفقك يا رب 🤍

[@MawdaKaram-p9m]

جزاك الله خيرا ❤

[@AdhamScov]

حبيبي تسلم 🤍

[@بدرالصيفي-ك5ز]

- ​​​لا بأس ... الخوف والحزن، والخذلان والخسارة، وكل مشاعر الانطفاء واردة في هذه الدنيا، بل قد يبدو لك أن المواساة لم تعد تجدي نفعا مع حالك، ولكن سأقول لك شيئا هنا: رَبك قريبٌ منك، ربك عَظيم ذو رحمة واسعة، لن يترك حُزنك عبثا، ولا دمعك ينهل هَباء، ولن يدع ظنك الجميل به ينطفئ يأسًا ! يعلم ربك موضع كسرك، فيجبره بقدرته يدبر لك كل شيء وأنت لا تشعر، يدبر الأوقات والظروف، ثم يذهلك بعظمة ترتيبه، فترضیٰ .

[@zezezeze-hy7ro]

لازم الحفظ يا شباب يعني مينفعش تفهم بس ..لازم فهم وحفظ

[@فجر-ك1ر3ط]

انا بنام الساعة 6المغرب وبعدها اصحي الساعة 12ص اصلي العشاء وابدائ اذاكر لقبل الفجر بنص ساعة واصلي قيام الليل واقراء قرآن للفجر واصلي الفجر وبعدها اشوف الاذكار وأقوم أفطر واكمل مذاكرة للضهر واصلي واطلع الدرس ارجع علي الساعة 5اكل حاجة واصلي العصر وبعدها اشوف خدت ايه في الدرس مراجعة بسيطة عشان أرتب أفكاري ازاي هذاكره بعد كدة وايه حتت الفهم وايه حتت الحفظ وبعدها اصلي المغرب وانام 😊😊😊 والله المستعان ❤يا رب توفيقق 🤍

[@ياحبيبيياالله-ش1د]

وطبعا اوعوا تنسوا علاقتكم مع ربنا حت لو ذكرات واجتهد ولكن علاقتك مع ربنا تكاد ان تنعدم. عايزه ابشرك انت وانتي مش هتوصلوا لي حاجه بس حلوه عايزه ابشرك اهم حاجه الصلاه والرجوع الي الله واهم حاجه كن لنفسك كل شي 🤍 لا احد يستحق 🦋🖤

[@AlaaAbedElgawaad]

شكرا بجد ❤

[@AdhamScov]

العفو 🤍🤍

[@rahmadahduoh7792]

بالنسبه للشرح نسمع المحاضرات مع ان عددهم كبير ولا المعسكرات لان ف مدرسين بيقولو لو مبداتش المعسكر دا هيدك والكلام دا وبرضو لو كذا ماده نركز ع مادن معينه بس نخلص المتراكم وبعدين الماده الى بعدها ولا نسمع حصه هنا وحصه هنا

[@آية-ن6ت]

صلى على النبى

[@AdhamScov]

عليه افضل الصلاه والسلام 🤍

[@SamahMohamed-w4g]

شكرا جداً لحضرتك ❤

[@AdhamScov]

العفو

[@shahdamr9932]

ربنا يجازيك كل خير ❤

[@AdhamScov]

اللهم آمين يا رب

[@MarwaIbrahim-l3q]

ياجدعان حاسه اني فاشله اوي مهما اذاكر برضو مفيش فايده بجاوب غلط كتير وبعك كتير اوي😢 وبرضو مفيش فايده هتهبل مع اني بذاكر مش عارفه أهمل اي كل ما اهتم ارجع تاني😢😢😢

[@AdhamScov]

نزلت فديو عن الحوار ده يمكن طريقة المزاكره نفسها غلط او تجربي تتفرجي على فديوهات حل وتعرفي الأخطاء وحاولي تركزي فيها وإن شاء الله مع التكرار الدنيا تظبط

[@HabebaHassan-cl3vg]

نا ضايعه في الفزيا😢 اعمل اي كل م اجي ابدا الاقي كتير ومش عارفه انجز بجددد

[@IslamMofreh]

انا زيك انا لسه في الفصل الأول لو فضلت اقول مش عارف اعمل ايه مش هذاكر وهعمل للي اقدر عليه المهم اكون على الاقل تعبت شويه صغيرين سواء في النهايه ربنا كافئني ولا لا المهم اكون عملت اللى عليه عشان مندمش يوم النتيجه

[@AdhamScov]

اي حاجه هتعملها افضل من انك متفتحيش الماده حتي لو شايفه انك متأخره والله لسه في وقت في أربع شهور كتير بس أبدا

[@EmanMohammad-g4m]

طب بالنسبه لللي كويس اصلا بس وانا براجع حاسه ان فاكره شويه تمام اجي احل حاسه ان انا نسيت طريقه حل الابواب اللي فاتتت بليز فيدنييي

[@AdhamScov]

طبيعي جدًا تحسي كده لما تركزي على الجديد وتبعدي عن اللي فات شوية. الحل إنك ترجعي تسمعي شرح مختصر علي اليوتيوب مثلا ملخص الباب الأول في الفزياء وبعدين تحلي أسئلة سريعة على الأبواب القديمة كل فترة، زي مراجعة خفيفة، عشان تفتكري الطريقة وتثبتيها أكتر.

[@atrrabia1265]

‏‪1:35‬‏ كله ما عدا الأحياء 😢

[@بدرالصيفي-ك5ز]

تالته ثانوي ازهر دعواتكم فضلا ادخل طب بشري في دمياط

[@AdhamScov]

باذن الله ربنا يوفقك 🤲🤍

[@Abdelrahman78540]

حرفيا مفتحتش رياضه ولا كيمياء ولا فيزياء

[@mohamedandeel9303]

❤❤

[@لؤيمحمود-ح8ح]

مضغطتش نفسي يعنى كام محاضرة فى اليوم

[@AdhamScov]

علي حسب انت تقدر تستوعب اد اي مش كلنا زي بعض بس لو محاضرتين في اليوم مع حل عليهم كويس جداً

[@Sandril-sm6ud]

انا معنديش انستجرام بس هكتبهم هنا انا مشكلتى انى لسه هبدا منهج و لقيت انوا عليا كم هائل من محاضرات 50فيزياء ب12درس و24انجلش ب 8يونت و25عربى و28احياءب9دروس 30بكيمياء ب15 درس و7جولوجيا ب5دروس وانا مشتريه لكل ماده كتابين غير كتب مدرسين ممكن لو سمحت تقولى اخلصهم ازاى واعمل ايه فتره جاية ومعلش لو طولت وشكرا مقدما

[@ShahdAbdo-e6d]

انا زيك بظبط وبجد مش عارفه اعمل اى 😢😢😢😢😢😢😢😢😢😢😢

[@AdhamScov]

حاولت أظبتها لكن هي بتعتمد عليكي وانتي إن شاء الله تقدري ،عندك 4 شهور، قسمي وقتك في الشهر الأول، ركز على الفيزياء والانجلش . حاولي تذاكري 1-2 محاضرة في الفيزياء و1 محاضرة في الإنجليزي يوميًا. باقي المواد زي الأحياء والعربي كملهم بالتوازي. في الشهر الثاني، واصلي في الفيزياء والإنجليزي بنفس المعدل، وأبدي تركز على الأحياء والعربي. خصص يومين في الأسبوع للكيمياء والجيولوجيا. في الشهر الثالث، ابدأ في المراجعة وحل أسئلة امتحانات سابقة. في الشهر الرابع، ركز على المراجعة النهائية وحل امتحانات تجريبية. المهم يكون عندك تنظيم، تذاكر 4-5 ساعات يوميًا، الفهم أولاً ثم الحفظ. بالتوفيق

[@Sandril-sm6ud]

طيب والحل احل فتره دى من كتاب ولا كتابين بجانب كتاب مستر

[@Sandril-sm6ud]

طيب لو سمحت هو الأحسن انى اخلص كل أسبوع فصل من كل ماده وفصل ب7او 8محاضرات ويخلص منهج كامل على نص 3 ولا الأفضل انى اقسم كل يوم 3محاضرات من متراكم واخلص منهج ترم الاول فى شهر 2وابدا منهج ترم تانى فى شهر 3 واخلص معاهم منهج ويبدأ 4شهر مراجعات اراجع وكدا انها خطه الأفضل

[@الملكه-ح4ق]

الحل انك عندك وقت بس وقت لازم توزينه بمعني انك كل الي كتبتيه تبدائي ف السهل زي العربي والانجليزي طب ازاي اولا العربي اسمعي مراجعات ومحمد صلاح هيعمل برنامج يلم فيه او ممكن تسمعي مراجعات 2024 والانجليزي مس مي مجدي عامله معسكر 13 ساعه تقدري تلميه ف اسبوع لو مضغوطه بس لو عادي تلميه ف يومين او تالته حسب قدرتك والفيزياء اسمعي محاضراتك وخلي هي يوم لوحدها ويكون معاها حفظ كلمات بس وعندك احياء جوهري كان عامل معسكر اشتركيه واسمعيه والكيمياء اسمعي ورشه عبد المعطي بجد هتلملك هو مقسمهم وان شاء نلم كلنا واتمني اكون فيدتك

[@MpoEtq]

يعني لو محاضرتين في اليوم كويس يعني مثلا اخلص تراكمات الكميا بعديها فيزيا وهكذا

[@AdhamScov]

طبعاً كويس جداً وطبق عليهم وراجع على اللي متراكم 🤍

[@MpoEtq]

@AdhamScov حتي لو لسه هبدأ في كله

[@ReemMokhtar-d1t]

Keep going 🤍

[@AdhamScov]

Always🤍

[@ReemMokhtar-d1t]

@@AdhamScov 🤍🤍

[@rahmaadel-l5d]

لو سمحت حضرتك كنت بتنام كام ساعه في اليوم وعلشان اصحي الساعه 2 المفروض انام من امتي وشكرا لحضرتك

[@AdhamScov]

بصراحة في بدايه السنه مكنتش بركز مع حوار النوم ده كنت بنام 8 ساعات وأوقات 10 ،لكن من بدايه شهر 3 كنت بنام تقريبا 7 ساعات وأوقات غصب عني 6 ،وعشان تصحي 2 محتاجه اعتقد تنامي 7 الأفضل طبعاً نامي 9وأصحي الساعه 4 .

[@Asmaa-d9x]

الساعه 9 كويسه جدا ولو عرفتى 8 يبقى خير وبركه انا حاليا بعمل كدا والصراحه دا احسن وقت للمزاكره والله عن تجربه انا حرفياً جربت كل المواعيد ودا اللي نفع معايا

[@Sandril-sm6ud]

نوم 5ساعات بيكفى انك تكملى لاخر اليوم ولا بتنامى فى نص اليوم

[@Asmaa-d9x]

@Sandril-sm6ud هوا انا بفضل فايقه لحد 9 وبعدين بنام لحد الظهر

[@rahmaadel-l5d]

يعني مش بتنامي خالص غير من 9 الصبح لحد الظهر ده طول اليوم

[@omarreda921]

🔥♥️

[@AdhamScov]

🤍

[@Mennaallah-c5p]

انا مراكمه 7 محاضرات فيزياء 3 عربي و الترم الاول انجليزي 9 محاضرات كيمياء اقسمهم ازاي مع العلم ان الإنجليزي يعتبر الماده صعبه علشان مش بحفظ كلمات طول السنين اللى فاتت انا ممكن اذاكر عدد ساعات كتير بس مش عارفه ابدأ إزاي 🙂

[@AdhamScov]

ابدئي بالإنجليزي حتي لو محاضرة يوميًا عشان تكسري رهبتك منه. بعد كده، قسّمي المحاضرات على الأيام الجاية، مثلًا: 2 فيزياء + 1 كيمياء + 1 عربي يوميًا. ركزي على الملخصات والأسئلة بدل ما تذاكري كل حاجة بالتفصيل. والأهم، متضغطيش نفسك، لو كتير حاولي تقللي بس متوقفيش

[@shahdamr9932]

العربي "النحو" مضايقني بجدد اعمل فيه اي

[@NonaMo-p7c6b]

اتفرجي ع لايفات محمد صلاح وحلي ع كل درس وحاولي تقسمي كل الوحدات كل م تخلصي وحده حلي عليهاا ع طول من اي كتاب وال تخلصيه خشي ع ال بعدو وانشاء الله كلو هيبقا تمام لان انا حاليا ماشيه بالشكل ده ولسه فتحاها من اول الاسبوع ده بس والله ربنا معاكي يارب ❤❤❤

[@ayamatter]

من اول 5فبراير مستر محمد صلاح عامل خطه للي مذاكرش حاجه خالص واللى ذاكر شويه خطتين يعني الحقي وتابعيهم عشان هيفرقوا جامد جداً كل السنين اللى فاتت قالت الخطه دي اللى انقذتها ادخلي قناة المستر وافهمي الخطه ماشيه ازاي

[@Lola-b8y5k]

مش بعرف احل عربي و انجليزي

[@sondosmohamed7311]

اسمعي حل

[@AdhamScov]

العربي بيتذاكر بالتقسيم: أنا كنت بعمل كده النصوص كنت بحفظ الشرح وافهم الأفكار، النحو افهم القواعد وحل كتير، البلاغة ركز على المصطلحات وربطها بالنصوص، الأدب احفظ المدارس وأفكارها، والتعبير جهز أفكار للمواضيع المتوقعة. قسم وقتك وكل يوم جزء وإن شاء الله تظبط الدنيا،لكن الانجلش بصراحه سهل وممتع مفيش مشكله يعني حفظ كلمات وفهم القواعد وحل كتير عليها

[@IslamMofreh]

متراكم عليا ٤٥ محاضره لو في شهر ٢ لو ذاكرت كل يوم مادتين قبل نهايه الشهر هيكون معايا ايام اجيب فيها ١٥ محاضره تانيه ممكن اسيبهم مراجعه على اللي فات وابدأ التيرم التاني في ٣ بنفس النظام معتقدش ان المحاضرات هتكون اكتر من كده عارف انه في رمضان هتكون صعبه بس مفيش حل تانيه ومفيوش يوم يعدي غير وانا مخلص المحاضرتين هل على شهر اربعه اكون خلصت التيرم التاني ولا لا ولو مثلا فيه حاجات واقعه ابدأ اظبطه وكده هل كلامي صح ولا هبد على الفاضي

[@Shahd788-l5z]

صح جدا اعمل كدا طبعا وعمليا المحاضرتين يدوب عالي اليوم مش هتعرف تزود بس خلصهم

[@AdhamScov]

كلامك منطقي جدًا وعملي لو التزمت بيه. تنظيم الوقت وتقسيم المحاضرات بشكل يومي هيساعدك تخلص التراكم بدون ضغط كبير. كمان فكرة إنك تبدأ التيرم الجديد من غير تأخير هتفرق معاك، وخصوصًا لو خصصت وقت للمراجعة. رمضان ممكن يكون تحدي، لكن مع إدارة وقتك كويس، هتقدر تنجز كتير. الأهم إنك تبدأ وتلتزم بالخطه بتاعتك بتاعتك

[@IiufgElkkogvdy]

العربي يتذاكر ازاي بذاكره ومش بعرف احل خالص

[@AdhamScov]

العربي بيتذاكر بالتقسيم: أنا كنت بعمل كده النصوص كنت بحفظ الشرح وافهم الأفكار، النحو افهم القواعد وحل كتير، البلاغة ركز على المصطلحات وربطها بالنصوص، الأدب احفظ المدارس وأفكارها، والتعبير جهز أفكار للمواضيع المتوقعة. قسم وقتك وكل يوم جزء وإن شاء الله تظبط الدنيا

[@sondosmohamed7311]

كلامك عادي انا قولت هتقول حاجة جديدة جماعة في قناة اسمها د.هند احمد عاملة جدول رهيب للمواد خدوه اسكرين وابدأ . بس بصراحة جزء العربي م حبتهوش ف اخترت اتابع برنامج انقاذ عزوز مستر محمد صلاح عامل عظمة يوم واحد اتنين ان شاء الله مش هراكم والله المستعان ❤❤ادعولي ولكم بالمثل ❤😊

[@AdhamScov]

طبعاً مش محتاج هقولك إن كل شخص بيختلف عن التاني وإن انت اللي المفروض تعمل الجدول ده لنفسك على قد قدراتك ووقتك واستيعابك وانا قولت لو حد مش عارف يكلوا محتاج أنا اللي اعمله ليه عادي بس يقولي هو يقدر يذاكر كام ساعه في اليوم ،كلنا مش واحد في النقطه دي بس عموماً ربنا يوفقك .

[@Asmaa-d9x]

هوا انت فاكره إن احنى كلنا زى بعضنا اكيد لأ انا شوفت مليون جدول قبل كدا بس مبلتزمش بيهم انا إلى لازم اعمل لنفسى عشان انا إلى اضرى بنفسى هوا كل إلى عليه بيدينا نصايح من خلال التجارب إلى شفها وانا شايفه إن الفيديو مفيد ولو انت مش عجبك بتروحى تشوفى فيديو تانى مش لازم تنتقدى وخلاص

[@sondosmohamed7311]

@@AdhamScov ماشي بس الواحد جي من ضغط ومحاولات كتير لكذا جدول وفشل ف كنت فقدت الأمل خلاص و اللي قصدته ان احنا عايزين حاجة عملي انو الكلام المعنوي اتعرضنا ليه كتير هي فعلا مكترة ساعات الجدول بس دي اقدر اغيرها انا وطبعا مش قصدي اهانة ليك كل الاحترام.🤍 القصة اني حبيت أشارك حاجة استفدت بيها وبس.🤍🤍

[@sondosmohamed7311]

@Asmaa-d9x والله الكلام دا تقوليه لنفسك لان انا مكنتش جربت جداول قبل كدا اننا مش زي بعض ثانيا في حاجة اسمها نقد بناء انا لا بشتم ولا ب اسئ لحد دي وجه نظري وقولتها .حضرتك مش عاجبك مش فارقة لان م طلبش رأيك اصلا .واشوف زي م انا عايزة حضرتك بتدفعي باقة النت؟🤨

[@Asmaa-d9x]

من الواضح إن انت مش عايزه تفهمى هوا اكيد تعب فى تصوير الفيديو ويجى حد يقولو الكلام مش مفيد ومفيش حاجه جديده يبقى اكيد دى حاجه تزعل وعلى فكره فى جداول كتير جداً على النت واعتقد اى حد ممكن يبحث ويطلعلوا جدول فامش لازم كل واحد بيدى نصايح يقعد يقولنا ازاى نعمل جدول وبعدين مش انت إلى هتعرفينى اقول رأيى ولا لأ ابقى عرفى نفسك الاول إن محدش طلب رأيك من البدايه 😒

[@lilddm]

انا لسه في اول شهر فيزياء و حاسس اني مش فاهم اي حاجه هل في مدرس بترشحه بيبسط اكتر ولا هيا كده كده الفيزياء مبتتفهمش و عايزه مجهود عشان مظلمش الاستاذ الي باخد معاه

[@AdhamScov]

مش فاهم حاجه خالص !اكيد في مشكله مش لازم منك او من المدرس يمكن انت أصلا مش بتفهم من المدرس ده ومحتاج مدرس تاني جرب طيب تشوف حد تاني يمكن يكون فعلا الحل في انك تغير ،كان في شخص اسمه الدكتور في الفزياء اعتقد اسمه كده كنت معاه أيام ما كنت في 3 ثانوي

[@lilddm]

@@AdhamScov انا باخد مع استاذ عبد المعبود

[@Mahm-edgcho]

في مستر كرلس واسم القناه بتاعته الدكتور في الفيزياء مكنتش باخد معاه اول السنه غيرت المدرس اللي كنت باخد عنده لان مكنتش بفهم منه كويس وكملت مع دكتور كرلس وبفهم الفيزياء افضل بكتير من الاول وهو منزل فيديو علي اليوتيوب شرح الباب الاول والتاني ممكن تشوف الشرح لو فهمت كمل معاه وعامل معسكر علي المنصه مراجعه اتلت أبواب وبعدين هبدا في الباب الرابع شرح

[@lilddm]

@ تمام شكرا

[@اسراءحنفي-و6ك]

انا ذكية جدا وبفهم بسرعة بس لما بذاكر بس انا مش بذاكر ومكبره دماغي اوي وبقعد اعيط علي التراكمات ومش عارفه اعمل ايه مفيش شغف مش عارفه في حد زي ولا ء 😢

[@IiufgElkkogvdy]

نفس الكلام

[@sondosmohamed7311]

+ واحد🙃

[@IiufgElkkogvdy]

@sondosmohamed7311 ربنا معانى بجد

[@IiufgElkkogvdy]

@ ربنا معانا بجد

[@SamahMohamed-w4g]

نفس الكلام والله

[@بدرالصيفي-ك5ز]

تالته ثانوي ازهر دعواتكم فضلا ادخل طب بشري في دمياط