Рет қаралды 7,151
رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
انتي بتكوني ازاي وانتي حدودك ضعيفة ؟
تعالي نتكلم شوية عنك إنت حاسة بإيه تقدري تعبري عن مشاعرك وتقولي لي إنت حاسة بإيه دلوقتي هل إنت حاسة بعدم الأمان سواء عاطفي أو مادي هل إنت يسهل استفزازك وبتندفعي في ردود أفعالك هل إنتي عندك علاقات متشابكة ومش صحية هل أصحابك وقرايبك وأخواتك وكل إللي بيعرفوكي بيرموا عليكي مشاكلهم وإنتي واخدة دور المصلح والمنقذ وغرقانة في حياة الآخرين ومشاكلهم إذا إنت الشخص ده فإنت محتاجة تبني حدودك
الحدود بتدينا إحساس بالأمان العاطفي ، وغيابها بيتسبب في علاقات متشابكة وغير صحية ، الشخص إللي مش بيعرف يحط حدود غالبا بيكون فاقد للشغف مش حابب حاجة معينة ملوش طلبات مش عارف بيحب إيه وبيكره إيه بيروح يسأل حواليه أنتوا بتحبو إيه ويعمل زيهم لو حد سأله عايز إيه يقول مش عارف إنت عايز إيه مش عارف ياخد قرار في حاجة مش عايز يزعل حد منه بيخلي الناس تاخد قرارات عنه عندهم إحساس عميق بعدم الأمان
عارفين ليه مش عارف بيحب ايه ؟ عارفين ليه فاقد الشغف؟ لانه مش عارف نفسه لانه فيه فجوة بينه وبين نفسه لان علاقته بنفسه فيها مشكلة فيه خصام وبعد واحيانا هروب منها ، مش عايزة تبصي عليها مش عايزة تقربي منها دايما بتنشغلي باي حاجة بعيد عنها لانك مش فاهماها واحيانا بتهربي من جروحها ، وبتكون النتيجة احساسك بالغربة عنها وتبقي مش فاهماها .
ماهو انتي لو فهمتيها حتعرفي هي عايزة ايه وبالتالي حتقدري تحطي حدودك ، طيب بتهربي من نفسك ليه ومش عايزة تسمعيها ولا تسمعي احتياجاتها ، هي مين نفسك دي؟ نفسك هي جسدك وروحك مع بعض هل انتي بتسمعي جسدك ؟ هل بتتجاوبي معاه لما يرفض حاجة هل بتسمعيه لما يطلب حاجة ؟ اول خطوة في قربك من نفسك هي قربك من جسدك ، واحترامك له ولاحتياجاته ورضاكي عنه ومسامحتك له وتسامحك مع أي حادث حصل له ، وتفهمك ان أي حادث اختراق للجسد دة هو ملوش ذنب فيه وان لو انتي كرهتيه بسبب ان حد تعدى عليه او تنمر عليه فانتي كدة بتظلميه يعني بتظلمي نفسك .
غيري افكارك عن نفسك وعن جسدك وعن شكلك وصححي مفاهيمك عن نفسك ، اشبعي روحك بالقرآن والقرب من ربنا عشان ينور بصيرتك وتشوفي الحق حق وتقدري تقدري نعم ربنا عليكي في نفسك فترضي عن جسدك وبالتالي ترضي عن نفسك وتحسني علاقتك بيها ، فتفهميها وتفهمي بتحب ايه وبتكره ايه وتعرفي شغفها ايه وحدودها ايه وتفرضيها وتقويها ،
لما بتكوني بعيدة عن نفسك مش بتعرفي تعبري عنها ولا عن مشاعرك لانك أصلا مش فاهماها او لانك ماتعلمتيش تعبري عنها او لانك كنتي بتتعرضي للأذى لو عبرتي ، لازم تفهمي ان دة كان وانتي ضعيفة ودلوقتي انتي اقوى دلوقتي انتي غير دلوقتي امانك مع ربم دلوقتي محدش حيقدر يؤذيكي انتي دلوقتي انتي مش امبارح ولا في الماضي استشعري اللحظة الحالية وافهمي ان الأذى خلص انه كان في الماضي وخلص ودلوقتي انتي في امان ربنا وحفظه ، دلوقتي انتي اقوى بربك واقدر بقدرته فلازم تبدأي تتحركي في اتجاه نفسك وتحاولي تقربي منها
شوفي احنا حناخد اول خطوة في اتجاه نفسنا اننا نحاول نفهمها . طيب انتي حتفهمي نفسك ازاي وتكوني واعية بيها؟ اللي بيقولوا عليه الوعي الذاتي دة ازاي يحصل ؟ انك تقعدي تتأملي عارفين يعني ايه تأمل ؟ تَأَمَّلَ الشيءَ،: تدبره وأَعاد النظر فيه مرة بعد أخرى لِيَسْتَيْقِنَه ، يعني يفكر في الشيء مرارا وتكرارا عشان يتيقن منه ، او انه تفكير متعمق في ايه بقى في افكارك ومشاعرك من غير ماتحكمي عليها بس ركزي التفكير فيها وحاولي تفهميها وتتعرفي عليها ، خصصي وقت لدة فكري واكتبي افكارك ومشاعرك يوميا واقرأي كتاباتك حتكتشفي حاجات جميلة عن نفسك ماكنتيش عارفاها حتنبهري بأفكارك ومشاعرك لانك شخص متعاطف ومشاعرك فياضة وافكارك إبداعية
مفيش مانع من انك تستعيني بمعالج واو اخصائي نفسي يساعدك على التعمق داخليا وحل الصدمات القديمة بالتفريغ الوجداني والتحليل النفسي
من الحاجات السهلة بقى عشان تقربي من نفسك انك تراعي جسدك تعتني بصحتك الجسدية الرياضة ثم الرياضة ثم الرياضة وطبعا التغذية الجيدة والغذا الصحي والنوم الكافي والكريمات والكلام دة لازم اعتني بجسدك وصالحيه عشان هو كمان يصالحك وانتبهي له ولاحتياجاته ، اقبليه زي ماهو ماتتنمريش عليه مع اللي بيتنمروا عليه عامليه زي مابتعاملي اطفالك حافظي عليه لانه نعمة ربنا عليكي وهو حيسألك عنه يوم القيامة ، اقبلي ضعفك زي مابتقبلي قوتك واعترفي بيه وافهمي ان الانسان مستحيل حيكون كامل وطبيعي يكون عندنا نقط ضعف ، لما تمارسي التأمل حتلاحظي الأفكار السلبية اللي اتزرعت في دماغك من النرجسي ومن غيره ، اتعلمي تستبدليها بأفكار صحيحة إيجابية . لو عملتي كل دة حتقربي من نفسك وحتفهميها وتعرفي انتيب تحبي ايه ومش بتحبي ايه وحتقدري تعرفي شغفك وحتقدري تحددي انتي عايزة ايه ورافضة ايه وحتبدأي تفهمي حدود جسدك وقدراته وحدودك النفسية وقدراتك وامتى تقولي لا وامتى تقولي اه بحكمة وبشكل صحي ماتبقاش كلمة لا هي اول رد لكي بدون تفكير زي اللي شاهر السلاح طول الوقت لانه خايف حد يعتدي عليه فتلاقي نفسك بنيتي حدود صلبة ومش صحية وتبعد عنك اقرب الناس لكي ، ولا يكون سلاحك كلمة حاضر وبرضه بيكون سببها الخوف لاحد يزعل منك ويبعد عنك وبكدة مفيش حدود أصلا
اوزني نفسك وابني حدود صحية بناء على قدراتك وقوة تحملك الحقيقية مش اللي انتي بتدعيها وبعدين في الاخر تمرضي وتحبطي وتزعلي من كل اللي حواليكي عشان بيستغلوكي ويخترقوا حدودك وانتي أصلا اللي فاتحاها
0:00-0:58 المقدمة
0:58-1:52 علامات الضعف العاطفى
1:52-2:38 ليه فاقده الشغق
2:38-3:31 مين نفسك
3:31-5:34 أزاى تقربى من نفسك
5:34-10:35 خطوات الوعى بالذات
10:35-10:57 الخاتمة
#صحةـنفسية #القوة #الاكتئاب #النرجسي #النرجسية